2003 年 7 月 21 日 星期一 【晴】

今日同芷瑩去見工

好似又唔似見工
因為好似都冇乜話正式咁in ,
個offer 其實唔好, 不過總比天天無野做的好.

我覺得好多野都係整定, 人的每一步都已經一早定下.
如果真係做到呢份工, 甚實我有另外一個原因, 那當然不是為錢, 更不是因為它可以令我學到野, 因為我覺得這方面它滿足不了我

那是為甚麼?? 我想我不會在這兒說.
但想到這理由, 我甚至非常渴望做這份工.


>>July 23, 2003 at 7:09:36 PM GMT+8

2003 年 7 月 16 日 星期三 【晴】

今日去左基法小學做service, 第一次覺得大家準備得有d馬虎, 有d"支力" 添!
可能夜晚要同阿john farewell 的關係o卦. 不過真係有d奇怪, 因為我都唔係識左佢好耐, 竟然咁鬼快就要走. 不過真係有d羡慕佢的幸福, 因為屋企可以support 佢去o個邊讀書. 希望佢可以好好珍惜啦!

今日話晒都係咁耐以來第一次做司儀, 好開心呀!因為冇腳震口震!
都好順利.




>>July 18, 2003 at 6:39:18 PM GMT+8

2003 年 7 月 11 日 星期五 【晴】

今日訓到好晏呀, 好耐都未試過喇.


我仲去左ymca 開會, 哈! 我諗我悶得滯o卦, 如果唔係我都唔會去開d咁鬼悶既例會啦
不過可能真係好耐都冇去喇, 仿佛有點陌生.
不過今次又俾阿清飛, 佢又係成日都唔去開會, 搞到最後又係我一個人去, 慘!

都話天下無不散之筵席架啦, 阿john 呢個人, 我連了解佢都黎唔切, 就已經話要去澳洲讀書, 歲月真的可以不留人呀!

o係出面闖左咁耐, 或者都係時候再投入番去義工的大家庭喇!


>>July 12, 2003 at 4:57:39 PM GMT+8

2003 年 7 月 10 日 星期四 【晴】


為甚麼會發生一件極其慘絕人寰的事>?
屯門公路的巴士車禍, 是絕對的人間悲劇. 我從未嘗連看電視也會哭, 但今次我也忍俊不禁.
我對上一次看新聞而哭是sars 時期, 再上一次是美伊戰爭,但這兩次都是因為看了整份報才有少許眼濕. 這一糟卻是看電視新聞! 一節袛有短短十多分鐘的新聞, 怎會這樣?

起初知道有這宗意外, 我之所以對其關注, 完全是因這條路伴著我成長, 十一年的寒暑, 怎會忘.?

我知道有教師喪生時, 我又想起自己小學時期的教師, 七年來我都沒有想念過, 有點冷漠吧?但這次卻有點擔心ms 龍, 過了許久 我才醒覺我的小學根本不在天水圍, 所以她沒可能坐那班車.

但為甚麼, 為甚麼偏偏讓我聽見jackie 朋友中的friend 會是這次意外中的罹難者?廿多歲的年輕人,就這樣終結了一生.

我又想起兩年前去完參觀patho, jojo 對嬰屍的感嘆: 永遠沒人知道究竟是生存好還是死亡更好.

沒錯, 在生的人永無法知曉死後的世界是怎樣, 但一點可以肯定: 一個生命的流逝, 是必然會帶給在世的人無盡的哀傷; 其依然在世的親友, 餘生將要承受永誌難忘的悲痛, 而這悲痛所造成的烙印亦會永存於心坎. 能夠淡化此一烙印的, 只有他們自己.
但願在生的人會找到內心的平安, 帶領自己走出苦困的幽谷.

這一次, 又勾起了我許許多多童年時的回憶, 屯門公路, 它真的老了麼??那麼, 我也都老了.


>>July 11, 2003 at 4:27:49 PM GMT+8

2003 年 7 月 8 日 星期二 【晴】

都唔駛講啦

我今次A Level, 係前所未有的考試以來最差的成績
睇成班人,都有成半班冇full cert, 史無前例地咁多支鎗.......
不服氣?那又如何?這無疑都不能扭轉
布望已幾近於絕望

不過,我慶幸自己有著大無畏精神,我相信自己可以熬過這關, 頂多到最後假若不能入讀自己理想的學系, 也不過是re一年, 再怎麼說我自己已經是較許多人年輕一兩年, 所以都可以接受.

