2005 年 5 月 24 日 星期二 【雨】


表白

妳今晚有事嗎？可以告訴我嘛？我好想知道妳想甚麼。<0015>

我唔想俾你知我諗乜... 因為同樣我都唔知你諗咩 ;-) <0021>

妳掛衫呀？我看見剛才有人掛呢？哈哈... 我開始經常想著妳了，妳知道嘛？ :'( <0023>

你仲未走？我媽咪掛緊... 我知呀！咁你係咪鍾意我？<0028>

係呢！所以我才怕... 還掛多了耶，咁夜洗衫？奇怪。<0030>

你仲响度？但我唔可以出黎...嘻...怕咩呀？... 咁個個都晨早走哂，of coz夜晚洗衫！<0037>

我仍在呢！大概是傻了吧~ 因為我命運安排是雀仔 ;-) 但係我都決定不顧後果的告訴妳，真的喜歡妳，仙 ;-) <0041>

我啱啱開窗都見唔到 ;-) 不顧後果？駛唔駛？唔會死架... 點解唔同我講？<0047>

我在惠康對開的石櫈。我知道我不是妳需求的人。我自覺不夠水準。而且亦唔想失去妳，這個小學鄰居。<0051>

做咩瞓响街？<0053>

未冷靜下來，怕心跳聲會嘈醒嫲嫲。<0055>

好普通嘅事啫... 你拍過啫多次拖... 咪成日嘈住嫲嫲 ;-) 大家都唔係咁識大家，你點知我嘅需求？會唔會我唔似你 d ex <0102>

因為妳曾說過些說話呢！而最可怕的是，我也是容易喜歡人的人。妳當然不會像ex她... <0105>

你返左屋企？冷靜了？我唔係令你咁唔冷靜呀？！... 你好容易鍾意人，咪好容易又唔再鍾意@,- 我要好好珍惜呢段時間 ;-) <0118>

下雨了，不得不回家呢！ ;-) 我在學習改善。<0119>

竟然剛入𨋢就收到妳的來電, 可是已入𨋢......


>>May 24, 2005 at 2:09:59 AM GMT+8

2005 年 5 月 23 日 星期一 【晴】

真的不知道...
今朝下過場大大的雨呢~

清醒地起身時已經係十一點過後。
給叉燒的來電弄醒的。

點半返工，今日返一節。

大工程, 單張上的聯合通告出錯, 要補貼改正資料。


功輔完結, 放工走人。
上左惠康... ... 竟然給她改變了, 買埋 d 叮叮食品擺定係屋企。


還買了「威滅殺蟻藥餌」, 最近屋企好多蟻, 仲咬人呢！


沖個涼, 同嫲嫲搭M47出中環, 去「明洞屋」吃韓燒。



用老豆部SE Z800i 自拍： 又真係幾唔錯！

這一個晚上, 帶了本"幾米"看, 放左係屋企良久未有閱讀。


>>May 24, 2005 at 2:51:14 AM GMT+8

2005 年 5 月 23 日 星期一 【晴】

夏日快來了，
又是曬太陽的好季節。

科學家向來嚴正警告，健康男女要曬太陽曬得一身古銅膚色，
千萬緊記塗上一層厚厚太陽油，以防暴曬患上皮膚癌。
不過，科學家最近推翻這個大家入了腦的說法，建議人們多曬太陽，
吸收太陽紫外線讓皮膚製造更多維他命D，
以預防大腸癌等多種癌症，最重要是千萬別塗太陽油。
新說法絕不兒戲，因為是由哈佛大學專家提出，並得到癌病協會認同的。

曬 太 陽 可 導 致 皮 膚 癌 又 可 預 防 癌 症 ， 很 矛 盾 ，
但 科 學 家 指 曬 太 陽 的 好 處 比 壞 處 多 ， 因 為 皮 膚 癌 甚 少 致 命 ，
哈 佛 大 學 醫 學 和 營 養 學 教 授 焦 萬 努 奇 的 研 究 更 發 現 ，
皮 膚 製 造 維 他 命 D 過 程 中 ， 每 造 成 一 個 因 皮 膚 癌 致 命 個 案 的 同 時 ，
同 樣 份 量 維 他 命 D 可 預 防 三 十 人 死 亡 。

