2006 年 7 月 25 日 星期二 【晴】

梁詠琪出新專輯
《成長的短髮》



自從與男友鄭伊健分手後，梁詠琪（GiGi）從情傷重新站起來，
在2006年最新廣東大碟《成長的短髮》唱出失戀新態度「給自己的情歌」，
特別請到周杰倫作曲，由多年戰友陳少琪填詞，
歌詞唱出GiGi的失戀態度，唱出無人愛我就自己愛自己的新女性本色。

==================================================================

梁初出道時, 有一首國語歌《短髮》, 想當年都幾鍾意架~

哭到喉嚨沙啞 還得拼命裝傻
我故意視而不見 你外套上有她的髮

她應該非常聽你的話
她應該會順著你的步伐
乖乖的呆在家 靜靜的守著電話

我已剪短我的髮 剪斷了牽掛
剪一地不被愛的分岔
長長短短 短短長長
一吋一吋在掙扎

我已剪短我的髮 剪斷了懲罰
剪一地傷透我的尷尬
反反覆覆清清楚楚
一刀兩斷 你的情話 你的謊話

===================================================================

作為一個聽歌的人,
當走到人生的某些地方, 如路口, 如街角, 都會想起一些歌與曲。
不論是失意, 還是得意。

>>July 27, 2006 at 1:26:03 AM GMT+8

2006 年 7 月 25 日 星期二 【晴】

受到颱風格美環流影響，本港天氣持續炎熱，昨日不但超高溫，
而且瞬息萬變，降下冰雹、暴雨，以及雷電交加。

屯門、赤蠟角等地區昨日出現三十七度「熱爆」高溫，天文台持續發出酷熱天氣警告，
惟昨午突然刮起狂風暴雨，一小時內閃電逾千次，
觀塘和西貢區發生「六月飛雹」的落雹奇景，兩區氣溫更急降十度。

天文台解釋，落雹在本港夏天不算是十分罕見的現象，
冰雹形成與酷熱的天氣有關，天氣愈炎熱，冰雹的體積會愈大，
而且一般會在下午至黃昏的時段出現。

天文台科學主任李國麟表示，本港昨日上午至中午時分，
受吹襲台灣的颱風格美的外圍下沉氣流影響，
陽光普照，風勢微弱，日曬令地面持續高溫，
產生對流現象，即地面的的高溫令氣流上升，在天上形成對流雲，產生雷暴和閃電，
如果氣溫極高令對流猛烈，水蒸氣便會被推至較低溫的大氣層高處，結成冰粒跌回地面，形成冰雹。

天文愛好者組織「地下天文台」台長方志剛表示，冰雹的體積與氣溫有直接關係，
水蒸氣在大氣結成冰粒後會下墮，但酷熱天氣形成的猛烈對流又會將冰粒推回大氣高處，
經過幾次對流，直至冰粒的體積大至對流不能承托時，便會跌落地面。

>>July 25, 2006 at 10:34:21 AM GMT+8

2006 年 7 月 25 日 星期二 【晴】

英國有研究發現，愈來愈多人追女仔、追男仔、約會和分手，都借手機短訊「過橋」，
短訊已成為現代男女感情生活的重要一環。

「短訊讓你經常精簡、隨便聊天，還給你時間組織思緒，不像講電話那樣要不由自主說話。」

社會問題研究中心的福克斯（Kate Fox）說：
「短訊就像一種潛意識地帶、一種獨一無二的論壇，
令人們解除社會壓抑，說一些現實世界不會說的話。」

短訊更帶挈了新語言出現，譬如說「我不想再見你」，可打成「 I don't want 2 c u 」等。

>>July 25, 2006 at 10:12:36 AM GMT+8

2006 年 7 月 25 日 星期二 【晴】

想再學風帆, 但係想上多次 level 1 先。
芝芝已經考左 level 2 了。



<人氣: 34577>

>>July 25, 2006 at 3:05:47 AM GMT+8

2006 年 7 月 24 日 星期一 【晴】

今日的行程
輕鬆但緊密

最後決定係搭兩點半首班小巴出去灣仔, 俾左阿勤隻碟叉燒先, 順便拿書展pass
因為好左落去, 出中環架小巴未開出, 去灣仔果架就未準備。
於是, 入左去馬會涼冷氣, 又順手買張六合彩同提款。



