|
2003 年 6 月 22 日 星期日 【晴】
 超型既健~我至愛既健!!
 超型既剛!!
 超型既准一!!
~以上所有圖片來自
〈SILVER GATES〉 ~
雖然D圖係大張左D~但係真係好型呀!!!
>>June 22, 2003 at 9:02:36 PM GMT+8
2003 年 6 月 22 日 星期日 【晴】
親愛既日記：
我今日發癲呀!!勁發脾氣囉~好嬲人囉~完全係因為老豆!!
又話飲完茶去買冷氣，睇左兩次~都冇打算買!!佢話完全睇唔0岩囉~
之後我話買碟，諗住買《男女字典》啦，$25一隻0者~
好貴咩?!!又話唔買!同余卓想要買既謝霆鋒$95差好多喎~買比我都得呱~
之後去睇電話，睇左三間，基本上話我想要既電話，都唔係好貴0者~
我想要既最貴0個部都唔過$800，仲有喎，可以舊機換新機個喎，
一定唔會過$600啦，洗唔洗咁呀~一句撻埋黎話唔買!!勁仆街~
我0個時已經勁嬲架啦~之後落到樓下啦，諗住叫佢入去惠康買包薯片0者，
又話唔入，我話想買條短褲，都唔洗$20，佢都話唔買，要買就搵老母黎喎~
大佬呀，買條短褲0者，唔洗咁大陣象呀，我唔係冇帶錢都唔叫你買啦~
我自己買到就自己買左啦~洗唔洗同你講呀!!所以我咪勁嬲囉，
一句撻比佢「佢(老母)幾時得閒0者!!」，跟住我就自己返屋企啦~
行得勁快，都唔理佢啦，佢知我嬲佢啦，先話「係咪買褲呀?!」
我都冇理佢呀，自己行左啦~我早佢一架電梯，佢返到黎我都冇同佢講野!!
到左食飯，同佢講野都唔夠十句~佢問我做乜今日咁好火喎，
問我係咪食左火藥喎，我都冇答到佢!!我今日唔想理佢去呀…
>>June 22, 2003 at 8:13:55 PM GMT+8
2003 年 6 月 21 日 星期六 【晴】
親愛既日記：
前日突然間想去唱K~所以搵左寶呀~
尋晚我同佢傾左好耐電話呀~個幾鐘呀!!
我叫左佢千祈千祈千祈唔好遲到架~佢又話一定唔會喎~
仲話撘小巴只係兩三個字就到~我都叫佢預早少少~
佢都唔肯呀~佢話「唔洗啦~」，但係我都預左佢遲~
今朝都早左兩個字同佢講我出門口架啦~
我約佢11:00，我都11:10先到啦~點知佢都仲未到!!
我咪打比佢囉~佢話撘緊車喎，又話落大雨喎，
落大雨同遲到有乜野關係呀~佢撘緊車喎~
淋到佢咩!!我咪入去等囉~又等左差唔多兩個字啦~
次次都遲到~麻乜煩!!真係好憎佢囉!!頂佢個肺啦!!
-------------------------------------------------------------------------------------------------
仲有呀~同佢唱K，真係好辛苦囉…佢首首都要唱~
識唱都話冇野0者，但係佢有好多都唔識個囉~
不過佢又要唱喎，D音又唔0岩，個節奏又唔0岩，
我聽到佢唱，我咪同佢鬥大聲囉，佢唱錯哂，
我大聲D，咪遮左佢把聲囉~首首都要唱，方死比左錢冇得唱咁~
方死舌底咩!!低能架!!我都唔明佢，唱少首洗唔洗死呀!!
又唔係首首都唔比你唱!!唔識咪唔識囉，洗唔洗扮識呀，
唔識我又唔會笑既，佢唔識唱扮識唱0個招，好白痴囉，
我唱0個時，佢又出聲，唔唱0個時，佢又要扮哂飲野咁，
拎左支咪，到我唱返啦，佢又放低杯野，去唱歌~
次次都係咁~有時就要話自己唔識唱開頭0個段，
其實佢只係聽我點唱第一段，咁第二段佢就識唱啦~
咁就好似成首都識唱咁啦~仲有呀~佢唱錯哂D音呢，
好似"舞吧!舞吧!"咁呀，根本成首歌都冇一個音係超高音~
但係唔知點解佢有一句硬係唱到好高音個囉!!根本0個個係底音黎既~
有好多首都係咁個喎~同佢唱K真係好辛苦囉~首首都要買!!
