2002 年 12 月 1 日 星期日 【陰】

呢幾日真係超多野煩，又Singing Contest，又La La Team，又籃球賽，又Speech Day，仲有要Interview阿校長喎……….俾Mrs.Jenkins玩死喇。但係就樣樣都未掂，冇樣得咁！歌唱比賽連名單都交唔到，阿上葵涌謝霆鋒又以私人理由話唔唱，唉………見佢好無奈咁同我講唔好意思，又嬲唔落，淨係好騰雞冇人唱，成個人都靈魂出竅咁，上堂都一味諗住要搵阿邊個邊個，仲要俾塊死大面串實左tim呀！所以今日真係勁燥，雖然我依舊笑容滿面，查實係苦中作樂！放學D Form One踩場，我知Wanda好想打波，我話走係冇顧你，但我知再打落去，一定實行串爆D靚仔，傷感情就無謂啦，咪唔打波囉！我只係好忟憎，搵你”嗔”下咋，唔使理我講乜，因為連我自己都唔知。我唔係話嬲邊個，亦冇人激嬲我，只係開始覺得我呢個社長唔多掂…………冇樣野準備充足ge……..事事都係”林”急抱佛腳……..又冇樣Win到喎………唉！可唔可以劈炮架？諗下je都係，我絕唔會咁不負責任ge！我會努力ge………..
阿真真係好喇，返左屋企，但係我地一Call你就肯出黎食野，費事俾人見我地兩個「撐枱腳」又有排吹水架喇！同阿老公一齊棧我耳仔受罪，有時真好唔想聽架，但愈叫佢唔好講嗰D野佢就愈講，唯有無聲勝有聲啦………..唉……好彩分左居，都好D架喇！講真，我唔介意男仔講粗口，但我介意男仔鄐k仔面前講，因為咁真係好冇風度…………少就話冇所謂je，成日掛鄐f邊我就好嬲怒lu！但你依然照講，唉…….冇心機丫！阿賢呀，希望你會變番好啦！今日你冇錯，係我估唔到亦唔心情時間估你講笑定講真je，你冇對我唔住，唔使Say Sorry喎。

P.S. 要同D今日睇過我面色ge人講聲對唔住呀！
TO BE CONTINUED>>.....................嗚嗚.....

>>December 2, 2002 at 4:25:44 PM GMT+8

2002 年 11 月 30 日 星期六 【陰】

對唔住呀阿真，要妳將個死線押後完又再押後，但係我地真係冇得交嘛，個上葵涌謝霆鋒又唔知返唔返學，女Solo又冇人唱，唔通真係叫我頂硬上咩？…….望就望D Form 7幫下手啦…..我真係真係好想BLUE HOUSE贏架………但係似乎又會比黃社擊敗lu！今朝仲要夾親隻手指，痛到我冇命，十指痛歸心……..嗚嗚……..依家仲痛緊呀……會唔會係D不祥之兆呢？

今日超開心呀，去左Pizza Hut食沙律吧，疊到歷史以黎最高呀，仲放到7舊桃tim呀，勁驚拎番埋位嗰時打瀉，實瘀到死！食到捧住個肚，肥死喇！
Wanda呀，我都唔想架，有時真係有心冇力嘛，我都好緊張架，妳估我想架咩？
好開心，你地分開左都可以做番朋友，真係好喇…………有D”紅番排隊去廁所” tim。
阿賢，俾一晚時間你，如果你真係估唔到，咁就冇得做我ge第二個架喇......唉！似乎都冇乜緣架喇。But我老公就身在福中不知福........
今日冇乜野特別，明天再寫過.............

TO BE CONTIUED>>>>>>............

