2003 年 1 月 12 日 星期日 【晴】

今日又番學,8點半喎~要test photshop,明明按左個電話重響,但唔係喎,好彩阿媽叫我即,唔係就pk啦~咁飛的番去啦,0岩0岩好,test完之後都冇咩野law,係阿win差d同kfc嘴一野先攪笑,因為阿sir(kfc)睇緊我個design,咁阿win又裝緊幾多分,係呢個時候,阿sir一野擰轉頭,差d就.............."銀牙"~笑爆呀~之後原來cancel左PP,所以就同阿基,broken係canteen食早餐,之後broken話番屋企用直髮膏整直d hair喎,咁阿基就同左太后,阿山,同埋a班d人去左唱k,我就同左阿win,hana,winnie,angela,apple,阿瑩,issac落左去觀塘,上左機鋪上面果間酒吧餐廳食lunch,都幾正ga喎,唔太貴,d waiter態度又好,之後呢,就過左觀廣,因為佢地要買花影相做group project,then呢就搭taxi番學校lu,上到去hea左陣,broken番黎,又一次勁笑ge,直髮後ge broken依然係……….哈哈哈,之後就上普通話lu,落左堂就走lu,諗住入cherry屋企睇下,仲有佢部腦收唔到file,諗住睇一睇,但佢話趕唔切去補習,之後就冇去lu,諗住佢補完先出街,我就同阿基去左打機,但係打左半個鐘機倒,cherry send左個msg俾我,話叫我唔駛搵佢,之後走果陣打俾佢,佢又唔聽,咁我send番個msg俾佢問下咩事啦~咁去到樂富站,收到佢個msg話just want to sleep,所以呢,我咪take bus番屋企law,點知番到樓下,佢就打俾我,話剛剛補完習,話想見我喎,咁講真已經係樓下,梗係想番屋企瞓覺啦~不過佢話過黎搵我,咁我都想見ge,咪好law,但係呢,大家好似有d爭咬lu~咁前後3次我同佢通電話,我都未講完,就cut我線,所以我已經憫憫地,,咁落到黃大仙,去左嘉年華行左個圈,就走lu,冇咩做,之後行行下,去左摩士公園,同cherry坐到左傾下law,講番求先d不愉快野,諗番轉頭,我都有d唔0岩ge~.~咁傾完都好開心ga喎,但係一去到吉之島又撻著左,咁食野都好地地,不過呢,食到咁上下,佢想飲野喎,咁我咪話幫佢買law,佢話要椰露珍珠(我已後都記得ga啦!),咁我去買啦,收銀問我要大定細,大law,$26,yee?唔夠錢喎,咁細law,$20,都唔夠錢喎,好冇面咁離開,番去問cherry拎錢,買完啦,去仙跡岩個counter拎野,佢問我要咩野,咁我又唔記得左喎,我話張飛冇打ga咩,佢話冇ga喎,咁最後又係要番去問cherry lu,結果我死死地氣俾左張飛佢,佢自己出去拎,唉~買杯野飲0者~咁都買唔到,好冇用0者,咁之後我繼續食飯,一路都冇出過聲,因為我又諗番我未同佢一齊之前ge問題,究竟我係咪真係有能力照顧到佢呢?仲有我係咪會真係遷就到佢呢?咁樣冇啦啦要出黎就黎,cut線就cut~咁走啦,都冇野ge,咁問我去邊,我話求先妳話想走丫ma,咁咪同佢落左地鐵站law,佢話想見多陣,咁我話同佢番寶琳,咁落到月台坐低左,我都係冇出聲,佢問我左我好多句,我最後答佢“我諗我都係照顧唔到妳ga啦!”講完之後,cherry開始眼濕濕,之後仲愈來愈勁tim,仲話“兩個人係埋一齊,點解要諗咁多野喎!”不過我冇咩感覺喎,可能carmen舊時成日都係咁啦,不過果時係carmen諗好多野,之後我俾左d冇可能ge答案佢,先至會咁,見怪不怪lu,咁我同cherry講左對唔住,又安慰佢唔好喊喎,之後都冇野,咁同佢搭地鐵啦,都有傾我諗咁多野,係可能我自己仲係因為carmen俾我ge心靈上ge創傷有關,導致我依家每行一步都諗得清清楚楚,我唔想再傷害到人,咁law,去到調景嶺站轉車啦,係車門未閂之前,cherry走左出去,我都冇追,因為我覺得呢個時候大家都need to cool down first,但車裡面d人用d唔知點ge眼神望住我law,我梗係怒啤番轉頭啦>,<咩呀~女朋友唔走得ga!!!係law,之後自己去左cherry樓下,諗住等佢番黎,講清楚,但係呢,好凍喎,我又打左俾阿基,broken佢地,大家都話唔好攪成咁,之後阿sue都打黎,問我咩事,佢話cherry依家係調景嶺徘徊,咁我咪1 5 1 10講佢知law,係law,最後cherry打黎law,我話係佢樓下,佢話佢電話冇電,咁就cut左線lu,咁我send左個msg俾佢,叫佢係地鐵站等,好好彩,都見到佢,不過佢好似冇乜野咁,我話講清楚,之後講左d咩唔寫lu,總之大家talk掂左,冇事,好彩即~.~冇呀~之後係佢樓下傾多陣,就走lu,唔記得講,就係中途阿lam係打黎幾次叫我打機,ge,不過cherry幫我拒絕左佢lu,sorry~.~ar LamLam!!!後尾我都番屋企lu~