俾左錢都唔洗咁呀~我唔係搵唔到人都唔搵佢啦!!
下次我唔會再冇啦啦搵佢去唱囉!!一定唔會呀!!
-----------------------------------------------------------------------------------------------------
之後咪同佢去影貼紙相囉~佢勁照鏡，照到塊鏡就黎爛咁濟呀~
唔到影0個刻都唔離開塊鏡呀~低能架!!
之後周圍行，都冇乜點同佢講野…好無聊囉~
唉…佢成日都同我講佢同佢條仔D野囉~
有拖拍好巴閉咩?!玩條仔好型咩?!有仔咪有仔囉…
洗唔洗哂命呀，飛人咪飛人囉，洗唔洗同我講呀!!
好白痴囉…有乜咁巴閉咩!無聊!!咀左咪咀左囉…同我講做乜0者!
我又唔恨~咀左好勁咩，洗唔洗講咁多次呀~方死我唔記得咁!!
===================================================
今日見到《wink up》同《potato》出左7月啦~
KAT-TUN真係好型呀~到7月我一定買，到時就會平D架啦~呵呵~
仲有呀，仲見到〈Darling〉台版黃色呀，$45咋，勁想買呀!!
又勁見到藍色喎，不過其他色就唔見啦~好彩，我買左赤色港版~
__________________________________________________________
哈~今日差唔多去到新世紀0個時，有人叫我地幫佢做問卷喎~
見冇野做，咁幫佢做囉~點知做完問卷又講護膚喎，
問我想邊一部份想整返靚佢，我咪話黑眼圈囉，佢就介紹我整啦~
佢話我整一次就得喎，$98，雖然唔知信唔信得過，但係都唔係貴呀~
我諗住試，但係佢叫我比錢0個時，我得$15 0係袋，
所以比左$10訂佢，遲D先再比埋0個$88佢，7月先去整!呵呵!
唉…今日賤表妹又係咁啦，次次唔預錢撘車返屋企，
得返$2，頂佢呀~上次幾個人出街又係咁，我地落左月台，
要我地上返去閘口比錢佢，今次又要我比埋0個$5佢，
好乞衣囉~之前買野食，我用八達通比錢，佢又用喎，
點知佢張卡冇錢囉，勁抵死呀，邊有理由自己張卡左錢都唔知架~
唔係蠢得咁交關呀!!仲有呀，買部電話唔係睇佢個款型唔型架，
型D但係唔好用咁點呀~好豬囉~其實我成日0係日記講佢壞話，
我唔驚佢會知囉，佢宜家都冇電腦，都冇得上網~
我更加唔驚佢突然有得上網會睇到囉~如果佢買左電腦，
上左網，佢一定會同我講，仲話自己部腦有幾正，上網有幾快添~
又係方死我唔知咁囉~佢上到網，都睇唔到我講佢壞話~
如果我唔比個網址佢知，佢更加唔會睇到啦!!2003年06月21日Sat23:32
>>June 22, 2003 at 7:57:32 PM GMT+8
2003 年 6 月 19 日 星期四 【晴】
親愛既日記：
今日係今年大考既第一日呀~我覺得過得好辛苦囉~不過絕對唔係因為要考試，
而係每科要考2個鐘呀!!今日第一科係中文作文，都要考兩個鐘囉~
我已經用我平時既速度黎寫字架啦~仲慢左添~但係我都只係用左一個鐘多兩個字就做完啦~
篇長文我仲差唔多作左800字添喎~作完仲有九個字~根本就唔知做乜好~
又唔比訓覺喎~不過我都係訓左~只係用手托住個頭，miss又睇唔到我個樣，
都唔知我訓左啦~訓左半個鐘左右，我又醒左囉喎~但係都仲有兩個幾字先夠鐘喎~
等得勁辛苦喎~考完呢科就有半個鐘小息，11:00考中文課文D野~
又係兩個鐘，今次好D，多D野寫，但係都仲有五個字淨，
但係我飲左幾啖咖啡，訓唔著，咪等囉…等到1:00，
又要收簿喎，1:25先放呀…又返屋企悶啦…
-----------------------------------------------------------------------------------------------------------------------------
唉…呢排…肥左好多呀!!我唔想咁肥呀~
我要減肥!!我要減肥!!我要減肥!!我要減肥!!