其實, 我比許多人幸運, 因為我起碼都叫有full cert, 而且很清楚自己的目標與人生方向, 唔會隨波逐流, 己經好好
所以我很感激神,讓我早早確立人生目標

不過這幾天以來的心情則依然忐忑,畢竟要面對一次在我人生中極大的挫敗, 不過今天已經好了, 至少能在這裏留下一點說話

至於呀kim, 我希望佢的心情可以平伏, 人生總是會有風浪, 我們只要熬得過,便可看見雨後彩虹!
希望在明天!

希望墨魚,阿包,阿菲,阿欣,芷瑩,阿菁,Gary, 豪哥,蘿白,玲玲,趙妙, 禽獸仲有阿Jess, 佢地都可以看到雨後彩虹的絢麗光芒!

我地都要振作, 加油!

當然,作為朋友,知道Andre 同佢女朋友考得咁好, 我都好戥佢地開心
既然佢地兩個都有同一個人生理想, 我祝佢地都成功!

阿邦考得都算好,佢真係好彩,o係間咁o既學校都可以獨善其身!


>>July 8, 2003 at 5:51:11 PM GMT+8

2003 年 7 月 3 日 星期四 【晴】

今日仲幾唔舒服,不過己經好左好多,應該兩三日後會好番o架喇

我病到成隻狗咁,但今日都去左馬會的interview,不過就好衰唔衰遲到左,鬼咩,我鬼知佢個entrance 係邊咩,所以係仲有5分鐘就夠鐘的時候都仲o係馬場中央行緊. 都唔知撞乜鬼,點解今日係已經o抖暑??如果唔係我都唔駛咁慘.起碼都有人(馬迷)俾我問下.
所以,我最終遲左15mins, 好耐呀! 我自己都覺得好樣衰, 本來直頭唔想上去添,不過最終都去左

但係,我覺得,衰左; 可能個原因係我今日把聲的狀態都沙沙地,影響都好大

唔緊要啦,我又唔係等住佢黎開飯.

(竟然俾我見到有一對拍住拖黎in, 佢地想自相殘殺?)

不過之後o係causeway bay 逛左a while, 當我打算搭地鐵時就有個女仔行過黎同我講佢係咩咩環球文化的staff,話咩而家搵緊人拍咩報紙的硬照,係關於d乜乜家居擺設,佢俾左咭片我, 我都唔知信佢定唔信佢好, 我俾左個電話佢, 我都係諗住手提電話冇乜所謂

佢仲叫我上佢公司個webpage 度睇下d資料先
但係講真,我對model / 娛樂圈都冇乜興趣, 不過對於我地個師姐cici佢做緊parttime model 就有d surprise 咋ma


tomorrow's coming! 好緊張呀! 萬一考得好鬼差......................咁點算?? 都無法, 但一定好大打擊



>>July 3, 2003 at 6:31:22 PM GMT+8

2003 年 6 月 27 日 星期五 【晴】

我o係馬交返來喇!!
去左澳門2日,感覺?一般啦
今次唔駛俾$$,呢點絕對係最吸引的

最經典的就係---去o既時候都幾大浪,(天氣唔好o卦),o係我視線範圍之內有成十幾個人都嘔, 好彩我冇(原本都驚會,因為之o前個晚唔夠訓)<都真真壯觀^

不過最美中不足的就是要在行程中加入到訪o個邊的科大.
我去到的第一個感覺是:這是哪一所中學/小學?到現在,我依然強烈感覺它十足碧桂園學校.哈哈
真係好有school feel, 好冇 u campus 的feel lor, 再將其跟大陸甚至香港的大學相比, 都認為澳門科大太不像話了!規模連嶺南的一半也不如, 它怎可將所有的faculties 都locate o係一橦不過幾層高的academic building裏面?

