2004 年 2 月 14 日 星期六 【炎熱】

今日終於番屋企喇~好掛住屋企呀~
番屋企有番屋企好~
但係好唔捨得啲阿sir呀~><"
番到屋企有啲唔慣~
唔慣得5個人食飯啦~(入camp有7個)
唔慣得1個人沖涼啦~(入camp有6個)
唔慣得1個人訓覺啦~(入camp有7個)
等等啦.........................................
好多野都唔慣呀~>"<
最唔慣就係冇比人罰呀~(入camp成日比人罰)
哈哈~~係咪好犯賤呢~呵呵~
算啦~遲啲有得番去警校同佢地燒野食呀~ya.......














今日情人節呀~情人節快樂~
希望個個都一雙一對啦~呵呵~

>>February 17, 2004 at 8:35:40 PM GMT+8

2004 年 2 月 8 日 星期日 【暴雨】

今日11點幾起身~
之後1點幾去食野~
之後就番屋企~
再之後就同kei kei去買入camp啲野~
買完去食野~見到個o靚仔~好肥呀~好鬼得意~
佢食哂啲野之後~佢阿媽話~你冇比我食喎~
個o靚仔諗左一諗~就話~我第日請你食啦~好鬼得意~
我地飲左奇異果汁呀~好好味呀~不過淡左啲~飲完就番屋企lu~
番左屋企一陣又出街食飯~=”=
咁就一日lu~





聽日行刑喇~好驚呀~好辛苦嫁~
今晚又訓唔著喇~唉~>”<

>>February 8, 2004 at 10:35:41 PM GMT+8

2004 年 2 月 7 日 星期六 【乍寒還暖】

今日同左達達~朱仔~鵬姐去食壽司~
去到好多人呀~要等位呀~
咁我地就上左去細路仔既機鋪~
睇左人打一陣機就走~
落左去~叫左我地個number~
又要從頭排過~>"<
之後就坐邊邊位~要自己出去攞野食~
食到4點幾就走~
食完就去行旺角~
去到買野飲~我買左炭x烏龍茶~
勁難飲呀~飲左一半都唔阿就唔飲lu~
去左cheap之堡行~好多人~
之後去左唔知邊到~好少人~
行完就走lu~我同鵬姐搭地鐵番觀塘~
番到觀塘勁大雨~
諗諗下不如行觀廣~
鵬姐食撈麵~行左一陣就走lu~
走都係咁大雨~
冇計啦~淋雨番去~
唉~番到去又比人鬧喇~
食完飯~老豆攞張成績表黎睇~
佢話~嘩~有冇攪錯呀~
同舊年比差好遠喎~
之後又話我大佬~
佢話~你一番黎就攪到家姐咁既成績呀~
你再攪到家姐咁你番姑媽到呀~
其實都唔係鬧得好勁~
但係實在考得太差喇~
再係咁真係死梗嫁~
唉…………..>”<
好辛苦呀~我都唔明點解會咁~
又唔係冇溫~又唔係冇讀~

>>February 8, 2004 at 6:28:30 PM GMT+8

2004 年 2 月 6 日 星期五 【乍雨乍晴】

唉~死喇~今日派成績表呀~死梗喇~
今日7點3起身~大鑊喇~遲硬到呀~
即刻起身換衫~點知番到去都係遲到~
遲左6分鐘~唉~遲到要Mark Time呀~>"<
之後今日既工作就係見到人地啲家長黎就要講"早晨"~
見到人地啲家長走就要講"bye-bye"~
人地唔知啲課室係邊就要帶佢去~
就係咁喇~由8點半企到4點~冇得休息~
得lunch有得休息~
一路企一路食風~凍到阿媽都唔認得~>"<
隻手都彊哂~隻腳就庳喇~><"
之後我阿媽黎~佢就打比我~
之後就同佢入去見吳sir~
死人頭~不斷講我啲衰野~
又話我上物理堂佢講啲野睇我個樣就知唔明~(有得睇樣嫁咩~白痴)
又話物理咁簡單既野都唔明~
(超~我就係唔明~根本就係你既問題~個個明就唔洗攪到咁多人肥佬啦~低能)
問我阿媽多數係屋企做咩!~
阿媽就話玩icq囉~又話我成日玩完icq先做功課~
根本就吹水~我根本就係一路玩一路做~
又話我成日做到好夜先訓~
11點幾訓仲話夜呀~都唔知咩人黎嫁~唔係都變係~
吳順德仲衰~
話我如果再係咁~要我阿媽cut寬頻~="=
Fuck~之後佢未講哂我就好快咁講唔得"~
你都痴孖根~你打死我都唔cut~哼~
又問我多數係班同邊個一齊~
我咪話"鵬姐"囉~
又話同個考第一既一齊都可以啲成績咁既~
嘩~同個考第一既一齊就一定考得好嫁~你都傻ga~
又要我搵補習~又話平時我有冇抄功課~
睇平均分就知~(咩人黎嫁~一睇就知~你有透視眼呀~白痴嫁)
之後就同我阿媽講有咩攪唔掂我就打比佢~="=(你都有病)="=
之後就走lu~阿媽睇到咁既成績黑口黑面~
考全班25/37~全級162/192~
唉~我都極之唔滿意~都唔知點解會攪到咁~
唔得喇~要發奮喇~
之後當值當到12點3~就去食lunch~
食完番去再企過~
lunch之後冇咩人黎~我地係到玩~
唔知邊個有夏蕙姨電話~打左比佢~
阿雷比左我聽~聽到把聲真係佢黎嫁~
唔知同佢講咩就比番佢~
佢又話比我地個電話佢~
哈哈~我有梁鴻志電話~比左佢呀~
佢問先生or小姐~我地話小姐呀~
今次佢仲唔死~
企到4點就走人lu~又去買去camp啲野~
買完之走lu~
之後就去左阿蓓到食飯~
同阿蓓玩左一陣就走lu~
番屋企lu~咁就一日lu~






