2007 年 8 月 20 日 星期一 【晴】

我又累了~~

由jump那晚開始累到而家
jump完去了定福預備門訓的東東
預備到2:30才睡，在定福也睡得不好
6:30起身返屋企沖涼，之後就返工
收工就去食野，然後是如常直踩到晚上
「幸好」成長小組被放飛機﹗

團契大家要搵我簽名
我叫大家讚我先會幫佢地簽
佢地好多都話：你好靚仔呀﹗
我就會話：膚淺，乜我得呢個優點架咩？
當然有好多人都讚我其他野o既，我咁多優點﹗
最正係廖媽媽，佢知道我會話佢膚淺~~如果佢話我靚仔
佢行埋黎同我講：你好高大威猛，肌肉結實呀﹗
我狂笑，直頭想簽返幾個大名比佢~~原因係好好笑@@
好有創意，我出世至而家未有人讚我過呢兩樣野架，佢真係好有眼光﹗﹗^o^

晚上第一次門訓~~
開始門訓之後無幾耐就狂風雷暴
好變態，其實而家又係咁狂閃電、落雨﹗
第一次門訓，幾開心~~
有認真的時候，也有爛的時候
我叫佢地問d有深度d o既問題，佢地問我有冇近視喎~~~~
深信今年又係會超級正，超級開心，超級經歷神

完左門訓~
mc-cafe分享會~~~
時間較為短，但係我都覺得唔錯唔錯~~
舒媚說得對，對佩琦、婷婷來說是很重要的@@
返到屋企差不多一點

星期日教完主日學
去左睇simpsons，幾好笑~~正，二十五蚊
其中一個gag位值十蚊，真係好好笑~~
呵呵

之後執事會，完左執事會
hea了一輪就嚴肅會
嚴肅會很好，但太長~~
去到尾聲我很累呢﹗
十一點八先祈禱，十二點幾先走﹗
返到屋企又係差唔多一點﹗
今朝起身勁唔想返工﹗

一陣食完飯就訓啦~~
十萬個期待門訓camp~
我諗呢幾日都唔會太有心機工作

明晚同中宣同學仔重聚
後晚同約團組重聚
星期四晚同阿慈睇戲
好忙碌~~
主賜我力量﹗

>>August 20, 2007 at 7:52:22 PM GMT+8

2007 年 8 月 18 日 星期六 【晴】

JUMP

JESUS
UPGRADES
MY
POWER

自從JUMP一出
JESUS UPGRADES MY POWER一直在我心中

昨天早上看了鄧家的日記
「當你走到無力」這歌纏擾了好幾個小時~~
昨晚看完JUMP的DRAMA
「不要問我從那裏來」這一句纏擾我直到現在~~
今早還DOWNLOAD了這歌落手機~
遲下搵人CUT左呢一句做鈴聲先@@
呢一幕真係好好笑o羅~~~

我喜歡樂居於主聖殿裏
我喜歡耶穌愛你

總括這晚的JUMP佈道會：榮耀歸主﹗

為決志的弟兄姊妹祈禱~~

>>August 18, 2007 at 11:17:30 AM GMT+8

2007 年 8 月 17 日 星期五 【晴】

前天看了五星級大鼠
又是迪土尼+pixar~~
我是長期支持者
其實應該頗多人都是這樣捧場的﹗
今次這齣，依舊好看~
坦白說，沒有很大的突破
不過，看這類戲好relax

昨晚友人跟我說阿森一族很掂
由於我跟他喜歡的笑話差不多
所以很想看，星期天教完主日學我就會去啦﹗
還有舒媚跟婷婷跟我一起呢﹗
呵呵

今晚 jump，我估場面應該幾墟冚
知道很有多人有份參與
知道他們每一個都很緊張
我都很緊張呢~~
我深信上帝會用得著這個佈道會
叫更多更多人認識祂~~
來吧，現在個mood已經係一個收工mood
但下午仍要在公司戰鬥多三個小時﹗

講開工作，九月開始
我公司會轉五日工
星期六、日不用返工
不過每日要返多25分鐘，OK啦~~
其實公司的業務開始走下坡
我估我做到年尾就會開始搵工lu~~
願上帝指引我的路﹗

