2004 年 11 月 1 日 星期一 【晴】

番工又係同樂兒番...仲一齊係家樂大食早晨添....不過食完個時都遲到啦..
連野都未飲晒呀.....好趕呀...=.="但係呢..我簽左名先出黎食..所以都不算遲...kaka...
好采wo唔知姐...不是就....kaka..下次要食早餐都真係要早出門口啦..

今日大部份時間都係搵關於眼睛既資料...d 遊戲都巧難搵下架...
盡下力啦...

樂兒想識豪仔播...仲話約埋一齊去跑步播...又叫我問佢野播...=.="
自己過到黎就發傻咁....我地係咁打.....傻左架...又唔夠擔播...kaka...

放工都係同子健係205啦...都係五點先走..kaka..差不多時間啦...

邦仔電話冇電呀...不過都傾得好長下..仲以為之後冇得傾添..
點知夜晚個時打黎播...原來佢媽咪去左打雀...KAKA...
佢不知幾開心呀...我都開心架...佢仲開心過我好多好多囉...係咁笑..
又傻左啦...KAKAKA...都傾左好耐下架...HA~~巧開心呢..

呢幾日都有波睇呀...我諗佢又要做好耐豬先夠精神起到身睇波架啦..kaka...



好多flast game既網...KAKAKA..
http://www.ferryhalim.com/orisinal/

>>November 5, 2004 at 3:38:05 AM GMT+8

2004 年 11 月 1 日 星期一 【晴】

世 榮 對 重 慶 歌 迷 今 次 的 損 失 感 到 無 奈


內 地 常 有 主 辦 商 藉 香 港 歌 手 的 叫 座 力 及 知 名 度 ,
「 掛 羊 頭 賣 狗 肉 」 舉 行 演 唱 會 賺 錢 ,
今 次 就 輪 到 Beyond 的 葉 世 榮 無 辜 成 了 賺 錢 工 具 ,
令 一 眾 內 地 Beyond 歌 迷 成 了 受 害 者 。

日 前 四 川 重 慶 沙 坪 壩 體 育 館 舉 行 《 2004BEYOND 葉 世 榮 重 慶 演 歌 會 》
吸 引 大 批 Beyond 的 支 持 者 捧 場 , 但 當 正 式 開 騷 時 ,
大 會 竟 變 成 了 《 2004 新 星 選 拔 秀 葉 世 榮 BEYOND 重 慶 演 歌 會 》

演 唱 會 頭 一 個 小 時 , 觀 眾 只 見 一 班 不 知 名 陌 生 面 孔 演 唱 撐 場 ，
接 又 有 十 多 名 身 穿 七 彩 舞 衣 、 頭 戴 玫 瑰 紅 頭 冠 的 舞 蹈 員 ，
觀 眾 愈 看 愈 火 滾 ， 大 喊 似 在 看 夜 總 會 表 演 ， 直 喝 要 他 們 下 台 。
期 間 主 持 人 上 台 稱 葉 世 榮 正 前 來 場 館 ，
此 時 觀 眾 更 是 憤 怒 ， 「 退 票 」 之 聲 此 起 彼 落 。
有內 地 記 者 即 時 向 主 辦 商 查 證 這 場 到 底 是 否 Beyond 的 演 歌 會 ？
可 惜 卻 一 直 沒 有 回 應 。 不 過 記 者 就 看 到 演 唱 流 程 表 ，
發 現 世 榮 應 是 在 最 後 半 小 時 出 現 唱 七 首 歌 ，
根 本 是 「 表 演 嘉 賓 」 而 非 「 真 正 主 角 」 ！ 晚 上 九 時
「 表 演 嘉 賓 」 世 榮 終 於 現 身 ， 唱 完 七 首 歌 便 匆 匆 離 去 ，
現 場 觀 眾 相 當 不 滿 ， 大 有 被 騙 的 感 覺 。

