2004 年 5 月 11 日 星期二 【晴】

To leoooo:
paper 1 我都錯勁多啦..
section B...其中一題得4分...(都唔知有冇添..)
咁大個仔未試過:)
考mock都唔係咁添..
好在paper 2算係爭氣..不過都好樣衰..

To dawnnnn:
我冇諗過要轉bor。
我唔會為一棵樹放棄一個森林...(我講乜野呢..?)

+++++++++++++++++++++++++++++++++++++++++++++++++++++++++++++
唔想溫書呀~~~~~~~~~~~~~
天啊..

聽日phy，加油啦。

>>May 11, 2004 at 9:26:27 AM GMT+8

2004 年 5 月 10 日 星期一 【晴】

唉，冇晒信心添。
連maths都咁樣..
+++++++++++++++++++++++++++++++++++++++++++++++++++++++++++++++++++++++++++++
今朝起身..又去沐恩...
paper 1...做做下好想訓...但係冇訓...
不過就唔識做囉...好多都..
計計下..冇做都有成8分..仲要其他地方有錯..
section A(2)已經錯足成題..
沉左...section B仲慘

諗住paper 2 救番啦..點知..真係勁陰..陰爆晒..陰中左幾條添..
有條諗極都諗唔到....條友一講「time's up」..
即刻諗到...不過我坐正第二行第一個位...監考條友企正前面..
冇得作弊添..唉.........枉我英明一世，竟然唔敢作弊..........
望住明明自己心算都可以於3秒之內計得到ge數學題...但係做唔到....心痛..
+++++++++++++++++++++++++++++++++++++++++++++++++++++++++++++++++++++++
嘩..有個話我個樣戅居wor...返屋企睇下..咦..又真係bor..哈哈哈...=.=
今個星期考得勁密..慘慘慘慘慘慘慘慘..
+++++++++++++++++++++++++++++++++++++++++++++++++++++++++++++++++++++++++

>>May 10, 2004 at 3:11:53 PM GMT+8

2004 年 5 月 9 日 星期日 【晴】

to leo:
係囉..d戰意已經...冇晒..><

加油呀........=.=


++++++++++++++++++++++++++++++++++++++++++++++++
今日返教會溫書。
愈黎愈唔想返，因為真係唔開心。
唔只今日架喇，好耐好耐...

句句插住晒，日日係咁溫書，我真係受唔到落去囉。
好似今日咁，我問你地母親節點慶祝，有人同我講：「溫書啦，唔係個個好似你咁勁。」
好，我溫書。到你地嘈、傾計，我同某人講：「溫書啦，唔係個個好似你咁勁。」時，
竟然有人答我：「我同你講咩？」
家陣乜野態度？我受唔到囉。

好，你地睇死我聽日會返，我偏偏唔返。

我本以為教會係一處有愛有溫馨ge地方，
但係我好似睇錯左。


當我發up瘋又好，當我發脾氣又好啦。



我算係乜野丫？
我苦、我傷、我唔開心、我錯過、我犠牲...................邊個知道？邊個睇到？
凡事唔好只係睇表面，
表面逍遙風光，內裡淚滿一眶.............
到我衰左，你地咪一樣係咁跟住一腳一腳咁踩...?

++++++++++++++++++++++++++++++++++++++++++++++++++++++++++++++++++++++++++++++++++
溫完書，去左阿芹間花店買花花俾媽媽..
咦~撞到阿皮同謝偉喎~哈哈，好耐冇見..
哎...白毛look俾人睇晒添..=.=
真係好寸咩..:)

>>May 9, 2004 at 8:46:00 PM GMT+8

2004 年 5 月 9 日 星期日 【晴】

thx dawn..
不過..都一早對左:)
miniforum有..hehe..
都知自己乜野料啦...
加油呀....(死啦唔想溫書添.)

>>May 9, 2004 at 10:27:48 AM GMT+8

2004 年 5 月 8 日 星期六 【晴】

嘩...今日竟然黑雨...但只係黑左40分鐘..就紅雨..
不過都唔駛會考....嗚..太差喇...點算呀..
我冇左個camp去喇..死野丫....29/5先考..=.=我xxxxx...
唉...
一聽到呢個消息就打左俾好多人喇..嘩哈哈...
落街飲茶啦...點知俾我見到沈偉......原來佢唔知道.........
好在佢撞到我..唔係就正喇..哈哈..=.=
o係茶樓又見到venus喎..哈哈..今日真係好多人飲茶..

返到屋企繼續訓..@@


講返尋日英文先..
作文都唔知點呀...一定唔高分先啦....第三篇喎...點會高分呢..
paper 2....好似好易..但係又好似係咁錯..
去mini，見到好多人講...咁多answers...=.=
是但啦.......到時咪知囉..
不過又真係易過上年o個份..@@

係囉..星期一maths..點死好呢..=.=

>>May 8, 2004 at 12:48:55 PM GMT+8

2004 年 5 月 7 日 星期五 【晴】

我都出下聲先..

