2005 年 2 月 21 日 星期一 【乍雨乍晴】

今天返八放四…
離譜的早…但，出奇地没有打瞌睡，嘻嘻！

但…七點幾去到中環小巴站就有少少不愉快了。因為在那裏我見到一個不大願意碰見的人…

算吧。

今天有一個…都尚算不錯的師兄我嘢，但其實那部機又不是太需要學那麼多…

跟師姐說了想做tests, 她叫我不如一次過做blood count and clinical chem，等後天有人懂抽血同埋我們有fasting才去抽血喎。

唔知到時有冇得做呢？

今天覺得很…頹廢，但其實我係冇一分鐘停過下來…一直在做嘢。
可能是學的東西没有難度。

返四點…返到poly只係1645, 早到爆…
原來放咁早都係無謂。

明天又返回返九放五，連續三天都要放埋poly.......累爆…

眼睛很累…

累累累。

又很頹，哈哈哈。

>>February 21, 2005 at 5:34:30 PM GMT+8

2005 年 2 月 19 日 星期六 【乍雨乍晴】

嗚嗚…嗚嗚…嗚嗚嗚……

點解我咁命苦架？

六點上完抽血班，大華同學佢地上去找ｍｓ．．．我覺得個肚同胃都好隱隱作痛，所以係外面等。但突然間覺得眼前的東東開始朦朧，以為自己雙眼戴ｃｏｎ久了，所以這樣。

又覺得呼吸不暢順，以為ＦＧ通風不好，所以試著走出ＦＦ透透氣。

恐怖了…再走兩步，已經不再朦朧，取而代之的，是泛灰的一片。走到ＢＭＳ NOTICE BROAD 通往ＦＪ的一扇門，眼前已經是漆黑一片，在暈低之前試著拎起電話撥給大華叫救命，但我已看不到任何東西…整個四週都是黑色的，我甚麼也看不到…只憑記憶，像甩牌般撥。但…唔通。天注定。

結果就係ＦＦ ABCT dept's BIOCHEM lab出面暈低左…仲要身邊一個人都冇…暈左一陣清醒番時，覺得自己發冷，坐在地上好耐…有好多人在身前經過，但没有一位停下來理我。人情冷暖…

想哭。

返到家還要給媽埋怨我没去替她買東西…有淚在心裏流。

>>February 19, 2005 at 8:43:38 PM GMT+8

2005 年 2 月 18 日 星期五 【暴雨】

今天調了過去routine bench........ 悶得發愣…
昨晚很累，没去見呀吉。其實很想見他的…但我已儲了四天的覺没睡了。真的撐不住。

累透的情況之下，我在不到十時已開始睡。好在明天是短週，不用返。但下午要返poly做吸血鬼…哈

要休息。

剛收噩耗下星期二要開會…頂！咁我下星期一、二、三、六都要放place之後返poly, 唉！
今次會是我開的最後一次莊會，開完就落莊。曲終人散，安樂晒！

偷偷返回師叔的special bench.
今天個professor 來了看我們…因為要見佢，我又錯過了師叔做carnitine　assay 的demo 了…嗚嗚！師叔明天開始放十幾日annual..............冇得睇佢做喇…

>>February 18, 2005 at 11:16:15 PM GMT+8

2005 年 2 月 16 日 星期三 【炎熱】

今天見上笛課，順道返了poly投票，俾煎東點左去隔鄰個faculty投票…嗚嗚。乜我個樣咁易俾人點架…死蠢…！

拎錯了hss張票去void........ 低能！算吧啦…其實void了的那張，我知我不應該void。因為咁樣就會俾marcus知我竟然void一張投了贊成的hss票…點解唔整花張票，令到佢變成癈票至void??因為當時我太累了。如此一來，他會知我没投他的新莊贊成票的…太死蠢了，今次佢一定想殺死我。…嗚嗚。對唔住呀。

條頸鬼死咁痕…搽左幾日藥膏都唔好…仲要愈來愈痕…紅到…冇眼睇！d敏感又返來…死作弄人的天氣！反覆無常的！

好痕好痕好痕！

好在今晚搭巴士没有太大陰影……多謝。

>>February 18, 2005 at 10:56:45 PM GMT+8

2005 年 2 月 15 日 星期二 【陰】

今天不知怎的…竟然累得想死…哈哈

師叔唔得閒理我呀朝早…搞到我係lab訓左兩粒鐘…釣了兩粒鐘魚…哈哈

今天rebecca放四點，自己一個人放五點…嘩…！個一粒鐘我又在釣魚…嘩哈哈！真救命！

又收到haemat lab的人的利是呀！多謝多謝！

今日早了一粒鐘食飯…因為我太肚餓…哈哈！
買飯時位姐姐同我講生日快樂！嘩，大家都生日快樂！
食飯看到一位很像bobo的…應該是她吧。但我没有深究。反正就算是，我也不知有甚麼跟她說的。看到她穿起醫生袍，也實現了她的理想。其實，中六時她已入了hku medicine.她們一起四位醫學生，在整個食飯過程都在討論某d 病人的病情…同埋exam questions....... oh, shit! 點解唔可以係食飯之時放過自己，俾自己放鬆下呢？講咩jaundice......... 唉，食完飯先啦…同埋，佢地竟然睇唔出個patient 有jaundice.....好似差了點喎？…咁明顯…第日大家睇醫生要小心選擇呀…哈哈