>>December 1, 2002 at 4:15:11 PM GMT+8

2002 年 11 月 29 日 星期五 【陰】

第一句梗係第一時間讚吓第一次黎又係第一個咁耐先黎同埋第一個寫咁多留言俾我ge第一號老公啦！咁遲先黎架，等到我成隻長頸鹿咁lu…….記住要日日追黎睇，咪淨係成日睇女仔，仲要多D留個字俾我，等我知你有心先得架嘛！But你要去比賽，晨早起身都寫咁多野俾我，我經已好開心好感動lu，唔知你今朝打成點呢？雖然我睇唔到，但係你聽日場波都要加油喎。咁辛苦呀，記住要抖多D，唔係就擔唔到石仔，打唔到份地盤工養我架喇，唉…….仲話我唔關心你喎，緊你你又唔知je……女子夕夕無大示口牙！你晌我面前同你個「敏感」女朋友食飯，我都口五口男女男人尔，仲有上次單CURRY CHICKEN INCIDENT我都信你，你宜家反轉豬肚，掉轉槍頭話我，我口五口男女男女又心先大可口牙！我講真架….我真係好敏感架……
死喇，你唔提我都唔記得下個禮拜一有比賽tim，仲要係盟友大戰。冇叫佢地帶衫tim架，你幫下我話佢地知啦！希望今次BLUE HOUSE威番次啦………又一次傷我地夫妻感情lu……！老公咪忟憎”她”啦，你唔講佢聽佢唔知架麻，人叫你做乜就做乜，冇D性格！

仲有呀，差D唔記得講呀，嗰個大面人尋日Lunch Time走黎串我，問我「你今日有野交未？」，態度惡劣，我心諗:你係SA Vice 都冇需要咁串呀，已經1X號催我交2X號先係死線ge野架啦，仲要咁對我，都係另一個Vice好…….志勇兄起碼會幫度期走隙呀，勁好人…..你個partner就差D喇……..好唔妥佢咁串囉，太不可一世喇，話到尾我假假地都係一社之長嘛，尊重下好喎！

今日成日生活糜爛，乜都冇做，淨係睇吓下書、聽吓下歌咁，也許生活糜爛也是另一種美！
好surprise阿陶陶約我食糖水喎，仲有欣欣呀，又Long Time No See喇！雖然大家都變左，但坐番埋就好似回到過去咁，你倆就好啦，可以鄏P一間學校，我就……..唉……..。聽到你地練La La Team練到咁行，Saturday同Sunday都練埋，我真係有D慚愧tim！哈，呢個哎呀男朋友第二次送我返屋企喇，要你咁夜先返大埔真係唔好意思，希望下次唔使咁耐先見到你地啦！

P.S. 你個衰佬，講講下電話過左隔離線就唔返來呀! 女子男女男女又心口羅！
如果你剪左個7頭ge話，我就...........架喇！
喂呀，同同呀，唔寫你不代表唔掛住你架嘛，你有乜都可以同我講，特別係某某ge野！
TO BE CONTINUED>>>>>>............

>>November 30, 2002 at 6:22:10 PM GMT+8

2002 年 11 月 28 日 星期四 【陰】

唉……..似乎就黎頂唔住喇…….Feel到好似想病，把聲都變變地，星期一仲要MUSIC EXAM tim ga，都唔知點唱！個天又咁陰喎，邊度都唔想去，玩都冇乜mood…….
今日Speech Day綵排真搞笑，校長叫我地表演下兩文三語喎，用普通話、英語加粵語介紹D節目，點知校長走左冇耐，副校長就話個idea唔多好，叫我地用番粵語！仲有呀，個女副校長原來係個好古板兼個樣幾不可一世ge女人，怪之D人話佢唔鐘意Singing Con.唱情歌啦！
今日Green House VS Red House呀，Red House嗰邊竟然輸到23比0，跟住就27比4，老公面色都沉曬，都唔知同佢講乜好，Green House嗰邊又串番佢地，鬼咩! Red House嗰日咁串，比我都串番你地轉頭啦！於是唔知企哪邊ge我，咪企埋一邊囉！喂呀，打完見你咁勞氣話D社員都幾驚，後來叫你笑番先放心咋！之後晌度勁叫尹淑Wing參加Singing Con.女Solo喎，點知叫極，S捕瓜\都唔理唔玩，我又唔想Solo同合唱我玩曬喎，俾人噓就唔好啦！於是咪班馬一齊勸ar Wing 囉，嘩，藍社幹事加綠社社員，仲有黃社社員兼Music Club Chairlady再加紅社社長都勸唔掂，查實仲有成個月先比賽，唔使咁怯喎……..望就望你會俾個我想要ge答案我啦！
下次要早D走喇，Today補習又遲到，遲左成四、五個字呀，唉……成日都玩到、笑到唔知時間ge！嘻，Speech Day之後放假一天呀，大家搵掟去啦，有D想去踩單車，But呢排D天氣差，又唔知你地想唔想去喎……….

