2006 年 11 月 18 日 星期六 【晴】

今日去左邦仔屋企~又搬左一堆CD去佢家家嚕~
起碼要搬三次先搬得晒我所有碟過去佢家~嘻

午餐係打邊爐呀~d牛牛好好好好貴呢....10幾塊都要成$50..
豐富的一餐~~謝謝呢~
一次過睇番三集既「肥田囍事」~
最後個集好多幻想...都幾無聊下..真係可以唔駛咁長的= ="

之後休息左兩個鐘~~訓飽飽呢~
走個時佢說一陣會跑步先回家~
咁我就話要陪佢跑跑呢~嘻~因佢都係跑一陣之嘛~
咁佢緊係唔比我咁做呢~~佢都係擔心我呢~kaa~
同佢玩左陣~送左我上巴士就走走嚕~~~

今天幾開心ar~
就快12月嚕~秋天想做既野都未做添~
放風箏~~踩單車~~好想好想去大坳門放風箏丫~

>>November 20, 2006 at 1:01:57 PM GMT+8

2006 年 11 月 17 日 星期五 【晴】

今天星期六要番工ar~
公益金賣旗日~天神學生都有份出力賣旗呢~
佢地有勁架~好快就賣晒九張旗子~

今堂「電台培訓班」都教得幾順利丫~
至於我果幾個學生都未搞掂份稿添....都唔知有冇時間做到~

Ashley前日副學仕畢業呢~佢帶左件袍番來影相相~
完左課外活動即同佢影影呢~都玩左好耐~kaaaa~


老師們就好忙忙呢~佢地下午有家教會大會~

我同Ashley都走嚕~~掛住影相都沒時間食飯~~~

下午仲要番培正補Pascal~
買左麥記番去食~都唔係好多人番呢~得幾個人~
今堂都學番先前幾堂既野~kaaa~都明左好多呢~

同Patrick傾計~~原來佢係馮記個時都係屬IT部架~
估唔到佢唔做既原因係咁架喎~
咁同我差唔多姐~kaaa~
不過最緊要搵到份岩心水既工作~~

五點幾就走走嚕~~累累呢~
約左Christina佢地食飯~~Crystal黎找我之後一齊找她們~
Carman都係度喎~佢地係IT試鞋~但最後都唔岩呢~
第一次感受到一個老師釋放上班的壓力~~完全兩個人喎~
不過見到佢成個人輕鬆晒咁都幾好既~Kaa~

今晚食飯都有幾多人下架~哈哈哈~~
ashley&Crystal&Karen&christina
去左尖東食飯~~成條街都係聖誕燈飾~好靚靚~
好似預早迎接聖誕節咁~kaa~

我地幾個好似遊客咁係條街影相~~~

食飽就去左飲野~call埋珊珊出黎呢~~
傾下計飲下野~~呵呵~
之後就行海滂呢~~有樣新既藝術叫《體‧映‧戲》~
原來得10晚渣~我地真係好好彩有得玩~~
我地幾個傻人~哈哈哈~~


今天很開心呢~~~~

>>November 21, 2006 at 1:22:12 PM GMT+8

2006 年 11 月 16 日 星期四 【晴】

今日整天都是在電台錄音呢~~
仲有問Deric有關AL的事~AL Comp宜家困難在Pascal個方面~
明天放工特登番培正補課呢~希望會明白喇~

錄音的學生有點麻煩....= =多數都是心急&亂...
今天有幾班學生錄音...全部都錄唔好...真係救命...

兩點先食飯飯呢~同Crystal出街食ar~
食飽番到天神見到班一年級既妹妹課外活動玩玩~
哈哈~~有好愛既楓楓呢~~看來佢都幾受歡迎呢~kaaa~

之後又係錄音時間~~直落直落至放工時間~
放工玩左一陣倒樹衝就走嚕~~本來我沒想過玩呢~
但為了滿足Ashley~就陪佢玩了一陣~嘻

邦仔在港大放學後來接我放工呢~
真係謝謝呢~~要佢由咁遠來到接我~有點不好意思~
之後係黃埔行行~~食麥記~睇戲~~「三分鐘先生」~
鄭中基係主角~~套戲都幾搞笑ar~hee~
人生裏面咩野係你覺得最重要架呢...


