2003 年 12 月 8 日 星期一 【炎熱】

今日應該係上學期最後一日上堂lu~唔捨得tim~he~(講笑啫)
今日又比人罰企喇~真係衰~邊個罰我~咪又係嗰個囉~唉~我真係同你有仇~shit~
今日考音樂筆試呀~識識地啦~he~
今日放學見到李愷豚呀~haha~勁開心呀~佢又高左喇~
佢去考協恩呀~收左喇~><"
真係衰~讀得好地地又要轉~真係麻煩呀~><"
都唔明~轉左都唔一定讀得好~唉~不過算啦~個個都咁怪雞~哼~
今晚我食完飯就溫書喇~係咪好乖呀~he~由8點溫到12點呀~
雖然我係到online~但係我冇玩呀~得個on咋~啲人add我我都冇應~
但係我都唔知自己溫左啲咩出黎~shit~
溫黎溫去都唔識~點算呀~死梗啦~唉~

>>December 9, 2003 at 12:32:05 AM GMT+8

2003 年 12 月 7 日 星期日 【微冷】

今日訓到差唔多12點先醒呀~hehe~
起左身又係online~on左一陣就出左街飲茶~
飲到3點幾~之後就去左萬寧買野食~
之後又再番屋企溫書lu~又係咪好乖先~
今次背書呀~賣炭翁呀~唉~
考試都就黎喇~我都唔知溫得邊樣~too bad~

>>December 8, 2003 at 8:31:35 PM GMT+8

2003 年 12 月 6 日 星期六 【炎熱】

今日訓到11點幾起身~之後online~
到左差唔多12點幾1點~落左街食野~
食完野就番屋企溫書喇~係咪好乖先~
原本唔係咁乖嫁~是關太多人溫書喇~
所以我唔溫會死嫁~
唉~但係今次考試有啲不祥預感呀~
有啲驚~唉~都唔知今次點死~
跳樓死??燒炭死??食過量藥物死??溫書溫死??驚死??
唉~真係唔知點死~><"

>>December 8, 2003 at 8:25:48 PM GMT+8

2003 年 12 月 5 日 星期五 【晴】

今日Day1喇~好慘呀~因為要上生物同西史呀~仲要有周會喎~~><"
咁今日考中文口試~咁我考既題目係"對神舟五號既感受"~
大檸樂~咩叫神舟五號呀~
我只係知楊利偉坐住佢黎環繞地球咋喎~
對佢有咩感受~佢咪火箭一枝~有咩特別呀~
死啦~點算呀~個腦咩都冇哂~空哂~
諗唔到喎~算啦~唔理喇~到講嗰陣先算啦~
到我喇~我都唔知自己講左啲咩~
總之諗到咩狗屎垃圾都up哂出黎~就係咁喇~
好得死難呀啲題自~@@"
上生物堂~又話要測驗喎~
我都冇左件事~算啦~死就死啦~
咁上周會啦~聽咩警察篤篤up耶穌~
又播埋啲黑社會~
白痴啦~嗰個人都唔識賣老翻版~so cheap~
雖然我都唔識~但係睇街啲人~同佢比~簡直天同地比~
即係冇得比~呵~
今日又要番補習喇~唉~冇功課做為有訓覺啦~
一路背書一路訓~個半鐘背左一半賣炭翁咋~係咪好勁~he~

>>December 6, 2003 at 3:11:05 PM GMT+8

2003 年 12 月 4 日 星期四 【晴】

今日P.E呀~冇咩野~幾好玩~he~
今日講中文考試範圍~佢講到份卷好難~
是關份卷真係好難~
死得啦~份卷咁難~我咪得~實肥啦咁~
唉~其實出卷咁難做咩啫~
你地出得辛苦~我地溫得又辛苦~
我地考得唔好~我地又唔開心~你地又覺得教得唔好~
有咩謂呢~係咪犯賤呢~
你地出得淺~大家都有著數~唔好咩~