我唔食早餐，唔想食lunch~淨係食夜晚0個餐!!
我一定要瘦!!我一定要瘦!!我一定要瘦!!我一定要瘦!!
+++++++++++++++++++++++++++++++++++++++++++++++++++++++++++++++++++++++++++++++++++
今日好無聊喎~0係屋企冇啦啦寫多好多野~全部都係自己既想法，乜野想法都有啦~
仲有好多係自己想發表既野添~
============================================================================
仆街呀!!老豆又話換電話比我~宜家呢?!!
乜都搵籍口~大佬呀~部電話又唔係貴~
拎部舊電話去，加$250咋嘛~佢又死都叫我拎佢部壞既去換~
喂!!壞既邊個用錢幫你買呀!用唔到人地都用唔燃到架啦~
係咪呀!!宜家兩舊幾水食左你隻車咩!!好燃多錢呀~
用燃哂你成份糧咩?!我又唔係次次出新款都叫你換~
我第一次叫你換電話咋~又唔係貴~我都得好少錢架咋…
你仲叫我出一半!冇野呀~你老婆一個月比幾多錢我呀!!
我有好多錢呀宜家?!換一次電話0者~洗唔洗要你死咁呀~
死推難推，宜家好燃難為你呀?!好麻煩你咩?!仆街啦!!!!
#####################################################
今日考試~我唔識囉~之前明明溫過~都唔係入到腦呀~
點解會唔識!!咁樣係升唔到From 5架~升唔到咁點呀!!
個個都話升唔到就唔讀，我屋企俾唔俾都係一個問題啦呀~
我都想升唔到就轉校架~我屋企俾咩?!我係咪應該要發奮呢?~
2003年06月19日Thu 22:32
>>June 20, 2003 at 6:52:07 AM GMT+8
2003 年 6 月 17 日 星期二 【晴】
親愛既日記：
頂!!無啦啦又要改返朝5晚7，又要寫定，朝早post上黎啦~
好…講下今日啦~今日係考試前兩日，要清locker啦~
今日既堂，根本冇乜點用過書~全部都拎返屋企囉~
唉…今日都頗為悶~堂堂都冇乜野做~econ堂聽筆記，
geog小組討論，其實只係小組傾計，做past ppaper囉~
中文堂小測，測左一堂，測兩課，總分17分，我拎4分，
因為我根本冇溫過書囉~有分都算係咁啦~RS堂，又係聽筆記囉~
悶囉~maths堂，聽返之前聽過既野同埋做改正，不過最白痴，
都莫過於要做兩本full既class work囉，比校長查簿喎~
之後就補課囉，miss一入黎就叫我地背個表，仲以為人人都要默~
所以我咪好比心機溫囉，驚要留低補默嘛，點知出黑板默囉~
我都冇舉手出去寫，之後咁間書囉，之後聽多一陣就比功課囉…
我覺得miss今日係趕時間囉，好早就放我都走啦~跟住咪走囉~
去左食野囉。(唉…但係我feel到我自己呢排肥左好多囉，
搞到我真係唔係好想食野啦~不過…唔食又唔得喎~唉…
但係我唔想係咁肥落去囉~)之後就返左屋企囉~
要等到五點九先去補課…我0係屋企真係悶爆囉~
0係屋企坐到五點半，咪行過去囉~今日補maths呀~
超悶囉~聽到想訓啦~根本0係學校已經聽過阿sir講架啦…
學校個阿sir仲白痴D，起碼有得笑先啦~呢個補習阿sir…
真係勁悶囉~都唔想見到佢啦~仲有一場都冇補到啦~
--------------------------------------------------------------------------------------------------
哈~呢排成日都見到一個小學同學喎，其實兩個月之前都見過佢啦~
不過呢排密D囉，差唔多落親街都見到佢架，去沙田睇戲又見到佢~
今晚睇完人地打波又見到佢喎~我諗佢認得我囉~但係都廢事嗌我啦~
小學就話同佢好熟0者，宜家都勁唔熟啦，都冇見四年啦~
我宜家淨係記得佢叫乜野名囉~其實我有好多小學同學都撞過~
不過大家都唔會打招呼囉~就算佢認得我，都驚我唔認得佢啦!