順利入到書展會場, 其實根本無難度, 因為都無人查個pass 係幾號的。

入左場, 唔係睇書, 係咁打電話, 為了約今晚的 thank you dinner.
約左去食「有骨氣」....
正當我在通電話的時候, 遇上一個正在介紹 correstion tape 改錯帶的小姐,
由於我之前用緊果個開始壞壞地, 都想買番個, 就係咁行左埋去, 但係我仍在通我的電話,
見佢介紹的幾好, 又幾青春, 賣廿蚊, 仲包埋三個 refill 的, 都幾抵呀~
我今年書展第一件買的東西, 竟然係「改錯帶」, 哈哈~

見路就行, 完全無計劃的亂咁行, 對住 d 書但係無乜心機查閱。
行左無幾耐, 看見書堆對面有個肥肥矮矮的, 睇真 d 原來係佢。
之前都知佢話會再入書展, 但係之後一直無聯絡.....
佢見到我, 就走埋黎, 我問佢：又話叫埋我入黎？
佢就話：諗住睇多陣先打俾你嘛！
<吹脹>
無所謂啦！碰上, 是件有趣的事, 是緣份, 也可能是製造出來的巧合。



出門口時天氣還不錯, 雖然有點悶熱。
行行下, 去到Grand hall門口, 望出"維港"灰暗暗的, 視野濛濛。
望落海面, 又無雨喎, 但係從會展頂柱上又有水瀉下來, 還不少。

後來, 才從阿珊口中得知, 西貢落雹。
及後從電台新聞中指除西貢外, 部份東九龍地區都有落過雹。
大概是因為天氣驟變, 氣溫更突然下降了十幾度。



THE BIG APPLE @ 三里屯

行左咁耐, 找個地方坐一坐, 吃點東西。

juicy burger

灣仔小輪 過 尖沙咀

還有點時間, 行左去玩具反斗城。
真係心郁郁想買個電氣泵, 咁就唔係下下揼氣揼到手軟先有浮床用。

呢個咪上次見過果隻碗咁嘅浮物。

買左呢個夜光欖球仔
下次帶去沙灘玩先~

八點半, 有骨氣。


為左答謝他們(王sir, 及好像在不和的Fanny阿傑)的support, 這賬單由我地五人(TC06)支付。


今天的買物： $5 買左本 Yumiko 的寫真

昨日的Pass：



杜比 說:
我今晚行經TST 過佐敦，我諗起以前同我行過呢段路嘅人。
man 說:
諗起你女朋友
杜比 說:
哈哈~ 不是呢。
杜比 說:
有一個朋友，我跟她都係類似時間，一起行這段路。那時期, 差不多每星期一次。

>>July 26, 2006 at 5:23:07 PM GMT+8

2006 年 7 月 24 日 星期一 【晴】

只有如此
才得領略

但願如此....

2006 年 7 月 24 日 星期一 【晴】

我好懶！
懶得.... 非筆墨形容。

聽左軟硬隻碟都幾日, 對部份歌聽多左感覺亦唔同左。
想拎上出黎講, 但係又懶得打 d 歌詞,
而網上面又遲遲未出他們的歌詞。

算了吧, 懶少一陣~



第六首《係咩唔係喎》裡頭其中有句詞："不和不和 和好不如初 反檯反檯 你有你 我有我"
他們以鬧交形式咁唱出呢段, 再配合他們的傳聞, 好有味道。
而"係咩唔係喎", 都係他們的經典一句黎。

兩個人走在一起唔容易, 唔係話相愛很難, 「相處」就是唔容易。
不和, 難免。
和好不如初, 我身同感受。

條"翅"入左心, 無可能除得去, 只有被遺忘。

>>July 24, 2006 at 1:37:00 PM GMT+8

2006 年 7 月 24 日 星期一 【晴】

發單日期： 17/07/2006
通話截數日期： 23/07/2006 23:07:13

視像通話時間 0 分鐘

基本話音通話時間 108 分鐘
網內話音通話時間 118 分鐘
總話音通話時間 226 分鐘

多媒體圖像/視像內容 (M) 8 單位
文字內容 (T) 82 單位

詳細用量紀錄

網內文字短訊/文字內容(T): 82 單位
跨網文字短訊 (T+$0.6 附加費): 0 單位
國際文字短訊 (T+$2 附加費): 0 單位
文字內容總用量: 82 單位