>>August 17, 2007 at 1:50:35 PM GMT+8

2007 年 8 月 15 日 星期三 【晴】

RE 舒媚 + 額外評論
盛夏光年都幾好o既~~但比o係西片的愛情故事仍有點距離
其實亞洲人可能比較喜歡拍一些傷感、悲痛的戲
但英國、美國的愛情片真係拍得好浪漫、好舒服、亦比較正面~
單單THE HOLIDAY，已經殺哂﹗
唔使出傲慢與偏見，唔使出真的戀愛了﹗
難道原因真的是香港不是一個浪漫的城巿？
愛情片，我想到港產比較好的已是十多年前，悲劇收場的新不了情
開懷的算是孤男寡女及同居蜜友，但仍然是給比下去
近年，亞洲區中，應該是藉著雨點說愛你是最好的了﹗

Re: 婷婷
可能都有多少期望，咁多人話好睇~~
我對景沒有太大的要求，除非超靚靚得好緊要先可以加分~
但我又唔識欣賞d琴靚唔靚喎~~對於我黎講都係好普通o者
再者，一套戲純粹舊其他東西搵食，我唔覺得係一齣好的戲﹗
始終一齣戲，個劇本，演技，拍攝手法才是最重要呢~~
其他的東西，除非超勁，可以有bonus，但只靠這些卻只能表明基本功力欠奉﹗

>>August 15, 2007 at 1:50:43 PM GMT+8

2007 年 8 月 14 日 星期二 【晴】

上星期看了變形金剛
唔錯~~d機械人好靚~~
衰在好難認~~
好鍾意大黃峰同、麥嘉登同柯柏文…

今晚看了不能說的秘密 (不能著的臭襪)
同大家講明，我不是特別喜歡周杰倫，也不會不喜歡他…
如果我講佢拍o既戲唔好，我都係客觀咁講，
大家唔好見怪啦…
第一個鐘頭，未講到女主角的特別事件前
悶到發瘟~~~好在有得睇下鬥琴，幾有趣
但完全是普通得不得了的愛情故事o羅…
之後有點特別，令我有意看下去o既
但原來睇睇下，條橋又係抄其他戲o既，情流戀屋用左呢條橋啦
仲有好多戲都係咁架喎~~~學阿達話齋，用到爛哂啦
最初45分鐘，見親女主角都係係咁笑
最尾45分鐘，見親女主角都係係咁喊
人唔係剩係笑同喊架嘛？﹗

如果故事以愛情作主線...唔夠冧(lum)﹗唔夠感人﹗睇落唔覺得舒服
如果故事以特別來取悅觀眾...感覺是抄其他戲，
又抄得唔好…破綻累累~~令人不解之處不少
(唔通係我睇唔明？﹗)
好在有黃秋生頂住，影帝果然係影帝，好好演技﹗

音樂幾正咁o羅，但係一套戲只係靠音樂搵食，唔掂架喎﹗
我使乜睇戲先？﹗我買碟返屋企聽都得啦~~~

如果你話套戲好睇，我會反問你點解你會認為好睇？﹗

唉，好日都唔睇港產、大陸或台灣片，一睇就咁~~~
都唔知睇唔睇導火線好…不過導火線應該ok…
都係賣弄甄子丹的功夫，我接受到播~~睇下點啦﹗

>>August 14, 2007 at 11:16:13 PM GMT+8

2007 年 8 月 13 日 星期一 【晴】

受浸大日子
為他們每一個感恩~~
特別是我的門下大弟子龜龜
他的見證講得都不錯
哈哈~~雖然又好多時都講錯野
基督教班主任~~~

其實我最關注係，我6+6幾時會浸哂呢？

今日看了梁牧的一篇文章
他說，不要以為某某事奉沒有了你便不成﹗(我也想想這樣告訴自己的)
但另一句，實在震撼了我的心靈﹗
他說，要告訴自己，你沒有了某某事奉你便不成了﹗
我一想就想到門訓了
無錯，我沒有了門訓，我便不成了~~
我少了很多的學習，經歷上帝的機會
上帝呀：不要拿走我的事奉﹗

>>August 13, 2007 at 10:18:34 PM GMT+8

2007 年 8 月 11 日 星期六 【晴】

日子很忙亂~
幾時才可以悠閒一點？

我應該九月會請兩天大假~~
很想叉電，就快無力了﹗
願上帝賜我力量~~

屬靈生命的貧富懸殊
怎樣去處理？
愛主的越來越愛主
頹廢的越來越頹廢
上帝的心意是這樣的嗎？

成長小組
有人成長了
有人慢慢成長
有人拒絕成長
我想你們有權去選擇的

特別跟兩批這樣的人說以下的話：
一批是埋首讀書的同學，
你們永遠都只把上帝放在次要的位置~~
一批是沉迷玩樂(打機、打波、傾電話)的同學，既不讀書，
屬靈生命只是停留在低位，不健康地發展﹗
難道你們就不可以成長多一點、快一點、為上帝做多一點嗎？
坦白說，你把上帝放在次要的位置，上帝絕對也可以放你在次要的位置
你求求其其看待你的屬靈生命，上帝聽你的祈禱也可以求求其其
小心上帝，上帝是輕慢不得的﹗

