Showhappy.net - Members diary

日記

日記主簡介

<< 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 >>

2004 年 10 月 8 日星期五【晴】

今朝我一返到去就要跑 100m 誇欄
見到男甲跑得超快
有 d 驚 tim . . . . .
不過死就死啦
直衝
我本來帶頭
到左尾二o個個欄
我仆底左，仲要響地下碌左兩個圈
超痛
不過唔理啦
即刻起返身跑 . . . . . .
最後拎到第二 . . . . .
好唔甘心呀！！
本來我第一架
如果唔係我仆底左
我隔離o個條友又點會追到上黎
佢仲要 form 1 喎？！
我輸左比條 form 1 仔 . . . .Shit . . . .
食 A 啦 . . . . . .佢好野！
下年一定要拎金！！>0<

之後蕭豬陪我去左醫療室包紮傷口
嘩 . . . . .我右邊面超痛
因為我係右邊面落地先 . . ..
右眼附近擦傷左 . . ..
大家都好奇怪點解會係個頭落地先
而唔係隻手 . . .
係因為 . . . . . .其實我都唔知=.='''

包紮完諗住即刻再去擲鐵餅
點知去到o岩o岩完左！
勁失望 . . . .
超 . . . .

之後上返看台
d 人勁望住我
我o個班 d 男仔突然好有禮貌咁叫我坐底
我都奇怪緊咩事
有條友捲起本長刊對住我
問我：請問你對於金牌擦身而過有咩感受呢？
之後我呆望左佢兩秒
同佢講：想打你囉
跟住好無奈咁走左 . . . . . .

之後去拎獎
拎完企左響到一陣
見到楊鎮豪
佢勁整我個牌喎 . . .
仲串我：咁勁，拎個金呀麻
嘩 . . . .勁想打佢
( 雖然我已經打左 =.= )
蕭恩無啦啦走過黎喊 . . . . .話唔見左銀包 . . . .
原來響麥當當唔記得拎返 . . . .=.=超無奈 . . . .

過多一陣跑 4X4
我又係第四棒 . . .
但係第一棒o個條友又係跑得超慢喎？！
真係吹佢唔漲 . . . . . .=.='''
之後結果都係跑第四 . . . . .
唉 . . .又係第四 . . . . .

>>October 10, 2004 at 4:58:17 PM GMT+8

2004 年 10 月 7 日星期四【陰】

今日 sport day . . . . .
九點半就要跑 200 m 初賽 . . . . . .
好好彩咁 . . . .入左決賽 .. . . . .

跟住呆下呆下就 lunch lu . . . .
同 tracy、蕭豬、雙黃白蓮蓉同埋吳家豪去仙蹟岩到食
跟住o岩o岩提到我地學校有個人叫謝 X 楊
之後我就諗起林護個牛牛又係叫謝 X 楊
不過牛牛靚仔 d ~我同 tracy 講話牛牛好似四葉草2 o個個方力 . . . . .幾靚仔
講完之後
Tracy 話佢表哥都係叫謝 X 楊 . . .
我以為同名同性
所以冇理到 . . . .繼續飲野
無啦啦 Tracy 比部手機我睇，入面有幅相
佢問我：係唔係呢個呀？
跟住我呆左=.=''真係牛牛 . . .
原來牛牛則係 Tracy 表哥 . . . . .呀 . . . .超無奈= □ =''''''''
等我之前仲響 Tracy 面前話牛牛靚仔 . . . . . .
o . . . . .my god . . . . . .. . . . . . . . . . . . . . . . . . . . . . . . . . . . . . . . . . .
都唔知佢會唔會又誤會我 . . . . .死得 lu . . . .

之後食完 lunch . . . .

跑 200 m 決賽，
我本來尾二
跟住最後o個 100 m 我衝返上第四
我最後同第三o個個平排架！！
佢判我第四喎？！
頂.. . . .又係o個個陳安琪
小心 d 呀，下次一定贏返佢呀！
唔甘心

過多一陣跑 4X100
我跑第四棒
點知第一棒o個個跑得超慢 .. . . .
到我o個捧
我接o個陣有少少失左平衡，過左去隔離線
o個陣超驚會 out . . . . . .
我接棒o個陣尾二
比我追到第四 ( 總共八隊 )
最後都係得等四
跟住勁唔甘心又係跑第四又驚會 out 喎 . .. . . .
覺得好對大家唔住
之後好無奈咁喊左 . . . . . .
覺得自己好無用 . . . . .

