2006 年 8 月 1 日 星期二 【晴】

有冇人聽過飛機Gucci女一事?
我並唔認為呢件事可以跟巴士阿叔相題並論, 除左話題性。

雖然並唔知道以下這些留言的真確性, 但係都值得一睇。

===========================================================

話說在七月初一班往東京機上,
一名手執gucci袋的香港女乘客拒絕把自己的手袋放在椅下/櫃子裏,
擾攘一輪給保安請下機.事件令航機延誤一句鐘

而該女乘客事后在自己的blog大言不慚地指責國泰之不是…
後給各大討論區冠以”飛機gucci女”一名.

其blog之言: topic : 有冇人聽過飛機gucci 女一事?

今次搭飛機真係好激氣lor
無端端要落返機都有
架機都明明行緊架啦
行緊即係無事啦
做乜要人放個袋落地下o者
雖然個GUCCI係貴,
但我唔係矜貴到連放個袋落地下都唔肯果隻女仔黎
但係我D野放晒係個袋入面
成日要烏低身拎野,好唔方便架嘛
咁我之前都試過咁啦,又唔見人地話我
我點知間間航空公司都唔同規矩o者
開頭都好聲好氣同佢講,點知唔知邊個咁麻煩
走去叫機師開咪
咁大間公司蝦我地幾個女仔,都唔知知唔知醜
阿may叫我唔好同佢地嘈,阻住班機走
我話又唔係我地錯,就算阻住都係佢地阻住之嘛

咁,我見佢地講極都唔明,咪叫佢地個經理出黎同我講
點知真係激死我
一開門就幾個保安走過黎
有冇搞錯呀,我地幾個女仔咋,而家捉恐怖份子咩

我已經無心機同佢地嘈,已經坐返係到
扣返好安全帶,叫佢地唔駛理我,唔好阻住其他人

點知又走幾個差人上黎
仲粗聲粗氣同我講話會拉我

算啦,我都無晒mood,咪即刻拎返晒D野走咯,以後都唔搭呢間公司添呀

呢次我對香港D男人真係好失望lor
成個過程我地幾個女仔咁比人蝦法
都無人過黎同我地出聲
都唔知係咪男人黎架 ……
激鬼死我….

其blog文章在she.com轉載後引發眾人譴責,
當時在場的乘客/空服亦群起攻之,大快人心
而其相片亦得有心人士公諸於世, 讓全世界同聲譴責此等自私行為:



實情 ::
話說出發果日7/7 CX504 班機係09:10am起飛,
咁我08:45一上到機因為太疲倦就即刻訓著?………
開頭都feel到架機開始行緊,去到起飛跑道突然間又停?大概成15分鐘,
跟住聽到有個空姐用廣東話,國語同英語廣播 : 請所有乘客將手上行李放回座位下,…….多謝合作!
當時周圍d人已經昅睇下邊條粉腸咁麻煩,但都無發現…

再過多15分鐘(已經9:45am)又聽到廣播,
今次係機師 (用英文,內容大致上係) : 而家因為經濟客艙有兩位乘客,
唔願意聽機組人員勸籲,將手上行李放?適當位置,
所以我地起飛時間將會延遲,如有不便,敬請原諒!

全機人即時起哄 + 粗口 (我都有參與), 當大家好努力要搵出兇手時,
突然d空中小姐+少爺好緊張走來走去,
我聽到其中一個話 : 開番道機門比佢地入黎…..
隔?一陣就見到有3至4個機場保安同2個航空公司d大粒行去機尾右邊窗口位,
個兇手終於現身啦………

呢條友唔係亞伯亞婆或者國內同胞,而係一名廿令三十年歲,個樣都ok o既香港女子,
其實件事已經發展到要呢條X婆(請原諒我咁稱呼佢,因為佢實在好不知所謂)落機,
佢地擾攘?15分鐘,佢都”賴死唔走”,重要同佢地拗點解要佢落機,
真係佢X味呀….

已經10:00am,救星終於到o勒……..
有3個警察o黎到,開頭都係勸果條女自己行落機,
但條女都係用拖字訣”賴死唔走”,
重同個幫辦講話搭開都唔洗將個袋放落地下,
點解今次又要…….
連個幫辦都頂佢唔順話(都幾惡) : ?…..小姐,我而家比最後一次機會你,
如果你再唔合作,我地會立即採取拘捕行動!