網內多媒體訊息/圖像/視像內容 (M): 8 單位
跨網多媒體訊息 (M*): 0 單位
國際多媒體訊息 (M+$3 附加費): 0 單位
多媒體圖像/視像內容總用量: 8 單位

備註:
推廣期內, 跨網多媒體訊息附加費可獲豁免

<人氣: 34520>

>>July 24, 2006 at 12:56:19 PM GMT+8

2006 年 7 月 23 日 星期日 【晴】

大暑日
避了暑

今日, 阿嫲同朋友上左深圳。咁我就食自己。
煮左個麵, 食番琴晚 d 餸
阿嫲秘制的醬, 配上白肉吃, 味道十足十"滿江紅"碟「蒜泥白肉」。除左 d 肉的厚薄~

琴日同阿傑玩《炸彈人》share game, 今日繼續玩....
但係原來home左, Game就會無左, 要再 share先可以有得玩。

加牆欄杆工程： 唔係佢果晚上黎講起, 都唔知有件咁嘅事。

原本想去沙灘, 但係見太陽麻麻地靚, 又有幾多雲, 所以放棄計劃。
又落去做下運動先
隔離有班好可愛的小朋友上堂, 前排果幾個小豆丁真係好cute架！

橫掂出左黎, 行過去香港仔, 逛一會才回家。
喜歡行海濱繞過去

有貨, 但係俾人訂起哂。
幫朋友都訂番兩隻。

Third Encounter Eason Chan 演唱會 DVD (2003)
$95
想買好耐, 但係賣價一直高企。
但係呢度竟然唔使$100, 下次黎買先。
想當年錯過了這個演唱會, 真真係實在好可惜架~

阿嫲早左落番黎, 老豆同Mei姨又去完書展, 諗左約今晚出去"佳文"食魚生。
誰不知它是夜休息

電車過銅鑼灣, 途經集合對開紅綠燈之際,
望見一對男女, 拖友一孖, 手拖手過馬路。
睇真D, 原來係慧賢黎, 咁果個男仔即係傳聞中的... 果一個囉~
於是, 我就起步行上車頭。
點知突然轉燈, 電車開動, 當時正在上層的我, 迫不得已伸個頭出窗外望落樓下,
見到係佢了, 就大叫---"黃慧賢"！！！
電車繼續開動前進, 她才奇怪地四處探頭搜索聲音源頭。
真係唔好錯, 俾我睇到。不過都係睇唔得清男仔個樣。
後來, 晚上姑姐打黎俾我地, 話同緊佢食飯--- 見家長。佢仲好意思話唔方便叫我地一齊咁話~

曼谷泰菜




看完了 不錯呢
歡迎問我借閱~

>>July 24, 2006 at 12:54:20 PM GMT+8

2006 年 7 月 23 日 星期日 【晴】

那你可以結左婚，先認識男友嘛？
當然唔可以啦.. 都米已成炊啦.. 仲點識男朋友..

<由點解唔 add 左先, 討論起來>

~★沒有光芒的星星★~ (10:38 PM) :
係咩... 你做邊行架..

好久不見 (10:38 PM) :
待業中

~★沒有光芒的星星★~ (10:40 PM) :
:-D雙失青年

好久不見 (10:41 PM) :
還有失戀

~★沒有光芒的星星★~ (10:41 PM) :
仲沒穩到野做呀．．　你讀邊犯架

~★沒有光芒的星星★~ (10:41 PM) :
哇.. 甘真係岩曬你LO.. 雙失青年

好久不見 (10:41 PM) :
多謝哂

好久不見 (10:41 PM) :
妳呢？

~★沒有光芒的星星★~ (10:42 PM) :
哈哈．．　我得一失姐．．．　無拖拍．．　好悶．．哈哈

好久不見 (10:45 PM) :
無拖拍？分手了？

~★沒有光芒的星星★~ (10:46 PM) :
前2個月分佐手LU

好久不見 (10:47 PM) :
為乜分手？

~★沒有光芒的星星★~ (10:48 PM) :
因為距本身話唔洗返工可以陪我.. 之後又話要返工..之後我咪嬲.. 講分手LO .. 你覺得係咪我唔好呀

好久不見 (10:48 PM) :
唔係啊。

好久不見 (10:49 PM) :
個個人都有其選擇

~★沒有光芒的星星★~ (10:50 PM) :
但其實我又唔係因為唔鐘意先同距講分手.. 只係我覺得距唔係甘在乎我先分姐.. 算啦.. 無緣份

好久不見 (10:53 PM) :
好多時都係咁。我都係。

~★沒有光芒的星星★~ (10:53 PM) :
你又係因為甘先分手呀?

