2008 年 12 月 8 日 星期一 【晴】

日記變週記，yeah~~
都無法子
通常最多事發生都係周末o既

星期六早上門訓
去了友愛堂牧師房開門訓
第一次，感覺不錯
下過都唔知會唔會係最後一次~~
無所謂啦~~

就快12月12了，好緊張﹗
阿璟要加油﹗

團契今次沒有甚麼很特別
但就見到麥carman佢地都返左黎
都幾開心呀~~
又是晚上不知吃甚麼的事候

最終去了打邊爐﹗
我們稱這一晚為：
1. 丸之夜
2 丸丸相報何時了？﹗
八點去到天悅等位
等到十點都未有位，仲好似有排等咁
於是近近地去群星，大家瘋狂叫野
間野係咁比好多丸我地，食唔哂啦@@
呢個時刻當然係玩遊戲的時間
猜贏左食一串丸~~
我地一行九人，猜﹗
我一個剪，其餘八個人包@@
機會率有冇咁低都中呀~~
我唔食黑椒牛丸的﹗
不過我贏得起@@哈~~
律師也很搞笑，贏了三局
舒媚也輸了兩局﹗有她至愛的蟹子包@@

星期日打了四個幾鐘波
哈~~我真的老當益壯
不過真的很花體力
不午去了十二家探她
睇返830的片，凊凊忍唔住笑好搞笑
睇返夏令會o個幾隻野，真係好醜﹗
這樣子就無聊了幾粒鐘
然後又返定福改老良，但係太眼訓
訓左成個鐘先改﹗改改下就九點
返到家十點先食飯~~~~~
真懊惱﹗
明天最後一當上戀愛軍師訓練
之後應該不會這麼痛苦﹗
這幾個星期周中都比較少入屯門
通常星期日就要改好老良呀因為

我要睇戲
1. 証人
2. 地球停轉日﹗﹗

置誅死地而後生，我又報了1月1跑十公里@@

>>December 8, 2008 at 1:52:33 PM GMT+8

2008 年 12 月 1 日 星期一 【晴】

星期五晚~~
去了大球場的祈禱會
為香港祈禱
為佈道會祈禱~~~
喜歡蕭牧師的講道
每一句都帶有聖靈的能力
很有領受，謝謝主﹗
喜歡黃仁龍的分享
活生生，又有力，又愛年青人﹗
很被激勵，謝謝主﹗
上旅遊車，琴與金香爐~~嘈到想死﹗

星期六，又打波了﹗
今次盡量留力
因為第二日要跑馬拉松
都幾緊張呀~~
下午團契，小小小組改了名叫SEVEN
因為有七個人恆常出現﹗
遲下會變成EIGHT, NINE, TEN
之前栽培組純男仔，好DRY
叫DREYER'S，而家改名叫WET…WET LIFE﹗
晚上一行六人去了珊瑚堡，也有不錯的分享~~

芒果燒呀~~~~
這個周末的重頭戲，馬拉松
五點幾起身，勁凍﹗但無計啦
帶著高興的心情一起坐港鐵去迪士尼
在迪士尼站見到中宣同學仔，好驚喜~~
搞左一輪，搞呢搞路就開始啦﹗
因為高雞同黑帶要去小解
所以我們一行五人行先﹗
我也很緊張的~~不過我無諗過目標
因為上年我好似跑成七十幾分鐘
所以我諗住如果今年跑到六十幾分鐘都okay架啦
之前有練跑，但係通常都係跑六千米左右就無跑啦
星期四在運動場跑六千米用左三十五分鐘
咁計返跑一萬米都要成個鐘啦
無咩特別具體的目標~~
賽道都幾窄，又多人，
頭頭一千米好難突圍
最低能係一開頭有兩隻老鼠
d參賽者竟然衝哂過去
因為o個兩隻係米奇老鼠同米奇太太﹗
跑左三千米，看一看時間，
還慢過我平時在運動場跑，有點失望~~
但後來跑左六千米左右
竟然覺得跑得唔錯，好似跑順左咁
再計一計，如果可以保持這個速度至尾尾
可能一個鐘頭搞掂喎~~~
之後我就一路計住，一路祈禱跑 (跑步祈禱是我的習慣)
去到最尾一千米，我已經知道一個鐘頭內一定完成到
因為o個時都係五十分鐘左右，無理由一千米要跑十分鐘掛
然之後，我就朝住五十五分鐘呢個目標跑﹗
因為蕭邦律師佢地舊年係呢個時間
去到最尾一二百米，應該係五十四分鐘左右﹗
我係咁跑係咁跑，一路諗住蕭邦，
一路諗住五十五分鐘呢個數字﹗
哈~~~真係要多謝蕭邦﹗
結果跑完我知道自己應該是五十五分鐘左右
好開心呀~~~超標
今日出左時間，準確時間是55:18秒
凊凊56:28，高雞應該是57分咁上下~~~
幾個女徒弟們都在指定時間跑完
芳芳一個鐘頭五分鐘，很不錯呢﹗
跑完我即時拎行李，拿相機影她們過終點﹗
見到楊千嬅﹗影埋佢@@
跑完就影相，然後開組~~
大家的分享都不錯，超高興~~~~
二月跟咖哩飯跑馬拉松的情況印象還很深
其實兩次跑都很有屬靈的領受，今次也有呀
兩次的感受各有不同，謝謝主﹗

