2003 年 11 月 28 日 星期五 【微冷】

好黑仔呀~今日又發生野喇~
普通話堂就改左去Rm 301上~呢個課室係F.1既課室~
咁佢地就見到枝鼓油~就攞黎玩~整到人地成個櫃"同"都係~
咁佢地就話左比佢地班主任知~訓導都知埋~大檸樂~
今次係肥 Fan處理呢件事~即係冇情講~一係缺點~一係小過~
咁就一個二個比人捉去問話~冇人認~又唔知星期一會點喇~
今日影完相~要等埋kei kei~是關佢比朱美欄叫左去問話~=.="~
咁我就係門口等佢啦~點知吳順德走埋黎~
同我講~點呀~仲有冇跩呀~之後我話冇呀~好乖呀~
之後唔記得佢講講下講咩人渣~之後m雞話我係~
吳順德話我未至於人渣~話我賤格啫~=.="~
嘩~屌你呀~冇啦啦話我賤格~你有病就睇醫生啦~痴線~
佢又話如果我地班再冇改善~耍向校長申請~
下學期可能耍犯錯又冇改善~又成日記缺點嗰啲人~踢出校~
我話~下~洗唔洗呀~佢又話已經完成9年免費教育~
政府冇咁多錢養呢啲人~校長都未出聲~幾時到你出聲呀~
你真係有病呀~快啲睇醫生啦~=.="
其實我地根本可以冇野嫁~係啲食飽飯冇野做既人搞屎棍啫~
自己已經夠衰嫁啦~仲耍搞到自己衰多兩錢~何必呢~犯賤~
呢啲人就可以用人渣~賤格黎形容~





我又收到壞消息喇~好難搞~都唔知可以點做~唉........
唔知呢排做咩鬼~衰野一浪接一浪~一波未平一波又起~
好煩呀~><"

>>November 29, 2003 at 6:00:20 PM GMT+8

2003 年 11 月 27 日 星期四 【微冷】

琴日上中文堂開心完又到驚驚既時候喇~
今朝上完早會~達達~Lo Lo~阿Sa~家姐就比何穎文叫左出去~
同佢地講完之後~何穎文就入黎~up完一大堆耶穌之後~
就叫我地全班寫口供紙~講番琴日中文堂發生左咩事~
之後個個好靜咁寫~講完呢啲野就冇一堂西史堂喇~
到左中文堂~今日聆聽測驗~聆聽完之後~何穎文又叫左佢地4個落去~
過左一陣~家姐就上番黎~之後就叫左我同小吉~嘩~都唔關我事~又叫埋我出去~=.="~
落到去~見到Lo Lo同阿Sa寫緊紙~唉~都知大檸樂喇~
阿Sa可能比人記小過~Lo Lo又係~人地話佢食野~佢就認~
人地話佢張口供紙冇寫到食野~佢就認~可以駁番話唔夠時間寫嫁ma~好蠢呀~><"
原本記缺點~咁就比人屈多樣~咁就記小過喇~幾唔抵呀~
我就比人問話~寫咩就問咩~唉~我入到去~企係到就硬哂~答野口震震~好驚~><"
其實我地都心中有數邊個報串啦~咪又係嗰個~唔係仲有邊個啫~
其實唔係個miss講哂全部嫁~係我地班有內鬼呀~
唉~我地班啲人唔知係唔係前世同佢有仇~鑊鑊都係咁嫁喎~
佢個人已經夠乞人憎嫁啦~仲要攪埋啲小動作~好鬼死討厭呀~
有咩咪三口六面講清楚囉~點解係都要咁啫~
係咪你講啲野我地根本就冇做過而係你係到屈我地呀~
夠彊咪係我地面前講囉~睇下你1個人點夠同我地36個人講~
成日扮哂冇野咁喎~知你有人撐喇~知你係prefect喇~知你勁喇~
人做prefect你做prefect~你點都係做得衰過人嫁喎~
人地做到可以同我地玩得好勁~點玩都得~你呢~
你就成日比我地杯葛~冇人同你講野~呢啲係你自己一手做成嫁~冇人迫你嫁~
要怪就怪你自己啦~你唔可以埋怨任何一個人~唔包括你自己~