看新聞，黎巴嫰哈里里被暗殺…說真的，如果不是因為他的死訊，我都不會認識這個名字。只嘆，紛爭難息，殺戮未窮。何時才會有止息？痴心妄想！

>>February 15, 2005 at 8:53:34 PM GMT+8

2005 年 2 月 14 日 星期一 【陰】

驚天大發現：師兄哥哥他放大假！兩個星期呀！好長！悠長假期…多令人嚮往！

今天無啦啦有個醫生給了利是我們…哈…我好像不認識他的。
又有位paediatrics bench ic 專程走過來派給我們，都是之前從没跟他說過半句的。

師姐pamela又無啦啦派喎…哈哈！

因為他放大假，之前師兄給的兩本書可以慢慢看了。

>>February 14, 2005 at 6:05:26 PM GMT+8

2005 年 2 月 13 日 星期日 【晴】

今天到了天水圍向jasmine 拜年。成班柴娃娃一行五人由藍田入到嘉湖。
不約而同跟呀欣同清都穿了裙仔。

雯雯搭西鐵買特惠車票，俾人捉個正著。罰了五百大元。唉。我已經提左佢…冇法。

見到隻狗狗…哈哈，屋企有狗狗真係特別有生氣。


之後跟jasmine 吃了午飯又開了組會後，到了菁菁家…一入門口便有人拎著掃帚…嚇親！
佢好似想用倔頭掃把「烹」我走咁款…哈哈！

做咩咁賢淑竟然係度掃地呀？

又見到佢位男友…同名真搞笑。

搭車返屋企…係部巴士上發生左件非常不快的事件：竟然俾人撩…唉！至唔鐘意呢d咁既人…

突然間有種好強烈的感覺好想自己身邊有一個好好對我的男朋友，好讓我唔駛成日都面對呢d咁的麻煩事。

早知就唔咁貪心去行經個棵元朗廣場的桃花啦！

救命！

>>February 13, 2005 at 10:49:54 PM GMT+8

2005 年 2 月 12 日 星期六 【陰】

跟肥東、細佬仔、陳真真、ng有成到旺角飯敍，食了日本菜，碟碟魚生刺身，差點食死我…最後我頂唔順，點了碗湯拉麵。始終我的腸胃不太好。

肥東不再肥了！

>>February 13, 2005 at 11:24:32 PM GMT+8

2005 年 2 月 11 日 星期五 【陰】

新年期間獲得近期至為滿足的休息，很滿足。

收到好美的鐵逹時鏡面鋼錶，嘩！好鐘意呀！想買左好耐…竟然而家唔駛自己買，有人送，嘩！surprised!

05710791d, 一個自己很喜歡的id, 可以擁有它兩年吧。感覺太好了！
回想去年的是04939487......好在我放棄了…否則要用它三年，會是折騰。
03255890d, 我半年後會告別這個不太吉祥的號碼。一個没有我喜歡的數字的號碼、一個令我兩年多嘗盡酸楚的號碼、一個我人在谷底的號碼…


回復花痴的性格，哈。

>>February 11, 2005 at 7:31:23 PM GMT+8

2005 年 2 月 4 日 星期五 【暴雨】

今天…發現了原來這個lab的師兄姐都是高學歷的分子…有很多人是master, 經過非正式統計，應該係過半數。好勁呀！但最為重要的卻是：他們真的不缺錢的，竟然那麼有錢去諗master...十多萬呀…還有十多萬的外國大學degree....... 嘩！

原來師兄哥哥好棒的，竟然在hku medicine 個邊讀master........ 勁！

仰慕。

原來他認識john 師兄的，那麼，之前john師兄說了而我不記得的那個名字一定是他的名字了。
怎麼他會說之前見過我？不可能吧。

噢…奇怪。

始終没有抽血驗一下。

今天離開…真的很不捨。

大肚婆原來都是師姐呢。

這個lab的回顧：

1.CBP BENCH: 成日只推片推片推片
2.SPECIAL BENCH: 好好IC, 仲有得做TESTS, 學了很多TESTS: 有G6PD Deficiency, Kleihauer, Osmotic fragility for Hb H, Ham's test, Hb pattern by HPLC, etc, 又學會了看那些blood picture的dots distribution 來分別不同貧血，很棒。
3.SPECIAL COAGULATION BENCH: so nice IC,又俾一百分又送小禮物 又印sop 同notes 給我們。學了很多凝血東東，甚麼placenta extract thrombrosel s, 還有protein s, protein c, coagulation facotrs...
4.SPECIAL FLOW CYTOMETRY BENCH: 學不同的STAIN 來分血癌。又識了斯文師姐。
5.BLOOD BANK: 學配血及分血型…還有得CASE STUDIES.仲有得同師姐吹水。師兄又成日教野。仲有好好IC同埋搞笑師叔.

很令人羡慕的Family feel workplace~

>>February 4, 2005 at 11:01:48 PM GMT+8