剛剛看回2月的記錄
我2月那次跑1小時15分鐘50秒﹗
呵呵 ~~~ 勁慢
下次渣打馬拉松不知怎辨~~
因為蕭邦佢地遲左報
所以佢地五點半開始
而我同賴皮早報
報了六點半那一組~~
如果唔跟時間起跑，會無証書
我上年無証書，又想今年拎喎
但係又想一齊跑喎，點呢@@
定係今年都唔拎証書呢~~
不過好似証唔証書都無咩所謂
是但啦，隨遇而安﹗

鳴謝：
1. 蕭邦的溫馨小提示
2. 蕭邦及律師上年的成績﹗^.^
3. 思律的鼓勵sms
4. 在facebook 鼓勵我的幾位弟兄姊妹
5. 有份贊助我們跑的弟兄姊妹
6. 為我們祈禱的弟兄姊妹
7. 近幾個星期跟我打籃球的弟兄們，身體狀況不錯呀
8. 最後當然是我所愛的芒果燒們

返到屯門去了食辣米線
碰到嘉恩阿毛嘉倫小玉余仁
食完返定福訓左陣
好似十五分鐘左右
唔知點解之後又會咁精神
改哂老良，之後寶寶佢地就黎﹗
因為晚上有另一聚會
就係同十二慶祝生日
沒有大搞，只是在金田吃一餐吧
不過跟大家有這個快樂的相處也很好呢~~~
最近平日返屯門少了
加上咖哩飯們都要讀書
跟他們見面的時候也少了
是很不習慣的，
所以每次見到大家
我都很珍惜的

>>December 2, 2008 at 12:17:19 AM GMT+8

2008 年 11 月 26 日 星期三 【晴】

我報了個 course
叫戀愛軍師
係由一個叫好好戀愛的機構跟時代論壇搞的
今天上了好好戀愛學堂的website
當中有12條校規
非常好呀我覺得﹗

http://goodlovemovement.org/joomla/content/view/23/139/

1.只考慮基督徒作為發展長遠關係的對象，若心儀的對象不是基督徒，暫作普通朋友交往，等候神的帶領；
2.與異性交往，雙方關係當保持清晰明確（普通朋友、考慮拍拖或已開始拍拖等），不可含糊隱晦，或用「好朋友」、「兄妹」、「契兄妹」等名稱掩飾；
3.已有固定伴侶的，願意與其他異性保持距離，以示尊重伴侶及避免誤會；
4.願意定期約見導師或守望你的長者，並為關係作階段性評估；
5.把約會當為神所擁有的，神有主權。若關係沒有進展，願意放手，並為神在此「暫時的」關係中感謝祂；
6.即使分手，也尊重對方是曾經愛過的人，不作傷害他的事及不說傷害他的話，也不作傷害自己的事；
7.當面對分手，願意給自己時間療傷（一年或以上），不趕急進入另一段關係；
8.積極培養有助建立成熟關係的質素和能力：獨立自主、能作決定、穩健理財、表達與聆聽、幽默感、有愛心、忍耐、忠誠、坦白、肯認錯、能饒恕、責任感、自制；體恤別人、願意分享與承擔、能委身、能建立親密關係；
9.不可作媒人撮合他人或散播別人戀情的消息，或在別人的戀情上亂加意見；
10. 不可有撬牆腳、一腳踏兩船、三角戀等不良行徑；
11. 應當竭力追求聖潔、及以聖經作為戀愛及建立婚姻的最高標準；
12. 婚後努力培育關係，遇有困難，及早求助；靠著神的恩典直到一生一世

1, 3, 6, 7, 8, 9 都超正﹗其他都正~~~
9 真係好好笑﹗^.^

>>November 26, 2008 at 5:27:04 PM GMT+8

2008 年 11 月 25 日 星期二 【晴】

今日是我的大日子
信主十七年
我仍然期望靈命成長
更愛主更愛人

>>November 25, 2008 at 10:46:37 AM GMT+8

2008 年 11 月 24 日 星期一 【晴】

星期日
新和里
大興體育館
新和里
灣仔
銅鑼灣
勵德村
銅鑼灣
旺角

總共打了三個鐘波
行了六個鐘街
累到我丫﹗

肉體的累加上心靈的累 (擔心弟兄情況)
昨晚睡得不好，因為都幾擔心。
感恩的是今天有好消息﹗
要繼續祈禱~~~~~~~~~~~~
一個肢體受苦，眾肢體也受苦﹗明白了這個道理

