2003 年 4 月 5 日 星期六 【雨】

本來~諗住早d訓,不過....又比我家姐抓住睇怪談~
但係~睇到一半o既時候~我個心,已經飛左落張床度lu~
然後當然去訓la~

今朝~11點幾起身~上左2000fun度睇到~一個可以上載o既網~不過日文...
雖然,佢有教點搞~但係....申請左之後~都唔知去邊鼠upload d野上去....
所以,都係冇用.....之後~冼志icq度叫我去打機,但係因為要拜山~所以我話比佢聽遲d去~
今日o既天氣雖然都幾凍~但係我都只係著得件恤衫~所以凍凍地~
肥仔就真係可憐...本人係一個怕凍o既人....但係又因為肥o既關係~又會比人易熱喎~
所以~好難簡衫著.....

落到鋪頭,重要等大姑姊,佢實在係太慢la~遲左個幾兩個字先到....
拜山o既時候~要上山~之後就到~搞左都唔係好多野就走得lu~
咁落山la~我同阿爸家組3個人....唔知係咪行得快la~我地睇下佢地行到去邊,d姑姊唔見晒....
真係行得超慢....落到鋪頭,我拎左廿蚊就去搵冼志.....去到之後,佢同佢個fd已經打左好似好耐咁...
打多陣佢就話走lu~得返我一個戇下戇下咁打,不過算la~有得打好過冇得打~
打到6點半~走la~去洗手~之後比錢~本來~老細佢唔講野~我都唔認得佢架~
因為佢帶左個口罩同剪左個新髮型~冇o麥頭髮果隻呢~所以唔認得佢=.="
認得佢之後~摸摸佢個頭^^~我最鍾意摸人地個頭架la~而且佢仲剪lee隻"桔桔"頭~
唔~我最鍾意架la~魚頭都係lee隻~摸落去好好feel~正~哈哈~我真係有好多特殊辟好~
而且我同lee個老細都幾熟~都幾好傾下架~成日一齊講笑o既~
係男先得架~因為同女仔傾計我會好唔自然~(怕羞丫ma^^~)


家家圖集之一~高級呀~

(註:"桔桔"頭ja係d頭髮好短好短~摸落去"桔"手囉~)

>>April 8, 2003 at 4:42:23 AM GMT+8

2003 年 4 月 4 日 星期五 【晴】

因為屋企有好多人~所以~都幾晚先沖涼~
入到房之後~見到我家姐琴日講話好好笑o既兩本書~(3.3.7應援男)
開頭睇~意謂佢係一本好無聊o既書~但係入正題果陣~佢所帶出o既話題~
實在係好有意義~雖然~有d...都唔知點講=.="係賤la~
佢係講一個男仔~鄉下做應援團~因為要考試..........(自己借書睇睇la^^~)
睇到4點幾=.="

起身果陣都11點幾~開腦~因為我阿爸個fd訓左響沙發~所以唔可以咁大聲~
因為~我重來都唔鍾意嘈到人,就算返學~都唔會叫醒一個訓緊o既同學~因為我都訓緊^^~
玩左陣icq~整左d野食~食完之後~我阿爸個fd醒左~搞左好多野之後就走左...
走左之後~我家姐走出黎話我嘈住佢訓.....不過我今朝所做過o既野全部都冇聲...
佢屈我.......之後我好火爆咁打機~我知唔夠佢打~所以用左4-5個鐘頭~
升到去85-6,去打~嘩~真係丫~佢越小血真係越癲.....勁放全體魔法....
回血o既機會都冇...打左幾次之後,我放棄la~玩icq好過.........


家家圖集之一,搵左好耐架la~~~~~

(註:你留左言o既話我會留言回應返你架~)

>>April 8, 2003 at 4:43:16 AM GMT+8

2003 年 4 月 3 日 星期四 【雨】

新果個金田一真係幾唔錯~幾好睇~之後睇神啊！請給我多一點時間~講到小恭子就快病發la~
ja係就快大結局la~睇玩之後~張沙發打暈左我....暈左響廳.....直到永遠永遠....

