2005 年 6 月 12 日 星期日 【晴】

「琴日發噩夢，好唔開心，一起身成身汗，還夢見公司裏的人...................我發夢打左一個肥仔一身....但打完佢好唔開心..........」

>>June 12, 2005 at 11:25:54 PM GMT+8

2005 年 6 月 11 日 星期六 【晴】

「琴日好唔開心，有兩件事，但其實都係關連的。
原來前天覆了一個客人的期覆得好差，一天內我竟然覆了幾次個期俾佢，最初因為自己無跟大陸o個邊check 下個期就覆(因為本身工場起辦慢左，所以咪覺得係自己唔o岩，所以咪諗住早d俾佢)，所以個客覺得我地好似把佢的單不停咁tun，好興咁.....之後打去alice(經理)不停插佢，所以之後就輪到我俾alice插了，其實我承認今次係自己錯，所以根本全程只說唔好意思，也對她們說是我的過失，下次必定不會再這樣，也會以此為鑑，凡事商量。其實alice最初的語氣係唔好，但後來因為我都不停say sorry，所以佢後來變了鼓勵我和教導我。這次我做得不好，所以有錯就會認，不會死撐。唉....以前報期根本不會這樣，會先check才報，今次真係太大意........
第二件事其實和大陸maggie有關，其實都係同一張單。剛才說過起辦遲了，所以貨單想快一點俾個客。之後個客追個辦，maggie話已寄出，我追了成朝awb，最後終於問到佢了，但原來佢d貨根本未做好，那來已寄出.......但alice就因為咁又被客罵多鑊，所以佢好怒，一怒之下就和mabe(經理)商量，就即炒了maggie........無可否認，近來maggie的表現係差了很多，但佢地有否了解過原因。maggie佔了9成單都是和我夾的，佢有幾多單，有幾多野做我最清楚，佢的workload係我地兩個經理分配的，佢地把咁多account和客戶交俾maggie，無考慮過佢的接受程度，仲話俾咁多機會佢去做大客，到時出了岔子，做錯了事就找她祭旗，為何會咁唔公平？如果佢係有一個月通知的話，我一定會同winnie(老細個家姐)講呢件事，去為她求情。佢地話maggie誠信有問題，要開除佢。哇.......真係好狗，人地跟左成年單，幫公司賺左咁多錢，一句唔該就開除人.........好無情............maggie，好唔捨得你，我和你跟單跟足半年，你個人係點唔通我唔知咩........佢地太無情，太可惡了...........今天難得放假，在家中和你傾了個幾鐘.....希望你可以做你喜歡的老師的工作，我已給了你我的電郵，你一定要記住和我聯絡呀，有事一定會幫你。可惜你家在湖南，遠水不能救近火.........唔緊要，希望你前程錦鏽。」

>>June 11, 2005 at 12:19:39 PM GMT+8

2005 年 6 月 10 日 星期五 【晴】

「今天無乜大事發生，好開心，七點就收工去買con....因為原來和我想的一樣....副con崩左....怪不得咁q 吉。今天把有問題的單全部覆了一次，e mail睇晒，pi入晒............好耐都未試過咁快了。好開心」
「大咸哥，返工定有唔開心，但過了就會開心番了。好小事者，有時會munk d，但係發洩了出來就okay，鬱住反而死呀。haha而且學習的階段就係咁。你呢？你似乎工作得很順利，good ar！」

親愛的留言︰
大名： 阿飛
電郵： [email protected]
說： oh...可憐的泰利, 返得唔多開心又無哂d 私人時間, 不如轉工好過吧.
>>2005年06月09日 00:16:00