維 他 命 D 向 來 有 個 綽 號 ， 就 是 「 陽 光 維 他 命 」 。
科 學 家 指 出 ， 雖 然 三 文 魚 、 吞 拿 魚 等 油 性 魚 類 含 天 然 維 他 命 D ，
營 養 添 加 牛 奶 亦 有 維 他 命 D ，
但 飲 食 攝 取 所 得 的 維 他 命 D ， 只 佔 血 液 中 維 他 命 D 很 小 量 。
而且，即使服用補充劑也有問題，因為大部份補充劑含 D-2 ， 而非更有用的D-3 。

因 此 ， 最 好 是 從 曬 太 陽 讓 皮 膚 從 紫 外 線 中 製 造 維 他 命 D 。
雖 然 科 學 家 新 建 議 不 要 塗 太 陽 油 曬 太 陽 ， 但 也 絕 不 建 議 「 暴 曬 」 。
他 們 建 議 ， 每 周 不 塗 太 陽 油 在 不 太 猛 烈 的 「 安 全 陽 光 」 下 曬 數 次 ，
每 次 十 五 分 鐘 ， 總 之 要 曬 得 適 可 而 止 。


現代人生活忙碌，多見光管，少見陽光，往往最缺乏維他命D 。
維他命D負責從腸道吸收鈣質，幫助骨骼生長、牙齒發育，以及預防骨質疏鬆症； 也幫助維他命A的吸收。
人若攝取不足，會導致佝僂症、軟骨易症、蛀牙、骨折、發育不良和骨質疏鬆症。

>>May 23, 2005 at 11:57:32 AM GMT+8

2005 年 5 月 22 日 星期日 【晴】

釗釗回家
玩視訊




0500 送 Linda 落下搭的士


05年度的【下水禮】, 唔計外展跳碼頭。

深水灣

望望望...

our first kiss today

>>May 24, 2005 at 2:12:30 AM GMT+8

2005 年 5 月 22 日 星期日 【晴】

各位
TC的朋友,

這個中午相約一起去探朋友好嘛？

約會地區：長沙灣天主教墳場
約會日期：另擇日子，再晴朗的一天再出發。

詳細情況請與杜比聯絡。



>>May 22, 2005 at 10:08:32 PM GMT+8

2005 年 5 月 21 日 星期六 【晴】

treasure hunt
secret agent

gd morning, david. i am arrive tst already. i go to have a breakfast first. <0921>



ok. all teams have left now and are on their way. <0922>





從前是 MOTOROLA, ....






david. they all came. and took the mission letter already. <1021>

It's ok don't worry <1044>



sorry david, because a lot of team came infront of me suddenly,
and some male players took the mission letter by themselevs, when i giveing to otherteam. i am sorry ;-( <1047>

i think all teams were come already, i am leaveing and go to wanchai. <1105>

每次經過這地方, 就覺得好似行"天橋"一樣。







途經藝術中心



好彩無留低慢慢食, 唔係就要遲到了！

work hard, play hard.

天氣不錯哦~

>>May 22, 2005 at 11:01:14 PM GMT+8

2005 年 5 月 21 日 星期六 【晴】

八點
大久保








>>May 22, 2005 at 10:09:19 PM GMT+8

2005 年 5 月 21 日 星期六 【晴】

原計劃八點起身, set 8am 鬧鐘。
可是起身開眼時望向微波爐「0750」, 而實際只是七點九。

臨醒之前發了個夢,
夢中並不是遇上甚麼人,
而是睇緊一本雜誌,
未睇正文之先必睇目錄。

蔡X的一篇：性器官大小, 介意他比人小, 介意他比家品小, 比肥皂小, 比水龍頭小......

此外, 還有一篇係, 講猛獸電影導演的性態度。
例如大白鯊, ....

