2003 年 3 月 6 日 星期四 【陰】

哈哈~
今日係因為校慶,所以唔洗返學~
不過我都只係訓到8點幾~算早la~
因為我家姐買左lee個"輕輕緊握你的手"睇到都幾夜下~
超超超正呀~第一集都已經好感動呀~!!
咁咪開腦囉~不過晨咁早,係得幾個人online~
不過冇理佢地~所以我響度悶悶=.="
之後過多陣,睇一日3次勁重做o既銀河天使<-(又變態la^^")
睇睇下過過online左~我同佢講"早晨,去你屋企玩囉~)
佢話"晚點啦 我家有人來整野 檢查煮食喉啊!"
所以呢~我咪諗住遲d去囉~同d同學玩左陣icq~
比左我家姐玩~之後入左房睇書~睇睇下訓左喎~kaka~
一訓,訓到5點9,起身都遲lu~咁咪換衫~去收當囉~
夜晚,我玩左一隻我好耐冇玩o既 game就係天堂~
因為我屋企個腦超超超廢,game入面o既夜晚係lag到爆o既~
所以係玩唔到咁o既,又因為唔知點解一入都係夜晚,所以係玩唔到o既=.="
不過今日入,係天光所以玩左個幾鐘~
玩完~出返去見到icq平時好忙o既朋友~
冇左果種緊張o既感覺~可能係因為o岩o岩天堂係咁打人la~
d骨骨係咁篤係咁篤~d人飛晒嘿嘿~我都唔弱架~
我地傾左幾句~佢好似又唔得閒~
鳴~咁快o既~佢咁就off左la~好空虛.........
而且重要同我講句"我唔想同你講野啦!!!!!!!!"你知到嗎~你會傷害到我弱小心靈架>_<"

唔知今晚~路人甲黎唔黎呢,希望佢黎la^^"

>>March 7, 2003 at 4:02:06 PM GMT+8

2003 年 3 月 5 日 星期三 【雨】

哈哈~
今朝,唔知咩o既一回事~
一早起左身lu~重早過我阿媽起身添~
佢鬧鐘都重未響就已經見開左電視睇睇睇la~
嘿嘿嘿~今朝~睇到個天"黑媽媽"咪拎把摭去返學囉~
點知佢一滴雨都冇落過~唉~中計添.......
返到學校~見到波波~當然係第一時間係拎5蚊出黎比返佢la~
成個人安樂咋~
Lunch果陣~死人頭譚仙,甘地,肥昌,過過,猩猩,大佬豪,小光,樂樂
lee班"繆頭"丫,話我有"戀母狂"......."鍾意波波呀"lee類野la=.="
死la~可能係因為佢地個個都比我話得多la~
譚仙咪嚴xx,肥昌咪x脾,猩猩咪xx恩,過過咪何xx,甘地咪李xx<-(唔方便講全名,講左會死架=.=")
所以佢地咪串我囉......
不過咁又好難怪o既,放學~個天開始落雨la~又去打機la..........
咁波波又冇摭,佢住xx街~又係同我鋪頭一條路~
咁同學o既野,緊係要幫下架la~而且人地出到聲~唔幫好似唔係咁好咁o既....
所以咪摭到佢屋企樓下,之後咪行過去打機囉~
去到又比人串.........唉~都唔知咩心態架........
咁~今日同佢地打機~又多人去~又好玩~我地CS o既AS隊又去齊~
所以呢~打機打到過晒"龍"冇去收鋪....比人鬧左幾句=.="