或者我認得佢，佢都未必認得我啦~都廢事認啦~係咪先~
但係我有少少衝動想約返哂D小學同班同學出黎囉~玩下囉~
但係都冇乜機會啦，都冇哂咁多人電話，妨且都未必個個得啦~
咁就冇意思啦~有好多人我都好想見囉~不過冇咁既可能囉~
++++++++++++++++++++++++++++++++++++++++++++++++
唉…尋晚我睇左"某人"info，覺得個心好唔舒服囉~
覺得有D比人厄既感覺呀，因為一開始有人同我講佢鐘意我，
我梗係唔信啦，但係之後發覺自己鐘意左佢啦，
跟住我睇到佢info，完完全全唔會係講緊我囉~
唉…我都唔知可以點啦~次次都係咁啦宜家，我鐘意0個個人，
0個個人永遠都唔會鐘意我個喎，由細到大都係咁個喎~
唔知點解囉!!我覺得好無奈好無助囉~搞到次次都好似係自己自作多情，
一廂情願咁囉~搞到自己勁唔開心，亂諗野~唉…2003年06月17日Tue21:47
>>June 18, 2003 at 6:36:03 AM GMT+8
2003 年 6 月 15 日 星期日 【雨】
親愛既日記：
今日…冇得去睇shine啦~因為…本身話去睇戲架~
但係最後都冇去到~因為爸爸節D人咪唔得閒囉~
尋晚同醒講左唔去睇shine啦~諗住佢今日會得閒去啦~
點知尋晚話左唔去，佢今日就即刻唔得閒啦~
佢好麻過黎喎，佢唔出街呀~所以…冇得去睇shine啦~
唉…冇得去睇戲…冇得去睇shine…要屈0係屋企一日啦~悶爆啦!!
>>June 15, 2003 at 1:51:17 PM GMT+8
2003 年 6 月 14 日 星期六 【晴】
親愛既日記：
今日…好開心囉~雖然要7:30起身，8:15去到火車站~
要成班人等一個人等左三個字~撻低左三次~但係…都好開心!!!
今日係我有生以黎，第一次踩冰!!好好玩囉~雖然真係好辛苦，好驚!!
不過真係好好玩呀!!起初我都係扶住側邊黎行~之後我都識左啦!!
第一次撻係扶住清黎跌架!!第二次係比清扶住搞到跌架~第三次係自己失平衡跌架!!
只有一次係非常痛囉~之後我都踩得好好呀~冇跌過~冇扶人咁自己踩左幾個圈啦~
不過我以後唔會主動提出去踩冰囉~冇人提意我都唔會搵人去囉~
有人叫到咪去囉~因為我都唔係好鐘意好鐘意踩冰囉~踩左兩個鐘左右，
就去MK唱K啦~我其實唔係好滿意囉~七個人一間房~得0個三支咪~會勁掙咪囉~
D男仔唱得又唔好聽喎~仲要成日插歌囉~搞到我有D歌都唱唔到~
哈哈~真係幾開心囉~因為有好多新歌唱囉~"多謝失戀"啦，"我的爸爸媽媽"啦，
同埋"六樓后座"啦~真係好正囉~同埋唱左幾首舊歌啦~唔錯唔錯~
但係今日0係K房超凍囉~但係閂細左個冷氣都係咁凍囉~因為D唱得…好差!!
