|
2004 年 9 月 12 日 星期日 【酷熱】
上了第一課的跳舞課~
跳舞可算是另一個世界，內裡的人和事都跟其他地方不同
初嚐學習舞蹈的我，表現當然不會很好....
在鏡房中看著自己和其他同學，還有老師
不其然會覺得，自己不是跳舞的料子~呵~
可我又不會為此而感到不快，畢竟跳舞是我的興趣
我享受的可是其中的樂趣，這樂趣不是來自我的舞姿還是什麼
而是隨音樂起動身體的那種感覺~~隨音樂來，隨音樂去
在節拍中舞動才是最佳的享受呢~~
我很清楚跳舞是一個極需要「投資」的事業
不論時間，不論金錢，都需要投放大量的資源
但....我亦了解我是個付不起這種代價的那種人
雖然我喜歡跳舞、享受跳舞，可我知我永遠也只會停留於「興趣」而已....
相比起來~~我最喜歡的，還是踢波跟跨欄呢~~
>>September 14, 2004 at 3:20:01 PM GMT+8
2004 年 9 月 11 日 星期六 【陰】
可見的未來....我看不到....
但不可見的未來....我卻意想得到....
我不是一個活在回憶的人
但....回憶對我來說，卻是無比的重要....
Today︰
晚上九時才起來....沒什麼好寫的....=_="
>>September 12, 2004 at 6:59:10 PM GMT+8
2004 年 9 月 10 日 星期五 【微冷】
今日都幾清涼~~
今朝六點幾先訓....本來八點半要上堂~但基於精神極為疲乏o既關係~
我決定唔返學~訓到十點零先起身~
出o左去照X光~其實係照下棚牙囉~~
唉....我o的牙真係好唔齊....所以可能會箍都未定....
之後返教會，係分立之前最後一次o既正式開組
有成28人，真係好多....好混亂....好嘔血....
其實我好多時見到佢地咁「冇時停」真係有o的無名火起
我覺得佢地尊重人o既意識仲係好薄弱 ← 新一代少年人o既特徵
有時....睇住佢地話極都唔聽，真係好火滾....好想鬧佢地一獲甘o既
但同時我又好清楚，佢地咁某程度係因為佢地仲細
而且咁樣鬧佢地只會更加無補於事....所以我都儘量忍....
對住佢地....無奈同擔心囉....
完o左教會之後上o左阿傑度打機~
之後又去o左新城市同Toby & Herman 行o左陣街
睇o左電話同衫咁，睇中o左部Panasonic o既X400都幾靚
點知原來Toby同阿傑都係睇中o個部~~haha~大家都咁有眼光
後來去o左M記落腳，講下大家小組分立o既事，十點八九度就散
走o個陣俾我見到沙田火車站度有部魚旦機~
5蚊4粒~~都幾好食喎~大家有興趣不妨試下~
返到馬鞍山又搵o左阿藍落黎吹水~~
講下佢Hall o既生活~~吹到十二點半就真係返歸喇~haha
Sunny & 葦 & WinG︰多謝你地o既鼓勵....
我都覺得總係會有o的位不如己意~~我都會嘗試去適應~
只係....唉~~總覺得呢個位o既打擊比較大....同埋次次都係衝擊呢個位
有o的唔知點好....anyway~我會學習將自己o既野擺上~~
>>September 11, 2004 at 6:09:11 PM GMT+8
2004 年 9 月 9 日 星期四 【陰】
終於都上o左崇基o既週會同書通
真係....悶到死o左....週會o既時候好彩冇入到去chapel度坐
o個度o的位真係唔太好坐，又唔訓得
反而o係信和樓o的Lecture Hall度勁舒服~
又有得訓~~haha~我訓o左大半個週會~~
之後我地一眾BLMCSS CC 人一齊去o左眾志堂度食lunch~
因為今日早o左放o既關係~我地吹水吹o左勁耐~勁開心~
食完飯就去上書通~老實講....問心真係好悶....
佢講崇基o的歷史呀，之後又介紹勁勁勁多programme
最重要o既係，要聽足三個半鐘....真係比死更難受....
捱完書通都成六點，我地hae o左陣之後我就出o左去沙田組聚
我地成組有17個人出席~去Pizza Hut 食
但係等位都等o左超爆耐囉~~不過仲好~等我地可以吹下水
因為某程度上我覺得即使o camp同返o左一個星期學
大家都唔係真係話好熟囉~(尤其係一眾組爸媽們)
食o左都ok耐~又狂吹水~~差唔多十點就piss~
我地Piss o左之後又再一齊踩去食糖水~haha~又食~
食到十一點到先真係散囉~
走o個陣我同p肥一齊返恆安~途中阿權打黎話佢都o係恆安度hae 緊~
於是我同p 肥就去o左搵佢一齊吹~~
呢下吹水真係好耐都冇試過~~起碼講o的野比之前深入o的先啦~
我地係咁講係咁講....就講到五點幾....then back home~
>>September 11, 2004 at 5:24:34 PM GMT+8
2004 年 9 月 8 日 星期三 【雨】
又一個打擊....
