2003 年 8 月 27 日 星期三 【晴】

好熱呀今日!

晨早就返poly 去個bms camp. 低能架, 朝早係度玩orientation, 想熱死人咩! 我又鬼死咁怕熱又唔跑得步, 咁樣撐一朝, 要命!

我地組媽nicola 遲大到, 不過冇俾人罰喎!

組爸leo連大西瓜都唔識, 有冇搞錯!

個camp site 好cheap ar!! 好似監房, 一間房竟然訓廿個人, 成十張碌架床, d床又殘又恐怖, 好似就黎爛咁, 好唔掂

下晝入到camp o個d games 簡直就可怕! 好暴力呀, 變態架!乜鬼野搶龍尾呀, 簡直係格鬥lor, d人出盡力咁撞黎撞去, 黐線架, d 簡直唔係男人 , 係賤人, 想撞死人咩, 女仔邊夠佢地撼喎! 我咁廋, 如果我唔係有番咁上下銅皮鐵骨, 我真係會好似nicola 咁; 唔係, 應該係會仲慘過佢, 我會俾人即刻撞落地lor. 到時肯定唔知斷邊條骨.
我就真係算好彩喇, 只係俾人抓左幾條血痕係手腕度.


我覺得佢地夜晚玩房game, 玩得好唔安全呀, 有乜理由地下得一張咁薄既墊??跌左落地既話真係唔知點算! 仲有, 點解玩拋糖都唔lock 頸?咁鬼危險, 整親"chop" 親點算?

我而家真係覺得hss 玩得安全好多lor!唔知係咪因為o個度有人讀nursing, 又有PT,同opt lei.


>>August 30, 2003 at 1:51:55 PM GMT+8

2003 年 8 月 26 日 星期二 【晴】

今日係hss camp 既re u, 我地下午去左打羽毛波.
點解雙紅re u 會有成班老鬼走黎踩場?? 我都唔識佢地既

有個人係叫edward 定係edwin 嘩?佢成日都叫人去打波 , 最慘係佢都唔係打得好
見到班人其實都幾開心既, 不過真係無諗過阿爸roy 同阿蘇會係混雙冠軍lor

我好鐘意打羽毛球!
原來肥仔都打得下喎!

我夜晚無同佢地去唱k,

死,喇 聽朝要八點鐘咁晨早流流返到poly..............我的天!

>>August 26, 2003 at 9:35:05 PM GMT+8

2003 年 8 月 25 日 星期一 【陰】

去了bms 的pre camp

哈, 乜咁鬼多女人既

成日跳舞, 好煩呀, 鬼記得咩! 都唔知係我真係跳錯呀, 定係佢睇錯, 明明係咁轉架o麻!

reg 左一科ge, 係philosophy & life, 都算幾有興趣< 不過最有興趣個科係world issues and human responsibilities lor, 可惜佢同我個timetable撞晒呀, 搞到冇得揀

我reg 得都幾一波三折 , 搞到要去poly library reg, 因為我係屋企既時候個server 直頭爆晒 , 我入都入唔到去, 所以pre camp 之後就同阿meg 一齊去library reg.

bms 有個男人好煩呀, 成日都想拎女仔d 電話, 煩Q死人喇


>>August 26, 2003 at 9:27:27 PM GMT+8

2003 年 8 月 24 日 星期日 【晴】

去左YMCA幫手開檔, 係我地小組搞既一年一度既二手買賣, 冇計啦!

好搞笑, 我鮮有地今年竟然要阿橙打俾我先記得 , 唉! 唔通近排我真係特別多野搞?

好搞笑AR, 今次竟然有津貼, 人人廿五文錢, 幾難得!

阿清唔黎, 真係有D失望

好彩我LUNCH 就閃人 , 如果唔係就要連下晝打風都要留守係O個度, 到時都唔知點LOR, 我冇帶遮架!

做義工真係好!

>>August 26, 2003 at 8:02:48 PM GMT+8

2003 年 8 月 23 日 星期六 【晴】

去左poly, 去聽個甚麼sch of nursing (sn)既briefing session, 我又遲到

原來MEG 同我一樣, 大家一齊遲到, 哈哈

不過聽完先發覺佢成個session 入面只係有大概五分一既野係講bms 架lor, 無隱呀, 我地人少都唔駛咁架!

見到自己dept camp 既organizers,BILL & GIL, 原來有個咁鬼勁, GPA 四點幾咁鬼高.簡直係偶像.

又識多個同學仔venus

>>August 26, 2003 at 7:49:29 PM GMT+8

2003 年 8 月 21 日 星期四 【雨】

好鬼死眼訓!~

去三日o camp, 通左兩晚頂, 搞到成個人吽晒.......

d camp fire 鬼死咁難跳, 激氣! 人地手腳唔協調o架o麻, 明烚我o者!

今次個camp d teammates 個個都好似好鬼正經咁, 都唔好玩既.
我有咁既感覺可能都係因為舊年去ust 既summer camp 實在太令人難忘, 太好玩了吧. 死啦, 而家又突然間好懷念舊年我地sev粉既蜥蝪兵團添..........不過今個camp 玩非洲話事啤, 我地又玩同舊年同一個懲罰(karen 扮賊o個個), 不過效果就好差天共地喇, 都唔知點解d人咁順攤, 咁快肯除衫...
而最奇怪既就係, 輸左o個個都唔似俾人罰既, 因為有成班人幫手擋駕.

day 2 in camp~
sunburnt 呀! 慘喇, 我又皮膚敏感, 又成塊面紅晒......好痕呀!好在我今次帶定藥膏咋, 唔係就又大鑊喇.
好驚訝!!我竟然見到小蕎! 自從舊年ust camp 之後, 我都成年冇見佢喇, 所以我都唔認得佢, 都係佢嗌我我先知佢係度, 原來佢同我入埋同一科! 我見到佢真係好開心, 但係同時又會替佢可惜, 因為佢都要讀poly, 仲要又係得HD, 佢AL有成2條C 架!


