2005 年 10 月 24 日 星期一 【晴】

今天不斷眼眉跳。
哈哈，唔知做咩，跳黎跳去都係左邊。

我今日溫書，不經不覺我溫書的日子已經有一個月了。由最初圖書館吉吉地小貓三兩隻，到現在mid term 擠滿人而差點淪陷的境況也都體會過，我相信這幾天可能不會花太多時間到圖書館，因為我怕擠。也許下星期再回復我的圖書館學習吧，因為midterm 過後會少了很多無謂的人潮的。我只是想學習，並非臨急抱佛腳，所以，待星期三過了最後一科midterm 後我也可以歇兩天，下星期繼續。但今天有很多同學一同一塊兒溫習，感覺是今年大家都認真了，勤力了。也許是因為十二萬，也許是因為我們要為下年自己的fyp爭取多一點票數吧。

愈發喜歡偶像的immunology 了，這幾天埋首苦讀此科，覺得愈讀愈有意思，愈發找到深奧難懂的東西，實在有太多東西是人類所無所知，無能掌控的了。我喜歡immune ，也許就是因為有很多還待探索的領域——也許透過研究這些，可以解構很多不治之症之迷端。
這固然是空話，我只是那麼的發夢風花雪月過吧，把這些偉大的使命留給那些令人為之肅然起敬的科學家，當然還包括我兩位偶像啦——大師兄prof. larry chow, 以及dr. danny gohel~~ yeah~~
推得一乾二淨。

h5n1的功課還没做好…但一直以來都意識到本世紀一次大規模的流感即將會來臨。dr. gohel 已經不住的提醒我們，連dr.to 都開腔了。當然，作為讀這科的人，我很清楚今次的規模必然不比上一次一九六幾年香港型流感的少，這次的h5n1，是要厲害的了。很多專家都曾然今次最壞的可能是全球三分一人口感染，而禽流感的死亡率會是大概五成，以此推算，大概六分一的人口會斃命。這是多恐怖的預測，但可憐，這不是嚇人。是有可能發生的情況，而且可能性不低。

少一點吃家禽，多注意衞生吧。personal hygiene很重要的。

其實我不喜歡讀bacteriology 及virology 的，那些細菌病毒簡直令我頭眩眼花，那個prof，我死都不要跟！儘管她給最多的A...

我覺得現在的生活有點單調。

>>October 24, 2005 at 11:11:47 PM GMT+8

2005 年 10 月 21 日 星期五 【晴】

今天返了0800觀塘官小。第一班很爽呀，但第二班真係嘈到爆…噴血。今日出聲罵人先發覺我都很久没有罵人了。
那班上的搗蛋程度比佑華小學更甚。

忘了提及，原來我由二零零五年九月廿八日開始已經是二級註冊醫務化驗師。yeah~

>>October 21, 2005 at 10:34:02 PM GMT+8

2005 年 10 月 20 日 星期四 【晴】

今早因為830有測驗，特意0530已經起床了。很早，真的倒塌咁早…
帶著戰戰競競的心情到考試場，嘩！原來個個人都開夜車得緊要。我没有，因為我決意要讀好書啦，於是一早就將這個TEST 範圍攤長來讀，昨晚因PRESENT 過後很累，於是十一點半就熄電腦，十二點鐘就瞓了，哈哈，成晚由七點之後就冇溫過書。(我上堂上到1800)所以本來有點擔心…其實係極度恐慌。因為我没有看書，只是理解了NOTES 便算，連背都没背。
幸而，今天測驗也懂，希望不太差啦。
因為原來DNA 黐筋科DR. TO 真係唔駛我地背書架，好開心呀！唔駛背書真係會令人享受讀書個過程架。諗番個時讀細菌，讀CANCER, 讀STAINS, 讀咩BLOOD CELL, 咩貧血，咩CLINICAL CHEM, HUMAN BIOCHEM 全部都背都黐筋。所以唔駛背書應該要珍惜。
收到電話中大叫我明天返工呀。很驚班細路會很嘈。

做左大半日BIOSTATS, 由早上930測驗完畢開始做，直到1700都冇咩進展。

EVENING 到左金都同呀哥佢地幫呀媽揀衫。佢件衫好貴，好靚，而家輪到我冇衫著。

夜晚出左街食飯，飽到想嘔。也許近來胃痛是因為食量不穩…唉！個人攰到一坐低係茶樓都瞓著。

>>October 21, 2005 at 4:28:57 PM GMT+8

2005 年 10 月 19 日 星期三 【晴】

一早就好開心呀！因為我今個SEM第一拎B+/A呀~~ 而且還要是偶像dr. gohel的IMMUNE!!! 嘻
第一次做JOURNAL REVIEWING, 實在太開心啦！目標係下次份功課A+.(希望得啦，偶像拍心口話我地全部都可以UPGRADE 既)

