2003 年 3 月 1 日 星期六 【晴】

今日好有孝心咁同阿媽食晏~(正確o的黎講應該係食下午茶)
突然間講起讀大學o既事~(都唔係第一次o架喇....)
我同阿媽講話我未必入到大學o架~
講真...我升上中六以黎第一次有咁o既感覺....因為近排教o既野真係有o的唔明.....
而我阿媽就一如以往咁話：「梗係啦！！你咁鬼懶！！」
諗落....我自讀書以黎都真係未勤力過.....(會考都算唔上勤力....)
成日都口講話要發奮....但係就總會有o的野阻止自己.....
咁落去唔係辦法.....但係又諗唔到有o的咩好辦法迫自己....
唉....今次真係唔發奮唔得喇....因為危機已經慢慢迫近喇.....
但係....我又應該點發奮呢.....?又冇定案喎....真係大鑊......
睇黎我應該好好研究一下呢個課題喇......

夜晚同個fd出o左去食飯~
其實都幾意外~因為無諗過會約星期日晚~
同佢傾o左好多野~亦都傾o左好耐~
其實傾計都唔一定要一大棚人o者~
兩個人傾，傾o既野可以集中o的，深入o的~
都幾好丫~~

>>March 2, 2003 at 6:31:15 PM GMT+8

2003 年 2 月 28 日 星期五 【晴】

哇~尋日真係好"支力"......
一訓就訓到今日o既一點半~
一起身就要仆返去教會~
不過今日o既教會我覺得好有意思.....
因為我諗返....原來兩日o既陸運會我好多時都忘記o左主.....
只係靠自己咬緊牙關咁比賽....
嬴o左又唔識得感恩.....不過今日返番去主度~
同佢講o左好多野~好開心~~

不過其實今日都有一段插曲......
就係一場暗戰o既揭盅.......
其實我自己都覺得我自己係有o的唔妥
或者o係呢個層面上我仲係好唔了解自己啦
你問我點解會咁做....我真係答唔出.....
但係諗返o個陣時o既情況.....
無論重覆幾多次都好....我諗我都係會做一個咁o既決定
或者我真係有問題啦......
講真...我真係好內疚.....直到而家都仲係....
因為我覺得我好似兜心口插o左人一刀咁...
我知我講幾多次對唔住都補唔返...
亦唔知可以點先補得返....所以我怕
怕面對佢....我怕如果我又有o的咩行差踏錯o既話
就好似o係佢個傷口上面灑鹽咁......

>>March 2, 2003 at 8:03:23 AM GMT+8

2003 年 2 月 27 日 星期四 【晴】

兩日o既陸運會終於都完喇......
好開心~因為終於都做到「欄王」(雖然有o的池裡無魚蝦自大o既感覺.....)
不過總算係嬴到丫~
哈~我覺得接力先係最好玩o既項目~
雖然今日接力入唔到三甲~
但係為o左社搏盡全力o既感覺真係好好~
唉.....不過我諗o的後遺症好快就會出現o架喇.....
聽日都唔知行唔行到添呀.....
都只怪自己唔識錫身啦....
明知"支力"，明知死都搏.......不過~我覺得值得o既~~

兩日o既陸運會，令我可以忘卻好多野~
完全沉醉於比賽當中~
唉....不過人總會有清醒o既時刻.....
如果o係兩日陸運會都唔去想其他野o既話....
你話幾好呢......

>>February 28, 2003 at 4:48:15 PM GMT+8

2003 年 2 月 25 日 星期二 【晴】

今日心情不太好(其實呢排都係)......
可能係因為近排發生o左唔少野啦.....
而且聽日就係陸運會
一黎好緊張，擔心自己o既表現
二黎我總係覺得一日未比賽，對住將要比賽o既對手總會有o的想隱藏o既......
but anyway,今日緦算係無驚無險啦.....

今日上physic 堂o既時候
突然好想畫公仔~
不過拿起手冇野好畫...
於是就畫自己隻左手~(都唔係第一次o架喇~)
我都覺得自己畫得唔錯~
可惜....我地係浮動班丫....只係可以睇一陣....

