2005 年 6 月 17 日 星期五 【晴】

今日係梁X豪生日....生日快樂!!上次仲係到話我又老了,今日你未又係同我一樣~~

返工,比上次的少了好多野做了,不過都做到成12點幾了,早走了約10分鐘到~~

之後又係同了靚媽去了葵芳食飯......同買了幾套戲返家睇~~

回到家就開始我的睇碟了,睇了"AV"(係一套無聊的小電影)夜晚就睇了"早熟"都真係幾有意義,差D睇到眼濕濕,由其曾志偉去搵返佢個仔時,所講的東東~~

>>June 19, 2005 at 2:44:46 PM GMT+8

2005 年 6 月 16 日 星期四 【乍寒還暖】

今日二宮和也生日了^.^恭喜晒~~

晏晝同了靚媽去了葵芳行了一震,之後去了銅鑼灣搵聰聰比手信佢,係佢個到一待就待到成7點先走了~~

走了去旺角,同日本來的佐藤小姐一齊食飯(都係第一次見佢的了)嘩.....佢D中文好勁,所以我地好多時都會講廣東話,但有時聽唔明的話,都會日文加英文加廣東話一齊講^.^"同佢都唔係第一次來香港的了,所以佢之前已經去過好多地方了~~佢成日講香港D野好平(但香港人覺得日本野好貴呢>"<)佢又係日本帶了手信比我~~oh....一睇就知好貴的了!!同佢又請了我食飯~~食飯後,就同佢一齊行了一震旺角.....不過都成11點45分了,咁我就走了!!對佐藤小姐來說香港D人成日都唔捨得回家,因好夜D人都仲係街,同D鋪頭都唔關門~~哈哈!!香港就係咁的了......

ada:唉.....我想我一定會衰過你,想想下B.A都係.........唉!!好似讀high dip.仲衰過dip.個時了>"<想畢業都係想下好啦~~

>>June 17, 2005 at 6:00:06 PM GMT+8

2005 年 6 月 15 日 星期三 【暴雨】

今日終於可以係家中安安定定咁睇返集日劇了^.^不過夜晚要返日文.....好似咁快又要返日文咁架?_?

死啦.....焦慮症又再度發作(真係控制唔到自己唔想得灰~~)好驚.......到派成績表個日7月13日就係啦,仲有唔夠一個月~~預了最少衰2科........如果只係衰audio一科就好了(哩科一定衰緊的了!!)因咁樣我都會去補考(補考要$$的了~~同audio都好甘!!)但多數都唔係了,因仲有HR哩一科......算吧~~都係畢唔到業的了>m<"唉~~

曾蔭權以有效的六百幾票及只有佢一個候選人,所以佢自動當選了特首~~希望佢真係會飲香港人的水,流香港人的血啦~~

>>June 16, 2005 at 9:39:31 AM GMT+8

2005 年 6 月 14 日 星期二 【溫暖】

今日一起身掛住攪部新電話,攪到遲出門口,所以就遲到返工了~~

返工........好多野做,可能真係一個星期冇返就咁多野做啦~~今日由2點至到成8點幾了......本來心想落雨,咁就去搭個D機鐵接駁巴啦,因咁樣可以唔洗點露天,同可以快D~~點知一有車到,有個好冇品架男人一支箭咁飛上車.....有冇攪錯,打尖!!攪到我要等下一班車>"<一等就等o左成十幾分鐘到了~~誰知.....去到東涌線又要等車,前前後後咁等,就攪到成9點先返到家了~~

好似由旅行後到而家都冇一日停下來咁,感覺有D攰了~~

香港都唔知係咪低洼地區來的,周街都係水氹.....其實係香港好多渠都塞了同D街鋪得唔平>m<"

>>June 15, 2005 at 3:45:10 PM GMT+8

2005 年 6 月 13 日 星期一 【乍寒還暖】

今日都可以說又係好忙的一日了~~

一起身就去了尖沙咀攞相(其實我起身時都成12點了^.^")哈哈(苦笑)因我禽日係公司留下曬,但唔記得了攞(但突然地明天都要返了........)所以今日出了去攞!!