僅 收 表 演 嘉 賓 酬 勞
昨 日 記 者 向 世 榮 了 解 事 件 ， 身 在 香 港 的 世 榮 說 ，
當 日 主 辦 商 聯 絡 他 時 是 請 他 以 表 演 嘉 賓 身 份 出 現 ，
所 以 他 收 的 酬 勞 ， 也 是 表 演 嘉 賓 的 酬 勞 而 非 演 唱 會 ，
對 方 亦 答 應 不 會 以 「 Beyond 」 之 名 來 作 招 攬 ， 豈 料 對 方 卻 出 爾 反 爾 。
世 榮 又 說 ， 內 地 一 直 有 專 人 幫 他 接 洽 工 作 ，
事 後 已 有 人 向 他 解 釋 是 主 辦 商 出 了 問 題 。
世 榮 無 奈 謂 ： 「 自 己 已 經 好 小 心 ， 惟 有 再 小 心 啦 ，
對 歌 迷 損 失 自 己 都 好 無 奈 。 」
世 榮 自 言 以 前 都 聽 過 陳 慧 嫻 返 內 地 唱 雜 錦 騷 ，
竟 被 主 辦 商 用 開 個 人 演 唱 會 名 義 來 賣 票 ， 想 不 到 今 次 輪 到 自 己 。

>>November 2, 2004 at 10:45:38 AM GMT+8

2004 年 10 月 31 日 星期日 【晴】

今朝好早起身呀...要早出門口嘛...同樂兒一齊番...我諗呢排都係會同佢番架啦..
佢都係果個時間出門口..一定見到面既..kaka..番到sch咪同佢傾計囉...
我冇咁早上MMLC住...又係要等...咁咪同樂兒傾計囉..傾到佢夠鐘去排隊都未傾完架..KAKA..

徐紀呢排好唔開心呀...UM..都知少少係關於咩既..吾..我都明係好難受..
但係冇計播..佢係咁都冇用......唉..遲下可能會明既...
佢經濟有問題...想我幫佢..我雖然都好好貧呀....但係...朋友有野要幫..咁就緊係要幫架啦..
冇理由唔理架..KAKAKA...最多咪...用少D錢...不過...我都係得個講字..唉....都不知點好...
好難做到架...=.="...我自己都知自己好大駛...但是.....唉....好貧呀....

LUNCH個時..子健打黎..仲以為有人同佢Lunch添..點知佢搵唔到Y-MAN呀..ha
就一齊去左家樂大買外賣啦....巧耐冇係家樂大到食啦..KAKA...突然好想食..KAKA..
之後就番左SCH食啦..YEAH...

呀屎今天巧巧巧唔開心呀...因為....係囉...仲之..唔好諗咁多啦..
一定冇事既...別因為擔心而搞到自己咁....真的...我相信會冇事的..

wo個份野呢個星期要搞掂啦...真是要努力點呢..kaka!
放學個時去左205室到...仲同lo sir傾左好多關於工作既野添..
佢教左我好多野呀....吾...係囉..唔識最緊要就要問.....我成日都驚麻煩到人嘛..
所以咪係咁囉...kaka..thx lo lo 呢..

之後就去左libary還書...仲借左明哥隻碟添..kaka..
去到tai po 區都差不多六點啦..就打左比徐紀...等埋佢放工囉...ha...
之後同cat..徐紀就一齊番家啦....yeah!

>>November 2, 2004 at 3:08:32 AM GMT+8

2004 年 10 月 30 日 星期六 【炎熱】

今日同邦仔去海洋公園呀..嘩哈哈..好開心呀..終於去到啦..yeah~~
本來可以好早出去架..因為佢八點幾已經起左身呀..我9點半先開電話..kaka~

去到觀塘等左巧耐車呀....=.="去到海洋都快十二點啦..kaka..
我張全年入場証係學生架..哈哈..先前仲擔心佢認唔認可我張card...
點知冇睇到播..哈哈..只係睇左呀邦個張囉..ka..

玩得好開心呀...想睇既都睇晒啦...係得鯊魚未有時間睇囉...
kaka...勁多人呀..排隊既都排左好耐呀...玩好驚既機動遊戲玩落都唔係好驚..
因為呀邦仔係咁笑.....哈哈..真係搞笑啦佢...傻傻地咁...
真係玩得好開心呀...又唔係太累..kaka....

d鬼屋都唔恐怖既...又不是太驚播...呵...好采張飛係入場個時送埋架姐..
因為太唔低玩啦...kaka~間鬼屋入場個時有埋3d 眼鏡既..玩完其實要放番低..
不過我地就收埋左囉...因為要玩個間亞馬遜屋嘛...kaka..
亞馬遜個到冇晒眼鏡嘛..kaka~

好難忘既一天呢...kaka~~~thx~~

>>November 1, 2004 at 8:53:31 AM GMT+8

2004 年 10 月 29 日 星期五 【晴】

好慘呀...整野食個時燙親隻手呀....好紅好痛呀....我喊啦....kakaka

今日比wo照肺呀.....話我經常遲到...唉...都係一兩分鐘之嘛...
做得d咩呀..番到黎又係要等到八點...更早番都冇用...唉...真慘...