今晚同邦仔傾左好多計ar~哇哈哈~~~
真是開心極了~~

>>November 17, 2006 at 3:11:18 PM GMT+8

2006 年 11 月 15 日 星期三 【晴】

今天在電台室剪接錄音都用了幾個鐘時間呢~
哇哈哈~~在電台室工作感覺會比較好呢~
不像在教員室般被數對眼...數對耳仔聽住和看住你所做的每一樣事~
其實都有壓力架~~以前係電腦室工作感覺比較好呢~嘻

食飯時間同珊珊&Crystal落街買車仔麵食呢~
慳好多錢呢~~十幾蚊就可食飽飽喎~kaa
不過遲下天氣再凍d...就會比較懶唔想落街架喇~嘻
同Ling&Clare傾傾有關NDS的事~~
真是奇怪....原來不用改機也可玩到翻版game的...
何解呢....真是奇怪....如果真的是這樣..
那麼便可用平平一點的價錢也買到機呢~kaaa~

晚上是番學時間~同rainbow去左金太郎吃晚餐呢~
番到培正訓左半個鐘~~訓醒後成個人精神晒呢~
哇哈哈~~上課也比較留心一點~嘻嘻

>>November 16, 2006 at 12:16:52 PM GMT+8

2006 年 11 月 14 日 星期二 【雷雨】

今日番數碼呢~就快要考試呢~整天都是為考試而做練習~溫書~
好緊張添~~已經唔同上年一樣咁....有得openbook...哈哈~
今年真係正式既Exam丫~~

聽說下星期有得影班相喎~唔知係咪呢~
咁都幾奇怪喎~~有班相整~唔知係咪得數碼先有架呢~~

Pascal都要exam 丫~~真係有點難道~因為不明白....
唯有呢個星期六放棄d私人時間番黎補課呢~
既然人生得今年先有機會考AL.....點都要掂既..
我有目標架...就算hkcee 中英文都唔得.....AL一定要有個E架...

中文都係溫習溫習時間~做閱讀理解....哇..呀sir比我地做既時間都唔係好多..
我做呢d....要用好耐時間架.....同埋我唔曉理解...
結果緊係做唔晒喇...咁就收左份功課喇.. = =

放工約左邦仔行街呢~
他要拿野所以遲了~唔緊要呢~嘻
話左比佢聽我唔開心丫~番培正上課唔開心~MP3壞了喎~下雨天~
邦仔當然氹番我呢~哈哈~都係佢最明我心意~

晚餐食上海餐~好飽飽~好味道既呢~哇哈哈~
下午開始已經有微微細雨嚕~~直至晚上都係~越來越涼涼呢~~~
食飽飽去左MK行街街~~因為下著微雨~
邦仔為我擋雨~Kaaa~雖然都係濕晒~~但我好鐘意佢保護我個種感覺~~

上星期開始搬d碟去邦仔家家~~遲下搬埋d衫~
搬搬下搬埋個人過去~kaaa~

>>November 15, 2006 at 2:34:04 PM GMT+8

2006 年 11 月 13 日 星期一 【晴】

今日注力搬學校網頁~整左成幾個鐘呢~
搞到我好激氣呢~~網頁既野都幾麻煩....= =
一時得...一時又唔得...一時又完全唔得...
最緊要唔好亂...唔係就真係好亂呢~

仲有就係監考呢~監考兩個學生~~
佢地讀寫方面有困難呢~~但如果情況持續~
上到中學咪仲會有困難呢~~

放工又係練側手翻呢....都練左幾次...都係唔得既...失落中~~
我玩到倒樹衝喇~~但要有牆先得~哈哈哈~
JeNNy仲教左我地玩後滾翻添~~kaaa~
Ling都同埋我地一齊玩呢~~都玩得幾開心ar~~

被其他老師發現左我地....仲被副校見到添~~= =
唔知我地又會唔會被人投訴呢~~~但我地放工先玩又有執野~應該沒問題既~

邦仔今天番工呢~~努力呀Sir~
成日都收唔到電話~不過好在夜晚佢收得番呢~真係掛掛呢~


今朝行過OK仔買的~~平平的丫~~都只是$$$8.9渣~呵呵呵~

>>November 14, 2006 at 2:39:25 PM GMT+8

2006 年 11 月 12 日 星期日 【晴】

今日係巴士溫電腦呢~不過溫溫下都訓著左喎~
不過溫到去出水道先訓~都勁架喇~~哈~
我都唔知係咪活躍症架..平時對住本書一陣都會做下其他野咁..
對於我黎講…真正係對住本書長時間都幾難..
但為左AL..努力努力~~都係呢一年姐~小a要加油~

工作方面不用錄音錄影呢~~Crystal好努力整電台培訓班既Note呢~
真係唔該晒佢ar~~我都未有時間去錄音剪接添~~
今日開始係學生既測驗呢~~要監考呀~不過係一對一呢~嘻


放工本來走架~Ashley又走左喎~~本來話打側手番架嘛~~
不過佢之後都番左黎~~哈哈~~
我地等埋Crystal放工就同埋Jenny~珊珊~Ashley~Crystal打側手番呢~
哈哈~~仲玩埋倒樹衝添...個頭沒了~很痛痛呢~