>>October 10, 2004 at 4:58:29 PM GMT+8

2004 年 10 月 5 日星期二【晴】

今日上第一堂 . . . .已經好想訓覺 . . . . . . .
好悶好悶 . .. . . .

最尾o個堂 . . . . .上結他，又係自己一個坐埋一邊好冇癮咁自己練 . . . .
見其他人雖然唔係好識
但係彈得好興奮咁 . . . . .
唔知覺得點咁 . . .
我o岩o岩開始學o個陣都係咁 . . .
但係越彈越麻木 . . . . .
就係因為我覺得我太差既關係，唔想彈 . . . .

放學 . . . .仲諗緊去練跑，定係去練水 . . . .
最後都係比左 Jovy 拉左去練水 . . .
最跳板呀 . . . . . .好樣衰呀跳得 . .. . . .
人跳水，我跳水，我兩個大脾都可以傷晒
算啦 . . . .呢 d 咁失敗既野，經常都發生響我身上 . . . .

練完水
都六點幾 lu . . .同 jovy 返左KCM . . . .唔知返去做乜事 . . . .
越黎越唔鐘意趙 X 熙！都唔知佢係唔係有病
係唔係都串一餐

之後又係好無聊咁走左 . . . .

有時. . . .真係唔知自己想點 . . . .
就算知又點 . . . .？
冇用 . . . . .
想放棄，但係我冇得簡
因為我令到自己冇得簡

後記：

童話

愛麗斯失眠了
再也不能夢遊仙境
她手舞足蹈地
跟我細說如夢的仙境
突然一陣沉默
原來天快亮了

昨夜只有我陪著愛麗斯失眠一整晚
童話故事被翻到了最後一頁
我兩都沉默下來再沒有話說
直至天亮

>>October 6, 2004 at 7:18:23 PM GMT+8

2004 年 10 月 2 日星期六【微冷】

今日朝早八點比健健嘈醒=.=''
比佢捉左落去打籃球同練跑 . . . . . .
成兩個月冇打啦 . . . . . 不過練返都好少少=.=
打左陣就去左練跑
跟住又再打過
十二點比呀媽捉左我同健健陪舅父舅母、婆婆佢地飲茶 . . . . .
冇咩胃口 . . . .
一早叫埋舅父去打波啦~ . . . . .
我舅父超勁呀 . . . . . .代表深圳比賽~
d 走籃有 d 都係佢教架 > <

之後返屋企沖涼訓覺 . . . . .好耐都未試過訓得咁舒服啦 >3<

訓到三點 . . . .同蕭豬一齊出去買釘鞋. . . .
不過我響到狂買衫 . . .想買o個件籃色間條
點知蕭豬話唔好買喎 . . . .
唔知做乜事=.=??
死啦 . . . .唔記得買褲 tim . . . . . . .
屋企冇乜褲 . . .
得返 d 衫響到 . . . . .

六點返到屋企
就去左蕭豬到玩左陣 .. . . .

不過超眼訓呀 @@
都係返去訓覺 . . .
點知 key 佢地打黎 . . .
叫我聽日去唱 K . . . 諗緊去唔去好=.='''
不過 Samaine 都去~我都應該會去~
好好笑呀有時覺得 Samaine . . . .

今日開始涼啦 . . .

後記：

點解我會見到咁多人架 . . .
我星期六都係唔好出街算啦 . . . . .=.=''

>>October 3, 2004 at 2:57:12 AM GMT+8

2004 年 10 月 1 日星期五【晴】

今日下晝同完蕭豬同埋 Wing 去青衣練跑 . . .
練完去左食野 . . . . .
就同陪健健、舅母o個 d 去睇煙花 . .. . .
其實我唔係好想去 . . . .好 "支力"呀=0=

睇完之後
就去左許留山食野
d 燕窩超好味呀>3<
十點到，就去左睇《新警察故事》
嘩 . . . .d 動作場面超好睇~!!
謝霆峰超型呀~ ! ! >3<

後記：

我巳說過許多次我很累
可惜總是沒有人理過我
其實我只想躺下來安靜片刻
但我也恐怕再也無法站起來
那我只好繼續裝著笑臉

>>October 2, 2004 at 1:58:28 PM GMT+8

2004 年 9 月 30 日星期四【晴】

唔知係唔係呢兩日玩到好'' 支力 '' . . ..
唔想出街 tim=.=''
下晝先同蕭豬落去練跑 . . . . .
好悶呀今日 . . . . .

