Showhappy.net - Members diary

日記

日記主簡介

<< 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 >>

2004 年 12 月 18 日星期六【晴】

今日本來佢去出去
但係佢要返學校練波、十二點先出黎
跟住又話要陪 friend 唱 K
兩點先
咁我咪同呀 Key 、豬頭行住葵芳先囉. . . .
行完去食吉野家
佢本來話兩點、跟住兩點三，之後兩點半
結果三點先出現 . . . .
算啦 . . . 都好過郭嘉俊架啦 . . . 兩個鐘
嬲左陣就冇嬲到啦 . . .

跟住去睇戲 . . .睇鯊膽大話王
好多細路呀o個到 . . . .好得意呀有 d . . .

跟住去左陣旺角買冷俾呀 Key
但係冇佢要o個種色 . . .
之後就去左青衣 . . . .
好眼訓@@ . . . . . . .

俾心機打呀聽日>﹏<唔可以驚架 . . . .

>>December 20, 2004 at 7:12:55 PM GMT+8

2004 年 12 月 17 日星期五【晴】

今日上完P.E，終於忍唔住喊左 . . . .
唔好意思呀 . . . .麻煩到大家 . . . .

放學練排球 . . . .唔知做乜野 . . . .又開到兩球
不過一球 out 左 . . . .

>>December 19, 2004 at 10:27:14 AM GMT+8

2004 年 12 月 16 日星期四【晴】

今日上堂好好笑 . . .
o個個少玉俾我笑~ . . . .

放學去練田徑
練跨爛
好左 d 啦終於~> < . . .

唔知點解今日過得好快 . . . . .=.=''

>>December 16, 2004 at 11:53:26 PM GMT+8

2004 年 12 月 15 日星期三【晴】

今日第三、四堂上H.E
D 野好好味呀 . . . .^^ . . .
跟住仲有少少時間
咪坐小榮對面傾佢D野囉 . . .
問佢係唔係男仔都咁花心
之後無啦啦 Miss 走左過黎
同我地講：你地好似白韻琴o個 d 咁 . . . .傾D感情事 . . .
好好笑呀佢講得=.=''''''''
跟住上到去，班長仲未返，所以冇班房入
咁咪同吳家豪、嘉寧佢地企響出面傾偈囉 . . .
跟住嘉寧無啦啦同我講話
頭先有兩個男仔企響我後面
個男仔問另一個男仔話：邊個係楊鎮豪條女呀？
跟住個男仔指住我=.=''''''
點解呢幾日咁多人上黎指住我黎講 . . . ..
好無奈囉. . . . .
連 D 呀sir、miss 都知啦 . . . .=.=
跟住都費是理

lunch 就俾o個個趙嘉熙吹漲 . . .

放學去左練波 . . .
點知 ms.鮑捉左我去練半個鐘劍擊 . . . .=.='''''
好痛呀> <
之後到半個鐘之後就返去練手球
我"汁"野o個陣，望返轉頭
趙嘉熙同成班指住我喎
呀 . . . .救命囉 . . . .佢地講完未呀 . .
我今日之內都唔知俾人指左幾多次 . . . .

之後放學蕭茵陪我等佢放學
蕭茵係咁比佢打，好好笑 . . .
跟住就同佢去左食麵
九點先返到屋企
好"支力"呀=.=

＊今日睇到個 board 有我個名.. . .
我唔可以輸比佢架！=''=

>>December 16, 2004 at 1:08:54 AM GMT+8

2004 年 12 月 14 日星期二【晴】

今日第二個小息無啦啦有成班 form 4 望黎囉
o個仲超嬲 . . . . . .做咩o者宜家！！好唔尊重囉
你要望既你咪叫我出黎囉
駛唔駛咁o者?!過份!!!
好似動物園咁望，咩意思呀！ . . . . . .

之後上 I.S 堂，好無奈囉 . . . .

放學，同左低 B 佢地去左東村買野，班房佈置 D 野
Cherie 都講得岩既 . . . . .駛乜理佢地點諗. . . .
不過要做到好難 . . . . .=.=''
唉 . . .好煩呀呢排
好多野發生左 . . .
唔知點好 . . . .

