2004 年 2 月 14 日 星期六 【晴】

今日都要返學呀～補ｍａｔｈｓ～不過都唔係好慘～
阿ｓｉｒ要我地做ｔｅｓｔ囉～我都唔識～又睇人囉～做完ｔｅｓｔ～
放左個勁短既ｂｒｅａｋ～派左朱古力囉～都唔夠派～都唔係個個有～
但係我都收到幾多朱古力啦～幾好呀～之後講書囉～佢地好多野講囉～
勁好笑呀～阿ｓｉｒ又同佢地顛喎～又唔鬧佢地～到左１２點就放我地喇～
不過又要做好左條數先走得～之後又比左粒朱古力阿ｓｉｒ～點知仲有一粒～
比ｚｗａｉ搶左囉～不過唔緊要啦～之後落去搭車啦～老公又黎接我啦～
佢比我果隻介指終於都整好啦～佢比左我，不過有少少鬆囉～
之後返左屋企換衫～跟住又去左老公屋企～到左６點左右就出去囉～
買左飛睇戲呀～買左７點２～我地７點半左右先去到～不過仲有人遲過我地～
我地睇＜花好月圓＞，都幾好啦～但係都有ｄ悶～我有少少想訓～
不過都有野笑既～睇完戲９點，出左ｍｋ～諗住食野啦～到到都好多人等～
咪行下先囉～不過周圍都係人～終於我地去左元禾食～仕食果ｄ囉～
勁正呀～有甜蝦呀～勁鐘意食呀～食左好多呀～不過老公食左好少就話飽囉～
以前都唔係咁架～以前食極都唔飽架～今次食左好少野就話好飽～
仲話乜都食唔落添呀～但係我就食左好多野喎～可能我成日食左勁少野～
又係日本野，我咪勁食囉～勁鐘意食～食食下，媽咪打黎～話佢同老豆係油麻地～
問我走未～走就同佢地一齊走～不過我又食緊野喎～咪唔走住囉～
食完之後又行下～諗住去銀城影相啦～點知又勁多人喎～之後又過左去新之城～
果到唔係好多人～終於都影左喇～本身老公都唔肯影架～好彩最後都影左～
都幾靚呀～一ｄ都唔樣衰～不過之後畫野～好失敗呀～老公又唔識點畫～
咁我一個人就畫唔哂架啦～所以都畫左好少野～我終於都記得我個日文啦～
寫左落去呀～哈哈～影完相去左買野飲啦～點知一睇個鐘，嚇死～
１２點半～老公可能冇車搭返去呀～之後我地去左巴士站啦～
點知又見到架２７１岩岩走左～以為仲有啦～點知我地等左好耐都冇車黎喎～
行左去另一個站睇時間啦～點知．．．最後一班車係１２點９開左囉～
果時已經係１點幾啦～之後老豆打黎～問我返未～我話冇車搭啦～
佢就教我點搭車啦～行左好耐先搵到果架車囉～仲要勁多人等喎～
等左３架車先到我地呀～２點３先上車呀～果時都諗緊老公冇車搭返屋企點算架啦～
同老豆講左～佢起初叫老公訓街～不過係冇可能架～我又問佢多次啦～
佢叫老公上黎屋企做廳長囉～勁開心呀～老公唔洗訓街啦～我地３點左右先返到去～
老公又話要洗頭喎～之後我又洗埋白白～出到黎我又睇＜流星２＞，
老公又話好眼訓喎～我一路睇佢就一路訓～我睇到４點半就去訓啦～
問老公要唔要被佢又話唔要～點知夜左又好凍喎．．．