>>October 2, 2004 at 1:33:42 PM GMT+8

2004 年 9 月 29 日星期三【晴】

今日同燒佢地去梅窩燒野食 . . . .
嘩 . . . .熱到 . . . . . . . . .
不過 . . . .都幾好玩~

之後六點
去左長亨
比呀 key 呃左 tim . . .
已為梁書恆彈=.=
跟住 key 勁響到話悶 . . .
所以叫左敬
敬就帶左個叫呀豪既黎 . . .
o個個呀豪我以前響林護都見到佢
不過佢覺得o岩 . . ..
覺校都唔係好大姐 . . . . .=.=''
跟住去左長安玩左一陣
十一點就同敬搭 44m 走 lu=.=

後記：

「生日.. 應該感到歡喜嗎?」
「失戀.. 傷心的權利可以不用嗎?」
「流血.. 我需要喊痛嗎?」

一切一切..
也只是按著時間的劇本進行著
這一秒下一秒的故事
重複著重複著
只求令你心死

>>October 2, 2004 at 1:27:14 PM GMT+8

2004 年 9 月 28 日星期二【晴】

今日上結他堂 . . . . .比人一野打落個頭到，超痛 . . . . . . ( 其實我被逼架 . . . .我本來想入武術架 . . . .結他我都識啦 . . . .雖然唔係咁勁 . . . 不過我都想學武術架 . . . .學黎打人都好啦~~~ )
之後學完，我響左 2C 門口到等 friend 去練水 . . . .
o個個周浩男 ( 唔知有冇打錯 )就不停咁問我一 d 好白痴既問題同我唔想答既問題 . . . . .
跟住比黃 X 泰串我：新仔呀？
X佢 . . . . .=.='''''唉 . . .費是理佢 . . . . .

練完水之後 . . . . 就陪 YOYO 去新都會，點知佢地走晒
所以我返屋企 lu~~~
我呀媽煮好晒飯=.=''
我表哥、姨、叔叔、舅父舅母、同表弟過左黎食飯
食食下，呀聲 call 我出去青衣~
我仲以為今個中秋冇野玩 tim~

食完飯
就同豬頭、呀聲、終於由廣 " 洲 " 返左黎既 PK華、呀 Key同埋 Winnie 去青衣城出面o個 d 海皮到玩~
之後仲見到 Yuki ~同 Sabi 吳屎靈~~ ( 佢改左先咋~呵呵 . . . . . )
跟住我地玩想溝呀 key o個條網友~
笑爆~佢打比 Key o個陣
我同佢講：呢到係客戶服務中心，請乜有乜野幫到你呢？
那位網友：下？客戶服務？
我：係呀~先生，請問有乜可以幫到你呢？
那位網友：同我叫佢聽電話！( Key )
我：下？先生，咩邊個呀？有咩可以幫到你架？？
那位網友： ( c u t 左線)
聲就話：你所打既電話宜家未能接通 . . . .請你遲 d 再打過黎啦 . . .
笑死我 > 0 <

玩到十二點幾到啦
就去左飲野

跟住就去左我樓下個球場
陪我表弟佢地玩 . . .
其實我已經好 '' 支力 '' 架啦 . . . . .
所以響到發呆
之後無啦啦有個人走去我面前揮手 . . . .
原來係牛牛 ( form 5 o個個=.='' )
跟住講左一陣. . . .

到二點就返屋企訓覺 lu~
今晚玩得好開心 . . . . .