今日心情仲衰過琴日呀~><"

>>November 27, 2003 at 9:10:50 PM GMT+8

2003 年 11 月 26 日 星期三 【晴】

今日P.E呀~好好玩呀~打排球呀~呵呵~
黎斌冇番呀~搵左個代課miss黎~個miss做得我阿婆喇~冇人聽佢講野~
佢就叫謄文~謄完就梗係玩啦~玩足兩堂~呵呵~






冇咩心情呀~唔寫咁多喇~

>>November 26, 2003 at 10:57:25 PM GMT+8

2003 年 11 月 25 日 星期二 【晴】

今日冇咩特別野~
放左學同雀屎去聽日歌唱比賽~
真係唔聽好過聽呀~啲人唱得衰到貼地~唔死都冇用啦~
人地"叮"左都仲要唱~懶死唔走~唱得又難聽喎~
啲人成日唱好心好報~悶到爆屎~我地喺到狂"噓"~
最尾好睇啲~有Edison ma~喺到彈結他~勁正呀~呵呵~

>>November 25, 2003 at 10:34:18 PM GMT+8

2003 年 11 月 24 日 星期一 【晴】

今日物理堂~佢喺到講人生大道理呀~講哂成堂~幾好呀~唔洗聽書~hehe~^^"
今日調位呀~原本同阿So坐~但係鵬姐坐第一個位~佢唔想~係到狂叫miss調佢去第二度~
咁岩阿So又想同阿霍坐~(即係鵬姐個位呀)~所以佢地調左喇~幾好呀~同鵬姐坐呀~he~
好野~上堂冇咁悶喇~是關鵬姐係到~有得傾偈~呵呵~

>>November 24, 2003 at 10:16:31 PM GMT+8

2003 年 11 月 23 日 星期日 【晴】

今日去驗眼呀~><"~要接受現實喇~嗚嗚~
左眼100度近視~50度散光呀~嘩~散光呀~死人呀~><"
右眼150度近視~冇散光呀~幾好呀~he~
好彩啲近視比我想像中淺呀~算啦~都要帶~
唔想帶呀~好怪雞呀~點算呀~=.="~
死人眼~有咩近視散光啫~麻鬼煩~超........

>>November 24, 2003 at 8:08:14 PM GMT+8

2003 年 11 月 22 日 星期六 【炎熱】

邊個屎忽痕呀~搞到我去唔到日記~玩野就行遠啲啦~唔好阻住地球轉呀~哼~><"
嘩~今日出街呀~同鵬姐啦~達達啦~阿包啦~家姐啦~阿Sa啦~
佢地話買衫~咁就行旺中啦~勁多人呀~
之後佢地話約左阿Sa~咁就喺條街到等~見到波鞋好鬼想買呀~
可惜一來鞋唔會自己買~要老豆買~二來冇$$$$$$$~三來要老豆鍾意~好鬼死麻煩~><
之後就去左深水埗~去食壽司~好好味呀~襯阿媽唔喺到~仲唔狂食生野~
但係我都唔會食好多ga~食啲啦~一路食一路傾偈~吹下水~幾好呀~
食完之後~就去影貼紙相~影左好多呀~好好玩呀~hehe~^ ^ v
影影下阿媽打黎~叫我去阿婆到食飯~點知個電話自己熄左~咁我就扮唔知啦~
咁就繼續影啦~影完就去行街~達達就叫我地同佢簡帽~帶得好鬼搞野~
之後買左頂黑色ga~98蚊~唔算貴~阿Sa比$$$$$$$喎~叫佢比就比~傻ga~=.="~
之後鵬姐就話買袋~買完之後~個個都話鍾意呢個~鍾意嗰個~
所以達達~阿包都買左~星期齊齊咩番學~呵~
之後搭車走lu~7點幾就黎8點喇~阿媽叫我6點幾7點到~大檸樂~
鵬姐驚比人鬧~所以我地落左車之後行得好快~
到我搭車嗰陣開番電話~阿媽問我喺邊~我話搭緊車黎~之後又叫我不如唔好黎~番屋企~=.="
頂你~我趕黎你叫我唔好黎~但係始終都去左~
佢就話我之前打比你~你又話就黎~e+打比你你話黎緊~之後我冇出聲~
呵呵~但係佢冇鬧~只係話我冇"搭圾"~算啦~我豪比你~呵呵~