昨天是molly的生日、今天是kansee、凊凊的生日：牛一快樂呀﹗
今晚會看阿森一族~~~希望大笑一場﹗

>>August 11, 2007 at 12:05:29 PM GMT+8

2007 年 8 月 9 日 星期四 【晴】

今天是放榜後的一天
昨晚跟琴、鄧家三人會議了個多小時~~
呵呵~~在那時已決定了今早去蔡章閣找鄧家
雖然好想訓多一個鐘~~~但係做師傅的不可以這樣~
睡覺重要還是組員重要，不難判斷
我七點八左右到，鄧家、江俊燊、阿ben在麥當勞吃早餐
加上監視學校情況^o^
八點左右見到有校工返工蔡記
我們在學校門口等
之後校工見大雨，比我地入去等
後來肥富都黎埋啦
其實去到都無咩野，志在為他們打打氣、陪下佢地
等到八點半，我就返公司啦
九點八，我sms鄧家
他說見完，等消息，但蔡記的老師暗示了會收鄧家、肥富同埋江俊燊
阿ben好似就機會一般，心裏都是很擔心他們的
他們之後四圍找學校，但很多學校都跟規距做事
要下午先見十四分以下的人，莫講收人了~~~
下午三點幾，我上網看收生的情況
蔡章閣同李琳明的學額越來越少
但他們仍未有消息~~~
相當擔心~~那刻我還咒罵學校點解咁耐都未通知@@
在公司無咩野做，更無mood做d濕碎野
之後不斷禱告~~~終於四點收到鄧家的sms~~
收了他們三個，阿ben就未收到電話
隔了十分鐘都唔夠，也知道收埋阿ben~
太好了﹗心情輕鬆哂~~之前擔心了太久了
也許，是上帝讓我們學習等候的功課
但係婷婷組還有兩人未搞掂、潘加、大丸都好似未得
要繼續好好的為他們祈禱

明晚本來約了同事打邊爐
但阿慈說拿了票去看巴塞，便推掉了~~
不過最終都去不到，去支持愛怡

>>August 10, 2007 at 12:09:18 AM GMT+8

2007 年 8 月 8 日 星期三 【晴】

今天是一天我必須打日記的一天
中五放榜，返到去，八時三十分~~中五生上班房了
展鵬跟我們一大班非中五生祈禱~~
我為他們擔心到眼濕濕了
一如我所料，舒媚也一定跟我一樣﹗

我第一次上到班房中感受當中的氣氛~~
超級緊張，無幾耐已知道文科20分先收，理科24分
理科有十個尖子
九點未到便派了cert.
舊組門訓，士巴拿在班房
龜龜已拿了cert，出了來
那時只有子進跟阿達來了
叫了龜龜祈禱後便甩卷，
感謝主，有25分~~
知道他順利過度，
只係要知道入唔入到純數組
也知道春卷的分數~~(還可以啦﹗)
在努力找我的其餘門訓組員
見到寶寶，也是25分
她第一句說話是感謝主~~我也感謝主﹗
見到molly在哭，擔心到極
不知她的分數，找了佩琦過去關心她
無耐知道她的分數及五星戰隊
再加上知道她的家人很支持她~~
又為她感恩，放下心頭大石，
雖然她還是哭得很厲害
後來跟她傾了一會，她也說是自己要求高而已
然後到士巴拿了，她拿了cert
自己先看，分數一般，我覺得還可以啦
但她很厲害，雖然失望，但很堅強﹗
我知道是主的平安~~
中間插了知道運雙及芷欣的佳績，令人振奮﹗
然後是餵魚，又很擔心，因為5B的老師講了很久~~
打電話給她，她說好差好差，很擔心她
她昨晚還說個位數字的話會工作呢~~
原來不是~~~比佢嚇死~~~
之後是kansee，見到她的時候
佩琦在攬著她，她已哭成淚人~
又比佢嚇死~~以為是差得很
原來是很marginal，未必入得返~
但見到她哭得很厲害，心都痛埋﹗
同時也知道了joyce的分數~~我不擔心她呢﹗
之後過了5D，早早知道阿朱的分數~~當時全場起哄~~~
在等鄧家的消息，知道了之後，實在為他擔心
見他的心情還可以，展鵬會跟他們一起撲校~~放心了一點﹗