條女即刻”笠晒水”,拿拿聲?住佢個裝?金銀珠寶,
價值$5,.xxx o既名貴GUCCI jolicoeur bag開始行出機艙,
咁我地全機人都好君子用熱烈o既掌聲歡送佢(當中夾雜?d英文粗口),
佢重好串同我地話 : 唔關我事o架,係佢地(機艙人員)太執著,
我個袋大?兩吋,係都要我放落椅底咋喎!
真係佢X味呀 x 10000000….
重有同佢同行果兩個fd都同佢一齊落?機,
真係累街坊
最慘係d空中小姐同少爺,
又要由頭check過晒d行李艙….
攪到10:20am先可以起飛(足足遲?成粒幾鐘,真係X佢個肺)

(copy from she.com)

========================================================

HI,我就係當時其中一個乘客,
件事係我POST上去YAHOO,
因為我實在太想全香港人知道,
呢個"極品"實在太PK,
我去到東京第一日o既planning都比佢攪亂晒,
我同我家姐全程o既心情比佢攪差晒!
家陣全機人都比佢累到遲咗成個幾鐘先可以飛,
我呢d去玩就話去少個地方啫(而家講好似好大方,其實好想問候佢全家)
咁有其他人要去公幹又或者有緊要事去日本,
真係比佢累Q死啦!

重要話唔搭人地公司o既機,
佢咁大個人都唔知個醜字點寫,
呢d咁o既低b婆唔該"國泰"bad list佢啦!
重有呀,佢講得無錯ga,
佢重恐怖過恐怖份子呀!

我覺得當時係一個正常o既人,都會用粗口招呼佢,
不過太過群情洶湧又會阻礙到航空公司處理呢件事,
所以當時全機人真係好君子細細聲咁問侯佢,
坐响我前面果一家四口,果兩公婆都忍唔住起身話佢,
連其他外籍乘客都一齊fxxk佢,
佢地係咁問d空姐點解重唔快d拉佢落機,
咁而家個極品重有意思話d男人唔幫手,

我當時有種想法,
其實好想佢唔好咁快"冷"落機,
繼續發癲,等d警察落孖葉"塔"佢,
返到落去比人charge,
再比人"通櫃"
橫掂都比佢玩咗成個鐘,
睇多場大結局都好呀....

睇到佢編"受害過程"真係火都黎埋,
有無人好心話比我聽响邊度搵到??
係咪佢自己個blog??
等我幫佢亞媽教女!!!!!!!!!!

maymay~

你係咪個極品朋友亞may呀?
如果唔係唔該你醒下啦!
我都係女性,
我一萬個唔覺得條女幫得落,
你乜野心態呀??

by VI VI - 07/27/06 15:03

=============================================================

我想講.......
本人就正正係當日呢班機其中一位空中服務員!!!!!!!!!!!!!!!!!!!!!!!!!

想問版主你o係邊度轉貼呢個女仔既"心聲"呢??
真係....震驚到令我寫個服字......我完全無諗過...佢係咁諗!!!
(-->覺得我地蝦佢...大姐, 唔好玩啦, 知唔知我地調呢班可以o係日本留一日既機有幾難呀, 我只係想快快去到日本即刻出downtown shopping, 而家係你蝦緊我地)

當日我地其實同佢解釋過好多次,
放個袋去地下只係起飛同降落o個數十分鐘,
絕對唔會如佢所講 "成日要烏低身拎野,好唔方便架嘛" ,
因為安全帶燈一off左, 佢就可以抱番住佢個寶貝.......但真係唔明點解講極佢都唔聽

我地以為佢怕整污糟個袋
(even唔係名牌, 亦有可能係有記念價值等等whatever...總之連原因都幫佢諗埋),
叫佢放上去行李櫃, 佢話太高(?!), 我地話幫佢放, 佢唔肯...
話之後會幫佢拎番落o黎, 又唔肯.......咁話不如放去衣櫃啦, 又唔高, 佢又唔肯

不過好彩, 當日作為乘客既你地都好體諒, 亦明白呢個女人係有問題....
我地o個下大家都有少少驚其他人會覺得"有冇搞錯呀你地d空姐咁煩架,
咪由佢抱住個袋囉", 點知大家都咁體諒...真係好感動....

(佢落機o個下, 我真係想同大家一齊拍手大叫, 但著住制服on duty中又唔可以,
去到日本之後, 我地十幾個同事爆笑左整日,
呢件事更加成為左我地公司同事之間茶餘飯後既話題!!)

by Hina - 07/25/06 22:56

==================================================================

香港刁民一絕

關於 CX504 offload 事件，一直從同事茶餘飯後談話中略有所聞。
今日上網一搜，原來成件事已經廣泛流傳，差只差一段片，否則肯定好似巴士亞叔咁紅！

事緣做 pre take-off check 時，
有位女乘客死都唔肯擺佢個名貴 Gucci 手袋響前面凳底或者 overhead locker，一定要攬實個袋。
班細既搞佢唔掂就通知老總啦，老總都搞佢唔掂，卒之就通知機頭佬。
機頭佬即刻做廣播，話因為有位乘客唔肯合作，基於安全理由唔可以起飛。
當時果位女乘客依然故我，機頭佬決定返番去 parking bay，
等警察上黎勸喻，結果佢都係誓不低頭，咪惟有 offload 佢囉。

