2005 年 4 月 8 日 星期五 【晴】

禽晚我發o左個好攪笑的夢,我係夢見潤智~~oh.....一定係亞mo成日提,攪到日有所聽夜有所夢的了!!

今日返工.....因為星期三返過去一次,所以今日都ok普通多野做^.^

放o左工,出了油麻地到同亞均佢先去食飯(我們的飯堂--->吉野家)之後本來我地都約了大家姐一齊去睇"藉著雨點說愛你"但佢出唔切來,咁我地先去了戲院買飛先~~一睇,嘩....唔係呀嘛爆o左>"<最後係要轉到旺角個間百老匯睇了(真奇怪,旺角個間不嬲都係多人去睇過油麻地個間架啦,但今日竟然係調反轉?_?)好彩我地都趕得切入買飛,因佢2:40就有場,但我地2:35到先去到(緊係要趕得切,因我同亞均用了5個幾搭了一個站的巴士,如果唔係邊會快呀~.~")唔....哩套戲之前我都會覺得我一定會睇到喊,但係係冇囉,不過都有睇到眼濕濕咁啦~~同都野都有帶點四葉草的東東了!!

睇完之後,我地就各自回家,回到家就做回"豬"瞓覺!!

>>April 9, 2005 at 1:33:31 PM GMT+8

2005 年 4 月 7 日 星期四 【晴】

今天都幾熱哦!!

呀.....今日係audio的test了~~一如預期"唔得",算吧~~只係第一次!!不過要好好惡補一下>"< lunch我去開學生會時,竟然被人問到我是否去了報嶺南.....最後亦知道我校的老師都幾大嘴巴了~m~"

晚上,去了沙田一家人食飯~~食完飯之後,就去了我心愛的K2睇衫,呀......一入到去就睇中衫了(老毛病又來了!!)之後等fitting room啦,但等的時候,我留意到有一個sales好熟面口,好似係差不多成年之前係太子個間K2買衫時的個個sales(點解我記得佢,因我之前都一路覺得佢係一個有D怕羞的sales,而做sales的大忌就係哩樣!!同佢有小爆牙有點可愛的男生~~)之後我試完衫之後,終於開口問佢係咪之前係太子到做過(正一大膽鬼!!)佢竟然不但答我係之如,仲說:我都覺得你好熟面口的了,但又怕認錯人,所以咪冇問你了(呀.....不是嘛,雖然我成日行K2,但我好似都係係個K2間買個一次野之喎~~不過可能哩一種係氹客的手法?_?)之後比$$時,一路比$$一路係到傾了一些無聊的東東,走的時候,我竟見到佢有點臉紅了(正如我一路都覺得佢係一個好唔適合做sales的原因....怕羞!!)但係談話的過程中,覺得佢如何可愛都好......佢係一名好毫無上進心及冇骨氣的一名年青人~~証明外表係不可靠的了!!

>>April 9, 2005 at 1:09:58 PM GMT+8

2005 年 4 月 6 日 星期三 【晴】

今日一早起身個喉嚨一D好轉都冇....所以一早就去了買了碗粥返學校食~~

呀...人就係咁的了!!平時好地地個時就嘴饞,但當有病時,好多野都唔食得的時候,就變得咩都想食>"<

放陪了eav一齊去買倉鼠,哈哈....個隻野個名比我地改o左叫做傻仔了,因買佢個時候,我地見到佢係到好似傻仔咁周圍走~~同佢又真係仔來,所以我地叫了佢做傻仔了^.^

今日唔洗返日文了,所以好舒服咁係家......不過明天要test我最怕的一科audio了!!呀.....唔想又死呢科了>m<"

karen:係講開你冇攞返隻野,咁佢就講o左一句"都唔知佢而家點"

>>April 7, 2005 at 11:21:46 AM GMT+8

2005 年 4 月 5 日 星期二 【晴】

呀.....一返到去學校坐都未坐坐低,就要test電腦了!!好彩.....份卷好易了!!

放學之後,就要去趕住返工了.....一返到入去公司門口,今日好多人返了公司了(可能我平時都係返星期六啦!!)多到好似要big爆間公司咁......同大家都好似好驚訝咁有個著校服的人懂得公司門口的密碼,不用別人開門~~攪到我都唔知比咩反應佢地好(因thomas佢又唔係到>"<)所以走返埋位到密密做了!!不過密密做都做到成差不多7點半了~~

呀....今日真係好攰了!!同今日都有D病病地....喉嚨痛+骨痛=發燒的徵狀......都好耐未有哩個半病架感覺>"<

karen:冇事就好啦.....今日thomas佢問候你哦(係正經個隻呀~~)同佢說你冇攞返個隻唔知係雞定唔知咩個隻野啦~~

>>April 6, 2005 at 1:24:25 PM GMT+8

2005 年 4 月 4 日 星期一 【晴】

6點幾就起了身~~因今天係清明節了!!以前讀書說清明時節雨紛紛,但今日一D都冇了......

我地先去柴灣再去荃灣(每年都係由地鐵頭去到地鐵尾了~~)不過今年好不同的就是唔洗去鑽石山了,因上個星期日靚媽佢地去了!!唔知而家D人係咪唔興正日拜山呢?_?好似今日去拜山的人少了......