嘩，話說我打開份paper 1時呀，真係嚇到痴線呀，乜都未見過咁，
今年考試局玩野咩，改晒d野咁gei？
諗d名好似冇諗到咁...乜野定向呀...乜野表演呀就算數...唉...是但啦。
卷二都嚇親我....咁多思考...死啦..原來溫完ge書都用唔番ge...
死梗啦....我思考力咁差......
最衰就係..當我考完落樓梯之時...竟然聽到後面有人講...
「哎呀，乙部都OK gei，我諗有50幾60分掛..」
「我都差唔多啦，應該都有50幾分...」
....................乙部者，唔計閱讀理解也.........總分為68....

to dawn:
我冇tip 足26課呀...今次17課之嘛..
tip親佢都出...不過都唔識做...tip中課文有乜用..
鬼估到佢咁多思考....=.=

to leo:
原來leo都有去miniforum架...哈哈哈
我d名仲衰呀..哈哈哈.....=.=

>>May 7, 2004 at 7:48:19 AM GMT+8

2004 年 5 月 5 日 星期三 【晴】

To leo:
呵呵．．．加油。
會考終於都到喇．．
半個月後又係一條好漢:)

>>May 5, 2004 at 7:39:07 PM GMT+8

2004 年 4 月 30 日 星期五 【晴】

終於login到。
++++++++++++++++++++++++++++++++++++++++++++++++++++++++++++++++++++++++++++++++++
開心都已經開心過啦，
無謂再呃自己，呃人地。
係時候、無言。
++++++++++++++++++++++++++++++++++++++++++++++++++++++++++++++++++++++++++++++++++
嘩呀呀呀~~~~~~~死喇，我太失敗喇。
今朝約左人返教會啦，話過到負責morning call ge，
點知到自己唔識醒，俾人call番轉頭。
咁大個仔都未試過咁呀(好似)....嗚嘩...=.=

返到教會就tune台聽syl.A listening，嘩，好似咁易gei.....
聽聽下都唔想再聽落去，溫書好過。
釗民好衰好衰好衰呀~~~~
今日勁尷尬，點解咁架。

今日好似冇乜溫書。

走o個時見到朱泳嘉呀，哈哈，又好似好耐冇見~
不過冇傾到計。

返屋企，好辛苦，訓。

今日其實冇乜野好寫。

不過login到，咪寫下囉。


噢。


點歌：
候鳥樹

作曲：陳輝陽
填詞：林夕
編曲：陳輝陽
監製：陳輝陽

(前言):

候鳥從遠處飛來，找了這棵樹棲身，
不久牠又會飛走，到遠方找另一棵樹。
其實人也是一樣，從小到大，我們遇到了多少人？
在不同人生階段，我們有不同的朋友，
與他們認識，相處，
然後分開，好像是人生的一個定律。
也許有人覺得候鳥很無情，
曾經朝夕相對，怎麼能說走便走？
但其實，能相遇是種緣份；
曾經一起過，已經是一種福氣。

唱:

自細玩風箏　身邊要有人
成人後遠行　不要父母再對你痴身
至到你出身　害怕孤獨行
誰能合襯　我的吻剛巧吸引
但是到你增長見聞　夢中不只一類人
遺憾是我怎　給你另一種興奮

原來見一位愛一位也好　當時你為未來但未來到
到那時或要漸如朋友　誰知道
得蒙你恩准我貢獻多好　雖然你開始當事業天高
但你的初戀那條路　亦曾共散步　是我命大福好
大家都　互有需要　抱便抱

遇上你坎坷　伴侶兜彎過
何曾像我　最苦那天一起過
像候鳥寄居千里樹　像敲擊必須木魚
宏願路結交　總有值得的好處

原來見一位愛一位也好　當時你為未來但未來到
到那時大概轉個懷抱　談談情聽聽歌跳跳舞
得蒙你恩准我貢獻多好　雖然你開始當事業天高
但你的初戀那條路　亦曾共散步　亦有互相討好
大家都　互有需要　抱便抱

直到你一天　只需要散步
誰人或我都　相親相愛都只因很畏懼寂寞地獨個終老

++++++++++++++++++++++++++++++++++++++++++++++++++++++++++++++++++++++++++++++++++
Re Dawn:
............................

Re Leo:
............................