首先，我好唔明白，點解果位女乘客死都唔肯將個袋放響前面凳底或者 overhead locker？
其實只係 take-off 同 landing 先至要之嘛，只係十零廿分鐘，
inflight 我話之你將個袋放上頭殼頂都無人理你。
無人會專登留難你，因為我地都唔想 "拿屎上身"！
真係唔驚你玩返我地轉頭咩？但飛行安全係我地首要既考慮囉。

唔好同我講其他航空公司唔駛，因為你而家搭緊 CX！
唔好同我講上次搭 CX 都無人話要，道理同上次偷野無俾人捉到一樣！
唔好同我講你唔知，班班機起飛前都有做 safety demo！

或者大家唔明點解要咁做，等我略略講下。
因為 take-off 同 landing 係最危險既時間，意外通常響呢兩段時間發生。
萬一 touchwood 有咩事，你攬住果個袋會阻住你做 brace position，
而 brace position 係極度重要，因為佢能夠令你響撞擊中受到較少傷害。
可能你會話咁都唔一定要將個袋擺響前面凳底，放響自己雙腳後面咪得囉。
的確好多人鍾意咁做，但其實你個袋阻住你拎救生衣呀，
一般情況下你當然好輕易拎開個袋再拎救生衣啦，但如果又黑又嘈又混亂呢？
又或者你話你死你事，但你個袋響撞擊時極有可能變成 flying object 喎，打到其他人，咁其他人咪好無辜。

同飛行安全有關既野，請大家 take it serious！
無人會知道意外幾時發生，而且我地成機三百幾人係坐埋同一條船架，機門一閂，we are on our own！

另外我想為果 set crew 鼓掌！
有些 crew 只係識響 briefing room 講 safety 有幾重要，但對住客就死晒狗；
又或者話 teamwork 有幾重要，但有咩事又唔 support 你...... 勁無奈......

by amy - 07/31/06 10:36

>>August 1, 2006 at 11:05:50 AM GMT+8

2006 年 8 月 1 日 星期二 【晴】

MS Excel
驚人的畫面

感覺不錯的話請鼓掌!
作的人真是太閒了

這是一個普通的Excel表格，打開後，
將全部的表格在格式裡選擇列，將列高設定為15.3，再在欄寬設定為2，
然後 ...........

你就會看見驚人的畫面
真是太厲害了簡直不能用掌聲來鼓勵他

<人氣: 35236>

>>August 1, 2006 at 10:27:14 AM GMT+8

2006 年 8 月 1 日 星期二 【晴】

幾日前的晚上, (大概是星期五/六)
零晨時間, 係一個歷史性的時刻。

香港電台零晨時的一個音樂節目,
主持用左半個鐘, 連環播左好幾首軟硬新舊歌曲。



佢兩個作為商台人, 特別呢個組合"軟硬"簡直就係等同商台。
竟然港台終於都屈服起來...... (我都唔清楚係咪應該用屈服)

幾年來, 阿Jan出左幾張個人專輯, 都好似無乜派得上其他電台。
直至上年隻【三字頭】的《男子組》才....... 印象中好像有~



<人氣: 35216>

>>August 1, 2006 at 3:17:28 AM GMT+8

2006 年 7 月 31 日 星期一 【晴】

劉德華本打算明年於紅館開騷，前晚他擔任軟硬演唱會嘉賓時，自爆入紙申請租用紅館被拒，
笑指要觀眾幫忙上街遊行，林海峰直言華仔深受港人愛戴，民望高過特首曾蔭權。



《軟硬天師Long Time No See演唱會》請來劉德華擔任嘉賓，
當華仔獨唱完《我恨我痴心》後，葛民輝突然上前摸他的鷹鼻，
接著笑說︰「華仔個鼻係真架！同《獵鷹》時個鼻係一樣，如果咁都算整左容就該煨囉！整左即係冇整！」



軟硬出場時大讚華仔打保齡及寫書法都出色，
林海峰說：「你係真正嘅紅館主人。」



之後兩人又把《獨自去偷歡》唱成「劉華愛碌齡……劉華冇得頂，寫大字的確精……佢大鼻邊個整。」笑爆全場。
當軟硬祝華仔明年七月紅館開騷時，
他卻宣布申請被大會拒絕，笑言要軟硬帶同十二萬Fans上街抗議。