>>January 20, 2003 at 1:44:40 PM GMT+8

2003 年 1 月 11 日 星期六 【晴】

今日比調,去左黃埔吉之島番工,首先遲到半個鐘,之後3點半啦,cherry睇完牙醫過黎搵我喎,咁我地去左食車仔麵喎,佢又奸啦~張d辣ge魚旦俾我,我都話唔食辣野ga bor~.~之後呢行左陣,由於之前幾日已經約左阿基打機,so阿基過左黎,咁我地就去左船底打機lu,攪到cherry自己一個行,對唔住呀~我又懶玩喎T_T之後我叫左阿基過去陪cherry,我5點3上番去開工,咁樣就賣左一張memoey card同一部機,有60幾蚊佣咁law,之後cherry打俾我,又話走,聽落有d唔高興,咁我咪拿拿林,6點半又走左出去lu,因為我有2次飯鐘ga ma,但每次應該9個字,是但啦~出到去,原本係一齊食糖水ge,但冇cherry想食ge,咁咪自己食law,係law,之後呢,佢想過黃大仙食糖水喎,諗住我放工又可以見到ma,但係,最後因為有車番屋企,SO.....我呢,就8點番去開工law,9點半就收工lu,搭左成個鐘車先番到home~真差~.~今日番左唔係好耐ja喎,仲可以見到cherry tim^^

>>January 14, 2003 at 5:14:56 PM GMT+8

2003 年 1 月 10 日 星期五 【晴】

今日番工,得自己一個,好鬼悶,好冇意思加好無耐,今日撞到何文田舊伙記阿邦,仲有上年同學daisy,係law,咁law,咁夜d carmen打俾我,又話佢出緊mongkok,咁順便過黎睇下我law,等佢個fd喎,咁都同我傾左幾多閒計ge,之後冇呀~夠鐘咪收工law~.~

>>January 14, 2003 at 4:52:26 PM GMT+8

2003 年 1 月 9 日 星期四 【晴】

今朝一早搭小巴個陣就撞倒winne,hana,一齊遲到,yeah~之後上英文堂咪又係不停咁做miss果d evercise law,好悶~好眼瞓~之後呢~就有3個鐘break,今次去左觀塘泳池餐廳食飯喎~d野食都ok ge,不過呢,山山,太后,阿基同埋我不停咁講埋d賤野,笑到就死呀~之後就走啦~咁行緊個陣,太后話billy,劉行,broken由高至矮咁排,攪笑喎~之後我地4個即刻列陣,由高至矮,最攪笑就係我地好似人浪咁,每人跳一野~"do re me fa"0岩0岩4個~笑到肚痛呀~咁呢番到上學校冇野攪呀~操場整緊,冇咩位打波,去公園打,又俾校工趕,之後打羽毛球,同阿win佢打,條友勁"茅"喎~不過我都唔弱,之後班長豪都有同我打左陣,跟住上去上c.s.今日竟然唔駛學vb喎~教整ftp,哈哈哈~好玩喎~仲有玩icq喎,但係個windows係英文,睇唔到icq d中文名,亂曬碼,但係呢,有人問我"who ar u?"喎,咁我睇睇個icq n
umber,原來係cherry喎,咪同佢icq law,之後放學lu,我同cherry過左九龍灣諗住睇"金雞",點知要10:00先有場,咁打左去GH荷里活,18:00有場,所以過左去,咁同cherry傾開先知,今日玩icq,佢都唔知我係邊個ga喎,一問先知係我喎,幾有緣喎^^,咁呢買完飛,去左零食物語買野食,入場食ma,至於套戲好好睇喎,好賤呀~d笑位,仲有都幾寫實ga~咁睇完戲,又去阿wing度食糖水lu,途中俾奸妹cherry分別係左右手各咬左一野ge,造成我有new watch帶~感覺好.............痛~.~食完之後阿wing強行要我拎走2碗紅豆沙芝麻糖水,因為佢整錯左,唔好"side",咁呢,我送埋cherry去地鐵站,就閃lu~