下午完成了immune 的present, 都還是不很明白為甚麼五個人一組，但只係要我一個人出黎講嘢…好大壓力呀！不過，都叫做過去左啦，雖然覺得自己演說的表現只屬一般，但幸而往後的問答環節能清楚地回應同學問題啫，整體上也算合格吧…哈哈，只希望不要太低分…不過偶像應該都會幾好人既，但願。因為連續幾日我都做了很多東西，不知道是否我太好烚，總是每次groupwork 我都是做得最多東西的一個…lulu 她不知為甚麼會做得不好，於是大家又要為她收拾，但最終又卸了給我…為她做我心甘命低，因為我唔想炒左個present，況且lulu 已經盡左力。但有d人咁態度，好唔尊重我囉，無視我既付出，我覺得他很無教養，都唔懂得尊重人，咁大個人應該醒啦。以為自己幾咁了不起…佢做既嘢根本上就無幫過我d咩，仲要係沿用我俾佢個file 既blueprint...

尋晚真係做到爆粗。

>>October 21, 2005 at 4:15:06 PM GMT+8

2005 年 10 月 12 日 星期三 【晴】

今日失敗的完成了一個environment and disease 的15% 的測驗。很失望。因為溫書時就像正在讀中六、七時的biology classifications of species 咁，d內容又亂又散又悶。真係頂癮，至慘係個鬼婆教到一灘嘢咁…佢自己都唔知自己教緊咩，我地又點可以grasp 到自己要讀咩喎！叉叉
不過我仲會俾心機既，希望黎緊既topics 唔會仲係咁想死既classifications啦。

呢一排上偶像dr. gohel 的immune堂愈來愈有拼勁，堂堂都上很開心，我都覺得偶像都知道我的存在呀，呢2星期成日上堂都拎我同lulu as e.g., 嘻嘻。

今天堂頭筋黐腳筋dna堂, 又狂答到問題喎…嘻，雖然唔係識晒，但都有左好大信心呀。dr. to今日著得好smart 喎。

今天終於都交了偶像俾的那份immune 10%的journal assignment, 放下了心頭。不過這份功課我自己做了八成…這樣的group work 都不知還能否說是group work.

下個星期有stats功課要交, 25% 呀，又要一組，不過今次有5個人一組，可以分工，唔再係同immune 個個人，希望好d啦。
又要做immune 的present, 題目係濕疹呀，我呢幾日都又復發，又甩皮啦隻手，又係做番呢個present ，應該我自己都幾在行。

我而家又好乖啦，會溫書。

* * *

個賤人…本來我明明已經避之則吉架啦，但係佢又徧徧係都要涉足我的圈子，本來我同lulu , mignon夫婦一組好好地的，他無啦啦咁一個人盅埋黎，竟然又要加埋佢咁一組…成日單單打打，我真係唔想同一個咁無品既人做嘢…我一點也不覺得寸人會是一種成就囉，幼稚！不知所謂，在其心底基本就没有「尊重」二字。的確很令人討厭。
天呀，別耍我。

>>October 12, 2005 at 9:50:26 PM GMT+8

2005 年 9 月 29 日 星期四 【晴】

這兩天不斷現出一股傷感失落的味道。也許，根本上情緒這東西是一種難以捉摸或操控的妖魔。在身邊，有不時出現的黑暗身影，我從前會以俗痮的話語冠之「八婆」。今天，我也已放棄了這些凡夫俗子般的措詞。只是不想再多加留意。銳意離開這些不屑一顧的個體。找尋一些相約相配的影子。樹影婆娑下，一個又一個没相干的身影在穿插，在流逝。以往對青春的一份盼望，以致到今天的一份失落，是巧合，還是上天的注定？緣，就是無時無刻的圍繞每個人在彰顯。

今午在地下鐵路列車內，看著異常多的乘客手携大包行李。我心在奇怪為何今天這樣異常？平時看到的都很少會浮現這景況。想著想著，良久也猜不透這到底為何。終於答案在九龍塘站後揭示了。我明白他們都是趁著節日回鄉。回鄉這名詞，也許是從會考以後我已絕少接觸。我很喜歡回鄉的感覺，那種親人團聚、濟濟一堂的景象。可惜，今天我的親戚已四散，各自在地球的不同角落。即使回鄉，能相聚的也為數不多。掛念，只能埋於心裏。
也許有天，當我有錢到澳洲及美國之時，大家之間已經會生疏許多。

>>September 29, 2005 at 4:24:43 PM GMT+8

2005 年 9 月 16 日 星期五 【晴】

星期三(14/9) 屋企己經做左節了…真係好早。鬼叫哥同家組都咁忙咩…愈睇我愈似極一個閒人囉…唔得，我都要充實一d！所以我今日就一個人返左去學校溫書啦，真係好少有架。不過我看呢兩年我會成日做呢樣嘢囉，因為我要讀好佢，要成績好呀…唔係就好嘥錢…

前幾天終於交了支票俾dept of health 啦，應該就快拎到個牌。我有d同學已經拎左牌lur...