看到這裡，就醒來了！

>>May 21, 2005 at 8:02:52 AM GMT+8

2005 年 5 月 20 日 星期五 【綿綿細雨】

蠻吃力的一個下午
總動員落去香港仔派單張

今日返工, 首先搞掂 d MPF 等需要填的資料俾番溫sir,
填寫中途, 黃姑娘過黎俾job, 要我地摺定 d 單張, 準備三點落去香港仔派,
咁我即時諗到的問題係：其實多唔多村外人黎報名？
佢就話番我知, 暑期活動, 村外客會比較多, 往年都係。平時功輔才多村客。

交代完畢, 我就繼續填表, Emily就落去傳達指示。

好喇！三點, 大家才施施然準備出發。
最後差不多成三點半至離開中心。
佢地搭𨋢上，我行路，順便繞過去郵局買郵票寄信。

派單張！
我仍然都係以目標對象為出擊項目, 基本上都是接受的,
只有一成人, 亦多數係男人拒絕理會我的說話。

有個婆婆拖住孫仔黎拎單張, 應該係之前媽媽拖住女兒經過時已拿了張......
婆婆接過單張後,
四人停在馬路邊準備過馬路時, 婆婆向孫仔講：你睇哥哥幾有禮貌！雙手俾o野人.......
聽在耳裡的我, 當然會報以微笑回應。

基本上, 我並不喜歡做這任務, 一直都討厭在街上派這派那, 甚至收這收那，
可是這是工作的一部份, 不得不做。
既然要做, 就要做好佢！

每一次發現目標, 我都會雙手拿著單張,
並說明：這是一份小童群益會暑期活動的資料, 請您參考一下。

若遇上不拿份子, 例如已經拿了的, 我都會微笑道謝。

大概四點幾, 狀況出現了！
中心來電：做咩拎咁少單張出去派？派咁少用不著要五個人去吧？

既然問題咁明顯, 最簡單直接的解決方法就梗係：返中心補倉喇！
果個ya琼, 真係被佢拿了我的命, 佢話：依家果問題係無聽清楚指示呀！
我真係無咁好氣！淨係識得怕, 怕俾人鬧, 怕俾人扣人工, 不求甚解！

這個人, 認識了都成個月, 我真係無咁好心機去教化她, 情況有如兩年前的「阿蛋」！
而其他ya 就似 Polly, Umy咁維護佢。

最後咪係要返中心補貨囉！
而 Emily 亦因此情緒低落, 因為係我同佢直接接受黃姑娘指令的。
可是我實在沒有接收過要拎幾多落去的指示,
反而, 因為 Emily是續約ya, 上年都有派過單張, 所以經驗上係應該知道要帶多少派多少....

回想起, 我亦無去了解數量的問題, 只係以派幾耐為時限推算.....
指示係：「三點落去香港仔, 派到五點半食飯, 食完飯六點半返番黎」就係咁。

竟然搞到要輪流食飯, 得半個鐘。

太興的燒味双拼套餐。

四十幾蚊，都幾唔經濟。


七點, 忽然地開始下雨, 微微雨。
好！打道回府，提早收工。

不快趣事。
話說我地係香港仔中心附近派啦！
咁中心廣場範圍唔俾派, 都好正常,
咁我一直都在廣場對開通道, 行人路度派。相安無事。
隻ya琼無端端入左廣場入面派, 咁自然有保安員埋開話出番出面派啦~唔該。
咁佢就走番出黎, 之後仲走埋我度........
跟住就話：唔好兩個人企咁近啦, d 人唔拎架！你行過去恆生果邊啦。
我不得不 Bear~ Bear~ 聲, Bear 聲四起~
阿ya琼姐, 我黎先架, 妳被人趕, 跟住走過黎, 仲要叫我走？
我理直氣壯並簡單回應：我黎先架呵？！
咁佢就唔知係明白, 定死死氣咁過左去恆生果邊。

九點鐘, 諗住出去做「Pull-Ups」,
又一個忽然的下著雨來, 而且還越落越大, 趕快跑返入室內等放工。

九點半鐘放工, 雨仍蠻大。
好彩早前放低定把「縮骨遮」, wakaka ........

>>May 25, 2005 at 11:56:18 AM GMT+8

2005 年 5 月 20 日 星期五 【雨】

一件唔起眼的新聞。
原來...