今日突然間覺得自己唱歌唱得好好聽囉~可能係因為人地唱得差先顯得我好好囉~
唱完K…咪行街囉~佢地話去影相，咪影囉~點知一影就影左成個鐘啦~
但係我只係用左$20咋喎~不過D相…全部都影得唔靚囉~仲有…
我未試過同D完全唔熟既人影咁多相囉!!影相，又唔想行街啦~
咪同清返去接佢細路放補習囉~接完咪返屋企啦!!
----------------------------------------------------------------------------------------------------------------
哈哈哈~聽日去大中睇shine呀~好開心呀~好耐冇見shine啦~好期待呀!!!
++++++++++++++++++++++++++++++++++++++++++++++++++++++++++++++++++++++++++
今日聽左首歌…我超鐘意超鐘意超鐘意囉~就係S.H.E既"戀人未滿"啦~
戀人未滿
為什麼只和你能聊一整夜 為什麼才道別就又想再見面
在朋友裡面 就數你最特別 總讓我覺得很親很貼
為什麼你在意誰陪我逛街 為什麼你擔心誰對我放電
你說你對我 比別人多一些 卻又不說是多哪一些
友達以上 戀人未滿 甜蜜心煩 愉悅混亂 我們以後會變怎樣
我迫不及待想知道答案 再靠近一點點 就讓你牽手
再勇敢一點點 我就跟你走 你還等什麼 時間已經不多
再下去 只好只做朋友 再向前一點點 我就會點頭
再衝動一點點 我就不閃躲 不過三個字
別猶豫這麼久 只要你說出口 你就能擁有我
為什麼你寂寞只想要我陪 為什麼我難過只肯讓你安慰
我們心裡面明明都有感覺 為什麼不敢面對
我不相信 都動了感情卻到不了愛情
那麼貼心卻進不了心底 你能不能快一點決定 對我說我愛你
>>June 14, 2003 at 8:44:52 PM GMT+8
2003 年 6 月 13 日 星期五 【雨】
親愛既日記：
今日係黑色星期五喎~不過都唔係太過黑仔既~
今朝早冇落雨，所以我都係冇拎遮返學~
但係到放學0個時我好後悔囉~因為又落狗屎啦!!
我地補緊地理，堂仲有四個字就放既時候，出面落雨喎~
我覺得好過份囉~我地唔放佢都唔落雨!!我地冇人有遮囉~
今日係最後一日補課啦~係地理呀~不過今日都唔係好悶~
因為唔係齋聽書~有野做既~又有得傾計，又有得玩~唔錯!~
但係因為出面落狗屋，miss"擔心我地既安全"，到左4:50先放~
不過出面一樣係落緊狗屎囉~我地又冇遮，但係都照走囉~
點都要走架~又唔想留0係學校，咪走囉~淋住雨都要走啦~
哈~呢排成日淋雨~傻哂啦~今日淋完雨都feel就凍啦!!
但係我唔病得架~星期日我唔可以病架!!我有好重要既野要做架!!
就係睇shine啦~因為我太耐冇見過shine啦~星期日點都要去~
就算爸爸節都要去~最多朝早同老豆去飲茶~不晝先去睇shine~呵呵~
但係0個日個司儀唔知係邊個呀!!係阿感就好啦~但係佢星期日好似有節目架~
不過如果係周子駒都好~我會帶相機去囉~不過應該唔影shine~
如果司儀我鐘意，我一定會搵佢影相囉~呵呵呵~如果係周子駒仲好~
搵佢簽埋上次張相~正呀!!
>>June 13, 2003 at 9:11:29 PM GMT+8
2003 年 6 月 12 日 星期四 【陰】
親愛既日記：
哈哈~今日比較無聊~但係我都係有野要寫個囉~
我呢排除左好鐘意周俊偉之外，我都好鐘意楊明呀~
佢係TVB藝人~其實以前一見到佢有電視劇，我都追架~
宜家佢有份做《衛斯理》呀~雖然只係得好少對白~但係都好過冇呀~
佢好似好耐都冇電視劇啦~好鐘意睇佢做戲架~佢做得雖然唔係非常好~
但係佢係靚仔囉~又夠高，把聲又好聽，仲好型添~呵呵~
不過我上過yahoo搵，係冇佢既homapage囉~難道佢冇fans?