朝頭早~9點幾醒左....開熱水爐~開腦~玩左陣~沖得~
沖完~玩左陣icq~12點幾冼志icq on左,叫我去打機~我當然係冇所謂la~因為響屋企好悶架ma~
所以~我響icq叫光光,同打電話比猩猩~猩猩去不過玩一陣~佢冇咩錢lu~光光就死都唔去~

換好衫~出門口~唔知點解呢~?每次出門~都係落住毛毛雨~
去到之後~猩猩同冼志經已到左都幾耐~仲打緊添~
猩猩玩暗黑2,而我同冼志玩RO,我問左佢借裝備~佢d野真係好正~
3點幾猩猩走lu~好似約左劉邦~而阿why佢還左錢比冼志....好似唔夠錢~
問我借左5蚊~打到4點幾~我地開返RO玩~我個公會有3個新會員~女仔o.ov
冼志就用我個人~講我個公會o既大佬~肥昌~o既壞話~哈哈~好搞笑呀~

5點幾o既時候~都係時候走la~我同冼志一齊走~
佢走左去m記買野食~唉~真係好羡慕佢~食極都唔肥=.="
買完之後~我地一路行一路傾"飛碟型"o既野~當然係佢可以令到我地放好耐假o既完因la~

(註:飛碟型=非典型)
心底話:
究竟....你係已經得到,定係渴望得到呢~
(希望有人明la~)

>>April 8, 2003 at 4:43:47 AM GMT+8

2003 年 4 月 2 日 星期三 【雨】

又睇完lee個神啊！請給我多一點時間先諗住沖涼~不過做醉拳2~所以令我坐左響度睇~
其實真係幾好睇~好笑~成龍D戲真係幾好睇~睇到兩點幾先去沖涼....搞到入房果陣比我家姐鬧...
可能太嘈la~用風扇吹頭~又開燈~不過其實唔睇書真係訓唔到~所以~又拎左本CC櫻睇~睇完都3點lu~

一起身~完來都只係9點幾~開機打~而且再次去搵果個大佬(時之大精靈)~當我升到80lv o既時候,
又去打la~不過完來佢越小血就越癲=.="比佢炸到暈低~

一點幾果陣~光光打黎問我去唔去打機~我當然話好la~其實響屋企都幾悶下架~
搞左好耐先出得門口,2點9先走~行行下又落雨喎~不過唔算太大~所以唔多覺有落雨~
去到之後~見到名why,光光完來一早到左~行過去串下佢~哈哈~然後又走過去阿why度串佢~
過多陣猩猩都到左la~我地一齊去睇光光打~完來冼志早就到左la~玩緊仙境~佢個巫師好勁...
過多陣~我同猩猩有位~而且係連位~所以有得一齊打lu~

今晚~唔想用以往o既圖圖~所以搵左好耐~
過多陣~一個icq o既朋友金金果~佢叫我去佢個板板度留言~不過都唔知留咩好~諗到爆頭呀~!!
夜do既時候~梁希叫我聽日仙境一齊玩PvP~不過.....我冇咩裝備~所以聽日先算la~


今晚搵o既~睇下個名幾good~

>>April 3, 2003 at 3:37:49 PM GMT+8

2003 年 4 月 1 日 星期二 【晴】

神啊！請給我多一點時間~不失一出好戲~而且仲有我最愛以前o既深田恭子做添~
所以睇到點幾先沖涼~無論~幾熱~幾凍~都係只係會沖熱水涼~你都試下la~熱水涼~暖"lovelove"~好正架~
不過咁樣o既話~沖完涼,雖然~係好正~不過天氣比之前熱~所以....熱上加熱~都唔係好好受架咋~臨訓前~又重睇CC櫻~