回家之後,就緊係黏住o左係張床到啦~~一瞓就瞓o左成個幾鐘了!!一醒就做了放假指定動作---->睇二宮了^.^

唔知係咪我成日係到睇二宮多呢?_?細佬聽得日文多,所以佢都好似識識地日文咁(我想一定有人說傻的了!!)

karen:唔好呀....咩事呀?_?

>>April 5, 2005 at 12:41:22 PM GMT+8

2005 年 4 月 3 日 星期日 【晴】

都唔明今日返學來仲咩?_?因明天又放清明了~~唉.....又要早起去拜山>m<"

唔知係未明天又放假的關係,今天係冇心上堂的了~~

放學....四人組除了亞mo之外,其餘的人都去了信和,呀.....一行到up-to-boy的時候,不是嘛精品半價,oh~~我要破產了!!一入到去2話不說就隨手要了2樣二宮的poster同墊板了~~太好了^.^因2樣都係好想買了好耐的東東了....由其poster了,個張poster由03年等佢平到而家了,由$95降到$48才買了下來~~二宮係我的此終都會係我的了(可能有D人會覺得好嘔~~但我好鍾意哩句^.^)

之後我去了機鋪找亞哥二世了,是了.....我是第二次著校服入去了!!入到去又係出奇地見到好多我地學校的人了(係我見識少定如何?_?一定係了,讀了二年而家先知~~)機鋪入一共有約十個的ymca學生,全都係著住校服的了,有D仲要係我成日撞口撞面個D═.═

返日文,今日係考試日了~~不過我都係冇心機去溫,所以係抄考完成的了~~唉....真係......

karen:所以我成日都係到說唔捨得你了^.^

>>April 4, 2005 at 2:34:49 PM GMT+8

2005 年 4 月 2 日 星期六 【晴】

今日凌晨3時37分教宗聖保祿二世離開了人世了~~雖然我唔係一名天主教徒,但我都覺得惋惜了!!希望教宗真可以回到天主的身邊吧~~

今日整日都係係家中渡過.....不過最驚訝的是我係now中的animax睇到arashi的mv"hero"雖然舊D(其實都唔係真係好舊的了!!)但好開心,因可以係電視中直接睇到佢地arashi....不過佢唔係播晒全部的了>"<

>>April 3, 2005 at 1:57:54 PM GMT+8

2005 年 4 月 1 日 星期五 【晴】

哎呀....點解今日咁多野做架~~攪成3點先可以放工走人!!仲要lunch都未食,攪到成3點幾先食飯,都係第一次了>"<

回到家之後,咩都冇做過只係做o左隻豬,係咁瞓~~

karen:我終於可以睇到你個留言了,唔....我禽日見到個個女仔了!!佢真係唔係好似你咁顛顛地,同唔係好多出聲!!可能唔熟啦~~要耐o左先知佢係一個咩人?_?

>>April 3, 2005 at 3:34:16 AM GMT+8

2005 年 3 月 31 日 星期四 【雷雨】

今日係張國榮哥哥的2周年死忌~~自從哥哥死了之後,個天都係每年的愚人節都下雨,可能個天都一齊悼念哥哥佢了~~

今早返學搭地鐵的時候,見到有個痴漢(日文來的)~~佢一入到先係到扮晒唔小心同睇唔到個女仔加扮拾野咁用個背脊係咁痴住個女仔~~以個女仔佢又唔閃開被個痴漢,有見及此我就係咁bear住個痴漢,可能佢有D心虛啦,佢就轉企了係個女仔的隔離了~~但個痴漢都未有放棄,佢仲企係個女仔隔離的時候,佢又係痴到個女仔好埋了!!今次個女仔醒目了,識行開了!!之後到了油麻地站時,個痴漢佢又係落哩個站,咁我就係企係佢後面等落車,唔知係佢心虛呀定咩啦,佢見到我同佢落同一個站時,佢就雞咁腳落(低能~~)地鐵都真係咩人都有了!!

今日我地四人組的話題係....."哈爾移動城堡"

放學時,我地四人組一齊行了一震街先各自回家,不過係行街的時候,我同亞均佢係到說起我老公(二宮)時,竟然有個男人聽到之後回頭望一望我,哈哈.....好攪笑!!佢唔係真係信我有老公呀嘛^.^

>>April 1, 2005 at 3:08:15 PM GMT+8

2005 年 3 月 30 日 星期三 【晴】

今日返晏之與又放早,不過我四人組除了亞mo之外,其餘的人都一齊去了睇"哈爾移動城堡"開場前的片頭,又有"藉著雨點說愛你"都睇第2次架啦....都睇到眼濕濕了(傻瓜!!只是片頭了,如果真係睇咁未喊晒?_?)我都唔知了,我想我一定會去睇了~~哈爾出場了!!嘩.....真係個句:你洗唔洗咁靚仔同咁溫柔及可愛呀(我係未讚得佢太誇了嗎?_?)之後係套戲中有一句對白好心刻,係幾個女仔睇到哈爾移動城堡時用好可怕的口吻說:聽說哈爾佢又貪了一名少女的心了,本來我都唔係好明佢的意思,但當哈爾出來時,我就明白了,因我都比哈爾的姿色貪走了我的心(宮崎駿先生你係咪有心的了>"<)睇完時,我覺得宮崎駿先生佢的作品真的好有深度了......但我想每個人睇都會領略到不同的意思了!!同係少有的happy ending了~~

>>March 31, 2005 at 1:40:58 PM GMT+8