>>February 16, 2004 at 9:01:00 PM GMT+8

2004 年 2 月 13 日 星期五 【晴】

今日又係咁啦～又唔係好願起身～不過又要起身啦～
今日好乜暖囉～今日咁岩又有ｐｅ堂～正呀～唔洗凍～今日我又包朱古力啦～
之後又食左個麵～超飽～仲好暖添～不過落到去，又好似有少少凍～
但係去到大學又暖返哂～番到學校，過去集隊．．．又唔見阿君囉～
佢又唔係到啦～唉～今日有２堂ｈｉｓｔ囉～佢地ｌｕｎｃｈ又要默書～
唉～都唔知點算～一定悶死啦～不過好彩～第１堂佢就番左黎喇～遲到囉～
搞到我幾驚呀～之後ｒｅ堂～做剪報～好難做囉～都唔知可以寫乜～
佢仲話當ｍｏｃｋ分添呀～之後ｐｅ堂～今日做體力測試果ｄ呀～勁累～
仲有時間剩～佢又比我地自己玩～我地幾個都想玩雷球囉～之前玩過，好正～
今日ｍｉｓｓ又係重新教過～因為上次係"大灰熊"教架～佢都比埋支雷球棒我地玩架～
今次ｍｉｓｓ　ｓｏ又唔比埋我地～要我地玩接波咋～之前都識哂啦～
不過都幾好玩啦～但係好快就夠鐘啦～之後就去換衫啦～阿君痴線架～
同人講我同佢差唔多大喎～叫阿清對比下我同佢"果到"呀～我梗係死都唔比佢睇啦～
低能架～成日話我大～傻架～！都唔知有乜咁好～之後英文堂～
又係做ｏｒａｌ～聽ｍｉｓｓ解釋果時好眼訓囉～我又訓著左呀～訓下又醒下～
又驚比ｍｉｓｓ睇到～費事訓得咁明～之後放ｂｒｅａｋ～我先訓～
不過佢又訓得果一陣～都唔夠訓～醒左之後又做ｄｉｓｃｕｔｉｏｎ～
我都唔明～都唔知ｍｉｓｓ講過ｄ乜～都唔知有乜講～到左ｌｕｎｃｈ～
佢地默書～我又同左君落去坐～我又係冇野做～之後ｇｅｏ堂～又係咁囉～
最後２堂ｈｉｓｔ～我又唔知做乜好囉～落去傾計囉～之後又好眼訓喎～
我又訓左喇～放左學～又要補ｒｓ～又係做題目～好無聊～又掛住玩～
之後５點７左右走啦～返到屋企又食左個包～７點又食飯～
今日ｌｕｎｃｈ上到課室～人人張台都有粒朱古力～原來係ｍｉｓｓ黃比架～
仲一人一張卡仔～仲有埋名添呀～我地平時咁嘈～又唔聽佢講～
佢又成日嬲都鬧我地～估唔到佢都比我地呀～仲勁有心機整得勁靚添呀～

>>February 13, 2004 at 10:11:34 PM GMT+8

2004 年 2 月 12 日 星期四 【晴】

今日好唔想起身呀～本身我５點半起左身啦～
點知，我又睇唔清楚個鐘～以為好快就６點～我就唔諗住訓返啦～
驚訓左唔願起身～點知等左好耐個鐘都唔響喎～咪望下囉～～
頂！～～５點半～咁早～我又訓返喇～到左６點，個鐘就響喇～
我就唔願起身喇～訓囉～訓到踏２～見到個鐘踏２先捨得起身呀～
之後我就整朱古力囉～食左個包就出門口ｌｕ～番到去好驚囉～
勁驚君唔番囉～好彩佢都番左～之後就好無聊囉～今日果ｄ都係無聊堂～
好快就放學啦～佢地ｕｔ～我同君咪走囉～我又買朱古力啦～窮爆～
好快就返左屋企啦～又整朱古力～不過又好好玩喎～哈哈～
今日媽咪唔係屋企食飯～阿麻整果餐飯．．．真係．．．到左１１點幾咪訓囉～