唔會呱~佢都好靚仔架~點會冇fans架!!可能只係唔整homepage 0者~
搞到我想搵佢張相擺上黎都唔得添~仲有喎~佢又冇function，
就算有，我都唔知啦~點出喎~點搵佢喎~唉~搵唔到佢啦!!
好慘喎~鐘意佢又冇得見佢!!唉…
>>June 12, 2003 at 10:18:52 PM GMT+8
2003 年 6 月 12 日 星期四 【陰】
親愛既日記：
今日朝頭早冇落雨喎~所以我就冇帶遮返學啦~
點知~到有lunch，我地出去買野食0個時都仲好好太陽架~
點知0係我地買緊野食既時候，出面好似落狗屎咁喎~
勁大雨呀~我地買左野食，冇遮返去喎~勁慘!!
所以我地都冇返學校食，是但搵左個地方食左D野就算啦~
不過0個度真係冇乜人行囉~學校D人一定睇唔到既~
只不過0個度冇咁乾淨囉~我都冇乜野既~不過connie就好唔鐘意囉~
佢嫌污糟呀~我都冇乜所謂啦~一日半日咋嘛~
食完之後，都係好大雨，但係我地都要返學校架啦~咪跑返去囉~
又要兜路入喎~跑多左路呀!!其實我地買完野食0個時，見到個阿sir個囉~
點知佢自己走左去買遮囉~勁cheap囉~之後又見到幾個miss阿sir個個都冇遮~
我地都自己走左啦~呵呵~跑到返學校門口，我地都唔想跑啦~
停左一陣，仲慢慢入去，不過返到去~都要扮下野，跑架嘛~
咪跑入tuck shop囉~都冇乜野呀~好多人都濕架啦~只係個頭亂D 0者~
冇乜野架~之後咪補中文囉~0係hall補呀!!個冷氣吹到我地正囉~
勁凍，最後搞到要吊位啦!!唔錯，D男仔話好熱呀嘛~miss咪吊佢地過去冷氣位囉~
點知佢地都覺得勁凍啦~哈哈~不過其實吊完位都凍架，冷氣都吹到既~
到時4:50 miss先放人走囉…咪返屋企囉~
------------------------------------------------------------------------------------------------------------
一返到屋企，余卓叫我打比肥姿，我先記得…原來今日要補習~
我都唔記得左~所以冇去補到~去左新達行~去左仙跡岩坐囉~
食左D野，飲左杯野，再吹下水，坐多陣…咪行下囉~
勁無聊~之後七點左右咪上去拎份note，跟住咪走囉~
今日肥姿問左我一個問題~我即刻答到喎~其實呢個問題我尋晚諗過架~
我諗左好耐都諗唔到~不過個問題始終有少少唔同~
我尋晚係諗~我究竟鐘意邊個!但係今日肥姿問我既~
係覺得邊個好D~不過其實兩題既答案都係一樣呀~
哈哈~太好啦~呢個問題我終於知啦!!不過我鐘意都冇用呀~
又係咁，次次都係咁，我鐘意人~唔知0個個人鐘唔鐘意我~
我唔知點解次次都係咁囉~唉…
>>June 12, 2003 at 10:05:58 PM GMT+8
|
|
|
';};
//-->
廣告 |
|
|
讀者留言 |
| 路人留言
|
 仲有買鞋呢 唔記得打呀！！！！！
>>January 4, 2005 at 6:44:07 PM GMT+8
好耐無見啦~
<br>我第一次黎
>>October 31, 2004 at 11:32:27 PM GMT+8
hihi睇到我個留言會唔會好有驚
>>October 30, 2004 at 12:57:31 PM GMT+8
婷婷”
<br>回左信比我未呀？
>>September 18, 2004 at 9:23:49 AM GMT+8
覆朱芬：
<br>哈～乜你唔知我
>>September 15, 2004 at 9:44:27 PM GMT+8
ｈｅｙ．．．
<br>你日日都有
>>September 15, 2004 at 5:56:04 PM GMT+8
唔．．．．等我諗清楚先啦！！！
>>September 7, 2004 at 1:49:56 AM GMT+8
覆老公：
<br>又話唔厄我！
>>September 7, 2004 at 1:47:51 AM GMT+8
o下．．．．冰水黎ga．．．．
>>September 7, 2004 at 1:47:09 AM GMT+8
覆老公：
<br>飲冰水飲大左．
>>September 7, 2004 at 1:39:29 AM GMT+8
係咩．．．．有講過咩．．．．
<
>>September 7, 2004 at 1:38:31 AM GMT+8
