2008 年 8 月 31 日 星期日 【晴】

「今天去左柴灣室內運動場比賽，對手的籃底好強，好多大隻佬，我真係俾佢地撞開。我今場攞左四分，罰球兩球全中，好彩有潘sir叫我鬆啖氣。我集中番，無咁緊張。但今天我表現麻麻，成日都犯規，因為我成日想叉出去偷波，但成日撞到個大隻佬........呼.......後來我調整番，咁阿佳就起q.....好打好多！今天好開心又贏波呀。我會繼續練好d体能。今個星期我特登夜晚去練跑步和做引体上升，發覺体能真係好左d...我會繼續努力呀！」

>>August 31, 2008 at 7:45:18 PM GMT+8

2008 年 8 月 31 日 星期日 【晴】

「今天約左queenie去海洋公園....其實都講左好耐，除了多謝佢之前的貴重生日禮物，我也想幫她散散心，因為佢近來的工作壓力，家庭壓力都幾大.......今天約左佢金鍾九點半...個衰野竟然九點半仲o係旺角...但竟然一陣就到金鐘.....都算幾快....hoho.....之後去麥記食份美味早晨精選套餐....滿足到非常。之後就去左打的去海洋公園入口。woo....好熱呀.......不過我已帶定水和傘，行街，無難度！之後去左睇熊貓，安安佳佳，全部都訓晒覺......shit...咁之後就去左參觀一下功夫熊貓的野......無乜特別野， 咁就搭吊車去另一邊，先去海洋館睇下d海洋生物先。正！....好得意呀佢地！之後再去海洋劇場，d海豚勁可愛。之後就食食野.....d野食好x貴.....haha>.之後去左水母館....woo..好得意o既水母...好閃......之後再玩越礦飛車，係queenie最怕的....但最後佢克服左心理障礙，掂....而且仲玩兩次添....勁呀佢，希望佢每次遇到困難，都可以好似呢次咁面對...勇敢，自信！^_^....之後就回程咁濟了....回程時不停咁搭吊車.....好鍾意寧靜的感覺...微微的清風撲面，聽著海水的微淺，燈光透著車箱的隙綘.....尤如光影交錯，天籟也在奏樂...........好一幅扣人心弦的名畫............之後去左食pizza hut....好完美的一天.....影相影到無電....shit...」

>>August 31, 2008 at 1:19:40 AM GMT+8

2008 年 8 月 30 日 星期六 【晴】

「今天放工返去藍田ymca，真真正正的最後一堂做evaluation，成績其實都幾喜出望外，我話阿sa手鬆就真！今天so姐本身off，但都返來做到咁夜....佢真係好勤力嫁......做事佢真係好掂！不過咁都可以見到佢，真係好開心！同佢地玩好開心嫁，佢地對我好好！
終於都收番晒d功課......9月3日可以交student portfolio了.............就來又是一個新挑戰了。
不過今天返工，有一樣開心和唔開心的事。
唔開心的事是被一個client用粗口鬧足祖宗十八代.......皆因我查到佢銀行簿有兩條不明來曆的數，原來是佢朋友借錢俾佢渡難關，但其實如果是朋友俾佢的錢，係當收入的，咁會扣綜援金額，但如果是借，咁client是要還，咁就不用扣，但就要佢朋友親身上來簽聲明。佢就開始鬧，「人地唔使返工呀，人地借幾舊水我應急，又要簽呢簽路，簽你xx......(xyz%#$@) 。真搞笑，佢仲恐嚇我話叫我因住，今晚你實橫屍街頭，又話自己識好多甚麼多倫多堂口之類..........其實佢本身有精神病，而且我也一笑置之，我盡量唔trigger佢。之後佢話唔同我講，實port硬我，port到我工都無得做，話要見主任。之後我就同主任傾，主任話其實如果佢堅持唔叫朋友上來。佢自己聲明肯負責就得。唉....我就是唔夠經驗，即刻出番去同佢講佢自己簽都得。shit...佢鬧得仲勁，話我係蠢x，既然一開始可以佢自己簽，咁樣做咪得，叫叫叫，叫個朋友上來，上你老x......我都是平心靜氣，去輸入番d資料，然後掟出去俾佢簽，但佢突然同我say sorry...........話佢精神好緊張.....不好意思........我諗.....其實真係只要有一方狂捱鬧，真係會無事的.......這裏又是我訓練eq的好地方。
開心的事當然是和我的主任傾計，佢今天讚我話我寫的report很清楚，寫得好好！叫我俾心機，佢話我有學歷，做幾年後去考主任........前途無限.........多謝你黎太，我會努力啦！我不會忘記你的教導！^_^」

>>August 30, 2008 at 12:34:59 AM GMT+8

2008 年 8 月 28 日 星期四 【晴】

「琴日wilson的ice突然打電話來問候我，我都嚇左一跳，佢真係好有心.......好多謝佢呀！琴日夜晚，我落左街跑步和做引体上升，我要操fit d......但手碗仍然痛....shit...........
前天爸爸叫我寬容d，唔好成日愁眉苦臉。我也諗通了，決定唔嬲自己父母，但我對妹妹的確沒有信心，也唔想原諒佢......同樣的大錯誤，竟然可以錯兩次，而第二次還要死撐，死拗到最後..........我真係頂x佢唔順！」

>>August 28, 2008 at 7:01:33 PM GMT+8

2008 年 8 月 26 日 星期二 【晴】

「現在和so姐成曰email聯繫.......感覺她還像在我身邊......好開心！^_^.........今天比賽....好munk自己的表現.......不停咁流鼻水.....妖....仲未好番....但平時又無野，今個月又整到條腰，伸懶腰時扭親條頸，仲要傷埋手碗，又病....shit...好似個末期人咁......shit....好嬲自己不能為球隊出一番力....只是打兩打就累.......」