然後是到禮堂的時候，自然知道更多人的分數
有喜有悲~~~最難受是等六甲及六乙班的收生
因為kansee很擔心入不到，因為龜龜、阿朱也在等入不入到純數
原本應該是十點半就出，但係學校搞左好耐
終於出成績﹗
我遠距離看到一個名字，彭春權，大聲叫了出來，他入到了﹗
龜龜也看到，他立刻打給彭權~~~感謝主﹗
龜龜、春卷、運雙、公公、阿朱都入了~~好厲害﹗
龜龜、春卷、運雙：我認為這是上帝給你們最好的受浸禮物﹗
好好榮耀神呀﹗
當時，我同時也見到kansee見到自己的名字
我立刻問她，confirm了，她便喜極而泣~~
那一刻，我也悄悄地流了些眼淚﹗
那一刻，是這天最美妙的一刻﹗

然後是入不到原校的同學仔了~
很多的分數也不錯，所以都ok~~
餵魚、士巴拿、molly無耐都類似有學校認投了~~
就是等下午聯招﹗~~結果餵魚同molly入了同一間
士巴拿入了崇真﹗願你們在另一學校也好好經歷主~~~

知道鄧家要等明天
很為著他擔心，但我相信主會帶領他的~~
最高興是現在跟幾位門訓組員msn
他們每個都問鄧家的情況~~
我見到他們彼此關心，感到上帝的愛在圍繞著我們﹗
鄧家：我們會為你祈禱~~等你明天的好消息﹗

明年8月4日~~~來吧~~
我知道明年的放榜~~也會這樣﹗
中四的同學仔，唔該你地勤力d呀~~~~

@@@@@@@@@@@@@@@@@@@@@@@@@@

29分的同學仔，拔不到尖~~
比阿媽鬧爆~我真係好嬲~
有無搞錯呀~~~~~~

@@@@@@@@@@@@@@@@@@@@@@@@@@

這個放榜，畢生難忘

感謝主，讓我看到很多美麗的圖畫~~~

>>August 8, 2007 at 7:52:51 PM GMT+8

2007 年 8 月 6 日 星期一 【晴】

夏令會
兩個感動位

1. 展鵬講道之小心上帝
2. 敬拜讚美會之門訓三人祈禱~~(阿琴、鄧家，我﹗)

小心上帝
在紐西蘭但尼丁巿教會的教導
傳道人常常講罪，所以某程度上我都幾驚上帝
再加上神以前的親自管教，都真係存敬畏的心
今次神再跟我說，要凡事都懼怕祂
尤其是事奉，要小心自己的心態~~
雖然有時很難去斷定自己是否單一為主
但我會多些反省，注意的~~
我要事事榮耀主﹗

敬拜讚美會的祈禱會
時間不夠長呢~~
先跟詩詩、婷婷祈禱
再跟淑女祈禱
然後跟阿魚、黑帶、mandy祈禱
最尾找到了阿琴同鄧家祈禱
這個組合是相當特別~
我們並沒有任何warm up
一埋到位就祈禱~~
我有為著o係黃宜洲的九個徒弟仔祈禱呀，勁開心~
聽到阿琴同鄧家的祈禱
真的很感恩
我深深願你們繼續好好的成長~~
原本，我還想跟揚兒、凊凊祈禱
也想跟michael祈禱
也想跟lawyer、阿燊祈禱~
可惜都沒有時間
~~~~~~~~~~~~~~~~~~~~~~~~~~~~~~~~~~~~~~~~~~~~~~~
阿琴同鄧家o係夏令會係同一組
佢地好似熟左好多咁~~
呢個亦都係我開心的原因之一
大概很多人都知道我其中一個心願是我地組門訓玩得埋，融融洽洽
那樣就超hapi了﹗

遺憾地看不到三叔的drama
(食了藥，所以去左訓)
他在drama中拿了最佳男主角呢~~~

知道那一邊廂溫柔家的夏令會也很正
很感恩~~
舒媚、龜龜、joyce、小汁都說很有得著呢~~
收到龜龜的訊息~~
雖然他病了，也為他感恩
因為上帝又藉著講道叫他有反省~~
龜龜：等著你的分享~~

詩婷：謝謝你的鼓勵，這也是上帝的恩典，該將榮耀歸上帝~~

>>August 6, 2007 at 8:17:32 PM GMT+8