>>November 24, 2008 at 8:13:06 PM GMT+8

2008 年 11 月 24 日 星期一 【晴】

上星期星期五晚小方舟導師組長聚
知道大家的難處，也懂得為大家祈禱
歡迎蕭邦做我們的組長@@
分了小小小組，希望這樣分對大家的屬靈生命有幫助﹗
我們叫了pizza食，芳芳真係好搞笑﹗哈~~
完了此聚會後，又去了跑步
在跑步期間，不住為著小方舟祈禱
感覺良好~~~其實我每次跑步，都是不斷的祈禱
正呀~~黎緊星期日就跑馬拉松啦，好緊張﹗

星期六早上，芒果燒門訓
不知是否轉了牧師房
細些親密些有幫助
當中的分享都很好
高雞同黑帶都有好坦白的分享﹗
我知還有其他人都有些心底說話未說出來
希望大家有勇氣~~讓大家可以更認識你們
更知道如何為你們祈禱
希望門訓的分享更有質素吧@@
星期日，一起努力呀﹗

團契時間~~
因為小方舟開完導師組長們
也多了些搞作~~日後都會有帶詩分享的時間
也會有祈禱鍊﹗
之後我終於收到我的生日咭了﹗
真的非常高興~~~栽培最後一堂
也是我惟一一堂不在栽培組中
據說凊凊也帶得okay呀，感恩﹗
我在另一邊就帶查經@@
許久沒有這樣查經了
但都幾開心呀﹗然後兩組小小小組
一起分享，大家都分享少少栽培完了的感覺
謝謝律師的分享，很喜歡﹗
的而且確，見著大家成長、穩定是很感恩的事﹗
晚上dryer聚會，飯後又去了柏麗吹水~~
當大衛搞爛gag的時候，大家指著天上的星星
然後律師拍了張照相，很美的﹗
他post了在小方舟的blog，他的blog也有~~~
雖然一班男人很dry，但dry得黎都會好開心架喎@@
過多幾年，你想dry都無得再dry啦，呵呵

>>November 24, 2008 at 7:50:26 PM GMT+8

2008 年 11 月 18 日 星期二 【晴】

星期六早上門訓，上了拾肆家
看來我們都定了門訓歌
因為無人反對嘛﹗
非常好，非常好@@
走…走走走，我們心連心手拉手﹗
然後我們想著有甚麼突破了~~
然後我們想著一起做些甚麼~~~
好開心咁~~~
交談式祈禱，點解大家可以訓著？？
之後去了影貼紙相﹗去了哈撈食飯﹗

@@@@@@@@@@@@@@@@@@@@@@@

上星期開始練跑
好明顯其實太遲開始練
星期二即興去跑
跑第一個圈已經覺得好痛苦
好在都挨到十個圈﹗
原來無做一輪運動
真係好頹﹗
頹到覺得自己似一個叔父咁呀@@

星期六晚打籃球
發覺自己的狀態好了
唔通跑一跑就好左﹗^.^

星期日朝早七點幾去跑步
都係跑左四千米左右
然後打三個鐘頭波﹗
好好玩~~狀態還不錯
可以脫離叔父那個程度
可以稱自己老而彌堅@@
呵呵~~~某程度上我也挺喜歡運動的

@@@@@@@@@@@@@@@@@@@@@

這些日子，工作上忙了很多
少了很多時間跟大家傳短訊
也有不習慣的~~
公司會計的東西，死線是十二月三十一日﹗
我每天也在努力~~~

今天晚上去上堂，上四個星期﹗
對我來說，也只是去聽幾篇道
不用做功課，對我來說該不是返學的感覺@@
不過就不能逢星期二回屯門跟大家交流一下﹗
我會試試調下時間回來的~
我之前通常星期一改完老良~~~
而家會嘗試再早一日改好﹗(前日成功了的)
咁樣平日的夜晚可以做更多該做的東西~~
不過如果星期日要拍拖便不成了

開始搞聖誕咭了，又是一項大工程﹗

>>November 18, 2008 at 6:42:02 PM GMT+8

2008 年 11 月 11 日 星期二 【晴】

這個weekend，搞了兩個生日會
有兩個所愛的徒弟生日
一如以往，都是很快樂很快樂的
還影了很多相﹗
阿璟那一餐真的不得了
我發現有幸娶了阿璟的人好大鑊
因為一定肥死啦@@