>>February 13, 2004 at 9:20:24 PM GMT+8

2004 年 2 月 12 日 星期四 【晴】

ｂ禧日記：
今日 星期四 返八點半 我教左鬧鍾七點 不過我三點幾已經起左身 之後一路冇訓過 諗住又訓唔著一陣訓左又唔願起身 之後係到聽歌 打機 玩到七點 就出去洗頭 換衫 之後我老豆又起埋身 唔洗同佢爭廁所 七點半 大賢就打黎 問我坐唔坐 火車 我話唔坐 之後就成日都唔見佢．．．．．返到學校八點二十五分 之後食埋個早餐先上去啦 點知上到去都仲未開門 等左陣先有人黎開 入到去 就開始做野 做做下係到同俊 傾緊計 之後佢又非禮我 之後我仲要比呀sir話 仲要我自己一個坐．．．勁無奈 上完堂 之後又去左唱k 一路唱 一路玩啤牌 唱到兩點 之後呀寵佢走左 我地就落下面打機 又係到睇呀豪 彈琴 佢彈到好似李雲迪上身咁 玩到二點半先走 返到去遲到 個吳表銳仲計埋我地遲左十八分鐘 勁白痴 之後我同呀榮落左去 咬豬扒包 勁好味 整豬扒包個呀姐 又叫我呀妹．．．．我叫佢 比多舊吉列豬扒比我 又唔肯 日日都幫襯佢買豬扒包 日日都叫佢靚女ga la 都唔肯(-_-|||) 食完之後 返上去 又係到自拍 影左好多張 好攪笑 玩玩下 吳表銳叫我地唔好影 又唔係影佢 之後講講下 又講到佢 舅父 又話佢舅父西藏唔知咩獨立咩 死白痴 佢舅父 係咩西獨又關佢差事 無啦啦係到講 托咩 又話係學校入面有48個老師 有2個% 係壞份子 又話佢自己係過2個% 笑死 佢唔講都知啦 一睇佢個樣 就知佢係壞人 佢一定係過2個%啦 上完堂之後 我同呀榮 俊 鋒去又一城買 戲飛 去到之後 呀榮同呀俊 買左$100 我就用左$110 佢地用一張學生証 可以買兩張學生飛 我買飛過個肥婆又唔肯 勁乞兒 十蚊都要呃我．．．．買完之後 就返屋企～
今日見到呀寵唔知點解覺佢好慘 個個都驚左佢 希望佢快d 好返啦 唔洗成日係到捉虱 做番隻 普通既忽忽啦～

>>February 12, 2004 at 9:25:25 PM GMT+8

2004 年 2 月 11 日 星期三 【晴】

今日暖左好多呀～不過我都好期待夏天呀！！
今日過得好無聊呀～係英文堂訓左一陣囉～好快就放學ｌｕ～
我星期１話今日同ｃｏｎｎｉｅ去買野既～放學果時，
佢又話搵唔到佢老公～咪叫我同佢去新港城囉～本身我都唔想去架～
咁佢今朝先話寺沙田架ｍａ～不過鬼叫我星期１應承左佢咩～
去新港城咁近咪去囉～不過阿君又話唔去喎～咪卵周ｃｏｎｎｉｅ去囉～
佢好多野要買呀～兜左好耐～又搵唔到ｄ朱古力模喎～咁咪買左朱古力先囉～
之後又話要買野比佢老公喎～不過又睇左好耐又唔岩喎～又話呢樣唔岩，
果樣唔岩～終於都冇買到～因為我陪佢買野～佢請我食野呀～
食左哈迪斯呀～不過又係炸野～但係真係好好食～食完就落去搭車啦～
一落到去就見到架車喇～返到大埔，咪拎左尋晚影果ｄ相去晒囉～
食完飯咪落去拎囉～唉～又係影得唔好～ｂ女果ｄ．．．又係好曚～
佢幫我晒左一張ｂ女出黎～其他都係我～仲有張老豆既～佢影到好核突呀～
仲好好笑添呀～我都有張好核突，掉左ｌｕ～實左太核突啦～
其他果ｄ咪貼係人地ｄ紀念冊到囉～