啊 ! 我真衰!怎麼這樣說人家的學校?自己都有d覺得過份. 話晒今次都係人地出錢請我地過去visit . 不過講真,我真係寧可repeat都不到那邊諗書o架,因為我相信我必定好快會激死

我今次只係同芷瑩2個人去. 其實今次識的人?不算多.因為個tour 裏面都沒有太多人係想大班人一齊玩,好多都只係想淨係同自己班friends 去玩, 不過最尾都有一班女仔一齊既

好慘呀,第一晚去到 (乙水)仔唔識路,搞到都唔知自己行左d乜,不過最悶極的都是係macau ust o個度聽的3個talks, 第一個係o個的所謂總監(X faculty 的professor)講o既` 唉唉唉唉唉!!!

請恕我識見膚淺,我從沒見過一個這樣的總監. 她介紹澳門<這已是個夠specific 的topic, 不過,當的時候我相信係全場有八, 九成的人都訓鬼著o左. 實在是悶得要命!很失望! 她怎可以只將prepared 的data 照讀?既然powerpoint 都有,佢估我地文盲架?唔通文盲o既都可以去佢度讀書??
再加上佢由始至終都冇直視過我地,中英文發音又唔準,都算喇

最慘o既就係佢講o野好似趕住投胎咁, speed 勁似Dr. Square,即係講得勁快時又唔fluent,認真難頂!
其實之後的talks 的holders 都唔係悶,不過就係大家都俾呢位梁教授/總監搞到放晒蚊釣晒魚jar ma.


>>June 30, 2003 at 5:04:52 PM GMT+8

2003 年 6 月 22 日 星期日 【雨】

今日承受了很多風雨.

是的,因為天氣不好,我卻跟人跑到效外,一個人跡罕至的海灣. 出發時還好端端的,但一到達就my god 了!
天氣忽然驟變,由晴轉惡,一下子下著狂風暴雨,當時簡直就係風雲色變,;那刻身處茫茫大海之前,而背向石璧峭崖,這己經夠你受了,
但再加上天色昏暗,中午的天空!!多麼的嚇人!
最無奈的是:我們退而無路,望著前面逐漸迷濛的島嶼,洶湧的白頭浪,
天氣就這樣忽晴忽惡地持續了四個多鐘,惡的時候,忍受著被倘大的雨點打在身上的感覺,真的有點痛

不過,其實我挺享受這種情況,很自然的天氣變化,說真點,天氣會啟發到人去想很多事
天氣無常時人也無常, (the followings is copied from other, but i do agree that since long time ago)倘若可以熬過最惡劣的時候, 晴天是會來臨的
若在雷雨中放棄,你永遠也不會有晴天

大自然,我永遠也愛!

可以的話,我會再去感受暴風雨同平靜.
我還記得我經有一次去肇慶旅行,都係去咁耐落咁耐雨,唔通落雨就唔玩咩?所以我落雨都週圍玩,個感覺就同今日差無幾



>>June 23, 2003 at 3:37:42 PM GMT+8

2003 年 6 月 19 日 星期四 【晴】

今日去o左一個walk in interview, 去到淨係填左兩張form, 都唔駛in佢就決定請唔請你,好失望
因為當初我真係好想有得正正式式咁in,唉!
好奇怪,我都不明白自己為甚麼會沉迷於interview 架,不過講真,我又真係幾喜歡那種既緊張又戰戰競競的心情喎!
我覺得好回味架!~
不過好可惜,迄今我都只係試過唔夠五次可以說得上是正式的interview

回來時對腳好鬼辛苦添,而家都仲有d痛
我發誓我以後唔會著到咁樣行街!!!

>>June 20, 2003 at 4:37:52 PM GMT+8

2003 年 6 月 16 日 星期一 【雨】

今日在jupas 已選的科中剔了收生要求最低的出來, 以備不時之需o者.
幸好都是我有興趣的 ,希望始終會入到u 啦!

不知怎的,父親節對我來說總是沒甚意義, 節日我只喜歡農曆新年, 中秋, 呵呵!
很想返大陸, 不過咁污糟, 哥哥一定嚴禁我去
前幾日看到報紙話學生可以以5舊水去北京,很想去, 不過又係咁dirty, 我連自己都說服唔到, 又點去說服我阿哥??

>>June 17, 2003 at 12:38:33 PM GMT+8