班teacher今日開會呀....全部番晒黎...lo lo仲黎左itlc添...
kaka...同佢係度傾計...我仲比我網頁佢睇添...

放工同靜茵去中環...kaka...去左好多地方呀...仲買左好多野添..
真係忍唔到手.....大破產啦今次....點點算好呀.......出左糧都冇用...=.="
個幅畢卡索既畫真係好好大張呀....不過我都唔係好識欣賞..kaka..
只係覺得佢好勁囉...咁大幅畫播..kaka..唔知佢又用左幾多時間畫呢..
幅野係法國運過黎架...宜家做緊巡迴..kaka..
之後睇完就周圍行....今日真係行左好好多地方呀...又去左碼頭..

搵左好耐先搵到點行去蘭季芳渣...kaka...個到好有萬聖節既氣氛呀..kaka...
仲係個到見到<呂方>呀..kakaka...真驚訝呢...個到有間玩具店...
我仲買左龍珠既公仔系列添...我買左<杜啦格詩>添..kakak...28蚊一個..
有一套呢...好大隻架...150蚊有齊12隻架...不過係美國板...仲有...
個時冇更多錢...仲有就係.....要忍下手先得...kakaka...

之後睇完又周圍行....差不多成個中環都行晒啦...又搭左最長既電梯..kaka..
又經過域多利監獄...同埋石板街...kakaka..其實都係亂行架渣..kaka..
又搵左好耐既釘釘車...因為要出灣仔既玩具街到睇野..kaka...
都搵左幾耐下先搵到呀...一路上都冇乜點問人路...因為呢d野靠自己架嘛...
去到灣仔....勁多人呀..好多人都係買萬聖節既野..kaka..佢地扮得好得意呀...

番到家好累呢...真係巧巧開心呀...因為去左好多地方...yeah~~~

尋日呀邦又係打唔到黎呀...very 失望...同唔開心架..唉...又係咁播...
帶點無奈呢....=.="

>>October 30, 2004 at 12:41:05 PM GMT+8

2004 年 10 月 28 日 星期四 【晴】

下面個篇日記係春田花花幼稚園校規..巧長哩....不過好搞笑呢...

個祈願板板多左巧多人去呢..kaka..真開心的呢..
今天都幾多野做下架...開始又要忙d哩...ka...

lunch個時冇位食呀...而靜茵佢地個d又好忙播...要搞陸運會既野...
so我就係m記買野食番sch啦...係體育室入面食..kakaka....
之後呀屎個D番左黎..又入左黎體育室播..哈哈...仲係度同佢地玩添..KAKA~

fion佢冇番呀...so放學我要幫佢開304個電腦堂....冇所謂啦..
不過原本約左君今日驗眼架..但都冇時間睇....又要下星期先啦...
宜家睇野好朦呢....=.="

部機本身壞左架...但晚上開番播..呵呵...仲要冇人用添...yeah~~~

依兩日同邦信息少左巧多呀...因為佢番到家冇耐就訓覺.....醒左..又訓..訓完又訓...
大部份既時間都係訓......唉....真可憐...見到佢個時想講既野又唔記得左要講咩..
傾電話個時又唔可以咩都講晒播...因為要爭取時間....個十分鐘好快就完....
所以咪咁囉....電話同見面既時間已經少...宜家連信息十句都冇...=.="


>>October 29, 2004 at 1:02:19 PM GMT+8

2004 年 10 月 27 日 星期三 【晴】

今日大部份時間都係整野..kaka..不過又出現左d問題..唔係好知點整好..
所以又停左唔做啦...kakaka...

lunch個時同嘉鵬...子健去左m記一齊食..呵呵...wo 請左子健呀...
都話一定請架啦....呵呵....