唉~都唔知點算~考到咁~點升F.4呀~
下學期要努力喇~發奮喇~
一定要升到F.4呀~升唔到就死人喇~
聽日老豆番喇~有排比佢鬧呀~唉~>"<

>>February 8, 2004 at 12:27:32 PM GMT+8

2004 年 2 月 5 日 星期四 【乍雨乍晴】

今日上中文堂~
個代課miss講書~冇咩人聽佢講書~
得佢講~冇人聽~佢又係好似miss lam咁~
講講下又會講人生大道理~
放學之後就周會~
鄔sir做主講~又唔係好悶~又唔係唔悶~
之後放學就去見范美儀~講去camp啲野~
講到差唔多4點半先走~
放左之後就即刻跑去搭車~
是關去上堂~上nuring呀~
佢上堂講過~過左4點9就當冇到~
係咁跑係咁跑~好彩岩岩點緊名~
唉~上堂好鬼悶~
番學等休息~休息等放學~
放左學之後就去操~操左一陣~
今日全部人一齊操~ok喎~
操得都唔差喎~好過之前好多~
操完之後就行去買白飯魚~
去到竟然冇碼~="=.......
咁辛苦行去竟然冇碼~激死我喇~
咁之後就行番屋企~
咁就一日lu~





聽日死梗喇~派成表呀~唉~>"<

>>February 8, 2004 at 11:58:49 AM GMT+8

2004 年 2 月 4 日 星期三 【乍雨乍晴】

今日好凍呀~得9℃咋~凍屎人呀~>"<
唔願起身呀~7點4先起身呀~
今日又比條仆街疾呀~
佢叫我地星期一帶哂啲英文W.S番去~
之後我話好多喎~
佢就話咁你帶唔帶呀~
超~我都唔洗帶~都唔關我事啦~
嘩~今日P.E好好玩呀~
打羽毛球呀~好玩呀~一啲都唔辛苦~
放狙學就同kei kei去左觀廣買野~
食no麪呀~好好味呀~呵~
之後就番屋企lu~
咁之一日lu~

>>February 4, 2004 at 8:16:53 PM GMT+8

2004 年 2 月 3 日 星期二 【晴】

今日上英文堂~
比死人林小玲鬧喎~仆街黎嫁~
今日許遠清冇番~有人黎代堂~
張國權黎代課~佢好好人呀~
又玩得又講得~佢做班主任就好喇~(發緊夢)=.="
佢代一堂咋~之後陳如珠代呀~以為好正啦~
點知.......個死八婆林小玲黎話"Miss Chan,今堂我代啦~你可以......."
佢唔好意思叫人走~
之後陳如珠就走喎~
成班係到噓~
之後佢就係到做作文~
我地作左3篇~有啲人未作哂~
比啲人作埋佢啦~
點知打左鐘都唔走得喎~
等左陣先放喎~
之後佢就同我地講睇下你地以後仲敢唔敢唔交功課~
之後話唔做ga就留堂做~
之後我就話交左嗰啲咪又係要留~哂氣~
之後佢聽到喎~又話咁你做唔做呀~
嘩~之後即刻變面~
話勁大聲鬧我話~
話"係咪阻你小小時間都唔得呀"~
之後我話唔係唔係~廢事阻住我放學~
正一仆街黎嫁~超.......
算~我豪比你~哼~
之後放左學就去搵龍sir講去camp ga野~
之後就同kei kei同安安去買野~買去camp既野~
之後就去食野~食完就番屋企lu~
咁就一日lu~
呀~聽日P.E呀~唉~>"<

>>February 4, 2004 at 7:59:06 PM GMT+8

2004 年 2 月 2 日 星期一 【晴】

今日放左學就去操~
操到成7點呀~勁累呀~>"<
咁就一日喇~

>>February 4, 2004 at 7:34:38 PM GMT+8

2004 年 2 月 1 日 星期日 【微冷】

今日去左銅鑼灣~
去左SOGO Nike專門店到換鞋呀~太大呀~
點知問佢有冇細啲~
佢話最細得9號~="=
咩Nike專門店黎嫁~
最細既鞋得9號~接埋佢啦~哼~>"<
之後就落去食紅豆燒餅呀~好好味呀~
之後就去銅鑼灣另一間Nike專門店到睇下啦~
之後佢又係咁講~唉~
佢又話比我知間間都唔洗去喇~
間間都係最細得9號咋~
新年已經比人買哂喇~
唔係ma~係咪真係咁好生意呀~
之後冇計啦~最後都係換衫同褲同襪~
之後食埋野就番屋企lu~
咁就一日喇~

>>February 4, 2004 at 7:31:42 PM GMT+8

2004 年 1 月 31 日 星期六 【微冷】

今日12點幾起身~
之後就出左尖咀食野~
之後就行街~
阿媽買左條手鍊比我呀~300幾呀~哈~
之後行行下又買左件衫比我~200幾呀~
之後大餅乾打黎~
話買對鞋比大佬~
之後我話~我又要呀~
之後佢就問我著幾號鞋~
嘩~發達喇~
又有一對鞋喇~ya~ NIKE呀~
正爆呀~
行到6點幾~去食野~
食台灣野同葡國野呀~好好味呀~
之後去食糖水~勁好味呀~
之後就搭車走人~
番到屋企睇”Feel 100%”~
睇過嫁喇~但係都好好笑~
咁就一日lu!~

>>February 1, 2004 at 12:25:48 AM GMT+8