覆老公：
<br>ｅ～～今日你先
>>September 7, 2004 at 1:36:29 AM GMT+8
算啦～你而家都唔想喊ga la～
>>September 7, 2004 at 1:33:44 AM GMT+8
覆老公：
<br>我係你面前唔忍
>>September 7, 2004 at 1:29:44 AM GMT+8
你想喊就唔好忍～
<br>如果唔
>>September 7, 2004 at 1:26:35 AM GMT+8
覆老公：
<br>老公呀～我都冇
>>September 7, 2004 at 1:23:33 AM GMT+8
唔會ga la 你唔好諗咪得囉~
>>September 7, 2004 at 1:20:14 AM GMT+8
覆老公：
<br>我攬住你都好舒
>>September 7, 2004 at 1:14:00 AM GMT+8
攬住老公，不過老公又訓緊，都唔想
>>September 7, 2004 at 12:13:04 AM GMT+8
覆老公：
<br>你一定係想早ｄ
>>September 4, 2004 at 8:27:27 PM GMT+8
老公打黎，
<br>問我出門口
>>September 4, 2004 at 12:05:16 AM GMT+8
你會考d節目仲咁fully ge
>>May 16, 2004 at 8:13:50 PM GMT+8
..係朝頭早4:00..定還是係
>>August 30, 2003 at 6:36:30 PM GMT+8
WA~你日日都咁多姿多采gei~
>>August 27, 2003 at 11:00:33 PM GMT+8
乜你有咁多ｆｄ呢排生日嫁．．．
>>June 24, 2003 at 2:34:49 PM GMT+8
覆sheron~
<br>尋日係
>>June 19, 2003 at 8:27:33 PM GMT+8
點解我睇唔到ｄ日記ｏ既？？？
>>June 19, 2003 at 2:24:28 PM GMT+8
重覆左日記呀~
>>May 25, 2003 at 9:55:14 AM GMT+8
嘩～你好懶喎～
<br>做咩日記
>>May 25, 2003 at 9:54:06 AM GMT+8
支持你呀..
<br>個男仔一定
>>May 11, 2003 at 9:11:39 PM GMT+8
sorry~
>>May 10, 2003 at 2:11:50 PM GMT+8
呀呆～你想知ｄ咩呀～？？
>>April 24, 2003 at 9:49:56 PM GMT+8
你梗係幾好啦～～
<br>因為今
>>April 23, 2003 at 9:37:58 PM GMT+8
雖然我放假
<br>但係我就一d
>>April 16, 2003 at 10:43:30 PM GMT+8
佢請你睇呀??
>>April 15, 2003 at 11:19:25 PM GMT+8
我覺得跟蹤你最好聽呀！！！
<b
>>April 10, 2003 at 10:53:30 PM GMT+8
今日天氣好好，好凍~
<br>
>>April 3, 2003 at 9:44:50 PM GMT+8
am.....
<br>漫畫..
>>March 23, 2003 at 3:54:58 PM GMT+8
幾好呀~
<br>不過...個女
>>March 19, 2003 at 12:20:34 AM GMT+8
你d日記日日都咁多咁長~
<br
>>March 12, 2003 at 4:59:07 PM GMT+8
原來你有睇過我d日記ga~
<b
>>February 11, 2003 at 5:27:18 PM GMT+8
<font color="#cc
>>February 5, 2003 at 12:31:32 AM GMT+8
幾好丫個日記～
<br>不過唔好
>>February 4, 2003 at 8:17:24 AM GMT+8
HiHi~
<br> 新年快樂!
>>February 3, 2003 at 11:58:12 PM GMT+8
|
|
人氣: 19520
Design & Scripting by ShowHappy.Net
|
親愛既日記：