P.S. 要同D打過電話俾我ge人say SORRY，我真係太累所以無聽你地電話咋！
TO BE CONTINUED>………………

>>November 30, 2002 at 8:11:43 AM GMT+8

2002 年 11 月 27 日 星期三 【晴】

SORRY ar，呢幾日好累，所以兩日都冇寫日記，超對D日日追黎睇ge人唔住啦，你地咪暗瓦底睇好喎，路過都要留個言架！
呢幾日又發生左好野，好多人唔開心，但係就個個都收埋收埋…………..
唉……..BLUE HOUSE好似同個「輸」字結盟咁，贏過一場，輸左N場，四社足球比賽就走去拎殿軍都膽死，仲踼鬼左個波落山，要賠 tim呀！Anywany尋日場波真係好好睇，可能Lunch time 打啦，係唔同D ge，雖然落後廿幾分，但係佢地超强，一口氣追到差兩分，然而最終都輸左，呢隊連一個後備都冇ge team都盡曬力架喇，抽筋都頂到最後一秒。可惜我又唔識打波，乜都幫唔到手，當佢地同我講「社長，唔好意思呀贏唔到」ge時候，自己真係有D慚愧囉！講真，成隊我只係搵左兩個，但佢地就自己幫我砌夠一隊，隔離綠社竟然唔夠人參賽，仲要俾D難聽ge說話個社長聽，紅社D人又串佢地，搞到阿君喊住同我嗔。所以原來我已經有褔氣lu………唉！唔知下次會唔會到我喊呢？
而家日日都唔敢唔等松鼠呀，你咪男女男先啦，嗰日Lunch 阿權已經叫我陪佢搭35A架喇，咁我又唔知你等我喎，咪……唔係有異性冇人性架，何況依個老公我已經分左大半俾你啦，仲想點呀？我地叫你一齊又唔埋我地，勁火口口口木呀！你個衰佬，你自己咸就好啦，仲落豉油落到我地碟炸兩鹹到咁，點食呀？
今日呀，返到屋企問口先知我冇帶鎖匙，屋企又冇人喎，打俾Mommy佢又係粉嶺，Daddy又係對面海，都冇人理我，唯有自己死死氣拎住個超重ge書包，仲有一對跑左17個圈ge腳，行去阿嫲屋企拎keys囉，嗰時突然覺得自己一個人好慘，好想身邊有個人幫我………但望極都冇……..
阿真呀，我同Wanda可以講ge已經講過曬，我真係唔識S息A、安慰你，剩番落黎要靠你自己啦，過渡期黎架je，堅強D呀，有乜就同我傾啦！冇計啦Wanda，你識左我咁耐都知我唔慣亦甚少主動打電話俾人ge，連ICQ都係人地Hi我之嘛，你要習慣下喇！
我要在此聲名，雖然我唔見過兩次支筆個ELMO頭，電話繩隻ELMO又發生斷臂事件，但ELMO係唔會離棄我架，佢只係想引我注意咋！OREO GLORIA唔使妄想喇！咪以為D Notes有ELMO頭就得先得架！
阿賢呀，對唔住，我…….我唔會再用呢D野玩架喇，我唔知你咁認真嘛…….你已經兩日冇點睬我lu……….