我take唔到UGA2150a呀！！點解！？
想take o既野總係要take唔到....
其實真係有o的灰....讀大學為乜？為張沙紙？
想讀o既course讀唔到，必修課又搞到鬼死咁忙....
當人地可以好從容咁同你講︰呀~我今日返黎上一堂咋~~
或︰我聽日day off 呀~o既時候
我係一星期返六日，仲要有四日返八半(而家都唔知會唔會多一日係咁)
死執爛執先執到個半day off出黎
點解？
讀o既野....老實講，PHY2004真係唔太想讀....
計o左咁多年數....到而家都仲要計....已經開始有少少厭計數....
之前我覺得，唔緊要啦~有o的自己鍾意讀o既科補返數嘛~
但而家，PSY1000C take唔到，UGC208F都幾失望....
UGA2150a係幾好呀，但又唔俾我reg....
想點？
活動，我唔想搞到半桶水，繼而燃燒GPA
諗下諗下....我倒不如摺埋黎讀算....
或者....當初入物理系係一個錯誤o既選擇....
「係咪入錯系？係咪入錯系？係！係咪入錯系？係咪入錯系？係！.....
我而家想點我都唔知....之前o的計劃而家亂到抽哂筋....
天父....求你幫我開路....孩子而家真係進退兩難....
>>September 9, 2004 at 7:12:24 PM GMT+8
2004 年 9 月 7 日 星期二 【暴雨】
今晚係danso o既o night ar~~
其實一開始我都幾驚，因為冇人係識o既(大眼係隔離組囉)
同埋我都幾「準時」到達，所以都冇咩機會同o的人吹下水就要行喇~
我地首先去o左danso o既soc房，其實係一間鏡房
入到去之後我地細組就玩o左幾個game
其中最正o既係o係兩節，每節約十分鐘o既時間之內
學4個8 o既舞步~~其實要咁短時間之內學得好真係好難~
不過~玩下其實又幾得意~~
而每組都要上台跳一次俾大家睇~我發現都有人係有跳舞底~
佢地都表現在好好~~不過~我覺得我地組都唔差o架~~
講起我地組~我地組爸組媽都幾好人~
尤其係組爸~~相比起其他組爸，我覺得我地個組爸親切o的~
至於o的組員嘛~竟然只係得一個係同我一樣黎自理學院....
不過又發現o左有兩個馬鞍山人~~一齊搭車走~~
跳完玩完一大輪之後我地就出o左去食宵~
都算係幾豐富o架~~然後佢地又「搓梅」、玩~
不過因為都幾"支力"同埋有o的人要返屋企o既關係~
差唔多十二點就走嚕~~
其實對於join danso都有少少驚
會驚好demanding....不過....我諗都唔會太o既....(希望啦~haha)
anyway~今次都係玩票性質~叫做真係學下跳舞囉~
跳得好唔好呢o的係後話黎o既~~
Jason︰咁無得比o既~香港o既氣候性質同你o個度咁唔同
熱到抽只不過係我主觀o既感覺o者~
同樣地~你覺得熱到抽你都可以"呻"o架~~
>>September 9, 2004 at 6:59:19 PM GMT+8
2004 年 9 月 6 日 星期一 【清涼】
呢幾日都熱到抽呀....
今日返十半，係成個星期最遲返o既一日
但係o係呢個咁熱o既天氣之下返學....真係異常辛苦....
終於都上o左2004，o的數真係幾難....
而且一黎就教新野，書又飛得快....的確唔少野....
不過我都預o左呢科係難o架喇~~第一堂係會唔慣o既~haha
之後到下晝上ugc208f西洋音樂概覽~
o個時已經超爆眼訓....又食完飯~我下晝真係特別眼訓...
呢兩個鐘真係超難捱....雖然我都幾有興趣~
但係....都頂唔順釣o左陣魚....
捱到四點幾放學....即刻返屋企訓....
WinG︰歡迎歡迎~~食飯嘛.....等我諗下有邊日我係比較free o既先....
而家我都仲未get到呢個新o既生活節奏....
>>September 7, 2004 at 4:44:09 PM GMT+8
2004 年 9 月 5 日 星期日 【晴】
第一日返學~
今日返八半....但係我七點十一先起身....
其實本來我都可以準時返到去o架....
