2008 年 6 月 13 日 星期五 【晴】

「今天体檢，是為社署的工作的。呼.......都過了關，希望順利！10點半起身之後就去灣仔社署取信，之後和大佬，dennis和brian佢地食午飯.....傾左陣計，再去尖咀驗身。之後在尖咀閒逛，原來街上都幾多人.......尤其是靚女hoho........之後咁岩見到215x去藍田，咁就搭車，搭搭下車就睡著.........之後一q過去實習....呼.......下一個組要自己一個帶了，仲好..........其實我唔係咁想一齊做一個組......費時一d idea撞來撞去........em......要努力d....supervisor真係好好人.....佢好幫我們去develop..........對於個人成長，我自己係好有益處.....同佢研究個一個問題。我話我知道自己好固執，但係我又係聆聽人地的說話。但我就問supervisor，人地的意見唔一定係好，我的也不一定錯，如果唔聽人講，人地又會話你固執，但如果聽左佢講，效果又未必好，而且我係聆聽完人地的意見後，對比自己的想法，經過分析才去決定，這樣又是否固執？抑或這個已經是固執的做法？hoho....之後supervisor就叫我去繼續探索....hoho......話俾你地知....這個固執已經幫我過了好多關，不是這份執著，我也沒有今天的我。當年中五快餐店什工，不是人做的工作，我堅持要鍛鍊自己；當年中七，我決意要取至少一個AL c，就強記中史essay為入大學，為入大學，堅持選擇文科；到了中七，堅持要做半年野，又堅持一定要嘗試做文職工作，所以於第二年考AL時，去了志榮公司做ASST MERCHANDIZER..........之後堅持可以半工讀，在大學做左3份PARTIME；堅持要入政府工，今年如無意外應該會入到..........堅持點都要在大學裏取GPA過3，結果最尾一年發力...兩個SEM都過3...........堅持入威信做我最憎的GARMENT FIELD.....結果我做左3年半.......不走可能做到經理位HOHO..........這份堅持，固執就是我成功的基石！」

>>June 13, 2008 at 1:27:42 AM GMT+8

2008 年 6 月 10 日 星期二 【晴】

「今天我個實習社工拍檔send左個mail來，語氣上是責怪我為甚麼在遞交financial report(因為第一組開完後，有很多物資我是預先俾錢，係要交financial report去claim番錢的)給李生時為何沒有知會佢，個report reject左，搞到個主任問到佢口啞啞。可能我今天心情唔係咁好，因為在中午，我講極老豆都唔明，我話錯就係錯，錯就要死死氣地，誠心d認，向阿媽求情，枉佢仲成日話自己對左阿媽幾十年，點會唔知佢性格，但其實我覺得佢一d都唔了解佢，連阿媽最在乎d乜佢仲係度懵下懵下。唉，佢成日話講來都無用，但又好想好似以前咁和諧生活，我話你連呢樣都唔做，邊有可能赤地轉機。講到我自己都火了，所以我決定收嗲。加上剛才看到的email，d火唔知點解即刻升上來。我一早都同佢講過claim錢的等我去搞，而且個活動在31/5結束，佢地限定14天內要完成report並交財務部。我和拍檔根本連見面討論的時間都無，點傾？其實我預先俾左成千蚊，已經興興地，仲要話d單據要清楚列明地址，電話，公司章，有些無的我又要用我私人時間死番去間鋪頭取回，有些單真的是無公司章，我都唔知claim唔claim得番，個financial report又要我用私人時間去整，單據又係，而家交左仲要俾人話點解交左都唔知會佢，我當然興，佢仲要cc埋俾supervisor，好似要佢評理咁。我剛才也用email覆了她，就講了以上的話；剛剛又收到佢回覆，佢話令到我有hard feeling不好意思，但有困難叫我說出來。唉....其實我點會咁小氣，我講左我感受後，我都話我和她是好拍檔，只是我講過有感受我不會收埋收埋，一定會同佢講，這樣才不會有心病。我還整番個^_^樣俾佢在email中，應該無野了。另外，我今天看師奶股神，講開珠姐和謝天華離婚個段，阿媽問我有冇感觸，我話其實有人可能真係對自己唔住，但盡量嘗試去寬恕，去接納，總之要快樂開心咁生活就夠了，她說她明白喎，唉.....老豆，可以做的，我已盡量幫你....你自己執生啦>.<」