TO BE CONTINUED>>>>>>>>>>

>>November 28, 2002 at 5:54:07 PM GMT+8

2002 年 11 月 24 日 星期日 【晴】

今日成日都冇乜聽書，M & S 教ge以前都學過，所以冇心機聽，之後又要晌堂上同RITA作埋份M.C.稿喎，點知含辛如苦作出黎ge稿，AR SIR 幾乎改鬼曬，話要莊重D喎。唉…….我地都係想個Function冇咁悶，想生動D咋嘛，鬼知佢話唔夠莊重，Too Offensive喎！廿個字改左十五個，咁搞法，咪即係要寫過…….被佢玩死，唯有辛苦大家，嗰個日要悶吓喇！諗番之前係銘賢個Farewell Assembly，雖然都有改我地ge台詞，相比之下，已經寬鬆過好多，唔係我地都冇得喺係台度吹水拖時間啦 (咁查實我地寫黎交ge一份，林場講嗰份就在心中) ….哈哈！

BLUE HOUSE個Banner print好喇，但同想像中分別幾大，話有ge字體又冇，個Background又改埋，個Logo更加不知所謂…..拼埋Red House個度似乎會給比下去！嘻，今日仲要四個社長猜包剪”dup”，睇下邊兩個掛晌一樓or二樓，係綠社社長ge幫忙同陳Sir ge阻隢下，終於盟友都可以掛同一層喇！但陳Sir好似知道我地結左盟咁，專登拆散我地tim…….

原來人事ge野真係可以好煩，好多時自已以為已經處理左，交代左ge事，人地會認為冇，又或者未夠，點先可以滿足曬所有人，照顧到佢地ge感覺呀？我真係有試過架，以平常心待人待事，而且忍得ge我一定忍，但係當我天真咁以為可以重新開始合作無間ge時候，豁達ge背後依然有人不滿…...有甚麼不能開心見誠講喎？But, 咁令我知道原來我識到ge係真的好朋友，水桶SHING雖然背叛我去唱K，但我知你都好幫我ge。CARMEN同WANDA更加唔使講，成日睇住我，等我唔好被人”哈:”……….

今日仲有樣野唔開心架，今日我第一次幫人打呔，已經算打得幾好，滿心歡喜咁，點知…..點知一個屈尾十話句肉酸，然後仲拿拿林拆散左條呔………見到咁，又唔好意思出聲…..嗚嗚！今朝先學識打呔ge我被人咁對我，你話Hurt唔Hurt呀？唉……..查實你今日拆散ge唔只係條呔，仲拆散左我地之間ge感情，更加拆散左我的心、我的靈魂，一切已經無法重組如昨天一樣！~~~阿賢，你嗰個晚問我ge問題，我仲未答但係似乎你今日做ge野……已經幫我答左lu！

同同呀，連你都走埋咁5D ge同同小童合唱團咪要解散囉？真係唔捨得你走架！喂呀，你係都去Vancouver唔好去Toronto啦~~~~mmm…..我或者遲D都會過去架，想見我就要去Vancouver喇，何況Toronto勁凍架………咪去啦！
唉……..聽日又要聽Pre-talk，都唔知有冇得睇場決定我地係3rd or 4th ge波tim架！
SORRY X 100,00次 ya GLORIA……..我知錯喇，您咁可愛一定唔會嬲ge…….Lend me those notes la!!!
TO BE CONTINUED>>>>>..........