>>February 20, 2004 at 10:24:04 PM GMT+8

2004 年 2 月 9 日 星期一 【乍雨乍晴】

唉～尋晚１２點入左房諗住訓啦～點知又訓唔著～
成點都仲未訓著，勁慘～今朝６點又要起身喇～幾唔想郁呀～不過又唔得呀～
一離開張被，真係凍到爆呀～又要用凍水洗面，簡直想死呀～凍到死呀～
之後諗住訓下啦～點知又有少少肚餓，想食埋野～食左個包囉～
之後又執埋書包～搞到踏７，終於都可以訓下啦～訓到踏１１，老豆出門口，
我就起身啦～７點２就出門口喇～落到去樓下，好明顯比前幾日暖左～
不過都係好凍～今日又係搭冷氣巴～好正囉～因為老公話ｒｏａｄｓｈｏｗ有ｓｈｉｎｅ睇呀～我死都要坐ｄ位有得睇電視～哈哈～估唔到上左車～播左幾個ＣＭ～
就做果個節目啦～好開心喎～又見到ｓｈｉｎｅ啦～不過坐下層聽唔到聲囉～
都算好啦～都有得睇～下次一定要坐埋上層，聽埋把聲～岩岩好呀～
一做完個節目就落車啦～今日唔知點解條馬路好多車呀～好難過去囉～
今日咁凍，估唔到都要集隊呀～返到去，坐左一陣～覺得有ｄ不祥感覺啦～
過到去集隊，就知道自己覺得乜野咁不祥囉～原來係阿君唔返囉～
上星期５佢已經冇返架啦～我星期６都已經講到明今日有ｈｉｓｔ堂～
叫佢一定要返啦～佢都唔返～我冇野好講啦～對佢好失望囉～
第３堂就係ｈｉｓｔ啦～又要自己一個落去啦～唉～都唔知做乜好～
ｃｏｎｎｉｅ叫我幫佢抄英文～咪幫佢抄囉～好快就抄完啦～勁無聊～
咪寫下歌詞咁囉～好彩得一堂咋～如果唔係都唔知點算呀～之後英文堂～
好眼訓囉～一放ｂｒｅａｋ就訓著左ｌｕ～放完ｂｒｅａｋ都唔知呀～
ｌｕｎｃｈ仲慘，佢地又ｄｉｃｔ，我咪唔走囉～係到做下功課囉～
做左一條ｇｅｏ～之後咪落左去排隊囉～放學又ｕｔ～ｍａｔｈｓ呀～
我又唔識啦～睇左阿啤幾條囉～到左５點３咪走囉～之後同左清去買野囉～
６點半就返到屋企啦～聽日又有２堂ｈｉｓｔ～阿君唔返我都唔知點算呀～唉～

>>February 17, 2004 at 3:02:43 PM GMT+8

2004 年 2 月 9 日 星期一 【晴】

ｂ禧日記：
今日返9點半 7點45左右 起左身 之後就開水 洗白白 洗完之後 食埋炒飯就出去 返到學校 本身諗住做功課啦 因為 我做左咁耐 先交得一樣功課 成日掛住 整自己d野 之後諗諗下個設計圖又唔知點整好 之後又冇做 之後諗住問呀sir 拎d銀黎整返隻 細d 既戒子比老婆戴啦 點知 有得將大過細 整細d 之後 咪冇開料 比左大過隻 呀sir 整細佢 之後呀輝又話想食野 落左去 同佢地去廁所煲煙 之後就落左去陪佢食野 佢係到食 我咪同呀聲傾計 上到去 羅ｂ偉 又叫我地過去 過到去 見到強哥 之後佢話我冇戴眼鏡好似卡通人物 (-_-|||) 無奈 之後羅仔講返上星期四d野 又係過個吳表銳．．．．煩 今次攪到要見系主任 之前我都有份 不過今次冇我 得呀榮 同 大賢有事 羅仔叫我地寫返張野 話對 吳表銳既意見 之後個個都係到寫 之後 我地去睇蕃薯寫乜 佢係到寫埋d九唔搭八既野 比佢笑死 之後 問蕃薯去唔去唱k 之後佢話去 之後寫好 返過去做野 返到去做左一陣 呀sir 又話落堂．．．．成日都早半個鍾落堂 d人成日都唔捨得走 我又未整好 又未放落 攪珠機到攪 之後就要走 之後過去 隔離鍾表 搵佢地去唱k啦 點知 蕃薯 唔見左．．．．．又冇得聽佢唱歌．．．．．之後我地過九龍城唱k 有d就去打機 我地唱返d 舊歌 勁好聽 之後唱完 就返學校上英文 勁唔想上 勁累．．．．一返到去 就見到蕃薯 剪左頭髮 笑到我死 之後上到一半 呀sir 比個break我地 之後又去廁所煲煙 之後蕃薯 走左入去傷殘人士個格 之後 比強哥拎個垃圾桶 車左入去．．．．．．之後佢去都未去 就走返出黎 我本身玩緊自拍 見到蕃薯入去 諗住影佢ga ma 點知佢又走左冇去廁所．．．．之後我地又落左去 食野 之後 呀寵走去攬住呀聲 呀聲又捉住我 e+個個都驚左呀寵 佢d 皮膚病越黎越勁 我仲見到佢 出血 ｅ核特到爆．．．．．．．之後食完返上去上堂 落左堂 同大賢 菠蘿 坐火車 之後我去到小巴坐上小巴見到 雞Lee 仲同佢一架車．．．冇見咁耐仲係咁靚 之後同佢傾左幾句 我又坐前面 佢又坐後面 又廢事另轉身 之後就冇野講 之後就返到 屋企 勁累 又冇晒d 眼藥水 洗con．．．之後唔理佢 換返眼鏡 等我呀媽buy 之後拎黎用．．．．．．聽日呀女麻　呀爺 去我大姑媽到 聽日冇飯食 又要自己食自己．．．