>>June 10, 2008 at 11:44:58 PM GMT+8

2008 年 6 月 9 日 星期一 【晴】

「琴日大佬興致勃勃，所以約埋queenie，豬姐佢地唱k，好搞笑，neway現在出埋10副飛行棋和uno.....都幾精美，幾好玩。好開心，好耐無唱個k，雖然係貴d，是q但啦.....還有，收到queenie買了已久的porter銀包，佢真係好有我心，我真係好鍾意，但係希望下次唔好再買咁貴啦，我真係會唔好意思，簡單的一張咭我都會好開心。總之就好多謝佢啦^_^..唱k後，和大佬和豬姐傾左陣計，都係d屋企野.....唉......我個家都近來都發生幾多事.....等我想想辦法去解決啦.....」

>>June 9, 2008 at 5:39:28 PM GMT+8

2008 年 6 月 8 日 星期日 【晴】

「今天有點累....不過打室內場打得幾開心。其實自己真係好鍾意籃球..........我係一個會不停鑽研藍球技術的人。不過自己懶，如果体能好，其實打得更好！」

>>June 8, 2008 at 12:24:02 AM GMT+8

2008 年 6 月 7 日 星期六 【晴】

「這個星期不停咁落雨，我又再次擔心四川的情況。低壓槽帶來大量雨水，認真麻煩.....有時香港一天也會落成100毫米雨量....真的很誇張....有時全年才1500毫米.........唉......唔知阿妹點..........今天又有財務公司打來追數........佢話佢自己搞得掂........我真係好矛盾......講真...雖然我口硬話乜.......心係好想幫佢....但咁樣又是否害緊佢？唉.....好煩....真想佢吃下苦頭才懂生性.........今天返實習，本身唔想返，但無計，佢話d數要在活動完後14天內交齊，真煩...........有d receipt要有公司名，電話，地址，蓋章........我自己先墊支成1000蚊已經好興....現在仲要搞呢搞路....不過算啦，規距係咁，唔通人地無啦啦俾你出數咩..........之後今天來左個蔡女士......佢有聽障，而且講野好大聲，問左同事原來係有d野影響佢聲帶，中心的職員都唔想理佢，而且就算理都覺得好吃力....因為只可以寫落張紙同佢講通，而且佢把口好臭......有時真係幾難頂，但中心職員話當係練習，咁我咪試下。haha....今天蔡女士其實想我幫佢約睇牙醫和fax.....搞左好耐，終於搞掂，心裏有點自豪，中心職員也讚我厲害，咁都搞得掂hoho...我好開心，可以幫到佢.....其實這個已經幾好搞，起碼佢唔會發顛....只係有點語言障礙。我要努力呀，向畢業進發。」

>>June 7, 2008 at 2:23:01 AM GMT+8

2008 年 6 月 6 日 星期五 【晴】

「今天收到一間財務公司的電話，話找我細妹，之後我就留低左個電話俾阿妹，叫佢覆返。過了十多分鐘，阿妹就無啦啦打電話來問我借3000蚊。唉.........早知佢咭數有問題，之前死問佢都唔認，講真，3000蚊唔係乜大數目，要幫佢還好易，但咁樣其實唔係幫佢。唉.....佢仲要扼家人扼到幾時才肯生性，之前結婚唔夠2年就離婚，佢老公同佢都唔忠貞，兩個的感情生活lau咁拗。之後離婚，死唔肯搬番來住，又俾公司炒左......5,6千蚊的工又唔肯返，但又要應付開支.....我估佢都係不停咁碌咭，因為近來屋企真係多左好多好多財務公司的信，佢仲要死口唔認，話係promotion letter...我想問.....宣傳信怎會用原子筆寫上地址和收件人，還要用本地郵票去貼？仲要係好多唔同間的財務公司寄信來......唉........原來阿妹前天已問阿媽借了2500蚊...話甚麼印刷公司週轉.....我想問佢幾時生性.....前幾天地鐵招聘，阿爸好心介紹，....佢自己話訓過龍。唉........都唔知佢想點....8年前佢傳銷單野，阿爸阿媽已幫佢還左10萬蚊數，我夠膽講，今次我會叫佢破產，我一蚊都唔會借俾佢，係我話o既。而且我已叫阿爸阿媽唔好再借俾佢，因為咁係害死佢」

