2002 年 12 月 14 日 星期六 【晴】

今日冇番工~因為我有個表妹生日,所以去天水圍食飯~今朝一早就番童軍集會,哈哈~我遲到,仲要冇咩人番,順便諗住搵埋amy食野~不過佢家姐lisa姐我就見到~之後好快就同阿lam去左打"頭文字d",好多人,又要跟機,之後冇打,去左食野先,傾下計~原本lisa,呢個係ivan gf~唔聲唔聲,0岩0岩考左車牌啦喎~哈~之後我,肥仔,ivan同lisa一齊傾下d渣車經驗~好攪笑,阿lam就慘d,冇咩講~小明呢個人不嬲都冇野講ga啦~仲有一個係新隊員,冇咩講野~.~食完野又同阿lam去跟過機,今次係"寶聲"有得玩~煲左$40,之後我就自己走先,我由觀塘搭269c入天水圍~點知一搭就1個鐘頭15mins,唉~諗起apple同angela每day都要來回番學,心都酸呀~.~咁入到去,一落車~準備上去個陣,有個表妹就打黎話要我陪佢地玩,落到黎又係咁扯,拉我玩"何仔公",是但啦~又係咁陪佢地顛,不過我不嬲都顛ga啦~heehee^^好玩喎~到上去啦~又打邊爐,睇下電視咁,係law,又1day lu~

>>December 16, 2002 at 3:39:13 PM GMT+8

2002 年 12 月 13 日 星期五 【晴】

今日一起身冇咩野做,上陣網,食埋飯就番工lu,搭地鐵個陣撞到彭德偉~同佢都幾耐同學lu,小學,中學,大專都同佢一間學校,都幾有緣~不過可惜唔係太熟,但係知有呢個人,同埋大家都識ge~佢今年玩學生會ma,同佢傾開,話學校攪christmas ball,問我有冇興趣~都傾左好多野~之後番工仲正,今日成day都企係英姐個邊個counter,勁好玩,又有野食~開左一陣鋪,就撞到祥祥,過多陣仲撞到billy,阿英仲影左佢tim呀~哈哈,仲有小強17:45左右過黎出糧俾我tim~yeah~好兄弟~佢要等肥仔喎~點知攪黎攪去等到成8點幾先走~好慘~陪左我地咁耐~.~19:00左右阿ken,阿山過左黎買digital cam,我介紹阿ken買,所以至平價買到~本來阿山都話買,但佢去左第2間買~等我仲帶佢過去"鐳射"個面,我個fd個度~最後都係去左第2度~是但啦~俾我都擇平ge買啦~之後收工~約左阿lam"打頭文字D",因為出左2代,諗住買張新card,點知黃大仙間cheap野,一樣出舊card喎~仆街呀><都玩左幾鋪~好玩~阿英就打鋼琴機,都好鬼勁ga佢~打左1個鐘就番屋企lu,總括黎講~我呢份工真係好正好free喎~哈哈

>>December 14, 2002 at 4:28:27 PM GMT+8

2002 年 12 月 12 日 星期四 【晴】

今朝英文presentation,我覺得自己都做得幾好丫~at least有eyes contact,聲線夠同埋唔悶~係law~食lunch開班會~落實左christmas有function~哈哈^^仲見到阿鳳佢條友走堂,係canteen成班21201-2B係度睇notes,唔上堂,依家都唔知d學生點ge,有堂唔上,要自修~攪鬼???moreover阿鳳都係有打我ge!!!跟住落左去食車仔noodles~都ok好食$15, 3樣野加豆漿~祗食喎^^之後去打機,入去之前,amy打黎問我係咪係california's gym member喎~我唔係喎~佢話佢收到電話,話佢有個fd入左會,寫左amy係"益自己友",俾6months免費會籍佢喎~amy佢就問我lu~可惜唔係呀~哈哈,跟住梗係繼續煲:頭文字D"啦~好玩^^then番學校lu,因為14:00影班相~勁攪笑,原來唔駛正經影ga喎~笑死^^唉~影完又要上c.s.堂,不過今堂係ftp拎番個files落黎,lost左d files,做唔到d野~之後又跟唔到,咪唔聽law,落左去櫃員機轉賬,係for游泳教師會ge,大拿拿咁就冇$3200 law~唉~.~仲要copy張收條tim~一陣寄^^上到去聽多陣都落堂lu,咁山山又趕住去補習,點知俾我同太后夾住左佢,唔走得~哈哈,最後佢都係要同我地一齊走~wo~ho~番屋企lu^^