原來poly 既o camp 都唔係好變態o者.........不過v show 真係好悶, 成日都搞黎搞去, 乏善足陳, 兩個字:無聊


好勁呀, 竟然有人練瑜珈, 又識一字馬, 好掂呀!!
我地組媽wAI wAI個樣真係好鬼死似公仔呀, 真係抵死! 佢又真係幾偉大既, 實在令人感動!
其實我地組爸爸媽媽都好好, 多謝佢地!

last day in camp!
好慘呀< 今日落雨落到鬼死咁大, o係個camp site 度好似山洪瀑發咁, 搞到對鞋濕到淋晒, 麻鬼煩,搞到鬼死咁狼狽.............好彩有帶對涼鞋.......
唔知佢地返到poly 有冇大懲罰呢?

今日真係麻鬼煩, 唉! 都係費事講!(絕對唔關個camp 事)


唉! 家下好擔心黎緊o個個 dept camp 會超悶......都唔知點挨三日.....

>>August 22, 2003 at 11:24:01 PM GMT+8

2003 年 8 月 12 日 星期二 【雨】

都低能架!

我今日走左去返工, 做個乜鬼overseas education 既promoter, 都黐筋架! 呢個market 鬼死咁細, 點sell o者! 做一日我都已經夠皮喇! 夜晚即刻同佢講唔做.
不過真係好抵死, 今日四個人開工, 其中一個竟然係同我一樣都係入左 BMS , 大家將會做同學, 真係有緣!不過佢同我一樣, 都係做一日就唔做.

芷瑩都得架喇, 呢份咁既豬頭骨工, 佢咁都可以挨多四日....... 佩服, 不過我覺得真係好唔值LOR,又唔搵得又冇野學到.......

>>August 22, 2003 at 7:18:50 PM GMT+8

2003 年 8 月 11 日 星期一 【晴】

今日正正式式reg 左poly, 我用左成3個幾鐘, 朝早九點三去到, 成十二點幾先走, 都唔知點解會有咁多野搞, 我要去interview gar ma, 阻住晒!

好慘呀, 我今日人坤我去左一個faculty o camp, 之後又要去一個自己o個科的o camp, 好徒時間!等我仲諗住可以返大陸tim, 慘! 好彩唔駛破財o者! 好彩我報2個既TOTAL AMOUNT 仲平過阿邦報一個, 如果唔係就真係好傷喇.

好搞笑, 今日竟然係poly 講英文同普通話, 因為我見到一個鬼佬lecturer 同一個mainland student

今日申請左張credit card, 係貪得意, 見橫豎免五年年費.

仲有, 我簽左封信係促請普選行政長官, 自己簽完之後覺得好自豪, 好似做左樣好有意義的事咁!

我好想做part time ar, 但係同時又要好俾心機讀書, 因為我要係我讀degree 既時候有grant and loan

同芷瑩一齊去interview, 哈, 如果佢請我,我都唔知做唔做好

成點幾先食野, 我真係超級肚餓, 因為我冇食早餐, 而且我又習慣平時食晚飯食好少, 所以我其實饑饉左成16個鐘!


好眼訓呀







>>August 22, 2003 at 7:03:31 PM GMT+8

2003 年 8 月 9 日 星期六 【晴】

今日去了POLY , register 個死人HD, 我一定要俾心機讀, 因為我要讀DEGREE時有得apply grant and loan.


見到肥景, 不過真係sorry, 我o個時俾人催我要走.所以急急腳咁走左

我尋日仲幫janet 搵緊學校, 不過今日忙得過分,成日都唔係屋企, 所以唔得閒搵佢

我夜晚去左中大聽音樂會呀, 係o個度音樂系的畢業生搞的, 有幾parts 真係好好 可以令我聽得鬼死咁入神! 仲俾我見到有人彈豎琴,好得意呀, 當然都好好聽,

其實初初有一part 係鋼琴獨奏,我聽既時候簡直嚇了一跳,心想:一個music garduate, 好似係master, 怎會彈得這樣差勁??甚至比不上miu miu 的程度,

之後始知, 原來他本來並非學鋼琴, 他只是學了一年多, oh, so is that!

食飽飽!

我差點搭尾班車返黎


>>August 22, 2003 at 7:07:32 PM GMT+8

2003 年 8 月 7 日 星期四 【晴】

只剩下最後一個希望::check 卷成功, 然後reprior

不過, 一個希望的來臨, 只會是另一個失落的開端.

原來很有信心可以升grade 的chem, 盡脈了

一再來臨了, 一再要面對另一次的打擊, 也許, 我已不再堅強, 我真的很痛, ; 現在的心情, 是百般的傷感

路, 總是崎嶇的, 不跌過的人, 將來只會跌得更傷, 更重

其實, 我已經算跌得很晚

所以這次, 我也很傷.

不過, 我相信有雨後彩虹

我會看到彩虹的!

我一定要讀到master!

>>August 7, 2003 at 4:56:57 PM GMT+8