今日仲買左本clinical immunology, 我終於可以係屋企都隨時睇到自己至鐘意個科既書啦！好開心呀！我會讀讀讀，俾心機。

有時真係覺得自己好懶，不過我唔會再俾呢d情況發生啦，因為我要改！我會改！

今日特登返poly ，咁就順便睇下醫生，轉番d medical records，一個過左cu biochem 讀既同學仔又返左黎poly 喎，咁就同佢食tea, 佢又同我講感情問題啦，又話自己而家唔知點搵男朋友，其實，cu 咁大，佢駛乜擔心，話唔定識到固好既醫生仔呢，哈哈。係poly時，佢都有人追吖，係佢自己唔啱啫。跟住佢又話咩睇好我…大佬，買馬咩？放過我好了。我只係想讀好書咋而家，感情既嘢，我唔想想太多，順其自然的好了。不過有我又welcome 既。隨緣啦，有時諗番以前，就唔會咁執著要有一個男朋友，始終，一個唔好既開始係會抱撼的。人會長大，會長進的。我今日都進化了。

我突然間覺得大學生活有點孤單，想打波，但約人都難。熟既人又走晒…一d轉左科，一d冇升上去，出左黎做嘢，真係無奈。

星期三仲要同個死衰人撞色囉件衫，搞到我好似同佢著情侣衫咁，天呀，玩我咩！我唔想再同佢有咩瓜葛啦，但鬼整上堂佢又坐左係我隔籬，真係頂頂頂！dr. gohel 堂黎架，影響我聽書既情緒！係我至鍾意既immunology!!! 仲要係偶像教…不過我上堂都好叻叻呀，我竟然答到gohel既問題，突然間好開心添，嘻嘻！

好…難接受佢…不過我知佢唔會步出我的生命，算啦。我可以當佢透明架。
至於佢，我知道佢會知我點諗，大家都會知，咁好默契，應該都唔會再見。

我要諗辦法將自己的生活不淪落於頹廢。太多的dayoffs 了。但，哈哈，i'll manage it~

>>September 16, 2005 at 10:40:31 PM GMT+8

2005 年 9 月 13 日 星期二 【晴】

我經常性dayoff.....這也未免太頻繁了吧？真的頂頂頂！
學費很貴呀…以往自己不用交學費就不會有此怠覺，但現在真的感覺很煩。原來幾萬元學費是那樣的吃力的。所以我開始奢望自己可以有天中六合彩，讓我能償還所有學費…

今天只有一小時的課咋，頂。但我又在學校hea了…返到屋企不會有精神的…我會罵叉的，誰叫那邊的嘈音那般擾人。

對，所以我決定了就算dayoff都會返學，只是為一個比較寧靜的環境。

看來，我直到十二月都不能再剪頭髮了，否則飲宴上會好核突的了。要開始注意一下化粧的技巧了，雖然我還是堅持不化粧出街，但某些場合上還是要派上場的。

今天上的environment & disease, 那個dr. margie, 她的愛爾蘭音到現在我都還不很習慣。起初還以為只是yr 1 sem1 忍受過後便可解脫的，但今云有排挨。

我已經hea 了三小時…嗚，救命！
再過一、兩小時我會走的了。

>>September 13, 2005 at 2:28:42 PM GMT+8

2005 年 9 月 4 日 星期日 【雨】

昨天收到了衞生署那邊寄來的信件，知道原來自己的醫務化驗師的註冊申請已經approved~很開心呀！
只要我再交埋註冊費同拎埋張practising liscence, 就可以成為政府註冊MLT II喇！

今天原本去行浪茄的，不過又因為天雨被逼取消了。

星期一返學，終於有學返！

>>September 5, 2005 at 10:20:35 AM GMT+8

2005 年 9 月 3 日 星期六 【雨】

今日去左好多年黎冇踏足過的藍田公園。本只想閒逛，但竟然見到一隻很乖巧的貓咪呀，於是便逗牠玩了良久。玩了幾個小時呀，直至黑夜繁星都籠罩住整個天穹，才很不捨的離開。
原來有個伯伯天天都來餵貓咪的，很有愛心呀。

得閒想再去找貓咪。

突然想起了兩個人：一個是陳吉吉，佢而家唔知係sydney點呢？又會無啦啦諗起佢喎…可能我都真係差d會唔起得佢啦，所以大腦潛意識要提醒我記住佢啩，哈哈
另外一個係hd yr 1一齊學壁球的同學來的，又唔係好耐冇見…幾個月咁啦…哈

我好鬼死掛住葉美菁！好想見到你咀你兩啖呀！
又有少少掛住羅宇鴻喎…
都好掛住墨魚呀…
仲有細佬仔豪哥…
超級掛住皓皓！

更加掛住我自己！

約了差不多兩年没見的呀su，很期待見到佢呀，希望一切順利啦！

>>September 3, 2005 at 11:30:07 PM GMT+8