>>March 14, 2003 at 4:53:23 PM GMT+8

2003 年 3 月 4 日 星期二 【雨】

唉唉唉~
又係6點10先醒呀=.="
又遲左la~又係睇得果小小咋~
今日miss chan chan冇返~
有個貌似企鵝o既miss黎代課喎~
佢教d勁白痴o既野=.="所以冇人聽過~
之後........訓左..........
放學~本來諗住去綵排星期六o既跆拳表演,但係因為譚仙叫我去打機.......
所以我冇去.....
我猩猩譚仙過過波波等等幾個人一齊行~
一路行一路講笑~咁真係唔知波波諗o麥o既=.="
可能佢真係想做我阿媽la~話左比佢聽我地去打機~
我話"阿媽,比錢我去打機呀~"
佢地幾個又一齊講話"伯母請打機~"根住佢真係拎左5蚊出黎比我o.ov
我係咁叫佢拎返,佢都唔要~之後佢行第二條路返屋企,
所以我咪叫佢"今晚落鋪頭搵我呀~"
同呀譚仙打完機之後,落到鋪頭~
收鋪之前等到收好鋪,都唔見佢行過~落黎搵我....
果5蚊就響我褲袋入面~我個心就勁唔安樂.........
響度諗"我係咪唔應該講呢~"
我地識左兩年都未夠.....雖然只係小小o既5蚊,但係都係唔好架ma.........
返到屋企,過過一早就寫左日記....
完來~我地上網識o既雨晴都有響佢日記度留言....
lee個都唔係問題o既所在~最重要係佢重未加add我呀=.="
我覺得自己好渺小呀~加左佢都未加我.......
而且有個唔知o麥水路人甲,響我度玩野.....
又唔講名~都唔知佢想點........

>>March 5, 2003 at 2:12:32 PM GMT+8

2003 年 3 月 3 日 星期一 【雨】

好唔底呀~~~~~~~今朝阿媽遲左叫醒我呀～
6點10到先叫我醒~睇得小小咋~好唔底呀~
今朝~唔知做咩~一落樓~又大風又落雨=.="
吹到我暈暈地~個頭又超亂~
返到學~唉~又係要收回條o既時候la~
d死仔又唔鬼交la~
咁~之後唔知點解好累~訓左堂物理~
小息之後又係物理,不過係TC,但係我又訓左=.="
英文堂<-(又係TC=.=")阿miss chan chan 行過黎話我乖o.ov
因為我拎左本書返屋企喎~嘿嘿~不過我都好開心架la~
Lunch果陣~波波請左我食兩粒糖~正~哈哈~佢真係當我好似仔咁喎~
又多左個阿媽o.ov哈哈哈哈~
平時超超超"孤寒"o既冼志~佢都話"如果你今日同我地一齊去打機~
我借d裝備比你玩丫~"<-(因為佢仙境好似係80lv=.="D裝備又勁到爆)
真係好難得呀~得好小人問到佢借野架咋~但係唔知佢點解唔知做咩~借野比我玩喎~正~
不過佢都係借左個兩粒鐘幾比我咋~不過爆得好爽呀~kaka~
落到"鋪頭"見到波波~wakakakaka~佢又請我食珍寶珠呀~正~唔洗錢~嘿嘿~
返到屋企~阿水icq同我講"今日去見白衣呀~"我話"o下~"佢話"佢好小妹妹架~"
嘿嘿~我最鍾意d可愛型架la~嘿嘿~好似有d變態添^^"
但係阿水過多陣話"你溝唔溝佢呀~我就唔溝la",我答"我自問我冇咁o既能力la~"
而且有特別完因<-(不便公開=.="而且唔關其他人事o既...係我自己o既問題)

>>March 5, 2003 at 12:35:04 PM GMT+8

2003 年 3 月 2 日 星期日 【晴】

今朝~我又晨咁早起身睇動畫la~
好似好變態咁"哦可"~
又係Day2呀~又係中文測驗o既時候la~
我當然又係冇溫架la~咁又唔識架la~所以今次一條都唔識lu~哈哈~
今日唔只係中文測驗~而且係美術考試添~
唉~今次考o既係繪畫呀=.="
D題目都唔知佢講o麥o既.........勁難<-(對我黎講.........)

夜晚~阿水又同琴日icq果個女仔一齊打黎,但係果個女仔~
好似琴日咁,都係一句聲都冇出~
咁.........佢做咩要一齊打黎呢~
淨係阿水一個咪夠囉.....又唔出聲,又要一齊打黎~
唔通佢想聽下我把聲.....或者.......佢想聽下我同阿水講咩........

