2006 年 8 月 5 日 星期六 【晴】

「今天開會如常的開到兩點。開會前豬姐問我幾時同佢摸酒杯底，那我就預知佢看過我日記了。其實佢係一個好好的女仔，成日都會關心朋友和体諒別人，處事又能幹，而且佢例必尋根究底找答案，相比之下，我就遠遠不及。今天佢同我傾左一陣，好開心佢好明白我。其實講起來又搞笑，每次我想離開威信，心灰意冷的時候，佢總會在我旁邊支持和鼓勵我，使我重拾信心。今天食完飯後和她打一陣機，挺開心的。好耐無玩kof，但仍然打到最後大佬，挺開心呢。haha今天本身約左打波，但後來話唔夠人要取消。呼.........又無得打。前幾天和dennis談論開俾家用問題，發覺自己真係好不孝。現在我終於知道自己點做，真係好多謝佢！」

>>August 5, 2006 at 11:59:58 PM GMT+8

2006 年 8 月 5 日 星期六 【晴】

「今天去左養和覆診。今天放工又十點........好累了。」
「hi，好高興又收到你留言。你完全係一矢中的，講野也有深度。其實你說得對，在公司看來，細客有機會會變大客，所以公司一定會重視。但公司給我們的指引就是我們的客人太多，要作西選。不過你講得也有道理。我在日記都是想發洩一下，好讓自己壓力宣洩。謝謝你呀！」
親愛的留言︰
大名： hi
電郵： [email protected]
說： 在公司來看, 不管那是大客與否都會受到重視的, 公司是看長遠的, 細客可能終有一日變大客。客人call到Alice, Alice一定要先滿足客人要求再給你們壓力, 因為客人的心理是, 我找你們上司就是要他say yes, 若Alice say no的話做會得失了客人。再無理的人也有, 去到那裡都會有。加油!
>>2006年08月04日 11:46:06

>>August 5, 2006 at 12:30:14 AM GMT+8

2006 年 8 月 4 日 星期五 【晴】

「今天都係十點走....已經差不多一個星期無見過父親...........今天不停咁追振興的payment，講真，換轉係我，上次我就實唔放數，成七萬幾蚊，我地拿住堆貨，人地才緊張。現在貨都走左，人地彩你都低b......但mabel話放咪照放law.......之前三萬蚊都要收客deposit，現在七萬幾八萬蚊，又放得咁爽，真不明白。講真，我話之振興air garment，我地無遲期，為何硬要屈服，最慘係要向公司交待馬.................所以我上封都話......客o岩我地要扮死狗，我地o岩也要扮死狗就係咁。振興這個客咁難搞，唔做佢生意我也相信不會死人冧樓，加上佢sales amount並不特別突出。而且佢d單都係gap 星nomiated，根本佢自己source係唔會找我們，我亦無興趣幫佢跟野。佢地郁不郁就打俾alice，之後alice就乜都應承個客，唔理三七廿一幫客插隊趕期。講真，人人都急嫁啦，個個插隊，人地就慢晒，但佢就可以在客面前攞威。厲害，我地就同客猛撐，佢就不停俾favor。我夠知可以趕快期，無他的，即時叫工場，叫angel盯緊，即晚做，實沖到，但我覺得唔值law........你今次沖到出來，下次人地一樣要你咁樣死出來。難道你每次都咁樣？大客我覺得可以俾面，但振興好大咩？辭職信我諗緊點打........希望我今個星期盡快有決定。我諗我都係太差勁，做得不好，可能被人炒多過自己辭呢。ahhaha」

>>August 4, 2006 at 12:48:23 AM GMT+8

2006 年 8 月 3 日 星期四 【晴】

「今天由一號風球轉去三號風球，正好配合我的心情。今天中午又要開會，已經有很多野做，仲要開埋d無聊會，咁又兩個鐘........真係人都顛.............每天我都無咁多時間去處理郵件，大陸同事之前又話我地d單簽得慢，但我那有辦法，佢地全部人的單都經由我去對，現在動軏一天上二十多張單，每單又要仔細check item, col，數量，價錢......那不是時間嗎？所以郵件就壓後看......所以每天六時就開始清郵件........今天還要被mabel訓話了幾句。事緣是關於振興的單，因為客人之前無講到deadline是幾時，咁我地咪按正常程序做野，但七月底突然話要走貨，好急，又話claim飛機費又性。但最終仍然趕得出。可是中途mabel不滿我說謊騙她，話其實上星期五已走左貨，佢話我為甚麼作故仔，話未走。唉.............講真，我真係得鬼閒作故仔咩，因為我個心成日諗住這個星期一一次過走，因為客人都話成衣一次過開裁，俾某一兩個色佢無用。但咁o岩星期五kashin無俾出貨文件振興，我就suppose係星期一才走速遞。所以mabel問到，我咪話應該星期一走晒尾數。點知check番係星期五已走左大部份，而尾數的確係星期一走。我承認我有錯漏，係因為我無和kashin夾清楚星期五和星期六都有野走.......所以我都同mabel講，我無動機，也無必要去說謊，但我承認我係跟得不足...........所以今天都無乜心機，但也做到九點九才走..............我唔知.........alice又要我覆錦鯉的emai....人地又係attention俾佢，佢又要我覆d問題issue........唉......咁要力撐當然要有poiint....但佢就話我寫得長篇大論......事緣是因為錦鯉d人不喜歡看長郵件......但拗數要講證據，我唯有開宗明義就話 We belive this long mail will create disturbance to you, but we really hope you can read the picture clearly and more understanding to us.....唔知........我真係想有點私人時間去報下course，學其他野....garment我真係無興趣，尤其係我地個角色係，我地o岩，又要扮死狗求人；客人唔o岩，我地一樣係扮死狗去就人。總之客人就是對.........好無奈.........現在搞緊份resume......不知 日後怎樣......」
奈何
「狂風颯颯刮著臉，飛雨汸汸灑在肩；
舉步跚跚踏在前，有苦難以告蒼天。」
「hi你好，多謝你，你是...........能否讓我知道 尊生大名？」