邦仔今天放假去左練跑~~月尾就體能測試添~~加油a~
有件事都幾搞笑~~係關於尋日的~
原來尋日我同邦仔係樓下落車個時被佢媽媽見到~
佢媽媽個時出門冇幾耐~等緊小巴~
仲被佢媽媽見到我欖住左佢添~哇哈哈哈~~搞笑搞笑~~

馮記黃sir打比我喎~~問關於我現家份工~~
其實佢係想知我做種子既出路~~
都講左幾多比佢知架~~嘻嘻

仲有~~教會既朋友都有搵我~
自教會搬左去大元村後~~都有教會既朋友找我~嘻嘻~
遲下喇~~有時間都會番去的~~~

>>November 13, 2006 at 3:06:27 PM GMT+8

2006 年 11 月 11 日 星期六 【晴】

今日好早就出左去嚕~~約左邦仔去他家家呢~他今早放工~~kaaa~
午餐係打邊爐呢~~邦媽媽又預備了好多野食比我地兩個呢~
哇哈哈~~真是好呢~~謝謝~~

今日比較特別~~因沒電視節目看~租碟又沒咁早開門~
尋日仲想緊今天會有咩做~~雖然甚麼都沒有做~~
但係就傾多左計仔~~哇哈哈~
傾左工作上~~家庭~學習上既問題~都幾多開題下架~
但呢d都唔算係大問題既~~最緊要有人支持嘛~嘻嘻

成日都訓左好耐~~~好懶丫~~全日都係訓覺...訓覺...kaaa~
住樓對於我黎講真係一點都不慣~~間唔到聽到d聲都會令我感到有壓力咁~
好似人地開門聲~~風吹入window的聲~街既聲....好唔慣...kaaa~~
我住村屋比較靜既關係喇~~只會聽到自已屋企聲除外都唔會有雜聲~
但遲下同邦仔住~~都要習慣下架喇~~

今日都幾搞笑下~~訓訓又聽到有聲~
我以為有人拆window入黎喇~~佢話呢d聲唔係喎..聽得仲多過我~點會唔知~~
咁我真係驚嘛~~~迫左佢出去睇睇~~原來係風吹到個衫架既聲~
哈哈哈~~~真係激親佢~~kaaaa~~

信用卡禮品的摺單車有得拿嚕~仲送埋百佳現金卷添~
我諗呢個月都要拿呢~

>>November 12, 2006 at 3:42:12 PM GMT+8

2006 年 11 月 10 日 星期五 【晴】

Beyond 成員 New

黃貫中:
1. 將於17 - 20 Nov 推出 EP
2. 25/11 UMC 音樂節 (將軍澳廣場)

黃家強:
1. 將做人爸爸喇~家強老婆有左四個月孕添~恭喜恭喜
2. 新網站將於13/11重新開放

葉世榮:
1. 11月推出《沒有你 還愛你》等三首單曲作品

>>November 11, 2006 at 5:46:06 AM GMT+8

2006 年 11 月 9 日 星期四 【晴】

今日我地4個ta被Deric召見~~我地又收到投訴嚕~
= =唉~真麻煩~其實自從esr後就比較輕鬆了~
所以係會有點懶散既~但工作上沒甚麼大問題ar...= =

整天都忙碌在錄影的工作上呢~~
呢排都多於拍攝~錄音呢~~
對於我黎講依D都算係幾輕鬆既工作架~~
對住電腦多好易累累的~~

放工同邦仔出街街~~約左係深水步等呢~
但係我上架巴士唔知係邊個站下車~
係巴士傾住電話黎認路~~~
哈哈哈~原來係寶血醫院個邊下車的呢~~kaaaa~

我地去左食壽司ar~開左間新的任食壽司~
間店好似好細咁~沒行過不太清楚呢~kaa~
都幾多壽司款選擇架~~但是不可另叫壽司呢..= =

食飽飽去左黃金睇機呢~~決定將會買NDS呢~
因為邦仔家遲下可能有得玩PS嘛~kaaaa~
香港寬頻送I-POD & NDS 丫~哇哇哇~~係我想要東西ar~kaaa~

睇完就行去巴士站呢~~
未夠八點半就已經行定去個到...= ="
之後我扭計唔上巴士~~唔搭自己架巴士直番大埔~~
反而搭佢架巴士去黃大仙~~哈哈哈~~時間尚早嘛~明天又唔駛番工喎~~
係巴士我好快就訓著左呢~~~kaaaa~
佢同我一齊係王大仙下車呢~~送埋我上巴士先走~嘻

星期星又見到面呢~呵呵~真是開心ar~
黎緊11月19日有獅子座流星雨ar~
哇哇哇.....好想睇添....不過果日係星期日呢~仲要係零晨喎~
睇到既機會好微....但真係好想睇ar~~~~

>>November 11, 2006 at 2:17:18 PM GMT+8