>>December 13, 2002 at 11:57:19 AM GMT+8

2002 年 12 月 11 日 星期三 【晴】

今朝冇番mfs呀~好眼訓ma~.~番左pmp,仲要係discuss緊點design個paper bag^^好玩!!!但我係飛的士番law>,<之後放學lu,留左係學校食飯,好難食>,<之後梗係打波啦~打到16:00左右,阿ken唔知點樣碌左個排波過basket ball場,點知中專上緊PE堂個條金毛細佬,一野超大力掉番個波番黎,阿ken咪怒啤條友law,咁就開始口角lu~咁我咪按住阿ken law,何必為呢d唔識死ge細佬仔嬲怒呢?講真始終都係師弟~跟住條友仔自己走左喎!驚掛~再過多陣~我地都走lu,一大班人出左尖咀,首先同issac去左金星打頭文字D,妖呀~諗住同佢對打ga ma~點知玩左3局都唔得~後尾先發覺個2部機冇connect ge! pkpk咁本來約左cherry一齊睇戲ge,但係都成18:00,英文tomolo又要presentation,咪唔去law~sorry呀~cherryT_T咁之後過左"利時"同"百利"睇下野,跟住又一大班人去左ice-fire上層個間買second hand shop到睇衫褲,係呢個時候,太后拎左件啡紅色"張國榮"style ge長皮褸俾阿基著,我又借左我副"超"俾佢wear,仲幫佢反埋領,我地有帶digital cam,幫佢take左好多張相,佢真係當正自己係明星咁擺post~嘩哈哈哈哈哈哈~笑到我肚痛呀^^^^之後攪完一輪屎棍之後都走lu~好開心back home^^

>>December 13, 2002 at 11:38:28 AM GMT+8

2002 年 12 月 10 日 星期二 【晴】

今朝太后竟然自動打俾我喎~勁呀~佢問我做咩唔叫佢起身~咁我諗住你地尋日玩咁夜,唔嘈妳sleep之ma~哈哈,咁上第一堂係ill,又要畫~一開始對住塊鏡畫自己對眼~之後畫頭,之後溫sir俾左個裸女素描俾我地照畫~heehee~之後上photo,好悶,好耐未試過聽耶穌~sunny係咁講~我相信有2/3同學係呀周公個度上緊堂~係law,後尾都好d,有電視睇下d攝影技巧,好辛苦咁挨過左呢堂~但係落堂走個陣,諗緊幫唔幫阿瑩手拎番photo room d相,但佢發我皮4,cut我line,有d興~都未出到聲話幫佢就...><
跟住back home lu,但今晚會約曬成班童軍fd,幫阿Lam補番生日,去ivan屋企打邊爐~哈哈~呀Lam又係住黃大仙ge,我特登約佢遲d,因為班友仔肯定會遲大到,我地18:40去到觀塘,遲左10mins,但最後都係要等到19:00law,唉-_-!去到太古,諗住去打鋪頭文字D先,但係我打完俾阿茶同太后呢2個香港人之後,都冇機鋪law~車~仲開始落雨tim呀!後黎上左ivan屋企,勁好玩~打邊爐係我最拿手ge~搶呀~食到勁飽~哈哈,咁係咁,係咁玩,嘈左幾耐,點知有管理員上黎喎~俾人投訴太嘈~唉~仲前後2次tim~好玩ar ma!!!跟住同呀Lam切蛋糕~哈哈~本來諗住切ge,但最後已經係每人拎支叉,狂搶law,白痴ga!!!,魷魚仲俾我地整左一"pat"草莓jam係額頭~笑死~紅左一"pat",爆缸咁,仲係咁影相tim^^後尾4個人玩骰盅,輸左要食一碗野~嘩,我食左成3大碗~飽到pk~最後23:45左右走lu,tomolo need to go t sch ma!勁開心呀~今日^^