但第一堂o係UC度上....又搭唔到上UC o既校巴
搞到我要跑UC梯上....勁熱....又遲o左十分鐘....唉....
之後全日都係2351 o既堂~~其實呢科好似之前CE o既CS
不過我諗因為係一開始 introduction o既關係~教o既野比較易~
所以都唔覺得太難同辛苦~
而且今日上o左2351 o既Lab ，教用fortran (programming 程式)
同pascal 好似~~haha~勁好~因為好易就上手~~
希望呢科唔會俾到太大挫敗感我啦....(因為2004應該會好難....)
返學返到5點幾，之後就返屋企
hae o左陣就落街整牙~~呀~講起整牙
今朝o係med can 食早餐o個陣....
竟然俾一塊已經俾牛油浸軟o左o既多士整甩o左粒補牙
搞到又要補....不過今次補得好薄，相信好快又會甩....
之後出o左九龍踢波~
踢到十二點幾，再同佳哥仔 & 藍食野~
去o左金太朗，真係超好食~
埋單又唔算太貴~~勁抵~~yeah~
食到差唔多兩點，就歸家去了....
>>September 7, 2004 at 4:03:29 PM GMT+8
2004 年 9 月 4 日 星期六 【晴】
勞碌了一整天呢...
才起床不久，便跑了出去旺角買東西
買了個不錯的袋呢~~
後來到深水「寶」，買networking用的東西
也買了個DVD writer，用了很多$$呢....
接著又趕回馬鞍山跟家人吃飯~~
最後....在晚上十時多，終於回家了....
回家後，經過一番努力後，終於成功把兩台電腦都連上了網絡
現在家中的兩台電腦都能上網了~
後來又要處理一些資料....煩得很呢....
現在....(凌晨兩時多)總算吧初步完成了所有工作吧....
但....還沒有把寬頻線的位置處理好....
而且新買回來的DVD writer也沒有裝上電腦....
此外還得將舊的那台電腦重灌Windows....
很多事沒幹....明天還得上學....早課八時半呢....
我快要死了....
>>September 5, 2004 at 6:57:59 PM GMT+8
2004 年 9 月 3 日 星期五 【陰】
自我意識
什麼是自我意識？
我在這裡對此的理解為︰自我檢視及提醒
我認為自我意識對個人生活及進步的重要性很大
首先，自我檢視，也可以說是自我反省
相信沒有人會覺得這不重要吧
不懂得自我反省的人，不會明白自己的短處、缺點
更不會想到怎樣去改善自己的缺點
自我反省是對生活的一種尊重
每天(或是間中)回顧自己的生活，再看看自己在當中的表現
這樣不但可以對自己有更多的了解
也可以從中累積生活的經驗(至少一定比只活不顧的人多)
對日後的生活絕對有幫助
相信大家都懂得批評人，說這樣做一定會更好，那樣做不好
當大家檢視自己時，若也有這種批判精神
必能找出自己日常生活中做得不好的地方，或是有更好的處理方法
這樣子不就是在自我改進嗎~？
而自我提醒更是關鍵的一環
人做事往往是後知後覺，常聽到有人說︰為什麼我那時會這樣做呢？
或是︰沒理由我會這樣幹的啊....
那就是不懂得自我提醒的後果
很多時「當局者迷」，在你定意做一件事的時候
可能會忽略了一些你認為要注意的事
例如你想變得節檢一點，但每次買東西的時候都忘了這個想法
那....試問你又怎能變得節檢呢？
自我提醒的重要性就在這裡，所謂「三思而後行」
在做每件事前，先想一想這事是不是真的要做，還是不該做
雖說不能百份百防止失誤，但一定有效
而且提醒的次數增加時，便會習慣成自然
漸漸地一些常有錯漏的地方也能改正過來呢~
我這裡所說的....不可能應用於每個人
但我認為自我檢視和提醒，是自我進步中不能或缺的
若你自覺你不能做到的話，很遺憾....我不懂得教大家怎學會
也許....自能「無師自通」吧....
>>September 5, 2004 at 6:45:53 PM GMT+8
|
窗內的世界
|
廣告 |
|
|
讀者留言 |
| 路人留言
|
 我踢完之後散左2日 ><
<br
>>March 29, 2008 at 2:43:09 PM GMT+8
ai.........this
>>March 26, 2008 at 6:46:27 PM GMT+8
閱 ~
>>March 25, 2008 at 12:55:40 PM GMT+8
Hey~
<br>Want t
>>December 9, 2007 at 10:33:21 PM GMT+8
re你11月8日果篇: 你呢個s
>>November 11, 2007 at 11:37:28 AM GMT+8
我地係喜友似利呀~~~唔係喜有此
>>October 29, 2007 at 1:46:46 PM GMT+8
我唔見左你日記好耐喇～
<br>
>>August 14, 2007 at 4:13:24 AM GMT+8
好耐冇見喇....我找你打波你仲
>>August 6, 2007 at 3:21:17 PM GMT+8
havent talked to
>>June 9, 2007 at 6:01:18 PM GMT+8
喂~ 6月10日返馬鞍山
<br
>>June 5, 2007 at 10:29:33 AM GMT+8
昌!!