但係~今朝都幾早起身~9點幾la~因為要打返琴日個日記丫ma~打完之後~同肥昌玩icq~卡輝又打黎問我借RO acc
3點幾~我同家姐交換~我打機佢玩腦~我放棄la~果個大佬唔鬼打住la~所以去做左其他任務先~
嘿嘿~不過好彩我之前升左咁多lv~打其他大佬~真係不廢吹灰之力ko晒~

今晚過過好傻咁問我點貼張相落個日記度=.=好傻.....點極都唔明~比我還要傻~我已經夠傻架la~
佢比我傻幾個馬位^^~
<-菈司蒂呀~
正~天使小夜曲呀~!!
(註:CC櫻=Cardcaptor櫻)

>>April 9, 2003 at 1:48:55 AM GMT+8

2003 年 3 月 31 日 星期一 【晴】

琴晚~本來一早已經上左床~12點幾la~
通常我每晚都睇一本至兩本書先訓o既~所以~我睇野睇得好化架la~近視丫ma=.="睇野化開晒~基本上一米內o既野先睇得清~記住~唔好叫我睇遠野~唔係我唔睇~係睇唔到呀~
不過唔知點解~琴晚~睇完一本CC櫻又睇一本~唉~都唔知咩事~睇極都訓唔到~可能係天氣太熱~?
不過~可能我以前冇睇得太深入la~正確黎講係~我係冇心機睇d字=.="
因為~我一早買晒成套vcd~vcd雖然要追字幕~但係d內容多d~而且唔洗自己拎住本書~我lee d懶人係咁上下架la~得閒睇下字幕都幾好架~我o既成就大家都有目共睹la~
不過~自前日我拎起左本CC櫻之後~(我幾年開始睇返字~)以前~只係因為覺得佢可愛同主題吸引~
所以~拎左我家姐買o既得一集黎睇~佢開頭買,叫我睇,我冇興趣~不過有一晚,我又係訓唔到,所以我拎黎睇~之後就極度喜歡~(好似係小五果陣~)
之後好似好多個月先出一本~所以等得好苦~不過無線已經開始做la~完來~唔只我一個咁激氣~
有好多人都好激氣~佢主題曲又弱,配音就...唔好題~D名又改左d........
自琴晚一次過睇6-12(完)~之後~我訓左響張床度用左半個鐘都訓唔到,其間我諗左好多野~雖然,佢只係一本小小o既漫畫,但係佢o既故事包含左好多野~得閒o既話黎我屋企睇下或者借比你睇仲有去借書同自己買囉~

理論上~我今朝一定好遲先起身~但係,一個電話打黎,嘈醒左我....完來係卡輝,佢打黎問我RO公會個野係點睇=.="
所以,10點幾已經醒左lu~冇野做當然係搵野做la~所以,咪開機打囉,唉~70,v去打到唔夠打,升到74lv...
之後都係唔夠打....因為,打到佢冇咩血之後,會勁放魔法....好似癲左咁...癲得好勁...
之後,打打下猩猩打黎~又叫我去打機~我當然係話好la~之後打比光光佢都話好~不過佢去左買野~
然後,佢同樂樂一齊黎~阿why同L都響度~所以一齊打~好開心^^~

今晚~收好鋪,一個人返屋企~返到屋企之後~開電視~新聞睇到張國榮死左~跳樓死~?!
之後~唔夠一陣~d同學響icq度話比我聽,而且仲有好多地球添=.="
點解佢會死o既呢~?電視話佢因病厭世~不過我覺得佢係比仔飛.....不過lee d都係我自己o既睇法~

<-リリィ（Ｌｉｌｙ）
ウエイトレス

(註:CC櫻=Cardcaptor櫻)