嘿嘿~改返個錯字la~

>>March 3, 2003 at 3:19:21 PM GMT+8

2003 年 3 月 1 日 星期六 【陰】

一朝早六點幾起左身~
真係勁累~所以訓落去~訓到十一點幾~
開腦~沖涼~沖完涼之後有個女仔add我,佢係英文人黎架=.="
溝通上有d困難......
之後咪換衫又去左過過屋企囉~
點知~猩猩又係一早去左~
去到過過屋企之後~阿水佢icq叫我比個電話佢~
佢同兩個好仔打黎~都唔知做咩=.="
一個講左幾句,一個冇出聲~
之後有一個要求收線~之後就88囉~
之後同猩猩又一齊打機~
打到過晒鐘~到唔記得去收鋪~keke~正~

所以呢~今晚有得睇"輕輕緊握你的手"正~
一個人睇~到唔錯丫~又聽到d好得o既說話~
"愛一個有缺陷o既人唔係同情,如果唔愛你,都唔同你結婚la"
"其實有時兜下路到唔錯"<-(lee句係睇過先明)

夜D死人流氓<-(不便公開真名=.=")佢send兩左個勁咸又嘔心o既野比我睇
(重要係男人添=.="唔通佢真係變態o既~)
我lee d咁純潔o既學生,睇到都想嘔呀=.="

>>March 2, 2003 at 3:05:37 PM GMT+8

2003 年 2 月 28 日 星期五 【晴】

嘿嘿~
今朝~重打緊通頂~RO個小偷經已轉左職lu~變左刺客<-勁~
轉左職就唔玩住la~當然就係打CS la~嘿嘿~打石場超勁殺27個死得果3次o.ov
打雪地~嘿嘿~殺103個死得果39次~哈哈勁呀~
打到1點~諗住返跆拳la~不過又頭暈~之後頭痛~目光呆滯~四肢冇力~
我諗我返學真係會精神崩潰~
真係想響條街度訓呀~
返到屋企~坐左響度睇中華英雄~睇睇下訓左.....
訓到6點幾~我阿爸打黎~叫我去搬貨~
呀~~~~~~~~~~真係想鬧鬼佢呀=.="
不過算la~佢前幾日整親~唔幫唔得......而且.......我唔去,我家姐一定又鬧到我暈低lu~
哈哈哈哈~

不過肥昌冼志阿雞譚德果d唔好響度串呀下~

>>March 2, 2003 at 4:03:47 AM GMT+8

2003 年 2 月 27 日 星期四 【晴】

唉~又唔知醒lu~所以又遲到lu~
放學又要補課~遲到又要留堂~又有人約我打機~
真係忙呀~所以咪~留完堂,去補課,之後咪去打機囉~
夜晚~天偉搵我去打通頂~
嘿嘿~我緊係去la~
同佢玩cs~50比3=.="
天偉廢到爆爆爆呀~哈哈哈哈~


>>March 1, 2003 at 12:50:21 PM GMT+8

2003 年 2 月 26 日 星期三 【晴】

今日.....係一個勁悶冇起伏o既日子~
都係一樣返學放學~
收鋪~
夜晚就睇電視~
玩電腦~沖涼~上床訓.........

>>February 28, 2003 at 1:03:42 PM GMT+8

2003 年 2 月 25 日 星期二 【晴】

哈哈哈哈~因為琴日唔夠時間所以打錯人地個名添^^"(係叫阿邦唔係阿幫)
今朝早~開電視~睇有線o既第20台AXN睇lee個銀河天使ccc~正呀~(其實我係一個動漫畫迷~)
出門口之前又聽到句好正o既野
就係:一個人一生最可怕o既唔係死亡,而係絕望~
而最快樂o既事就係重絕望中得到希望<-(好似係咁,因為朝早聽所以唔係好記得^^")

今日係美術o既考試,哈哈~比想像中畫得都算唔錯~
因為我走左好多堂~所以畫得冇咁好都係好正常<-(堂堂都比人昆左去打機,真係傻仔左=.=")

今晚又係得我一個人拾下拾下響屋企,好似好戇"句哦可"~
一個人食左3分之2 o既义鵝飯~一個人睇電視~一個人笑~一個人上網睇野~一個人..........悶.......

不過好彩~本來諗住去沖涼o既時候~ccc~見到d連自己都唔信o既野,響個電腦度出現~
有d唔知點做咁~


>>February 26, 2003 at 4:17:13 PM GMT+8