之後又返去了荃灣同了靚媽食飯,同亞哥一齊去出電話,yeah~~換了部3G電話了^.^係sony ericsson z800i~~不過今日都未用得住,因要义好電先嘛!!但計埋供電話同台費一個月都要成$400的了~~份part time搵埋都只不過係剛剛好的了~_~"

晚上同了巴別去了睇韓戲"擁抱這分鐘"我地先去了元氣食飯先,之後先去睇,套戲都幾好睇了~~因有好大突破,本來我都想會係好本普通咁講個女主角有腦病咁啦,但點知係講個女主角佢有老人痴呆症,只會記得以前D野,所以佢成日攪錯了佢老公係佢以前個男朋友.....最後個女主角都記得返佢老公~~

>>June 14, 2005 at 3:46:19 PM GMT+8

2005 年 6 月 12 日 星期日 【晴】

今日返了工,冇返一個星期好似多了好多野做!!一做就做到成6點幾先走(不過我都係2點幾先返到去~~)

之後就返好耐冇返的日文~~日文教到邊我都唔知了!!所以都係玩玩下咁過了一堂~~

死了....而家日日都係到同泰國的團友msn同icq到12點幾,同係咁不停咁打字,攪到自己好似係到上緊打字堂了>"<

仲有,有了NDS之後,攪到我唔知打PSP好定NDS好了~~

>>June 13, 2005 at 4:29:14 PM GMT+8

2005 年 6 月 11 日 星期六 【晴】

今日都可以叫做义好電了!!

晏晝出了葵芳,好似好耐冇行過咁.....其實都只不過係5天唔係香港之嘛~~

之後回到家留下,焗個油,因泰國D水好硬攪到個頭都"鞋"晒~~

由於禽日去了中大影相,而家攪到成隻腳都係蚊"難"係一隻腳有成十幾粒.....好癢!!

>>June 12, 2005 at 10:06:15 AM GMT+8

2005 年 6 月 10 日 星期五 【晴】

今日公眾假期,唔洗返工^.^

返到來香港都要早起,因今日一早起身要同亞哥同嫲嫲去了中大到影畢業相......我就帶住個黑眼圈去影了~~

之後回了家,好似一睡不醒咁係咁瞓......足足瞓o左成6個鐘,都仲有D攰!!

>>June 11, 2005 at 3:44:11 PM GMT+8

2005 年 6 月 9 日 星期四 【晴】

係泰國的最後一日了,大家都好遲先起身!!同我地係酒店大堂到係咁影相,影到比領隊罵我地唔很上車^.^"我地行程的最後一站又係行百貨公司,哈哈,我地一班年青人都因為冇晒$$咁滯,所以都冇咩點買野,只不過只係食了野,但個到食野超........平!!港幣10到就可以食到一餐了!!

出了機場,好快就上到機了,今次有得坐窗口位~可惜夜晚冇咩野可以影同睇了!!同第一次比人影了張嘔心瞓覺相~~

今次的旅行都好好玩了,同好多泰國人都識講廣東話同泰國周街都係狗了!!

但想返起係香港機場比人用普通話說"謝謝",同係芭提雅比得佬問我地係未新加坡人~~咩我唔似香港人咩?_?

>>June 11, 2005 at 3:37:38 PM GMT+8

2005 年 6 月 8 日 星期三 【晴】

都到了行程的第四日了,今日早起又係去下D花蜜、草藥的專門店到睇下(又係好悶的~~)同所有團友都好醒咁唔會比佢地屈買野!!因上次蛇園之後,大家都差D比人屈買野了!!

之後搭車去睇人妖show,嘩.....個個都好靚了!!但近睇係超厚粉,好似帶o左個面具咁~~不過佢地個個D身形同樣都好正了!!但點都唔會想得出佢之前係一個男人來的~~佢地一見到男仔就係咁發顛叫人同佢影相!!

食完dinner之後,去了night market到行作最後的購物,個到都係買D特式野了!!

其實今日的行程都好輕鬆,但比禽日的水上活動攪到周身酸痛>"<同晚上又去其他人的房到玩,最後有個團友比人玩到褲都甩埋,好彩我當時係企係佢後面啫!!

>>June 11, 2005 at 3:21:26 PM GMT+8