>>December 13, 2002 at 11:15:27 AM GMT+8

2002 年 12 月 9 日 星期一 【晴】

今日朝早都冇問題,仲撞到阿茵,同佢講左生日快樂tim^^,係喎~唔緊要啦阿茵~我都上堂上到17:30,但食完飯,上epp個堂,有d野唔係咁高興,但唔想講~總之,我想唔識尊重人ge朋友~上堂時上堂,遊戲時遊戲,唔好做緊正經野個陣串串串~大佬呀~我冇得罪加冇叫您搭訕ga!!!咁到design堂個時都幾好玩,bolton開左8首music俾我地聽~話要根據番首歌ge節奏,draw番d野出黎,幾好feel ga喎^^亂畫
之後放學啦~又打排波,扛到成19:30先走,中間仲拎左2個蛋糕俾名win,食左^^,又出左去玩number波,係law,玩完咪走law,冇同佢地去打邊爐呀~冇錢呀ma,同埋聽晚又同阿Lam佢地打~熱氣死呀~仲有今日件事,攪到我冇咩mood~,唔啦~番屋企睇電影好過,不過今日iCare連唔到line呀~打去Service Center話搶修緊喎><上唔到網!!!

>>December 11, 2002 at 7:17:25 AM GMT+8

2002 年 12 月 8 日 星期日 【晴】

今日又要番學lu><上photoshop又學左樣新功能~勁呀~依家我已經可以整到d相出神入化~哈哈~但係再學下先~可能仲勁d^^,之後上design leture,爭半個鐘落堂個時~miss叫我地分組,鍾意邊隻色就一組~唉~成120人,玩埋d咁ge野~之後同左broken,cherry,阿win,winnie,流行出左去打排波lu~^田^
點知走個陣,broken放個波落winnie朵帽度,winnie一野掉走左個波唔理喎,仲叫我執番tim,我采佢都傻,走得快好世界,之後我入去拎番個袋,同broken即刻出番去執番個波,鎖番入locker,就扮唔見左個波啦~哈哈哈^0^跟住落左翠屏健一小廚食lunch,唉~落左order之後,超勁耐先黎,攪到普通話堂遲到~最慘係miss wong發曬脾四~唉~我都俾佢係咁插~唉~仲話我成日遲到~但我好肯定話俾佢知,我上2次都冇遲到law><我都有d興,不過算啦~王老師一向都勁好人,今次佢都有佢ge理由ge-_-!冇呀~之後放學lu,上得個半個鐘~咁broken今日要上學校個d短期體育課程,佢話叫埋我做gym喎~咁咪是但law,上到去梗係咩都努舉啦~broken同我鬥"蛙"艇機,佢輸左,一杯ice-cream俾我, billy同我鬥單車機,又輸左,又一杯ice-cream,哈哈哈~勁好玩,又舉鐵,今日仲話11-15度,成身都係汗喎,之後玩左成個鐘,走個陣仲撞到yuki,samuel,阿鳳tim~跟住出左去join番太后佢地~買禮物俾阿win ma~聽日佢生日,哈哈~仲有太后又要影相,交photo d功課,佢同左我去我做野間鋪頭,叫個度d staff對住塊鏡影左張相~哈哈~攪鬼^^之後成19:15我就走左lu,最後佢都買左條手鏈俾阿win law^^

>>December 11, 2002 at 7:01:15 AM GMT+8

2002 年 12 月 7 日 星期六 【晴】

今日又訓到好晏^^起身之後執左陣房~就食飯番工lu,今日好q凍呀~企係度吹風~不過呢今日都sell到1部機,哈哈~今日broken都有黎探我呀~幾好呀~仲幫我頂左陣,俾我去toilet,好兄弟^^今日又同隔離百老匯sony ericsson個姐姐傾計~冇咁悶~呀~小強都有黎探我喎~um...我夜d仲有走過對面同broken個fd個fd---西門子姐姐傾左2句law~係law,收工個陣又見到小強,佢話過黎收番部電腦喎~之後仲叫佢陪我去"當"左部電話,因為之前係泳池淋濕d師兄,攪到佢部電話KO左~依家賣左幾百蚊,有番d渣拿^^之後就back home lu,咁凍><