>>June 10, 2005 at 12:14:38 AM GMT+8

2005 年 6 月 8 日 星期三 【晴】

「今天真係好姆煩，無啦啦今天又開左三個小時無謂的海外組會議...........成日係度浪費時間......其實d單有問題，咪一個同一個講。我明白開會一齊講係想一起分享，但係那有咁多精神去聽，晚晚做到咁q夜，邊有精神去集中去聽。搞到開完會後就會有四五十個mail....我又要迫自己睇晒才走...搞到晚晚都咁夜。馮一,三,五都要夜走，點解？因為星期一要承接星期六d mail，皆因星期六大陸個邊會返full day。星期三(即今天)要開會，搞到d工作停晒。星期五要準備星期六d開會d野，又要計總數俾mabel，全部data都要入妥才計到。我真係好討厭咁樣開會........太冗長.....反而失去了其原意....我覺得有些野係值得去討論才去開會傾......咁樣只會拖慢工作節奏。之後開會時無啦啦係度講payment.........佢地d經理講就講得好易，又話呢條數既然對到，但銷唔到，就要去按電腦找，是否未出齊發票之類。佢話其實上兩個月又話清到o個d數，現在還有，問我有冇去和fanny對。我小呀.........條條數我都係自己一個人去check ，去解釋，之後我把所有解釋和數目交俾fanny，我同fanny講有問題一定要找我去對番....結果佢無找我，我當然以為無問題，唔通我自己無啦啦又走去對呀。小........好姆無奈..............之後今天副con唔知做乜q，都唔係今天了，這個星期都係咁，左眼勁吉............但d野又積住....唯有頂硬上去做....好姆痛呀隻眼..........回到家話隻眼有點吉，無啦啦老豆一句dut埋來，話我唔捽副con，話我懶有自己一套咁.........小....我自從那時佢叫我捽後，我每次都有，之後佢又話又唔去配番副。我小呀.......日日收咁夜...邊有時間呀...........唔知點解突然好姆興.......之後咪表現到有點潑辣咁........又好姆寸咁.........唉......其實我自知咁樣唔對..............父母也只是為自己好，但唔知點解真係好鬼興...我想發洩。今天咁多粗俗的助語詞。各位請見諒。因為我真係想在自己的空間發洩下...............」

>>June 9, 2005 at 12:05:21 AM GMT+8

2005 年 6 月 8 日 星期三 【晴】

「前幾天電腦死左，入唔到window....好彩自己付碌搞番掂.......但所有野要重新裝過晒......呼..........」

>>June 8, 2005 at 12:49:47 AM GMT+8

2005 年 6 月 5 日 星期日 【晴】

「今天很少人打波，無乜mood呀。今天夜晚下大雨，仲有無數隻蟑螂，好鬼恐佈。識飛的.........~_~ 之後今晚和joey傾左好耐好耐計........得知佢有機會in新工，其實工作要講緣份.............」

>>June 5, 2005 at 2:44:34 AM GMT+8

2005 年 6 月 3 日 星期五 【晴】

「今天原來helen生日，前日佢就升職，真係雙喜臨門。helen今天收花，之後我就問佢邊個送，之後唔知佢地講乜，就話我轉數低，又話乜鬼咁鬼笨.....都唔知佢地搞乜鬼........但總之好多謝佢地請我地食飯。謝謝呀！今天早了收工，並不是搞掂d野，而係因為d同事走晒.....唯有被迫被人趕走了..........今天八點零就走了.......算早了」

>>June 3, 2005 at 11:59:22 PM GMT+8

2005 年 6 月 2 日 星期四 【晴】

「alice經理今天突然叫我入房，之後被佢照肺。昨日佢問我兩張單，佢好急的走過來問我，之後話甚麼garment 飛機，之後我拿了兩張單出來，佢指著一張問我客人甚麼事候落單，咁我咪話俾佢知係五月十三日。之後我就同佢講，就算四個星期交貨，我們都是6月10日交，要趕還趕得切。但佢並沒有問我另外一張五月七日落單的，我又不為意，唔知佢做乜。所以見佢咁急，都費事再講咁多，而且佢都急急腳閃左。之後今天bom一聲叫我入房話我做乜報流料，話我做乜同佢講五月十三日落單，搞到佢同個客講番，被客寸番轉頭，因為個客話咁五月七日的訂單呢，計四個星期交貨應該係6月6日，佢話我做乜隱瞞另一張單。我當時好興，甚麼隱瞞呀，我怎麼能夠隱瞞，全部有字為證。當時佢拿著五月十三日的單問我是何時落訂單，我當然話五月十三日。但佢無問我另一張單就走了，咁佢咪以為兩張都係五月十三日。shit......我鬼知佢覆客mail嗎...................無啦啦咁樣被佢話我隱瞞........好嬲......」