>>August 26, 2008 at 1:35:18 AM GMT+8

2008 年 8 月 24 日 星期日 【晴】

「琴日最後一天placement.......我終於明白點解當天阿雪話第一個placement是會令自己畢生難忘......其實我真係好唔捨得藍田會所ymca的好同事..........
半年話咁快過去，真係好似倒水咁.......真係快到咁緊要o既.............好搞笑，最初入center，還以為phoebe好nice，因為我地一入去，寶琪無乜點理我地，我地同佢打招呼佢都唔應，反而phoebe仲俾埋個program我地搞....就係那個「知書識禮」......點知原來phoebe的工作方式和思想同我爭咁遠，我仲同佢嘈過添........最經典當然是四方圍城會，有tammy，我，supervisor同佢....最後當然係和局hoho........說來也搞笑，最後program泡湯......我們之前的努力全部白費....hoho...無論如何，總算見識了phoebe的做事方式，到我走的最後一天，都是一樣.....無變....跟佢d staff辛苦到顛.......反而相處耐左....寶琪給我的感覺是和藹可親....又搞笑......又好好人........所以真的不可以做人是先入為主.......路遙知馬力，日久見人心，慢慢看就會知............其實我最唔捨得係so姐.......我係好喜歡佢........係因為佢待人至誠.........從不計較.....好開心識到佢。除左佢之外，當然還有阿志和jason和阿簡佢地。阿志都是一個好友善的staff......永遠的eq都很高.....好搞笑...又肯幫人......佢的心真係好真誠..........還有中心的左姑娘.....成日語出驚人.....搞笑到爆...........jason好鬼靚仔，怪不得阿志當左佢係老公hoho.......jason好nice的，成日幫我，同佢好岩傾嫁，最記得有一次同佢食野和去行apm到深夜兩點.....哇......同佢share左好多自己的東西....感覺他是一個好乖的孩子，你要努力呀，可以隨時call我，食下飯都得嫁。還有阿簡，佢係巴基斯坦藉人士...但為人好nice......最初佢來到，我好快同佢熟絡了，大家互寸，好鬼開心，最難得係琴日最後一天，同佢行左成粒鐘藍田傾計，share左我好多經歷，我感覺到佢係一個有志向，好識諗的青年.....佢第時一定可以成功。......hehe>...說到其他同事，因為比較少傾計，所以了解不多，但我都記得晒佢地的名嫁。有tora啦，maggie，carol，miranda，麥姑娘，jasmine，全，echo，simon，gay，娟姐，達哥，阿嵐，阿ling，佢地都係好好的同事。^_^...
唉，不過自從阿妹搬番來後，我真的提不起勁，見到佢我的腦海就會馬上浮現佢欠債30萬的事.........我真係連一句話都唔想同佢講，而且我連屋企人都嬲埋，嬲屋企人係都要幫佢還債.........明明佢都未知錯，為了怕佢有可能坐監，就點都幫佢還.......其實可能佢真的坐監係好事，至少，佢知道做錯事係要承擔，這次已經是第二次，第一次在八年前.........同樣的嚴重錯誤，犯兩次，真的不可原諒。幫佢還債唔係問題，而係佢根本未真心悔改，幫佢還只是害佢左.........我希望8年後，我不用再在這裏寫埋同樣o既野，我對阿妹真係好心淡........佢自破產到現在，未曾積極找工作，上星期還去遊船河.........仍然玩樂人間，在網上仍然同d陌生人聊天...............唉...我都無眼睇佢了.........佢想點就點啦.............俾佢搞到我成個人無晒mood.....唉......」

>>August 24, 2008 at 11:06:50 PM GMT+8

2008 年 8 月 24 日 星期日 【晴】

「so姐今天有回信給我，我真的很開心.......佢真係好有心.....其實佢唔使回信給我......雖然信裏都無乜特別野，但好開心佢呢句「在這半年真的很開心認識你…」......我已經心滿意足了......」

>>August 24, 2008 at 4:18:41 AM GMT+8

2008 年 8 月 23 日 星期六 【晴】

「妹妹前幾天已搬回來住，不知怎解，我一見到她就氣上心頭，沒有笑容.....畢竟我是沒有原諒她..........唉....不知道是否我很少器....但總之，佢一天未真心悔改，也不要旨意我會原諒她！她自申請破產到現在差不多一個多月，工又不積極去找.......這幾天還是去吃喝玩樂！前幾天仲去遊船河..........唉....我都無眼睇......你想點就點....我知道我咁樣o既態度，父母會好難受，但..........要是父母唔想我咁....那就就搬出去住，咁佢地應該開心啦.....」

>>August 23, 2008 at 12:35:34 AM GMT+8

2008 年 8 月 22 日 星期五 【晴】

「今天還是要實習，她沒有避我.......還和我有傾有笑，一起玩耍........好開心！我知道我和她是無可能的，但我總算勇敢地表達我的心意............已經很難得了。呼.....也是時候衝埋d report了....實習後天就完了..........要努力呀！」

>>August 22, 2008 at 12:16:29 AM GMT+8

2008 年 8 月 21 日 星期四 【晴】

「今天就是送出一份心意給zo 姐.........一個蘋果，一個心形信封，見證著半年的情誼！你要健康呀，開心快樂！我就在這裏為你祝福！」

>>August 21, 2008 at 12:54:51 AM GMT+8