後記：

地下街

作曲:周國賢
編曲:周國賢
填詞:黃偉文
監制:林健華　周國賢

新宿街頭十餘萬人
怎麼竟然撞回熟人
問我共你　何解於街角擁吻
私奔心情突然下沉
小小戀情若然被擒
就會結束　欄途被責問

＃當世界明路　行盡了
　母須見光也許　更美妙
　拖了天國下來地底不再受騷擾
　整個商店街　沉沒了
　無非要給你跟我製造環迴迷路　沒完沒了＃

＊沒有　找到出口　出去也好
　終點一世也未到
　迷宮之中　你必須跟我好
　途人們相繼地回家
　如果正在播新聞報導
　題目會是發現一對男女地底街裡失蹤
(題目會是証實這對男女活得一切安好)
　一生都不出去也好　一街商店繼續掃
　長居於此何用再找地圖
　疲勞時早報當做被鋪
　如果肚餓了　草餅當飯
　相愛到忘了歸途　地底街跟你終老＊

手拖"deep"還未磨蝕前
總可一齊滯留十年
坐厭麵店　行一圈花店書店
東北西南蔓延沒完
都開僻成地牢樂園
若要探險　巡迴山手線

Repeat＃

沒有找到出口出去也好
終點一世未到
迷宮之中你必須跟我好
途人們相繼地回家
如果正在播新聞報導
題目繼續會是這對男女數個月來搜索不到

東京街角的傳聞在散播
都衷心祝我好
別人在談論時會說換了他做未別做到
誰能為一點愛幕一種態度
不顧一切的　來上訴

Repeat （＊）

>>December 14, 2004 at 8:48:24 PM GMT+8

2004 年 12 月 13 日星期一【晴】

今日 . . . . . .上英文堂，佢冇返，有兩堂空堂 . . . .
呆下呆下 . . . . .
好辛苦囉 . . . . .點解我地兩個d 野會關人地事 . . . .
個個都要加把嘴 . . . 冇人叫佢地俾意見喎 . . . .
同佢一齊又要驚呀邊個邊個嬲，邊個邊個唔据 . . . .咁你地想我點o者!!
好冇野講囉 . . . . . . .

>>January 11, 2005 at 9:16:05 PM GMT+8

2004 年 12 月 8 日星期三【晴】

今日同左佢放學丫
陪佢食左野之後就去左樓下坐 . . . . . .
每次同佢一齊都唔捨得走 . . . . .
多謝你呀> <

>>December 10, 2004 at 12:59:59 AM GMT+8

2004 年 12 月 6 日星期一【晴】

今日學校歌唱比賽去沙田大會堂
佢朝早就響我樓下到等我 . . . . .
真係見到佢都凍 . . . .唔見左件冷衫 . . . .
行到地鐵站，等埋營瀛，佢同我地去
去到 47 X 個站 . . . .呆左 . . . .好多識既人 . . . .好似黃X泰、趙嘉熙
我地o個拖緊 . . .見到佢地即刻縮手 . . .
真係唔想咁揚 . . .
唔想搭47X
但係我唔想搭地鐵 . . .
要搭好耐. . . .
跟住上到車，又見到 Tracy 佢地. . . . .唔揚都唔得囉 . . . 死 lu . . . .=.=''''''''有 d 無奈 . . .

去到大會堂
低 B 無啦啦嬲我
d 人話返比我聽話佢覺得我出賣佢，話比鳳姐聽
佢有冇諗過我都係夾係中間
我講又死唔講又死
鳳姐一早就知，佢逼我講咋！不過我真係信過左鳳姐囉
我叫佢唔好講，佢o個陣話得
但係轉個頭講晒比班 form 1 聽
好唔妥佢呀宜家 . . .

之後都唔理 . . . .歌唱比賽完左就同佢搭車去青衣睇戲 . . . . .
跟住蕭豬佢地都黎睇 . . . .~
本來想睇緣份的天梯
但係冇 . . . . .咁咪睇大無謂囉 . . . .
有少少好笑
但係都係好悶 . . . > <. . . .訓左 . . . .

之後蕭豬佢地走先
佢話無眼睇喎我地 . . . . .=.=''
楊鎮豪咪佢笑搵返個 . . . . .
蕭豬聽到冇睇講 . . . . .哈哈哈 . . .

之後同佢去左海皮 . . .
七點半先走 . . . . .~

＊攬住佢好舒服

>>December 7, 2004 at 4:23:22 PM GMT+8

2004 年 12 月 5 日星期日【晴】

今日朝早嚇死呀 . . . .
搵佢又搵唔到喎！！
好彩呀豪咋 . . . . . .唔該晒佢 . . . .

之後補習，同企鵝討論左 d 野成個鐘 . .
不過好好笑~~~
佢走左之後

跟住同佢傾 ICQ . . . . .之後就出左旺角買野 . . .

好眼訓呀@@

>>December 5, 2004 at 7:24:17 PM GMT+8

2004 年 12 月 4 日星期六【晴】

今日學界男排林護同顧超文

今朝唔知醒呀 > < . . . . . .出到門口又唔知自己有冇梳頭喎
咁咪戴住頂冷帽囉 . . . . .搞到好似出面落雪咁 . .. . . . .