>>June 6, 2008 at 1:25:18 AM GMT+8

2008 年 6 月 5 日 星期四 【晴】

「而家食飯，就算阿爸阿媽係度，都係好似陌生人咁......em.......我嘗試努力去幫忙.......可惜......我講極阿爸都唔明.........阿爸根本就唔知阿媽要d乜......佢一味係度話自己幾為頭家有乜用，阿媽要的是忠貞.........偏偏到現在，我同阿爸講左，你要佢原諒你，你一定要有誠意道歉......慢慢給她信心，我知道關係是雙方，並非單方面造成，但無論如何，婚外情是社會不能接受。唉....阿爸仍然堅持搞成佢心外向是阿媽的錯........唉.......我可以點做？？？」

>>June 5, 2008 at 12:14:34 AM GMT+8

2008 年 5 月 31 日 星期六 【晴】

「阿媽琴日又重提和老豆離婚的事，她沒有講出來，只是把離婚協議書給我老豆，呼.....老豆當然唔開心......我就同佢講，都要搵解決辦法，分房訓也好，點都好，要搞得清清楚楚…搞到我琴日都無訓好，一上床合上眼，d畫面不停咁轉，又要掛住今天的家長分享會，因為今天第一次做司儀。呼....今天起身無離精神。唉..其實今天都幾疲倦......朝早晨咁早起身，去左supervisor家做supervision.........之後我和拍檔馬上買物資.......買野食午餐....我午餐都係食左個包。之後不停咁回center set野.....set到頭暈....竟然d notebook好有問題，我總共試左3部notebook，一部有聲無影，一部有影無聲，一部display唔到，真頭暈.........搞左成粒鍾.....好munk....好嬲....時間一路一路咁去......最後找左寶祺主任的電腦，佢好好人....明明有野做，都照借俾我，所以睇人真係唔可以一次就定案，記得我地最初來中心....佢好無禮貌，叫佢又唔認........點知.......不過現在和phoebe主任都有幾句，我都好尊重佢...雖然之前同佢有d爭拗........終於到了三點半，開始活動了.....部電腦剛剛set好，場地ok，但係..........我的司儀稿無乜準備好........oh.....唯有即場爆肚........但估唔到我講野都ok播...hoho.....拍檔仲話我好搞笑，講得好......個run down好smooth........我好開心，總算不浪費我努力..........而且好難得，我自己一手一腳做的movie.....d家長好鍾意呀....有四個仲叫我燒碟俾佢添。oh.....乜野累都唔記得了........好開心這個小組完滿結束。」

>>May 31, 2008 at 7:48:11 PM GMT+8

2008 年 5 月 31 日 星期六 【晴】

「條腰傷左幾天，我這兩天做番d伸展運動，sit up，掌上壓，抽拳，個情況好似好d>...不過唔敢做咁劇烈，不過可惜我條腰好番d，但自己消化不良，個肚唔舒服左幾天.......唉...成日肚痛和作嘔咁......唉....不過今天又好了點....就和阿東和carol和嘉樂仔吃日本野........去左causeway bay.....那裏真係好多靚女。hoho......不過朋友聚舊的確開心，交換下近況，之後去左許留山食糖水。阿東仍然咁孤x寒.......carol仍然係咁靚，嘉樂仔留長左頭髮，好搞笑。hoho」

>>May 31, 2008 at 12:36:10 AM GMT+8

2008 年 5 月 29 日 星期四 【晴】

「這幾天腰痛都未好番，仲要肚痛.....唉......真係多病痛.....要保重一下身子。星期一用了一整天時間準備的movie....希望到時獲得一致好評！」

>>May 29, 2008 at 12:46:00 AM GMT+8