>>April 30, 2004 at 11:28:10 PM GMT+8

2004 年 4 月 29 日 星期四 【晴】

哇哈哈~~~leo約我呀~~
不過冇計呀，我聽日約左人地喇.....=.=

>>April 29, 2004 at 9:02:15 PM GMT+8

2004 年 4 月 28 日 星期三 【晴】

嘩，今日唔知點解呢，好開心。
因為今日諗到好多野。
我今日靈修時好唔專心架，其實，因為我諗起好多野。
好多其他野。
我最先諗起sphere。
咦，原來呢個假期我都好似有見過sphere d人bor。
數數先：
阿詩，生日會中當然見過，不過佢遲到，我仲記得架，哼。
勞逸，嘩，呢個勁喇，上星期同一日撞到佢...，仲約過打波，真好。
dawn同leo(死啦，又將你地兩個放埋一齊添..)，嘩嘩~有留言俾我我勁開心呀~~
cathy，當我被識穿ge同一日，我撞到佢，不過佢都冇同我講野...
charles，當我被識穿ge同一日，我又撞到佢，講左幾句野。
venus，上星期唔知幾o係自修室見到佢bor~
andy，死啦，冇補習好似就冇見佢添。
simple，又係冇補習=冇見。
幾好，原來我都有同sphere好多人有見到/聯絡到，yeah。

靈修經文：傳道書第六章。
「6:7 人的勞碌都為口腹、心裡卻不知足。 」
「6:9 眼睛所看的、比心裡妄想的倒好．這也是虛空、也是捕風。 」<--好型呀呢句~
「6:6 那人雖然活千年、再活千年、卻不享福、眾人豈不都歸一個地方去麼。 」
然後我意識到自己貪心，不知足。
人身死後轉眼空。一切都係虛空、捕風，不必為一剎而不長久ge開心/唔開心而介意。
我覺得釗民回應我ge感想時好似想同我講d野，佢話「即係好似你鍾意一個女仔而佢唔鍾意你，你又做乜事要介意呢？」
係囉。不過人始終都係貪心d。
6:6，我為此感恩，因為我雖然活唔到千年又千年，但係我覺得自己享福，我認識左主~yeah。
「6:11 加增虛浮的事既多、這與人有甚麼益處呢。 」


靈修左好似好耐，事實上又真係好耐。

食完野之後又溫書...

夜晚，為左見susanna一面，(我好掛住佢呀!!)，我去左自修室。
哈哈，頭髮長左呀，真係好耐冇見面喇。
講下近況，又好耐喇~~哈哈~~
知道leo尋日好似有黎到，yeah，太開心喇~(唔知為乜事開心，總之開心就開心)
多謝susanna支雪條...不過..出面勁大風...落住毛毛雨....食雪條..真係好似有少少浪漫。

搵bb還past paper，上一星期同一日問佢借past paper，見到勞逸，
一個星期後同一日同一個時間，又見到勞逸，嘩哈哈哈哈，o岩o岩先同完susanna講過，
真係好喇~哈哈哈。
不過今次佢好似驚我同佢又好似上星期咁傾足個幾鐘，走左。
唉，佢走左，不過佢ge一句令我無奈左勁耐。

係囉，還完冇耐就返屋企喇。







今日諗到好多問題。
今日睇yes!，睇到某一頁見到好多妹妹仔寫情信(?!)，都不過係寫下我乜野你呀，幾時開始乜野你呀，但係乜都冇咁。
1)其實，我想問囉，點先為之鍾意一個人呢？(我諗緊dawn會唔會引用哥林多前書黎答我...)
唔通好似呢d妹妹仔，9歲都有，就係見下面，傾下計，講下你乜我我乜你咁，就叫做係..?

2)其實，情信ge定義係乜野？
事關我寫左封信，收信人話係情信，但係收信人ge朋友話唔算係。我都覺得唔係。
咦咪住，我落足心機落足感情咁寫一封信，算情信嗎？抑或世人對情呢個字狹義左呢？

3)情信，應該有乜野內容呢？
事關，同上。

嘩，好多感情問題。


我今日又諗，原來我緊張呢d野，多過會考。
不過，我今日又知道，原來我好等錢駛。
我緊張有冇錢，又多過會考.....=.=
搞錯，搵唔到工做呀。





點歌：


思覺失調 劉浩龍

仍好嗎 仲會每天失眠到天光嗎
大頭蝦 沒帶門匙也許很勞氣吧
仍關心妳願每天問 最後也明白角色時已不相襯
還由他去代我為妳緊

＊問太多 根本不會講 束縛不來 如人馬座
亦因愛妳令妳不安 才離開不再講
願明天 能不再為妳痴纏 明白改不變
妳亦離開很遠 就算花光心機守每一個諾言
最後誰又會可憐
極危險 連思覺像也失調 ＊

無辦法接受現實 自製假想能延續故事
妳的聲線還仍言猶在耳 已分不清楚我位置

ｒｅｐｅａｔ＊

還是我太犯賤 或是我太介意 太過膚淺
百篇短訊留言徒然又試
始終得不到妳在意

留低即使很多的透支 如今已做錯 記下只有缺點
太心痛是我的一手包辦令妳心變酸
彌補如何還是太遲
若然妳 如果有日說婚期
我這生福氣 也用來祝福妳
仍收起曾同渡過每一齣戲飛
而這票尾 還應否捨棄

>>April 29, 2004 at 12:03:11 AM GMT+8