親愛的留言︰
大名： hi
電郵： [email protected]
說： 做一切你想做的事, 還記得當初畢業時你所想嗎? go a head!
>>2006年08月02日 09:29:44

>>August 3, 2006 at 12:30:58 AM GMT+8

2006 年 8 月 2 日 星期三 【晴】

「今天來了個新同事，叫eunice。haha從前我識的是南洋eunice，是個肥婆，又寸又剩，現在這個好像斯文多了，但我未同佢講過一句野。hoho.......近來同cici傾左好多計.........好開心，知道她有新的目標，十分清晰，我也戥她開心呀！可是我自己還好像盲淙淙的。」

>>August 2, 2006 at 12:48:04 AM GMT+8

2006 年 7 月 31 日 星期一 【晴】

「近來對工作老是提不起勁，很多東西要跟，跟不完，所以有d本pei......唉..........搞到被mabel暗罵了一番。也抵自己死，因為自己都唔係太緊o個單野。可能也有點意氣用事，因為我好憎呢個客。等我清醒番先。都話以後打死都唔做garment，尤其是我地下欄廠，就算做對，客人硬來我們也要硬食，做錯更加pk，咬住你唔放。這個只可以做對，不可以做錯的模式，簡直是磨練。好想快點轉工，因為現在的工作時間仍然好長，公司改革仍然有一段很長的路。而且我也想趁現在找一份工，可以有時間給我報course.........近來心情欠佳.....」
「hihi，你好呀，我不知道光臨蔽日記的是誰。但好多謝你的關懷。你也是，要活得健康，工作愉快。」

親愛的留言︰
大名： hi
電郵： [email protected]
說： Take Care by yourself ar. When you really feel tired, take a rest.
>>2006年07月29日 15:05:51

>>July 31, 2006 at 11:44:22 PM GMT+8

2006 年 7 月 29 日 星期六 【晴】

「今天又破紀錄了，十一點幾才放工。身心疲倦。今天好多野要跟進.........唉......只搞振興和錦鋰這兩個客人，已夠我無左半day.......之後搞埋鄭生個ann taylor辦單......唉......好多野要跟.....時間好多時都唔夠....唉.....」

>>July 29, 2006 at 1:48:23 AM GMT+8

2006 年 7 月 28 日 星期五 【晴】

「其實今天我還有些話想留下。
今天中午和frankie佢地在conference room食飯，講開星座與脾氣的問題，佢地個個人都話我脾氣好，好像從不發脾氣。我聽起來真慚愧，上星期還想動手丙derrick一鑊。haha 佢地話我白羊座，脾氣應該暴躁，但其實我也認，自問有時發起脾氣上來都幾恐佈。有時不知道自己是否好假，在公司成日笑，好似好假咁，不過我自中學時已經係咁，見到熟人就會微笑。以前有個朋友就同我講過，我唔笑個樣好似嬲左成村人，也好似好唔開心咁，所以之後就成日笑。alvin仲話我甚麼招牌笑容。haha笑死我了。hoho其實笑都幾好，每天人地見到你咁都會開心d，尤其喜歡和tracy玩，因為佢好搞笑，成日傻下傻下，所以我成日叫佢傻婆。不過好奇妙，我第一天到公司，就覺得佢會和我成日鬥氣。haha
這班同事真係好玩得，也好nice，無乜機心，所以大家都可以好融洽。
在工作方面，現在好像沒有多大突破，我都在想想將來的發展。但現在最重要都是加緊儲錢。」

>>July 28, 2006 at 2:14:34 AM GMT+8

2006 年 7 月 28 日 星期五 【晴】

「今天和同事去了尖咀北京道一號，火間土食野，這是我第三次去。今次去都係一樣，食品質素奇高，所以每人都吃得很滿足，有講有笑，好不開心。可惜今次蝕左，應該坐海景位，因為這些位讓人食得很開心。」

>>July 28, 2006 at 1:56:13 AM GMT+8

2006 年 7 月 27 日 星期四 【晴】

「今天恰巧放工無雨落，所以就和同事去左打波。玩得幾開心嫁。這班同事真係幾玩得，就連海倫都一起玩，真個癮。不過真的很累....每次打完波都無乜胃口吃東西.....shit........」
「縱別了兩載，當茶杯舉起時，茶面倒影著妳的秀名，茶杯鏗鋝著你的笑聲，我再細心傾聽，卻再聽不到妳的呼應，天公為何這樣無情，畫面裏再沒有你的身影，畫裏的鴛鴦何以共嗚？」茶杯裏的倒影~~~~

>>July 27, 2006 at 2:02:02 AM GMT+8