2008 年 5 月 28 日 星期三 【晴】

最後一日架旅程啦...

食完早餐,就自由行周圍行...行行下去o左個大街市,真係逛菜欄啦!!咩都有得買,我地仲要買o左袋米,哈哈~~香港米貴呀!!

之後拾埋D野,就出去玩啦...先去o左古董街(自由路)....一D古董都冇...買架都係紀念品,同見到市立歌劇院&人民委員會總部....

今日lunch係自費,所以都係去o左間叫PH24....食越式河粉&春卷...哇~~勁好味,比之前食架每一餐都好食,又平又多又好食^_^ 之後去埋全越南最高架大廈 Panorama 33...我地係第33層飲野~~再去o左越南歷史博物館,都好細間冇咩特別~~

差唔多4點去到機場,咁就完結o左越南之旅啦!! 返到香港都成11點多啦....而家勁攰~~早抖!!

P.S. 哩5日見到好多野都同胡志明像...差唔多好多地方都有,包括銀紙...同胡志明同八婆係同一日生日的哦~~



















>>May 31, 2008 at 2:46:09 PM GMT+8

2008 年 5 月 27 日 星期二 【晴】

今日一早起身去o左酒店對出架沙灘行....個度D海水好清....比布吉仲要靚~~

之後要離開頭頓市,去返胡志明市....先去o左漆器工場&工藝品中心,都係D指定商店,冇野買!!

dinner我地去o左平桂公園入面到一路睇日落,一路食竹筒魚....哩個係國家公園...好靚,好似人地打golf咁...一大遍草地~~不過入夜就好多飛蟻,仲有蝙蝠,青蛙走晒出黎>_<

返酒店又再出去行下....不過太多電單車都幾難行~~







>>May 31, 2008 at 2:08:33 PM GMT+8

2008 年 5 月 26 日 星期一 【晴】

進入第3日行程......因為要買D野....所以一早自己一人....周圍行....周圍探險~~行行行,見到間亞婆士多到買,亞婆仲要唔識英文(正常架~~)不過都交易成功,再行返去酒店到食早餐~~

今日架行程,先去o左統一宮,即前總統府,都係睇下D會議室咁...不過而家越南係共產國家,所以係冇總統架啦~~但個會議室都仲有用黎接客~~不過個總統府係勁在有防空洞,同直昇機,可以放便走,証明當時打仗係幾勁!!

睇完總統府之後,就去睇戰爭博物館,地方唔大,但都睇番打仗時美軍點打越南,每張相都係心痛....打仗不但國家經濟損失,最慘係人民架痛苦,係冇人可以補償得到架!!

之後食個飯,就出發去頭頓市,先去鯨魚廟,入面有一幅好大架鯨魚骨,當地人話條鯨魚救過船,所以供奉佢~~睇完之後,又見到彩虹,係越南之旅,第2次見到啦~~

好...正式去耶穌山,係全球最大架耶穌像....當上到耶穌架膊頭時....哇....勁大風...好似吹得郁個人>_<望落去都有D驚,所以好快就落返去啦!!行完耶穌山,就坐3輪車遊頭頓市架海灣,好靚!!見到日落,不過踩3輪車個個人就慘啦...勁攰~~辛苦晒!!

返酒店食飯,就自由活動,去o左行shopping mall,不過係勁細冇野好行~~



























>>May 30, 2008 at 3:06:34 PM GMT+8

2008 年 5 月 25 日 星期日 【晴】

瞓醒...食個早餐,又要出發....

先去o左天后廟,越南係一個宗教自由架國家,所以有D人係拜佛,又有D人係信天主教....係天后廟屋頂架公仔,由清代到而家架啦...都幾得意~~

之後就去美拖市,食lunch,油泡象魚&恐龍蛋....好特別!! 食飽搭船遊湄公河,先去o左椰子島,個度好耐之前係一個叫天道教架教壇,係一個邪教,個教主由法國留學之後,返越南話統一o左越南,再飛上太空控制地球,佢仲要整埋個飛塔....佢都顛架....不過勁有錢,因佢係買o左個島同擁有全越南最大架象牙真本...可能佢真係讀書讀到傻o左!!

接住又坐返船,去泰山島....食生果又坐o左獨木舟,成程船見到D海底椰架果...又見到D小朋友爬上樹跳落水到玩~~之後又搭返船去碼頭時,見到彩虹...勁靚~~

上到岸,搭車去返胡志明市,食dinner....返酒店!!




