原來子健今日生日呀..KAKA..我番到HOME先肯定既...
咁今日個份工算唔算係最好既生日禮物呢..KAKA...生日快樂呀~

放工個時都係未咁快番屋企..因為訂左機..番到去又冇人..都係悶..咪唔番住囉..KAKA..
同呀ling出左去買野食..之後就偷運番sch..kaka..坐到五點幾就走啦..
咁岩個時靜茵..terry佢地搞完學社既野...就一齊走啦...
點知係足球場見到樂樂..徐敬...子健佢地係度踢既波播...哈哈..
咁我同靜茵就坐係球場同佢地傾計囉..kaka..樂樂仲係整緊包呀...真係叻叻啦..
而牛牛佢今日開始..一連三日去camp呀...展翅...佢就好啦..有得玩...ka..

之後傾到差不多都走啦...kaka...約定靜茵day 6出去中環個畫展..yeah~~

>>October 29, 2004 at 1:43:11 AM GMT+8

2004 年 10 月 27 日 星期三 【晴】





林一峰的倫敦日記

http://forum.netvigator.com/forum/thread.jspa?threadID=30465&tstart=0

>>October 28, 2004 at 6:31:10 AM GMT+8

2004 年 10 月 26 日 星期二 【晴】

今日算忙..算得閒...kakaka..不過聽日開始就多番d野做啦...
要努力呢...kakaka....

cm病左呀...教書個時把聲沙晒...差不多出唔到聲...
真係要小心身體~~

同嘉鵬講sch請人..問佢有冇人介紹啦..點知佢話子健..佢讀夜校..日頭好得閒...
咁我就打左比佢啦..佢話番黎見工呀...好yeah...kaka...
仲約左聽日食lunch添...呵呵...請左佢就好啦...咁就多左個人傾計唔駛更悶嘛...

依排同alice..呀屎個班 fd左ar...kaakka...都係因為食lunch傾下計就熟晒啦..
yeah....幾快...咁就多左班朋友仔啦..ka..尋日同今日都交換相睇呀...
hahah...都係睇班相囉...傻下傻下既樣...ka....

今日有個電話打黎...係<<咩gun 先>>架.....我都唔知咩事既..
之後就比左地址佢啦....後來先知係訂書播....要成千幾蚊..
個時真係傻下傻下啦.....=.="佢唔好打多黎一次呀....真係唔聽佢電話..

放工陪君去沙田買裙呀...不過行左更耐都係睇唔岩既...
六點幾都番左黎大埔啦...haha..佢就快去飲啦...仲未買到...真失望呢...
同佢係街到玩..嘩哈哈...玩得幾開心呀...

部電腦再一次釘左啦....真係又快又易呀..=.="
子健打黎..問問聽日見helper個d野..kaka..我諗冇人番黎見..見佢既機會都幾大下架..
同佢傾完就打左比terry啦...因為話約埋聽日一齊食lunch..
點知佢我知聽日唔得...佢地全班搞生日會播...真開心啦...同佢都傾左好多野..

升左中六後忙既野就好多....壓力又大左...都冇乜時間係有多出黎既...
so..睇怕我地都要12月可以再搞活動啦....kakaka..
比心機呀各位同學仔....為目標....理想而努力呀....一定得既...

仲有靜茵都有傾添...佢仲更加忙...學社又要搞...又更多功課做...做極都不完咁...
佢星期六要去睇畫..畢卡索個d野...miss 要佢地一定要去..因為去睇既人係派留張証書既..
所以就要睇囉...仲要快d添呀...呢個月架渣...so..我就陪佢去啦...
冇理由佢一個人出中環架嘛..kakaka~~做朋友仔緊係要陪下佢啦..>kaka

>>October 28, 2004 at 12:22:39 AM GMT+8

2004 年 10 月 26 日 星期二 【晴】

拿..咁呢日本人既屋既地板..係木板黎架嘛..

咁點解d人既屋呢行過地板個時會有聲既..

a.....防地震

b.....避免d不知名人入黎

c.....地板木質差

呵呵...要有埋解釋架播...
睇下你又識唔識呀..kaka

有正確既答案架

>>October 27, 2004 at 6:03:50 AM GMT+8