華仔續說：「七月邊個做騷我都去做，或者你地全部七月嘅騷都唔好睇，留番d錢之後睇我啦！」觀眾隨即拍手附和。



軟硬每場都將嘉賓金曲的歌詞改寫，前晚他們指看見華仔都會想起綠茶，
華仔即笑謂若開騷會派綠茶，
軟硬又將其歌曲《忘情水》的歌詞改成「給我一杯綠茶水」及「給我金寶綠水」，
聽得華仔狂笑，後來三人合唱《獨自去偷歡》，
軟硬將歌詞改為「劉華愛碌齡，阿劉華讀書醒，劉華冇得頂，寫大字的確精」，
華仔也將最後一句歌詞改為「我大鼻邊個整」。





而林海峰（Jan）又將手機當做手槍，
與華仔重演《無間道》經典一幕，Jan笑說︰「我係差人！」
華仔即說︰「邊個知！」Jan即讚對方反應快，隨即與阿葛向他跪拜。

林海峰突然重演《無間道》經典場面，以手指作槍，
指著華仔說：「我知你好鍾意係天台傾野，我係陳永仁，我係差人。」
冷不防華仔也說出劉建明的對白：「邊個知呀？」林海峰即笑到碌地。



另外，軟硬重現成龍醉酒爆粗一幕時，台下房祖名卻木口木面，
之後兩人又拿鍾欣桐與方力申開玩笑，席上的鄧麗欣同樣沒有任何反應。

高調的栢芝繼續戴住軟硬Cap帽同霆鋒表示復合



>>August 1, 2006 at 1:05:30 PM GMT+8

2006 年 7 月 31 日 星期一 【晴】

........beautiful monday......
那能錯過如此美好的一天

阿勤揸, 我坐佢車尾。

維園

2006 年 7 月 31 日 星期一 【晴】

珍重自我
珍惜眼前人

人生不過數十寒暑，人的身體不過五臟六腑，
人的生活不過「吃、喝、拉、撒、睡」，人的心靈不過貧乏走向豐盈，
我們如何對待自己、別人和環境，最後就會變成我們自己的命運。

我們每個人都像小丑，玩著五個球，
五個球是你的工作、健康、家庭、朋友、靈魂，
這五個球只有一個是用橡膠做的，掉下去會彈起來，那就是工作。
另外四個球都是用玻璃做的，掉了，就碎了。

<人氣: 35129>

>>July 31, 2006 at 2:09:23 PM GMT+8

2006 年 7 月 31 日 星期一 【晴】



<人氣: 35118>

>>July 31, 2006 at 1:07:55 PM GMT+8

2006 年 7 月 31 日 星期一 【晴】

今年是特別的一年。
因為我有三個生日。

由於這一年閏七月的關係,
七月初七(七夕)出生的我, 會有兩個農曆的生日。
(亦因此我們會遇上兩個七月十四)

也許是詛咒, 每年中呢一兩個月都會起些變化, 特別係感情。

=======================================================

七 夕 節 源 於 一 段 淒 美 的 神 話 。
相 傳 天 上 的 織 女 與 人 間 的 牛 郎 相 愛 相 慕 ，
結 為 夫 妻 ， 生 下 一 對 子 女 ， 男 耕 女 織 ， 生 活 幸 福 。
後 來 王 母 娘 娘 親 自 下 凡 強 行 把 織 女 帶 回 天 上 ，
只 允 許 二 人 在 每 年 農 曆 七 月 七 日 於 鵲 橋 相 會 。

今 年 農 曆 狗 年 屬 閏 年 ， 將 會 有 四 個 情 人 節 ，
即 兩 個 七 夕 ， 分 別 在 今 日 及 8 月 30 日 ，
而 今 年 和 明 年 的 西 方 情 人 節 ， 也 都 在 狗 年 出 現 。

>>July 31, 2006 at 12:03:07 PM GMT+8

2006 年 7 月 31 日 星期一 【晴】

教你部電腦講粗口!
(一定笑死!)

按:控制台→聲音,語言,語音和音訊裝置→語音

“使用下列文字測試語音”一欄打上：

uor dill lei lo mo chau height pok gak hum gar chiang sout pei laaaaa

（注意：，只可以用“Ctrl + V”黎貼上去，唔可以用滑鼠右鍵貼上,之後去貼上呢個欄位）

然後按“預覽語音” 一定笑死你!

如果將戈d英文譯成中文就係:我@@@@@臭hi@@含家鏟sorry啦~~~

<人氣: 35086>

>>July 31, 2006 at 3:07:08 AM GMT+8

2006 年 7 月 31 日 星期一 【晴】

天師教英文
" WET "



<人氣: 35060>

>>July 31, 2006 at 12:11:00 AM GMT+8