>>October 2, 2004 at 12:59:00 PM GMT+8

2004 年 9 月 24 日星期五【晴】

上 P.E 堂o個陣練誇攔 . . . .好彩跳晒 . . .不過今次比我知道
原來仆親係冇乜野 .. . .
因為仆得起
只要我起返身就得啦~~~~~

跟住 lunch 就同 Lam Woo 班 fds 食
咦~~今次多左個黎小 B bor~~睇落去佢同豬頭好 friend~

今日放左學 . . . .去練排球 . . . .
我地開頭響則邊練 . . . .
跟住練練下 . . .
無啦啦姓楊的那位人兄響我後面 . . . .
我望住佢開始好開心
我開心唔係我鐘意佢，而係我見到佢比個籃球打到

流鼻血

笑死我=.=''''''
跟住ms 飽 ( 唔記得左點串 ) 叫我地 C grade 響則邊練下猜波，則係一人一頭 . . .
嘩 . . .悶到 . . .你唔想我地 c grade 黎練既咪出聲囉 . . .做埋 d 練到冇得好練既野 . . . .
仲要唔係我地自願 . . .
跟住無啦啦叫晒 a b c grade 過黎 . . . .
a 對 b、a 讓 b 8分，b 對 c 、b 讓 c 8分 . . . .
未到我地o個陣， c grade 響則係睇
我就坐響到，當排球係籃球響到係咁玩=.='''' ( 隔離場男籃練緊 . . . . )
悶到想死= ='''
跟住到 c grade 出去打 . . .
我開頭冇比人簡出去 . . .
我就坐響到睇
我真係想睇到爆粗 . . . .
個個企晒響到郁都唔郁下，睇住 d 波彈落地=.=''
超無奈 . . .
之後我比 ms 點左出去 . . .
打左一下，就完啦=.=''都冇野做既 . . . ..

＊如果我上面講既野得罪左是但一個，心感抱歉，不過我係唔會收晒=.=因為呢到係我既地方，多謝合作

後記：

給我最愛的
ＹＵＫＩ．豬頭．聲．ＳＡＭＡＩＮＥ．ＫＥＹ．白痴ＬＩＮＧ．ＷＩＮＮＩＥ．蔡留．胡胡．癲貓．禧叔．牛牛．炫．ＰＫ華．ＭＩＣＨＡＥＬ．陳伯．ＭＳ　ＷＯＮＧ．和一班曾經幫過我的各位人兄：多謝晒你地！

>>September 26, 2004 at 3:05:49 AM GMT+8

2004 年 9 月 22 日星期三【陰】

今日好 '' 支力 ''
. . . . . . . .放學去左o個個仁社社員大會 . . . . .超無奈. . . .
佢地要介紹 d 老師，但係全部開緊會，要我地等十分鐘
我又唔想坐響到喎 . . . .想快 d 去練波 . . . .超無聊呀=0=
終於等到 d 老師黎 . . 佢地坐左響到 . . . .，就開始介紹喇
講晒佢地 d 名，都唔知有冇一分鐘呀 . . . . d 老師走喎？！
有冇搞錯 . . . .我地等咁耐為左你o個一分鐘=.='''''''''''''''''有 d 吹佢唔漲 . . . .
過左一陣就走得喇 . . . .當我地起晒身準備走o個陣 . . . . 有條友話：請各位社員留步
當然，個個都會望晒過去
過左一兩秒，條友講：請大家有 X 序咁離開 . . .
嘩嘩 . . . .好想打佢 . . . .
之後落到去練手球 . . . .
波仔 ( 我地既教練 ) 要我同 A、 B grade d 人一齊練 . . .
跟住仲慘 . . . .

我做龍門

. . . .
一個兩個波飛過黎 . . . .雖然唔驚姐 . . . .但係痛架 . . . . .> <
每球波之間都唔有冇隔一秒
o個個係咁飛 d 波過黎 . . . .
有條友打中我下面 . . . . .o . . . .shit . . . .超超超痛 . . . .. >0<
平時又唔見佢地咁大力喎=.=''''''''''
之後練完
見到勤社o個 d 練習啦啦隊 . . . . .( 我地 7/10 sport day )
每個社都有一首個要跳
勤社簡左 " 04 好玩 ''
呀 . . . .全部女仔，得三四個男仔中間 . . . .
笑死我 . .. .佢地跳到好似抽筋咁 . . . . . 尤其是o個個黃 X泰 ( 唔知點打呀=0= )
我覺得個顧中既 sport day ，運動員唔係主角
啦啦隊先係 . . . .頂佢=.=''佢冇病呀 . . . .
咁就唔好叫 sport day 啦 . . . .叫啦啦隊日好冇？！

後記：
！！！！！！
滾開！！！！
！！！！！！

>>September 24, 2004 at 12:29:16 AM GMT+8