2006 年 1 月 15 日 星期日 【晴】

今天如往常一樣,
十一點幾起來。

不過係因為阿Cal打黎,
話飲緊茶, 事因由於活動人數問題, 下午節目取消。
之後又傳過電話俾 Ian 同小玲講多句咁。都真係好好耐無見過佢地了~

本來諗住睡多一點的。
橫掂唔使返工,
橫掂又無約人,
全日時間都由我作主。
既然醒左, 但係我又無即刻落床, 打左鋪Winning, 三比零, 算係咁啦！
往常的日子大都上床後臨瞓前打機的, 琴晚無打今朝打番。

吃過飯後, 睇完午間新聞之後就播電影《Bad Boy特工》
由近期娛樂頭條主角之一鄭伊健和前排除夕响新世紀爬石的古天樂主演。
劇情都熟口熟面, 好似之前都睇過, 其實無甚驚喜,
係無乜好做的情況下, 我竟然睇哂成套戲,
特別係我還能頂得順 d 廣告, 好彩係劉華的「道地」綠茶,
真係好討厭這樣的電視台如此對待電影, 後來的有線電影台都變成咁, 真係令人失望,
所以我早早就放棄, 寧願入場睇或者俾錢買碟睇番。

作為一個喜愛電影的人,
雖然係無乜水準的作品裡都能找得出值得細味的地方, 或者係從前無留意的情節。
劇本裡頭兩位主角的感情發展都各走極端,
一個花心蘿蔔見女就溝, 一個諗住從一而終咁搵佢嘅百份百完美女人,
佢地係劇情推進之下, 都遇到改變佢地的人, ..........

印象中, 當時的伊健好似係剛簽約入"英皇", 儀式還相當風光。

坐住按摩椅咁睇完套Bad Boy, 換衫出去行下。
買本神兵睇, 點知華富的報檔都無開門做生意, 唯有落去華貴買, 順便搭平過新巴的 72


出去最主要係想去睇下個「灣仔書節」。
落巴士, 先襟錢, 經過"縱橫遊/名峰行"入去睇下, 再望望"書節"有咩睇,
入睇下有咩書買, 回來再決定買邊 d , 轉入去吉之島$10店逛逛。

拎左把舊的落中心用, 買番把放番係屋企看門口。

行過 IKEA, 好多人, 一家大細, 男男女女。
唔係見到有人食, 都唔諗起呢度嘅 $5 熱狗。

我真係好鐘意食熱狗, 不過原來我都好耐無吃過了。

轉番出黎, 落去"實惠"買左個花灑頭同慳電膽。
再去到書節現場。




之前係維園個書展, 已想買這本, 可惜無買到。

今日買回來, 留待下星期放假慢慢睇。

在家, 係唔多鐘意飲水。
買番支橙汁返屋企飲。


>>January 16, 2006 at 3:43:35 PM GMT+8

2006 年 1 月 15 日 星期日 【晴】



起居搖粒絨套裝

原價：$149
特賣價：$99

細搖粒絨長褲

原價：$79
特賣價：$59


<人氣: 23601>

>>January 15, 2006 at 12:33:23 PM GMT+8

2006 年 1 月 14 日 星期六 【晴】

HMV
好似好耐無幫襯過了！



>>January 16, 2006 at 1:28:46 AM GMT+8

2006 年 1 月 14 日 星期六 【晴】

四眼雞丁
Chicken Little



好像同係屋企睇卡通無兩樣。
唔怪得條預告片段要整到係咁跳舞。

迪士尼數碼動畫鉅獻《四眼雞丁》，
講述雞丁曾因一個誤會，自此成為其他動物的取笑對象，令他完全失去自信。
某日，四眼雞丁發現地球受到外星人攻擊，
為重振聲威，雞丁決定聯同一班動物友好，展開一次拯救地球大行動！！