好久不見 (10:53 PM) :
類似，大家都硬頸

~★沒有光芒的星星★~ (10:53 PM) :
甘係咪叫做性格不合呀

~★沒有光芒的星星★~ (10:54 PM) :
你分佐手幾耐呀

好久不見 (10:55 PM) :
差不多一兩星期

~★沒有光芒的星星★~ (10:56 PM) :
甘你地一起佐幾耐呀

~★沒有光芒的星星★~ (10:56 PM) :
係LO.. 甘都唔係硬頸唔硬頸既問提.. 如果有一方係真心鐘意既.. 點都會認錯先

~★沒有光芒的星星★~ (10:57 PM) :
之後就會穩返對方.. 如果對方唔想同你一起.. 甘咪算LO.. 證明距唔係真係鐘意你..

好久不見 (10:58 PM) :
其實只拍了一年拖

~★沒有光芒的星星★~ (10:59 PM) :
一年?甘我念你地會好返挂. 我得3個月咋.. ><"

好久不見 (11:00 PM) :
唔知呢......

~★沒有光芒的星星★~ (11:01 PM) :
:-P你可以主動D穩距架嘛.. 如果你真係鐘意距.. 甘就唔好錯過呢段緣份啦．．　

~★沒有光芒的星星★~ (11:01 PM) :
你地Ｅ＋都無穩對方??

好久不見 (11:02 PM) :
無啊

~★沒有光芒的星星★~ (11:02 PM) :
你想甘就算??

好久不見 (11:03 PM) :
無左，咪搵過個囉。

好久不見 (11:03 PM) :
或者係佢唔識珍惜呢段關系，未必係我。

~★沒有光芒的星星★~ (11:05 PM) :
唔係甘講既.... 要睇係咩情況.. 如果對方有一方唔係真心.. 甘我覺得放手... 感情呢D野唔可以勉強．．順其自然啦．．　

好久不見 (11:10 PM) :
可能，係我唔太愛............

~★沒有光芒的星星★~ (11:10 PM) :
你唔鐘意距??

好久不見 (11:12 PM) :
唔值得再去花時間吧

~★沒有光芒的星星★~ (11:13 PM) :
如果你真係鐘意距.. 無話值唔值得既.. 甘睇來你都唔係甘鐘意距

好久不見 (11:13 PM) :
maybe yes or maybe

~★沒有光芒的星星★~ (11:15 PM) :
鐘唔鐘意.. 你自已唔知既咩..

好久不見 (11:17 PM) :
開心時咪鍾意........

~★沒有光芒的星星★~ (11:18 PM) :
唔開心可能係對方對溝通啦

~★沒有光芒的星星★~ (11:19 PM) :
2個人一起要溝通.

~★沒有光芒的星星★~ (11:19 PM) :
甘先會開心

好久不見 (11:19 PM) :
問題也許是....溝通不良

~★沒有光芒的星星★~ (11:20 PM) :
大多數分手原因都係溝通方面做得唔好

好久不見 (11:22 PM) :
大概是吧~

~★沒有光芒的星星★~ (11:23 PM) :
你地邊個講分手架

好久不見 (11:23 PM) :
這個重要嘛？

~★沒有光芒的星星★~ (11:26 PM) :
唔重要.. 重要係對方仲鐘唔鐘意對方

好久不見 (11:27 PM) :
我連自己都唔知，又點知對方呢？！

~★沒有光芒的星星★~ (11:28 PM) :
下?一起甘耐都唔知..? 甘我都懷疑你既真心度喔

~★沒有光芒的星星★~ (11:29 PM) :
如果你真心鐘意距既,, 你一定FEEL到距鐘唔鐘意你,,

>>July 23, 2006 at 11:30:29 PM GMT+8