>>November 23, 2003 at 6:05:42 PM GMT+8

2003 年 11 月 18 日 星期二 【暴雨】

今日P.E呀~有史以黎今日咁鍾意P.E呀~因為打排球呀~唔洗咁辛苦呀~hehe~
幾好玩呀~雀屎好白痴呀~成日喺到避避避~打比人仲好啦~=.="~正一白痴婆呀~哼~
今日原本測中文嫁~但係.......黎斌話唔洗呀~幾好呀~突然間好愛佢tim~
佢次次都係咁嫁~話嗰日測驗or默書呢~但係次次都唔係嫁~比多啲時間你溫嫁~可能佢知我地一定唔記得啦~所以實遲幾日測or默嫁~佢好就係好在呢樣喇~ha~
今日放左學番左喺學校做份轉題告~我就喺到笑笑笑~
就黎激死鵬姐喇~但係死都比我激番生喎~係咪好勁先~haha~
佢原本好嬲嫁~但係呢........我睇到佢個樣好驚嫁~但係我忍唔到笑呀~我笑左出黎~佢又唔嬲喇~
哈哈~

>>November 18, 2003 at 8:03:47 PM GMT+8

2003 年 11 月 17 日 星期一 【暴雨】

今日收到中史喇~比我想像中高呀~42分呀~算啦~預左嫁喇~但係宗教84分呀~係咪好勁先~
今日英文重測唔識呀~><"~仲衰過第一次測呀~唉~不過算啦~又唔計分ga~呵呵~
今日放學番屋企~之後打比阿媽~話同李愷豚食飯呀~嘩~即刻換衫走人啦~
去到公園搵佢~兩個發左癲呀~哈哈~是關好耐冇見過佢呀~呵呵~勁開心呀~he~
之後佢婆婆叫我用英文問叫咩名~幾多歲~同埋住邊~嘩~仲勁過我呀~題題都識呀~勁呀~
好鬼死叻呀佢~點算呀~佢就黎勁過我呀~唉~有啲羨慕tim~he~
其實係咪幾多餘呢~讀得好地地~又話要佢轉校~鋪我後塵~唔一定好學校先讀得好嫁~
係邊到讀都可以好好嫁~點解你地成日都係咁嫁啫~佢冇得反抗~冇得講~
可惜反抗都冇用~你地都唔會聽~始終都係覺得自己岩哂~好鬼憎你地係咁嫁~
又話我地自己鍾意開心就得~得巴口~收啦~唔講好過講呀~超.......

>>November 17, 2003 at 11:16:52 PM GMT+8

2003 年 11 月 16 日 星期日 【陰】

今日又好似琴日咁~去飲茶~好彩冇好似琴日咁~冇寫錯野喇~haha~
之後阿媽話去行街~我話唔去~因為腳痛呀~><"~嘩~少可喎~有街唔去~好奇咩???????
之後我就番屋企~睇電視~做功課~係咪好乖先~ha~
大佬幫我換左新幹線車第三架喇~仲差一架咋~幾正呀~唔該哂呀~
下之幫我換埋仲好呀~haha~

>>November 16, 2003 at 6:37:44 PM GMT+8