>>January 11, 2003 at 4:55:39 PM GMT+8

2003 年 1 月 8 日 星期三 【晴】

今日又番學lu,一早上mfs,最後一堂,thomas sir今日無啦啦叫我個名,原來係我爭一份功課冇交,若果交埋可以升一個grade,所以打死都做埋佢啦~之後又睇片law,都唔係好明d人拍咩,算啦~之後落左堂,又再上呢個pmp,好無聊law,聽leture,咁之後都有一個鐘俾我地畫紙樣,畫完咪落走law~咁呢,今日出左糧,仲問左阿基借左$1000,因為要交學費ar ma,之後呢就諗住同佢地一齊食飯,但係阿基就話約左人,太后同阿山又話唔想同broken食,之後我諗住叫埋broken一齊食,佢又話阻住我同cherry,妖呀~婆婆媽媽咁,兄弟冇計ga ma,咁都唔明~cherry都唔會咁小器啦~.~broken走左之後,我同cherry交完學費,就過左causewaybay食野,之後去左timesquare同sogo行街,咁之後cherry都夠鐘補習,咪走law~番屋企law~

>>January 9, 2003 at 5:10:59 PM GMT+8

2003 年 1 月 7 日 星期二 【晴】

今日起唔到身,冇番學,因為呢個week都唔夠訓,終於頂唔住,好唔舒服,不過拍左2粒丸仔之後好d law~.~今日broken打黎話佢放學之後去左踩單車喎~傻ga佢,真係去喎,but應該好好玩,咁呢cherry呢個懶鬼,話我今早冇打俾佢,所以冇起身,所以冇番學喎~咁都得?><唉~算啦~佢都好,有去補習,係law,今日好悶呀~download左好多歌聽,o~~~~~~~~~~~依家成個人都好攰,今晚早d訓先~.~

>>January 8, 2003 at 11:48:19 AM GMT+8

2003 年 1 月 6 日 星期一 【晴】

今日出番太陽lu,正~今日pp要補課喎>,<8:30上堂,不過呢,冇咩人準時,所以成9:00先上堂,今日聽個d野都明明地啦~唉!又咪係要溫,上左一陣,唔知點樣,阿sir話今日係短週,唔駛上10:30個2堂喎~妖呀~天地堂喎~shit!咁之後yr2有個同學帶左我地落地下room,話睇下佢地d product同埋做問卷law,都幾得意ga喎~尤其是係孫邦果個紙板公仔,幾祗死呀^^咁之後呢我地就落左去唱k lu,有cherry,sue,win,hana,winnie,阿基,broken,阿樂,流行& me,都幾開心ga~不過呢,太后同山山都冇黎,可能某d reason掛~.~唔知呢~咁之後就上番去epp,好彩趕得切點名,呢個阿sir都幾煩,係佢嗌完你個名之後,話之你0岩0岩入黎,定遲左1分鐘都好~你就係遲到~無耐!!!咁今日要presentation上次個份用英文字併ge功課,(阿儀都有睇過,不過佢話唔知咩黎,好花looklook喎>,<),咁我都present左,我覺得自己ok law,起碼時間都唔會短,有d同學講左2句就走lu,唉呀~洩曬d分lu!!咁再坐多陣,覺得好無聊,咪跟大隊走law,但呢~今日收到cherry個msg,大慨係話我番學與街外對佢ge態度,判若兩人咁law,sorry呀~i will improve it,因為愛係要互相遷走,若果唔係就會維繫唔到,曾經阿邊個話過我,之後仲中左tim~咁law!咁之後上design堂,我feel到bolton好灰law,咁又係ge,班同學又遲入黎,聽書個陣又訓覺,完全冇心上堂,俾我係講者都灰曬啦~um........仲有呢~就係cherry為食,結果唔知點樣d牙突然勁痛,所以呢,放左學就同佢去左九龍灣睇大夫lu(原本appointment係聽日),咁排左名之後,我就同佢去牛頭角左食野,之後行左陣德福,診所就call番佢上去lu,整左一陣,就攪掂lu,之後我同佢去左影我地第一張card,都好靚丫~係law~咁之後我同佢過左又一城,同佢買左d野咁啦~但係佢奸仔本色又黎過,係咁遊說我去食糖水,最後我輸左俾佢,過左阿wing到食糖水,今日見到阿wing bf幫手喎,不過呢,佢又係勁唔得閒,冇咩點理我地,之後我送左cherry走之後,係地鐵站就俾人響我朵啦~原來撞倒kitty同阿禮,同佢地一路行一路傾左陣,之後就搭小巴番屋企lu~好凍呀~