團契時間，打了陣波
王子幾勁喎
我呀~~~死啦~~太耐無運動
而家真係成個叔父咁呀
月尾跑馬拉松，死死死

上星期工作了竟然忙
同埋都忙得幾突然
公司要請人，並且要我登廣告
要我揀人見，這人將會under我
哈~~初初我接受不到要請人的
本身就不太忙，請乜鬼﹗
不過當我接受到，我又想快點請到
可以幫我做一些我不太想做的filing之類﹗
呵呵呵~~~一陣就會見啦…好緊張
我昨天同十二有這個對話，哈
我：聽日要見應徵者，好緊張
十二：有咩好緊張，又唔係你見工
我：無經驗嘛
十二：不如你問佢IQ題﹗
我：卡卡卡 (在地鐵對住個電話笑)

最近有好多野忙咁
下星期開始又要上堂
我又考慮緊整唔整聖誕卡
芒果燒有些東西又要諗下 (尤其係首門訓歌)
咖哩飯又要諗同十二慶生都東東
小方舟又有些東西要諗
求主加倍充滿我心~~~

>>November 11, 2008 at 1:35:13 PM GMT+8

2008 年 11 月 6 日 星期四 【晴】

人性，真的可以很醜惡
上星期門訓，我也是這樣說
其實人心真的很詭詐
今天又見識了
現實點看，這世界本就是這樣
我應該算是看得少了﹗
願上帝施行公義
總相信上帝會按時候工作

有時想想身邊發生的人和事
有些是挺美好的
不過每次有些事發生觸動我
就再提醒自己
人真的可以很差勁
難怪上帝見到人的罪的時候
想「隊冧」那些罪人
若不是上帝施憐憫
我們連生存的權利都沒有

我見到這世上有很多人行公義、好憐憫
但也有很多人停不了的犯罪~~~
你估人做好事多？還是犯罪得罪人、得罪神多？

提醒自己：努力行公義，好憐憫，少犯罪

>>November 6, 2008 at 7:12:30 PM GMT+8

2008 年 11 月 4 日 星期二 【晴】

我發現而家一星期都係打一兩次日記
通常都係星期二三先打返星期六日的東東
最近工作比前忙碌，少了時間打些無聊的事

上星期五，跟阿達森煜去了小魚滋味吃晚飯
傾了兩個幾鐘，然後找大師兄食雪糕
是一些很美好的時間，這些日子
多了找紅顏知己們，無法子
每次門訓，都不夠時間分享
所以要額外用多些時間關心這班徒弟們
之後就到咖哩飯們了~~~等著我約你們吧@@
不過我見咖哩飯的人已經算多了
呀呀，同阿達森煜食飯前也找了阿璟談了半個小時，暢快也﹗

生病的先兆來了~~
假如我在不該眼訓的時候超眼訓
就是我病的先兆@@
返到家，便訓了，訓得不好呀~
因為好似有野消失不到的
早上吃床便嘔了~~~勁痛苦
還要勁早門訓~~我知道自己一定要保持好的狀態
有些時候，意志是可以勝得過肉體上的不適的
我也保持著高昂的情緒，在芒果燒門訓中
一切還可以的~~~今次是第一次教野
大家好像頗喜歡的
希望日後大家能更多更多的學習
然後是午餐的時候，諗住食清少少
無叫飯，叫左蛋牛治食~~
結果加油站前就牛(嘔)蛋治@@
完了加油站，有幾個字時間比我小休，實在太好了
然後如常崇拜團契啦~~~
團契繼續我們全男栽培小組
還要dry多三星期，之後分組就會無咁dry@@
不過，跟他們栽培也是相當高興的~~
見著他們認真，見著他們成長，非常的好﹗

晚上吃完飯到定福玩uno，心臟病，七級豬
雖然之前有好多人叫我唔好玩咁夜
不過熟我o既人都知，我係好癲的
況且，少少腸胃炎，難不到我的~~
有機會跟大家玩，跟大家熟絡
我又怎會錯過這些時間@@
哈~~結果真係玩到十二點幾
好癲，笑到我想死~~~頂點好笑
心臟病，每一次都有驚喜的﹗

難忘的是回程時收到律師的關心
來回了幾個回合的短訊
是很令人興奮的事~~~
謝謝你﹗

星期日，大瀉五次
食咩瀉咩@@
返完早堂，同佩琦食完早餐就歸家
訓晏覺，七個鐘~~~十二點幾訓到八點幾
中間只醒了一小時，勁﹗

嘔清屙清，無事了﹗
又等緊星期六了@@

>>November 4, 2008 at 1:58:11 PM GMT+8