哈~估唔到今日會有豆腐花食~
真係有o的驚喜~心情都叫做好返o的~

唉.....而家處於呢個兩難o既局面.....
講真....我真係唔係好知點做好.....
兩全其美o既做法....我知o既話我就做o左啦.....
呢種咁o既心靈角力都唔知要去到幾時.....
我真係好想好想爆！！

>>February 26, 2003 at 2:55:01 PM GMT+8

2003 年 2 月 24 日 星期一 【陰】

尋晚好神奇咁同倫爺傾o左好耐(好一個神奇o既組合)
佢提醒o左我唔少野.....
可能係因為大家既有o既觀點有o的唔同掛.....
佢令我有o的驚醒o左感覺....
亦都好有值得我反思o既地方......

今日好"支力".....兩日只係訓得五個鐘...(雖然係自己拎黎o既....)
做o既事亦都唔多~
放學幫紅社手整野~又令我諗返起宣傳期.....

>>February 28, 2003 at 4:25:03 PM GMT+8

2003 年 2 月 23 日 星期日 【陰】

唔知係咪有個地方可以俾自己寫下野~
今日返學o既時候對身邊好多野都觀察入微o左~
可能係因為一開始寫日記~
有一種好火熱o既感覺啦~
Anyway~好過冇丫~

今日打o左一場排球「告別賽」
唔好誤會~只係告別應屆o既會考生o者~
唔知係咪真係耐冇打會勁o的
今日發揮得相當不錯，至少o係我o既排球生涯上算係數一數二打得好啦~
好耐都未試過打波打得咁開心嚕~
可以放鬆咁打~一o的壓力都冇~
雖然只係嬴三比一(輸o個局仲要係打甲組網....)
不過比賽唔係為呢o的o既~~大家打得開心先至重要~
唉....不過今日真係有o的唔老黎.....
練習o既時候整到左手，都幾痛下.....不過算啦~仲郁得就ok啦~

今日睇o左一套英文drama，雖然唔係第一次
但係唔知係咪人大o左，開始識得欣賞人地努力o既成果
所以前所未有咁用心去睇~都算幾好睇~
起碼我睇得出佢地係有付出過~
當然，又唔好將佢地同世界級o既比....
始終都只係中學生，做得到咁已經係相當相當不錯了(在我眼中)

哈~唔知係咪近o既野記得實o的呢~
頭先講o左放學，跟住到中間兩堂，而家先講返頭o個堂o既RE
RE堂聽o左一段錄音，內容係一個叫「大陽之下」(大概係)o既節目
入面訪問o左一個癌症病患者
我覺得佢講o既野好有意思.....
尤其係當中有一度話：「事情發生o左之後，第一件事唔應該係問點解會發生呢件事，
而係應該問我應該做o的乜」我覺得佢講得好o岩
好多事我地有o的不幸o既遭遇
第一個反應就係：點解我會咁不幸！？或者：點解呢o的野會發生o係我身上！？
但係往往就係冇諗過事情發生o左之後應該做o的乜....
今日o既RE堂聽o既野俾o左好多啟發我
希望我會真係記得啦.......

哈....到最後先講返朝早....
今日7點半出門口
諗住好正常咁返學
點知......九個字o既時間竟然都要遲到.....
我8點15分先落車....心灰意冷之際又唔想企o係門口等早會咁樣衰
所以就索性走去兜o左新城市一個圈
行到8點7個字先返番學校
不過任性係要付出代價o既.....
返到學校俾老林話o左兩句先有得返課室......

哇~今日又寫o左好多野呀~
希望日日都有咁多野寫就好喇~
講真.....其實我仲有好多野想寫...
不過如果真係要寫哂出黎o既話
我諗我會手斷.....所以都係分開慢慢黎好o的~
咁本日記又可以keep耐o的呢~~
真係愈黎愈鍾意寫低自己心裡想講o既野~
唉....不過昨天擔心o既事....唔知今日發展成點呢.....?

>>February 24, 2003 at 11:14:35 AM GMT+8