《四眼雞丁》以全新數碼技術，
將一大班得意可愛動物仔呈現銀幕，角色個個立體生鬼，
當中包括謄小而內心純良的四眼雞丁、
最愛食栗米的「超大碼」怕醜豬仔肥溫、
「知少少扮代表」自命聰明醒目的醜小鴨鴨比、
還有在陸地上都要頭戴氧氣罩、來自水底的海陸交換生小金魚泡泡魚！
牠們一齊「柴娃娃」救地球，展開一次爆笑歷險旅程，
合力製造連場笑料，必定能博得一家大細歡心！

阿Sa配音演飾得唔錯！
肥谷就似番《人妖打排球》咁。

無左彼思的迪士尼動畫, 真係... 不看也可以。
無論如何, 都期待暫時都可能係最後一部彼思迪士尼作品《Cars》, 應該七月上映。

>>January 16, 2006 at 1:09:36 AM GMT+8

2006 年 1 月 13 日 星期五 【晴】

Mountain Hardwear 的背狼!!
分享下用家感受黎聽下可以嘛？

作為一個買左好多個背囊的人來說,
我都在英昌掙扎了2個鍾頭先決定買下來...

作為一個多家買一個背囊要考慮好多原因...
1.我已經有3個以上這個size的背囊, (i)grogery的gravity, 我第2個60L左右的背囊, 佢已經是一個十分不錯的背囊, 但佢的背部設計未如理想, 令肩帶比較受力,而且背囊內的魔術貼和膠水老化, 令我用了2年後將它打入了冷宮

2.其實我一直都十分迷戀dana design的背囊, bombpack成為了我之後1年多的寵愛, 次次上山都是同dana一起, 而且習慣了黑色, 其實黑色都幾靚, 而且在背囊的基礎設計上,dana的腰部同背部基本上是市場上的最好的質素, 簡直的無械可擊, 就算是hardwear都唔足夠同dana比.

3.我仲有2個常用的45-50L行山袋, ospery elipse42同dana sluiskin45, 我覺得佢地2個有不同的用途, ELIPSE42是教班時好快可以打開背囊同PACK起所有物資用, 而SLUISKIN就是快速行進的BIVY裝的時候用, 可以比較少裝備又舒服的背囊

我今次決定買MHW的原因有以下..
MHW今次的設計是一個非常新的設計, 我在開始時都覺得是鐵甲威龍一個, 但其實你看真了一點點後, 我發現了佢的優點迷惑了我..
1.hmw的最大優點是肩帶的改良,肩帶沒有了尾部,令我覺得十分舒適,亦沒有傳統肩帶放在"加拿底"的不適
2.佢個背部可以調教得十分fit, 令腰部的承托十分之好, 雖然腰帶未如理想, 但是已經十分舒適.
3.佢個腰可以因為你的動作而進行與背部的調節角度, 令你唔會因為向前彎身而有重心向前而跌下的感覺, 十分神奇(雖然你唔會多用)
4.佢個背囊表面上十分大型, 但放了在身上之後是另一回事,我背上了之後並唔覺得佢好誇張, 反而覺得佢個背囊的袋十分slim, 唯一是背部的系統在收藏上不太便

經過以上4點, 再加上全新的設計, 我覺得$2xxx(2字頭)都是一個十分合理的價錢, dana design都$1700啦!!, 所以決定買了它

但如果你想買有d point要考慮:-
1. 價錢的確是同級中最貴的背囊(但設計太新)
2. 收藏時十分不方便
3. 個腰同對肥仔有d唔舒服, 因為腰的可調性比較低
4. 個背部沒有了網或布,同人的磨擦力低了, 初時會有d移動的感覺, 其實是假象, 背慣了傳統背囊的都會有這個感覺