>>April 8, 2003 at 4:45:25 AM GMT+8

2003 年 3 月 30 日 星期日 【晴】

今朝~9點幾起身~
當然係打一隻未完o既game la~頂~!!我打到果度~5x lv 家下升到70lv都打唔死個大佬=.="其實就唔洗打o既...不過好似好唔完美咁....不過...打左兩日升左2-30lv基本上打果度都升左1-20lv~
升到70lv果陣o岩o岩好~我家姐起身....咁就唔比我打lu~之後入左房睇CC櫻~可能係我睇得書多la~
睇左5本~都只係個幾兩個鐘~點幾o既時候~光光打比我~問我去唔去打機~來得正好la~我真係驚睇晒d書~我就響屋企悶死架la~其實~屋企d書~我返睇左好多好多次~一打開本書~就知佢講o麥~之後光光叫我叫猩猩一齊去~
我一問猩猩~猩猩好快就答我話好~我諗佢都就快悶死lu~而且佢唔似我咁有咁多書睇~之後光光自己打比冼志~

去到金源~猩猩已經一早到左~光光就響我前面~上樓o既時候我見到佢=.="
打左幾個鐘~冼志黎到lu~又同我地講經.....打到6點幾~我猩猩冼志一齊行~光光去坐車返屋企~
行到分义路~我落鋪頭收鋪~


又係時候貼貼唷~

(註:CC櫻=Cardcaptor櫻)

>>April 9, 2003 at 1:49:18 AM GMT+8

2003 年 3 月 29 日 星期六 【晴】

一朝早~本來~都訓得好好地~突如其來o既吵鬧聲~搞到我醒左~(家事~咪問~)
訓多陣~出到去~經已冇晒人lu~冇人...冇野做~當然係打機la~
1點幾~同我家姐交換~我玩電腦,佢睇電視~機會上~我好小同人響icq度傾計o既~
係一d我真係對佢有興趣o既人同d同學先玩o既~所以~坐響個腦前面都係冇咩做...
之後咪拎左本CardCaptor櫻出黎睇~最愛之一真係最愛之一~睇返真係好正~不過我覺得~漫畫好睇過動畫囉~
睇睇下~咁就令我回想起~好似係f.2果陣~我猩猩光光重有d閒人一齊去漫畫展~我地果陣都係好鍾意CardCaptor櫻~猩猩係因為我借d VCD比佢睇~光光就睇電視之後買碟~
我記得當時~我地行到去果個攤位o既時候~我地見到~
<-lee張poster~
嘿嘿~諗起都好笑呀~我同光光去買~我買左上面果張~光光就買左兩張~好似有一張係比佢表妹ccc..
猩猩就......好無奈咁睇住我地去買~因為~佢唔夠錢買~哈哈~我同光光笑到暈低la~
有時~猩猩以前去我舊o既屋企~(我貼左響廳度~我訓廳架以前~)佢睇到~都好無奈~重要比人串添~
串佢果個係邊個~?當然係我la^^~哈哈~


>>March 30, 2003 at 2:14:12 PM GMT+8

2003 年 3 月 28 日 星期五 【晴】

一朝~
本來我個人重係好灰.....
個腦死左呀~!!冇野玩呀~!!悶死人咩~!!又唔洗返學~!!重要成個星期~!!唔通日日去打機咩~!!
所以搵我返d舊機出黎玩~自重有左電腦之後~我都冇對過d機有咩好感~(覺得一個人玩好悶架ma~)
諗住玩GB,玩一隻稱霸一時o既GAME,pocket monstrs 不過....唔見左......
之後搵左好耐先搵到野玩....玩返ps d game~其實~ps d RPG game好玩過dc pc ps2 GB XBOX 其他其他~
下午~我家姐拎左個腦去左佢個fd屋企整~重拎走左我10蚊添....
之後~我玩返d舊game~完來~玩返真係勁勁勁好玩la~可能其他人唔認同我o既講法~
但係至少我係咁諗.....之後~~~~~~~~失憶=.="


>>March 30, 2003 at 7:20:52 AM GMT+8

2003 年 3 月 27 日 星期四 【晴】

今日考生物~撞咋^^~
正~都幾好撞下~因為我有聽書架ma~
之後....失憶~唔記得咋lu~
個腦死左.....
勁悶~冇野做.....


>>April 3, 2003 at 11:33:36 AM GMT+8