>>December 6, 2003 at 2:53:41 PM GMT+8

2003 年 12 月 3 日 星期三 【炎熱】

今日測中史呀~唉~又唔識呀~都唔知考試點死~@@"
今日細佬達達15歲大壽呀~恭喜恭喜~生日快樂呀~
今日放學~唔想咁快番屋企~所以兜路行~
咁番到屋企冇人喎~咁就打比阿媽囉~佢問我喺邊~我話岩岩番到屋企~
之後佢話我同李愷豚喺你平時行番屋企嗰條路等緊你喎~你見唔到咩~
之後我話今日冇行嗰條路呀~哎呀~總之今日唔行嗰條路啦~激死人喇~><"
之後佢就話買完野就喺我屋企樓下等~次後我就仆到落去啦~
嘩~正呀~李愷豚呀~好鬼死掛住佢呀~開心到爆屎呀~哈哈~^^"
佢見到我~就跑過黎~之後我話~叫我呀~阿姨~哈哈~幾鬼正呀~呵~
之後一路行~一路問佢野~
我問~你有冇聽先生話呀~佢話冇~我話點解呀~
之後佢就話~因為我唔鍾意聽佢話囉~=.="~真係比佢激死~
咁我又問佢~你鍾唔鍾意番學呀~之後佢又話唔鍾意~
我又例牌問點解呀~佢話唔鍾意同小朋友玩囉~真係怪雞~@@"
行到去7-11~我入買野食~之後我話你食咩呀~
佢話食燒賣~咁我攞野飲~我問佢飲唔飲呀~
佢話我唔飲得凍野呀~我咳呀~我又話我冇話比凍野你飲呀~
之後就買左枝水比佢~佢好鍾意食燒賣呀~食左5粒呀~he~
之後我番補習lu~同佢講bye~bye~佢唔彩我~><"
是關佢唔同人講bye~bye~唉~
但係算啦~我見到佢呀~好鬼死開心啫~呵呵~


今日就係細佬達達15歲大壽啦~咁我同kei kei同佢去食lunch~
咁就去左華都啦~咁去到都1點半喇~叫完野食~咁就黎餐湯~
飲完哂餐湯~等左好耐~啲野食都仲未黎~諗住想走~
但係冇理由叫左野食又走人嫁ma~咁就喺到等等等~
達達好想走嫁~但係又好似唔係幾好意思咁~
是關佢好想番去玩呀~唉~今次好心做壞事喇~
諗住同佢生日食一餐~點解搞成咁~><"
食完就拿拿聲走啦~行得好急~
是關就黎遲到~=.="~
好彩岩岩好~冇遲到~幾險呀~
但係搞到達達冇得玩~有啲內疚~
一年一次生日~冇哂時間同佢啲fd玩~><"


達達~唔好意思呀~
同你食個lunch~搞到你冇時間玩~sor呀~
你要嬲就嬲啦~我唔mind嫁~

>>December 6, 2003 at 2:47:06 PM GMT+8

2003 年 12 月 2 日 星期二 【颳風】

今日冇左兩個小息呀~餓死我呀~><"~如果餓死左我你地就知死~哼~
咁今日英文堂默書啦~我就梗係例牌唔溫嫁啦~咁就一定出cat嫁啦~
咁我就打開本書~放左喺書包到~我個書包放喺"櫃同"到~咁咪可以睇到囉~
點鬼知個死人機關槍~企喺我格離~好似知我出cat咁~搞到我冇得出~><"~i hate you~
車~我最多咪唔出~我睇鵬姐~問你死未~哼~
咁默完~我地改~哈哈~岭子擺本書喺枱面抄~
比機關槍見到~即刻食蛋~記缺點呀~哈哈~好大個白痴呀~
唉~證明左呢啲係絕世死蠢呀~cat都唔識出~死左去好過啦~呵呵~

>>December 2, 2003 at 8:33:32 PM GMT+8

2003 年 12 月 1 日 星期一 【颳風】

今日放左學唔想番補習既關係~所以就同kei kei~m雞去左大腳指~
但係又未過5點喎~所以就去左接麥嘉鴨放學呀~(即係麥嘉雞個妹呀~he~)
佢放學出黎嗰陣紮紮跳嫁喎~見到我同kei kei後~就跳都唔跳~笑都唔笑~聲都唔聲下~
咁m雞叫阿鴨拖住kei kei啦~佢又唔肯拖喎~
叫佢叫姐姐啦~佢又唔叫喎~行行下個樣仲好似想喊呀~
咁我地就拿拿聲走啦~m雞就跟埋我地搭車~送kei kei番屋企~
搭搭下車~我就攞左樽星星出黎~阿鴨見到就隻眼好似發光咁~
咁我就問佢係咪鍾意呀~之後我就倒左幾粒出黎~
叫佢攞一粒~佢真係攞呀~佢攞左一粒粉紅色~之後即刻放落書包~
咁我番到屋企~我同李愷豚傾緊電話~
kei kei打黎話~阿鴨將我地送比佢粒星星放左喺床頭呀~幾鬼搞野呀~^^"

>>December 2, 2003 at 7:42:21 PM GMT+8

2003 年 11 月 30 日 星期日 【晴】

今日好鬼凍呀~唔願起身~hehe~
唔知點解~我著幾多衫~啲手腳都係咁凍嫁喎~我大佬話我泠血~=.="~
起左身就落街食野~食完野就去行街~
行行下唔想行~所以番左屋企~
番到屋企~開電腦~唔知點解開唔到喎~
之後就梗係打電話求救啦~
唔知點解我take左隻磁碟出黎又開到喎~咁鬼死怪雞~=.="~

>>November 30, 2003 at 8:51:40 PM GMT+8

2003 年 11 月 29 日 星期六 【颳風】

冇心情~=.="~

>>November 30, 2003 at 8:44:37 PM GMT+8