其他的等我上完山就再講啦!!
_________________
茶包同蛋糕
就是世界上最好的下午茶

>>January 15, 2006 at 3:47:12 AM GMT+8

2006 年 1 月 13 日 星期五 【晴】

黑色星期五
蜜蜂襲南綜

這個 Black Friday Night,
食完飯, 同阿峰繞大圈再行長樓梯返中心。
搞掂埋 d 錢箱, 就推車仔落華貴, 順便過去搞埋 d 小任務：換門鎖x2 同裝無線門鈴。
加埋林Sir開左個小型會議, 講解一下黎緊兩周的更表。原本有人話要開會, 最後又係不了了之。
左搞右搞到九點幾, 林Sir收到電話,
華富中心打過黎求救, 話有好多蜜蜂飛左入中心裡頭, 勁多, 好驚咁, 仲要無乜男人係果邊。
於是乎阿峰同我就拿拿臨返過去睇下情況。



落緊長樓梯, 睇見Sa姐同兩個女仔坐左係出面張長櫈, Ivy 就企係門口講緊電話。
落到底, 轉過頭見到中心熄左大部份的光管, 烏燈黑火, 好似平時準備關門咁。
行近中心, 係門口對開的走廊光管箱外有幾隻蜜蜂....



大家都好驚 d 蜜蜂咁, 新黎個英姐又嚇佢地話見過有朋友被蜂針後"瓜"左.....
雖然蜜蜂數量都真係唔少, 但係全部都好細隻。
而且, 基本上我唔搞佢, 佢地亦唔應該會主動發起攻擊吧~

<人氣: 23546>

>>January 14, 2006 at 1:00:47 AM GMT+8

2006 年 1 月 13 日 星期五 【晴】

總會有有方法,
唔會有解決唔到的問題：

我都會懶瞓, 唔知醒, 或者醒醒地又瞓番, 咁我咪要諗辦法囉！

一個鐘唔夠, 咪加多個囉~
再唔得咪將個鐘擺遠 d, 一定要行多步落床先可以熄到個鬧鐘囉~

另外我自己會將預計起身的時間提早,
俾自己多點時間預備, 即使萬一懶瞓都有點時間緩充。

其次係我習慣係完全醒哂先出門口見人。

>>January 13, 2006 at 12:47:27 AM GMT+8

2006 年 1 月 13 日 星期五 【晴】



>>January 12, 2006 at 6:45:13 PM GMT+8

2006 年 1 月 12 日 星期四 【晴】

聖公會田灣始南小學
優質教師工作坊

早上八時, 從香港仔行番過田灣。
當正要轉入田灣的時候, "彭"一聲, 再加些剎車聲.....
我轉頭一看, 已經有一架客貨Van逆向地停左係馬路上。



一邊車頭和一米多鐵欄都撞凹左, 仲有兩三舊鋪地的磚頭殘留馬路。
初步不能確認如何發生事故, 唔排除失控的可能性。
青年司機無事, 可自行落車報警。

之後, 放工再經過該路段... 乜撞成咁呀！


話說回頭,
回到今日個工作坊。

朝九晚四, 我地就0820 Standby.



呢間學校的老師好齊人, 大家亦好投入。
搞嘅輕鬆愉快, 玩嘅開心暢快。



副校長, 馮玉榮。是我當年的班主任。
估唔到佢羽毛球都幾打得, 而且足球都踢得兩腳架~



>>January 14, 2006 at 12:56:32 AM GMT+8

2006 年 1 月 12 日 星期四 【晴】

接拍了電訊公司廣告的林海峰（阿Jan），
今次飛起老拍檔葛民輝，獨自一人表演，但效果依然熱鬧。



由於導演安排他一人分飾多角，有體育教師、行政人員、原宿潮人和時裝設計師等。
阿Jan為要在短時間內投入多個不同角色，
不斷提醒自己每個角色的特徵，和熟讀台詞：
「兩日要拍晒，搞到我成日自言自語，仲差D精神分裂。」

<人氣: 23487>

>>January 12, 2006 at 6:51:34 PM GMT+8