>>June 2, 2005 at 11:57:01 PM GMT+8

2005 年 6 月 2 日 星期四 【晴】

「今天的工作都是很碎.....做到閉門才走.....都差不多九點了...........不很累....但只覺得為甚麼自己的工作能力咁低....可否做得快一點呢.......今天kelly和helen升職呀，她們都是我們team的，yeah....感到光榮呀..........我都要努力d.....學多d野。」
「大威哥，我地無淡季嫁，因為一年裏面有邊日係無人穿衣呀。每天都會有人穿衣，夏季有佢款式，冬季亦有，hahaa淡季每週都五六十張單嫁。ahha所以跟這裏的單都有點吃力...........」
「joey，你的電腦壞了，不過都希望你多點休息。因為病了就不能工作了。」

親愛的留言︰
大名： 神秘正義過客路人俏三成
電郵： [email protected]
說： Terry真辛苦...
而家唔係應該係淡季黎既咩?
>>2005年06月01日 01:31:03

>>June 2, 2005 at 12:08:36 AM GMT+8

2005 年 6 月 1 日 星期三 【晴】

「今天其實有點興。琴日特登夜d走，諗住清晒手頭上的野今天可以可以好輕鬆咁recap d單。一返到去只見有10封郵件，滿心歡喜。點知......shipping osa無返....今天要和helen一起跟晒佢d野.......shit.....又係度不停咁忙shipment，成個下午只看了幾十封mail，但係d mail好似倒水咁來.........越看越多.........在整個早上就是為了振興套單，煩左兩個幾鐘，因為一整批貨，客要求分三次走，但大陸同事就諗住一次過ship out（因為貨已出了很多)。之後d貨落到香港，就要這邊不停咁抽番d貨，再另外裝箱，但這批未ship out住，會退回大陸廠........但d資料就唔同晒，便要再搞過d文件........之後就要和flora夾，又話好急要今天入倉.........今天回來才知道這件事.........真係心臟病，shit......之後到了下午又要和另外一個客博殺，就是hembly.......我地最初應承佢30號交貨，但工場突然27號話唔得，咁我地即時同客解釋，個客最初唔ok，話一定要31號ship out，但係後來同佢講左d理由，佢就話都接受，我地最終compromise 5號交貨。但琴日突然反口，話2號一定要交貨，要不然claim我地garment飛機費。shit...出爾反爾....之後今天整個下午就不停咁樣去和他周旋。來來回回很多mail....最終用了高生(我地ceo)教我們的絕招，就是將心比心，我同客講如果你地buyer突然要你地速交貨但事前已應承可以delay，又話要claim乜claim物，你地都會覺得不公平和不合理啦.....之後講完佢就接受了6號交貨了。終於放下心頭大石.......... 可是d煩野接踵而來。我今天做埋osa d野已經很忙，alice經理無啦啦走來問我忙唔忙，然後話d野好急，要我做trim咭，再寄出，但佢自己不夠幾分鐘就去和人吹水............我真係好興........我忙到pk咁濟....佢就係度自己傾閒計....再將d厭惡工作扔過來.....不過因為佢係經理...我算數.........之後夜少少我諗住清咁d野...佢無啦啦打電話來叫我幫佢scan野....但部機只在她不遠處..........佢竟然特登打過來話要我幫佢scan....shit..........之後話白鬥白，睇得唔靚，再叫我用一d顏色底紙scan過..........之後話都係唔夠靚，再叫我去影印機打開個蓋，影一張黑紙出來，再剪貼去scan多次......小......用左成半個鐘頭搞呢d無謂野.......好嬲..........今晚成九點八到才走...........好累...............sun完算了，其實都係好小事者，經理就係咁.....佢要你做乜都要做嫁啦..所以我決心要學晒佢d野..做得好過佢..等佢聽番我講............明天訓醒就無事了...只不過今天真係好stressful..........」

>>June 1, 2005 at 12:24:34 AM GMT+8