跟住以為自己遲左呀 key 等緊
點解佢仲沖緊涼 . . . .搞到我要上去等佢

之後去到體育館佢地已經打緊
原來豬頭都響到喎 . . . .佢升上 B grade 咪好囉 . . . .

打左兩場 . . . .顧超文贏晒 . . . .哼
差一兩分林護就贏架啦=''=

跟住同key 、呀豪、牛牛佢地成班走先
佢地圍攻我呀 =''=哼 . . . . .

同左呀 key 睇醫生之後
佢同 PoR 、Samaine上左我屋企溫書
不過都係o係到玩o者~玩到癲. . . . .
跟住 Samaine 要走先
過左一陣呀豪同呀敬又上左黎 . . .
佢地兩個打機 . . . . .~
無啦啦一個叫呀嵐既人打黎比呀 key
呢個呀嵐同呀 key ICQ 識
中秋節出黎見
嘩~~佢真係"極品 . .. .『髮線過高、個頭勁長、雙眼勁細』唔講啦 . .仲有好多，驚講唔晒，宜家一路打一路笑緊啦 . . . .
跟住我同呀聲、豬頭成班玩佢
估唔到佢仲會打比呀 key=.=''''''
Key 去左廚房傾
佢就無啦啦出黎問我記唔記得呀嵐係邊個
跟住我咪笑住好大聲咁話：哦！！中秋節玩o個條友話呢到係客戶服務部中心，請問有咩可以幫到你呢？之後仲友比我地玩死左 . . . .！
我講完之後響到笑
我以為呀 key 收左線
但係佢無啦啦拎起部電話話：喂 . . .
嘩！！！！原來佢未收佢線
咁我頭先講o個 d 野佢咪聽到晒 . . .
笑到我地趴地 .. . . . .哈哈哈>0<

到左六點. . .就同呀 Por 、呀 key 同呀豪去左新到會呆左陣
就返左青衣同佢地
去左長發o個間 OK 等o個個呀嵐
我都唔知點解佢仲可以約呀 key 出黎
咁我地咪陪呀 key 囉
過左一陣，佢終於黎啦>0<
嘩，簡直恐怖過睇恐怖片 . . .
佢 d 頭髮好長
但係仲要 gel 係佢！gel 到勁高，佢仲要髮線過高！！好嘔！ . . . .
佢走過黎同呀 key 好認真咁講：你 d 頭髮長左喎
key 又好認真咁同返佢講：係呀，長左喎
我響隔離簡直呆晒囉！！咁髮梗係會長架啦！！正白痴. . . .
之後我終於忍唔住爆笑左出黎囉
拉左呀豪同呀 PoR 去一邊笑
我響到笑，
呀豪話我：咩你咁架，笑人都有既？！梗係用相機影低啦！
呀PoR 就同呀豪講：嘩，你仲衰啦！影人相！喂！用你o個部定用我o個部影呀？我o個部冇得放大 bor~~~~
嘩 . . .笑爆咀 . . . .
我地笑佢係火星原居民
仲話：地球好危險呀，快 d 返火星啦
哈哈哈哈哈 . . . . .

之後佢地終於講完 . .
走o個陣冇同我地講 ByeBye
呀豪就同呀 PoR 講：嘩！咁架~走都唔同人講 Bye Bye~~~
之後呀嵐走返返黎講：byebye. . .
呀豪就好大聲咁同呀 PoR 講：下~~~？！我同你講野咋 bor~~~
嘩~~好好笑 . . . .
我問返呀 key 同佢講過 d 乜
咁我又唔記得左講咩啦
總之講左一句：文理科
呀嵐話：哦~文科加理科
跟住佢話：係呀~文科加理科呀 . .
吹漲囉真係比佢！
咁不如我講雪櫃
佢就話：哦，有雪既櫃
咁我係唔係應該答返佢：係呀~有雪既櫃~
好好笑 . . . 笑爆 . . . . .
好白痴囉. . . .
哈哈 . . .. . .我地繼續響到講
無啦啦o個個呀嵐打黎
我搶左呀 key 個電話
同佢講：喂，呢到係家務通熱線，請問你要咩服務呢？
佢話：我搵呀 key 架 . . .
我又話：下？ Key ？先生，你想要咩服務架？
( 我本來都忍緊笑. . . . .但係都係唔小心笑左出黎 )
所以 cut 左佢線 . . . . .哈哈哈
又玩多次 lu~~~

笑足我地成晚
七點半先走 . . .

今日玩得好開心 . . . .

>>January 11, 2005 at 9:16:48 PM GMT+8