>>May 30, 2008 at 2:23:30 PM GMT+8

2008 年 5 月 24 日 星期六 【晴】

成年未去過旅行,終於要出發啦!!

5:00am 起身....準備出發去機場,由屋企自駕慢行去機場都係30mins,但點知....去到機場先知我岩岩係無牌駕駛(驚)

8:50am起飛,3個鐘機程都好快就到,大約10點多到越南機場,一落機...哇~~個機場好先進比想像中好好多~~不過機場門口就有D亂,因好多人,同見到當地明星,因見到電視台~~

先去o左越式牛肉河,都真係幾好食....仲食o左種甜品叫「夫妻糕」係當地人架嫁女餅~~

之後坐o左一個鐘車,去古芝地道,當時係用黎打仗,分別有3個條唔同架地道,用黎同美軍打"油激"戰.....第1條地道差唔多人人都有去行,不過要"烏"低身行,同可能太多人一齊行令到入面空氣較少....之後去到第3條地道口,只有我同另一個團友 & 帶路者,3人行,哇....係D地底到又要跳上跳落,同今次係蹲係到行,不過冇想像中咁難行,玩完之後都有D手震腳震,因連續咁行2條地道,再加上平時少運動~~

又搭一個多鐘車,出番去胡志明市架聖母大教堂&中央郵局,仲比人誤會我係日本人(汗) 不過真係遇到日本人仲傾o左幾句!!

行完就去食飯,不過又熱又攰搞度冇咩胃口食!!

P.S.1)越南比香港慢一個鐘,同當地貨幣最細都1000,所以食個飯都要十幾萬,所以個個都大富豪..哈哈~~
2)同住5星級酒店係marco polo hotel架omisaigon...好好...足足住3晚(大心)
3)今次成個團好多老人家去,不過佢地個個都好玩得,仲要周遊列國,同我竟然係全團人最細個個(汗)





















>>May 30, 2008 at 1:54:33 PM GMT+8

2008 年 5 月 23 日 星期五 【晴】

今日返o左去開組....之後佢地幫我慶祝生日....多謝各位組員....亦要多謝samuel媽架紅豆綠茶蛋糕..好味^_^

之後,去o左搵kinnie...因要佢幫我照顧條BB魚....哈哈,但今日佢而家有名啦...叫「咪咪」希望佢快高長大啦~~

夜晚,就係不停執行李....同整埋D手尾~~好...明天去Vietnam



>>May 31, 2008 at 3:23:54 PM GMT+8

2008 年 5 月 22 日 星期四 【晴】

係時候,執野去旅行啦....黎緊架星期日 (25 - 29) 去Vietnam....

夜晚,同OU同學仔,去o左cafe到補祝生日.....共13人....多謝大家賞面出席^_^

>>May 23, 2008 at 5:05:43 PM GMT+8

2008 年 5 月 21 日 星期三 【晴】

哈哈~~又大一年啦....

晏晝,去o左大埔做2nd interview....比上一次仲要難....唉....都唔知會唔會請....平常心吧!!

之後,去o左八婆屋企到hea.....真係好hea.....

夜晚,同屋企人食飯....一行9個....去o左以下哩2間野到食,9點多....回家




P.S.多謝各方好友架祝賀....多謝....多謝!!

>>May 22, 2008 at 2:52:59 PM GMT+8

2008 年 5 月 20 日 星期二 【晴】

今日去o左中環聽茶會...因好快就去旅行啦^_^

夜晚就同o左MEPK食飯....做壽~~

之後就指定動作.....接住就3人行旺中.....回家!!





>>May 22, 2008 at 2:36:12 PM GMT+8

2008 年 5 月 19 日 星期一 【晴】

今日先要去灣仔見工.......準時3:30到達~~ 個interveiwer係咁勁問問題...問到我差D唔識答.....之後又有個30分鐘架typing test.....勁簡單,10分鐘都完成啦...就係到呆坐....最後,走架時候,都係5:30了....哇....原來見一份工要咁耐時間架,仲要係first in.....

之後,等埋八婆出黎,我地就去o左六國酒店到食buffet...雖然款式唔多,但都幾好食,同唔太貴$188....

第一份的生日禮物




>>May 20, 2008 at 5:27:44 PM GMT+8