<br>你有十萬個不能原
>>May 7, 2007 at 3:47:10 PM GMT+8
第一句係「有一天」啦
<br>唔
>>May 7, 2007 at 5:24:37 AM GMT+8
kakaa~ tonight p
>>April 3, 2007 at 10:22:25 PM GMT+8
haha..加油呀..好好發揮你
>>March 29, 2007 at 4:43:47 PM GMT+8
我心中都有一座斷背山~~~哈哈
>>March 12, 2007 at 4:23:09 PM GMT+8
排球隊要加油
<br>你都要加油
>>March 8, 2007 at 11:30:40 PM GMT+8
睇黎你要搬去我度訓先會有寧靜既時
>>February 27, 2007 at 5:07:27 PM GMT+8
孖寶賽車...
<br>對我來
>>January 30, 2007 at 3:45:02 PM GMT+8
加油呀!BB~~~
<br>我會
>>January 21, 2007 at 8:22:17 PM GMT+8
用禱告托住一切吧
<br>要加油
>>January 14, 2007 at 5:02:40 AM GMT+8
my friend~
<br>
>>December 19, 2006 at 7:08:37 PM GMT+8
Stat. Mech?? 同 s
>>December 18, 2006 at 1:54:03 PM GMT+8
不知是不是因為不常看到你的日記。
>>December 14, 2006 at 5:44:20 PM GMT+8
我也期待著從前的「長篇大論」呢!
>>December 9, 2006 at 6:58:48 PM GMT+8
你都要加油油ar baby~
<
>>November 7, 2006 at 11:30:08 AM GMT+8
加油~~~
<br>仰望那加給你
>>October 3, 2006 at 5:04:26 PM GMT+8
next week ba?
<b
>>October 3, 2006 at 5:32:02 AM GMT+8
今年我都想努力
<br>
<br
>>October 1, 2006 at 1:38:44 AM GMT+8
加油ar...支持你
<br>做
>>September 30, 2006 at 7:08:44 AM GMT+8
唱兩句我o係饑饉30學既歌同你打
>>September 28, 2006 at 3:20:43 PM GMT+8
呢排都唔係好想寫得長
<br>
>>August 18, 2006 at 2:11:21 PM GMT+8
果份說明書好無聊呀……
>>July 21, 2006 at 2:22:57 AM GMT+8
疑問....
<br>為什麼內地
>>July 19, 2006 at 12:44:55 PM GMT+8
多謝晒!!!!!
>>July 17, 2006 at 2:52:27 PM GMT+8
唔係幾好都寫左咁多...
<br
>>June 27, 2006 at 6:41:55 PM GMT+8
終於都黎到啦...
<br>幾經
>>June 24, 2006 at 8:38:39 AM GMT+8
波癮終於得如願啦
>>June 18, 2006 at 5:38:18 AM GMT+8
I still read you
>>June 16, 2006 at 11:37:29 AM GMT+8
<br>May I have
>>June 13, 2006 at 6:35:38 AM GMT+8
好想同教會既弟兄踢波呀……
<b
>>June 12, 2006 at 5:24:39 PM GMT+8
你既返工日記真係好正呀！
>>June 4, 2006 at 12:58:45 PM GMT+8
I have read your
>>June 3, 2006 at 4:40:30 PM GMT+8
我有keep住看架
<br>所以
>>June 2, 2006 at 2:23:15 PM GMT+8
等你得閒d, 我地再去食蠔餅丫!
>>May 18, 2006 at 3:10:32 PM GMT+8
漏了...
<br>
<br>送
>>May 6, 2006 at 4:48:49 PM GMT+8
reli thx God for
>>May 6, 2006 at 4:15:54 PM GMT+8
擔心你
<br>小心身體吧
<b
>>April 23, 2006 at 2:00:10 PM GMT+8
hehee~*
<br>314*
>>April 22, 2006 at 2:10:55 AM GMT+8
我都任性緊，我都要迎接功課先得！
>>April 6, 2006 at 3:12:47 PM GMT+8
um....forgot tim
>>March 28, 2006 at 11:44:41 AM GMT+8
|
|
上了第一課的跳舞課~
可見的未來....我看不到....
今日都幾清涼~~
又一個打擊....