【 蘋果日報 】
一名十六歲中四男生，昨日因感冒發燒請假在香港仔華富村家中休息，
其間離奇從大廈高處墮樓身亡，母親返家驚聞愛子慘死，傷心得死去活來。
警方事後調查，發覺事主無論在學業、感情或家庭問題各方面都沒有問題，
自殺原因耐人尋味，現正展開調查。

死者倪耀朗，十六歲，在香港仔一間中學就讀中四，是家中的獨子，
父親在北京當廚師，幾個月才返港一次，
母親則在區內一間食肆任職，每日早上及晚上分段時間上班。

據街坊稱，耀朗花名「鬥雞」，平日很乖，對母親也很孝順，兩母子關係很好。
據說，耀朗近日患上感冒，昨晨更因為發燒不適向校方請假，
母親前晚十時睡覺前見過兒子後，昨晨一早便離家上班，
至早上十時曾致電回家問候兒子病況，當時都不覺他有異樣。
至下午一時半返家，聽街坊談論有人跳樓，當時倪母還頻呼可惜，
但抵家後發現兒子不在，跑到地下查看，驚見倒地的少年竟是自己的兒子，
一時失聲痛哭：「佢得十六歲咋！」救護員事後將墮樓少年送院，惟終告不治。

倪多名男女同學事後趕到醫院，驚聞噩耗都傷心不已，
其中有同學表示，阿朗在校內的成績屬於中游，
目前又不是考試期，亦沒有聽聞他有女朋友，相信沒有感情困擾，
對於他墮樓死亡，各人都感到非常傷心及困惑。
警方在場調查，相信少年是在十樓以下的走廊跨過欄河墮樓，
事件沒有可疑，但自殺原因仍有待調查。



【太陽報】
香港仔一名中四男生，昨日抱病在家休息，早上曾與母親傾電話，並無異樣，
下午離奇由十二樓住所墮樓身亡，警方發現遺書，死者同學對其尋死動機百思不得其解，
警方暫列有人從高處墮下，正追查其墮樓原因。



死者倪耀朗（十六歲），為家中獨子，
生前就讀黃竹坑新會商會陳白沙紀念中學，與父母住華富村華翠樓十二樓一單位。
倪父在北京任廚師，數個月才返家一次，最近一次在個多月前。
倪母（四十歲）在置富花園一間茶餐廳工作，需要日夜兩更輪班。
倪母透露，兒子前晚發燒，昨晨看過醫生後在家休息，她則如常上班。
她因擔心兒子，在早上十時許曾致電返家與他傾談，當時並無感覺他不開心。

昨午一時許，華翠樓姓楊（五十三歲）看更聽見砰然巨響，
發現一名男童身穿短褲及波衫，倒臥大廈門外空地。
警方及救護員到場將男童送院，有街坊稱，當時倪母下班返家，看到地上血漬，
還為對方惋惜：「哎呀，慘泋，邊個街坊跳樓呀？」
豈料返家不見愛兒，即發狂尋找，最後向警員確認墮樓者是其子，登時失聲痛哭。
倪抵院後證實不治。



他的多名同學趕抵醫院，驚悉噩耗均難掩哀痛，
有同學表示，倪家經濟環境不錯，近日不覺得他有任何壓力或困擾，
警方懷疑倪由家中露台墮下。
鄰居表示，倪母從小到大都以乳名「鬥雞」喚兒子，
街坊有感「阿朗」已長大，主動要求倪母改口，
印象中阿朗學業成績一般，但個性非常乖巧及孝順。
由於倪母需輪班工作，「阿朗」為免母親疲累，
有時會主動下廚煮飯給母親吃，亦甚得街坊疼愛。

=====================================================================

這一個晚上, 溫Sir落左黎拎左份報紙上去, 奇怪之始。
不多久, 黃姑娘與幾名同工圍著小檯而坐, 檯上面有份報紙。
埋去八卦之下, 原來... 據稱該男童好似係會員。
而中心門外亦多貼一張通告, 大意係話會為受眾提供輔導服務。

諗諗下, 琴晚放工返屋企時,
因為無入商場搭𨋢, 繞道而行, 所以經過華翠樓。
當經過時, 巴士站位置停泊了多部報館的採訪車, 東方太陽成報.......



>>May 22, 2005 at 10:05:35 PM GMT+8