>>February 17, 2004 at 3:02:02 PM GMT+8

2004 年 2 月 7 日 星期六 【雷雨】

哈阿君竟改左＜獨照＞ｄ歌詞，都幾好聽，我都有份改～不過低層次左ｄ囉～
只要我們幸福　我什麼都不顧
因為我只愛著你

＊每次我想逃脫　你總會在我旁
溫柔的擁抱著我　

我很幸福　擁有你
不再絕望　教我不再孤獨

＃希望你永遠在我身旁守護著我
就算　到了盡頭　世界毀滅　愛從未熄滅
我們的回憶　每天都甜蜜　每刻都美好
因為你每事也為我設想　永遠愛著你（忘了自己）

Ｒｅｐｅａｔ＊(＃)

喔～　愛你從來未想過要回報　
不怕為你付出　受盡傷害　作了什麼事都不分開

Ｒｅｐｅａｔ＃

我們在海邊擁抱　彼此也確認了對方　你就是我唯一

>>February 7, 2004 at 10:37:13 PM GMT+8

2004 年 2 月 7 日 星期六 【雷雨】

今日又補課啦～又落雨～好凍～一早７點半起身～洗左頭～
又趕唔切食野喎～冇食野就出左去喇～落到去隧道～有人賣旗～
仁愛堂架～我又買左啦～好耐都冇買過旗啦～哈哈～今日終於買左啦～
唉～又落雨～去左學校都係咁凍～凍到死死下～又唔洗集隊～上左課室～
今日阿晶冇番～阿啤又比怪獸叫走左～ｋｉｋｏ又死都話要坐車匙隔離～
咁我隔離咪冇人囉～勁唔鐘意喎～所以我坐左去前面～坐左係女班長隔離～
不過另一邊係火雞～都好呀～好過坐ｋｉｋｏ隔離呀～今日對ｕｔ～
我３３分～不過唔記得幾分滿分ｌｕ～都好啦～唔係好低分～
之後放ｂｒｅａｋ，我勁肚飽喎～咁婷婷有包餅啦～比我食剩一塊～
講完ｕｔ～又有野玩～佢話頭２個做完有獎～ｏ～我第３個呀～
不過係我班第１個～都冇獎啦～到左１２點咪放囉～勁凍～
凍到打哂冷震咁囉～不過婷婷同ｃｏｎｎｉｅ又話要等人～君又話要搵佢老公～
我咪又係自己一個走囉～不過我地走之前，睇左份報紙～係講喇唦打人果單野～
一路睇，一路同阿君講李興貴成日都有呢ｄ野～成日上報紙～又講開我識喇唦４個人～
竟然比ｃｏｎｎｉｅ話．．．冇野好講啦～不過佢地．．．都抵既～
而家咁都冇辦法啦～傾左一陣就走喇～又見到家瑩～本身清叫我陪佢去穿耳既～
我又唔想去～佢咪冇等我～我咪同家瑩走囉～又落雨～勁煩～
之後返到屋企～又話煮左飯，叫我食～咪食囉～橫掂我又肚餓～
不過好快我就食哂喇～又要出去ｌｕ～好凍～去搭ｂｕｓ啦～點知又勁眼訓～
我訓著左喎～到我一醒，岩岩得落車～叫左老公出黎囉～我真係好累～
好似行唔郁咁～行得好慢～去到老公屋企，又係睇電視囉～我又唔記得睇佢ｄ相喎～
不過我有一排好鬼凍～打哂冷震～但係比老公攬住又唔凍囉～好暖～好舒服～
到左５點半左右走囉～老公又叫我請佢食野～食左ｄ炸野～ｓｕｉｔ！～
我又唔記得我生緊暗蒼～死喇～～之後又上左零食物語睇下有冇野食啦～
點知又睇左好耐喎～最後都買左２盒朱古力～跟住返屋企～勁凍！！好想快ｄ夏天呀！！

>>February 7, 2004 at 10:26:44 PM GMT+8