>>January 8, 2003 at 11:42:32 AM GMT+8

2003 年 1 月 5 日 星期日 【雨】

今朝7:30一早又起身lu~好眼訓,不過今日凍反而早左d番學,仲約埋澤輝一齊番學歷佢讀觀塘職訓),咁0岩佢又0岩0岩出門口,同佢講左都幾多野喎~例如火車唔俾食香口膠,一被發現,不需警告,即被罸錢,咁之後見到阿win啦,去到觀塘站,仲有hana,阿樂,咁等埋winnie就一齊take taxi番學lu,8:45到,好早呀~好耐都未試過,不過呢~cherry呢,我由7:45開始打俾佢,打到8點幾都冇人聽,唉~懶到死~咁之後就上左2堂好充實ge DI堂lu,之後上design,有d悶,不過都ok得啦~仲要即堂畫左d野交tim,早左放學,then同左阿山,太后,阿ken,阿基,係健一小廚食飯,見到娘子swing同外母阿茵又係去食飯喎~不過冇一齊食,就係咁0岩喎~不過食飯食左成個鐘咁耐喎,因為太后佢地係咁講d痴線野,尤其是太后,short Q左law,上曬腦,之後就過左寶聲睇下人打機,阿山,太后,阿ken就玩piano game,之後佢地走lu,咁我同阿基去左第2間冷門ge機鋪,冇人打,佢咪打law,咁law,咁15:30倒就走law,不過呢cherry0岩0岩先起身冇耐,超勁懶,嘩~今日好鬼凍呀~橫風橫雨~.~夏天快d黎呀~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

>>January 6, 2003 at 3:26:36 PM GMT+8

2003 年 1 月 4 日 星期六 【晴】

今日又係訓到2:00先起身,即刻趕番工,今日終於見到阿英lu,不過著到好似成隻......咩咁,但係今日好勁我地,sell左3部機呀~梗係啦,鋪頭俾左張底價紙我地,話可以俾d客講價,勁呀~咁我同阿英梗係勁夾住d客,唔俾佢走啦~咁同埋今日食左2次即炸3寶,正呀~又飲左珍珠奶茶,係law,仲有百老匯有個promoter幾似方力申ga,我係咁話佢似law,勁好玩喎~咁差唔多收工個陣,cherry打俾我,話出左黎旺角喎~想見下我,我都幾開心ga,咁我同佢去左食炸醬麵,都幾好食,因為上之食完,再黎過,不過後尾發現左佢買左個cost pricege JML袋law,又唔知我有7折喎~洩水呀~.~之後諗住join ivan童軍呢面ge,ivan生日丫ma~生日快樂^^去之前, cherry話想食糖水,so帶左佢過黃大仙我個fd阿wing果度食,我諗我係佢呢度食糖水都有3年幾咁耐lu,好食ga,我同我班舊同學都曾經係度傾過好多野ga^^食完就慢慢行過去鑽石山阿驅home,但打俾lam仔先發現佢地去左九龍城打邊爐~頂丫>,<

>>January 6, 2003 at 3:05:39 PM GMT+8

2003 年 1 月 3 日 星期五 【晴】

今朝一早10:00小強打黎叫我過黃埔番工喎~仲話要12:00喎~傻ga,幾日都唔夠訓,又起過身,冇理佢,之後我訓到2點起身,因為我照舊番旺角counter,但係阿英就俾小強叫左過黃埔law,好慘........我話我~又自己一個人企,不過都有同隔離百老匯d電話promoter吹下水咁law,都ok ge,今日撞到摩士舊伙記,阿祥同埋蟹仔,係law,今日就係咁無聊過law~收工番屋企^^

>>January 6, 2003 at 2:39:56 PM GMT+8