>>December 8, 2002 at 3:38:41 PM GMT+8

2002 年 12 月 6 日 星期五 【晴】

尋晚呢,同cherry icq傾到好夜~係有d野傾ge.所以頂住,唔訓住~攪到今日12:30先起到身~今日我要去黃埔吉之島番工,又係要著西裝law,成個"飲樣"咁~.~今日番工識左個叫阿力ge大學生,同佢都幾好傾ga喎^^好彩有佢ja~若果唔係實悶死~其他d counter ge promoter都有傾下,但佢地驚個經理巡到過黎,所以佢地都避之則吉,阿力就第一日做,但佢都預唔再做,人工低ma,仲要企成日,又冇客買佢個d室內無線電話~我就冇所謂ge,傾咪傾,咬我食呀~係你ge就係你ge,唔係駛乜驚咁多,人著幾多,食幾多係整定ge!唔驚!!!我本來同阿成預18:00食飯ge.但17:45就同佢閃左人lu,我同佢應該得1個鐘飯ge~但我地食完野,去左打機,之後去附近行左陣,19:15先番去~哈哈哈~咁我番到去就show曬d digtal cam出黎,都諗住冇生意ga啦~點知~希望在明天~有客買呀~勁呀~我學左成個月ge野,一野洗曬出黎lu,"呢部相機一般功能都有齊,說明書有講!"哈哈~講笑~總之講左好多野~係law,之後斬冇咩特別law,本來小強叫我收23:00,但我21:55就閃人lu~wo~ho~同阿力一齊閃~之後勁快歸家!

>>December 7, 2002 at 4:58:25 PM GMT+8

2002 年 12 月 5 日 星期四 【晴】

e~阿茵外母,咁坐當又上黎ge^^haha~冇事~冇事~
今朝一早上英文堂又要用英文書,唉~我個課室係E梯個面ga ma,要行番過A梯,超遠law><冇計啦~阿鳳個locker係個面ar ma~我一向都係借佢本英文書黎用ga啦~佢日記都有寫,我地係由本英文書先開始識~唔知佢又仲唔仲記得我識到佢個時,一次同佢講d咩野呢^^上年某日,我同僖僖一齊搭地鐵走人,見到阿鳳佢自己一個坐係度,then就搭佢訕la~仲問佢好多問題,我見此人幾nice,於是又問佢"妳玩唔玩得ga?會唔會嬲ga?",阿鳳話"梗係唔會啦!",就憑佢呢一句,今時今日我都係咁放盡同佢玩啦^^哈哈哈^^之後仲問佢拎埋icq tim~0個晚就add左佢lu,第一句我就響佢全朵,佢仲話駛唔駛呀響全朵呀~哈哈~就係呢本english book,勾番起我d回憶~勁呀^^之後就繼續上堂lu~
到左lunch time,我地去左唱k,因為天地堂呀~有我啦,broken,阿茶,hana,阿山,太后,阿基,阿樂,阿win,winnie,流行,apple,angela~今次呢~唔知點解冇上次咁好玩咁,又冇咩點跳舞,我都係~怪怪地,其實我有d不滿,唔怕寫埋出黎,阿win,winnie,阿茶,阿樂& hana,點解您地可以視我地(可能我聽唔到)如無物,自己夠5個就走左去,唔理我地~您地剩低1個過黎share的士錢得唔得呀?唔駛理下我地6個人搭唔到一架的士ge感受ga喎,話走左走~一唱完個首,就掉"咪"走~唉~我之後都有同broken講番,但係佢都話算啦~咪算law,好差ga,我咁小器!sorry
咁之後上番學校上c.s.堂,好眼訓喎,不過呢又唔訓得喎~一訓左,跟小一個步驟都唔知阿sir講咩la喎,所以死撐,又好快落堂啦喎^^咁放左學又一齊打排波,好鬼熱again~好玩^^打左成2個鐘,夜校d同學都番曬黎,我地先捨得走~好攰~.~跟住梗係番屋企啦~

>>December 6, 2002 at 4:43:29 PM GMT+8