>>November 25, 2002 at 1:49:56 PM GMT+8

2002 年 11 月 23 日 星期六 【晴】

唔好意思，尋日夜返無寫一日tim！
交代下尋日ge野啦，費事D人人追來呢度睇ge人咁失望啦〔都唔有冇咁ge人〕。
尋日晨早走左去唱K呀……..但得唱到一點半……..勁無癮又唔夠喉，搞到我返屋企擘大喉龍咁唱囉！喂，Wanda呀，唱好D呀，撐住你架，有信心實掂梗，OVERALL CHAMPION 我地志在必得架麻！真真呀，放膽D唱，況且仲有成個月練，少擔心啦，有私人教師阿賢嘛。阿賢呀，小心D唔好冷親呀，好慘架，希望你同松鼠快D好番啦！

嘩，唔傾唔知，原來松鼠真係諗野諗好成熟，當我以為自己諗野已經幾全面ge同時，佢竟然比我仲要諗深一層分析我聽…….太犀利喇！我D咁唔Sensative ge 人餐餐都咁好彩，識到D勁到震ge 朋友，之前有欣欣幫我Feel，而家又有松鼠喎，真幸福！
Wanda，Sorry ar，撇低你去買校服，冇陪到你，嗰晚仲Cut左你線tim…..好衰。哈哈，我買到你個關子你買唔到我嗰個喎，太差啦，吊死你條癮先！

今日去左送Kevin機，唉………你返左來三個禮拜都冇乜點陪你，我晌加拿大嗰時你就日日陪我咁滯，車我周圍去，諗落都有D衰tim，鬼叫你唔俾架車我揸咩…….下次我再去你一定走唔甩，撞花你老婆先得！
之後又去左東涌做我至鍾意ge野 ~~~~SHOPPING! Really ge 抵架，呢度唔虧便賣廣告，咁賣關子啦，詳情問我！
個衰GLORIA又話借Notes我喎又唔帶...............好憎你囉！
明日要交SPEECH DAY 份 M.C.稿，一粒字都未寫過，RITA 星期五又冇番，唉.........ECON堂先算啦唯有！

訓啦.....TO BE CONTINUED LA！！！

>>November 24, 2002 at 4:51:13 PM GMT+8

2002 年 11 月 21 日 星期四 【晴】

今日Math& Stat Test又衰左喇，呢期真係好懶散，上堂冇心機聽書，返去又冇Revise，傻更更又一日，仲要由何凱閩叫我上堂留心D，唉！真係風水輪流轉。我真係唔識點安慰你，可以講ge已經講左，淨低ge等時間搞掂佢，執生啦，撐你架！
幾驚Music考到我呀，我歌都冇乜練，又間唔到，點考呀？但係又要驚多次lu。真係估唔到D人咁勇，湧曬出去唱，我就怯囉！查實Wanda妳唔駛咁失望喎，可以重考嘛，妳太緊張先會失準je，何況距離Singing Contest仲有成個月，加油啦，我對妳有信心架！真真都咪眉頭深鎖，第一次唱係咁架喇，TAKE IT EASY！水桶SHING又唔認真D唱喎，你文學堂都唱得唔錯架。唉…..我地為左三個字寫左三千字ge message board，仲寫極D話題都唔完，搞到我抄notes都冇力tim ya！
唉…….場初級賽輸左lu…….應該話又輸左…….邊有開波十秒就被人篤入一粒架？搞鬼錯呀……原本都幾Down架…..大佬呀，四社比賽，宜家唔係第三就第四，唔down至奇。不過同Wanda同阿權猜埋D低能“牛肉粥”妹之後，又唔鬼記得左唔開心tim…....慳番件Cheesecake！仲猜到唔記得去補習，遲左幾個字先到呀！算啦，唯有寄望紅社輸埋，我地拎第三啦，但係另一方面梗係唔想盟友輸波，兩難局面tim。
諗起睇波，又諗返以前晌銘賢ge日子，又long time no see你地啦，中秋之後都冇曬影，但就竟然撞過兩次Screw同Ting Ting喎。整整吓下DINS都拆埋夥呀，家姐Wing有異性無人性呀，唔理我呢個妹lu………胡淇麗又唔知讀書讀成點，掂未呀，咪番工喇！欣欣又唔知點呢？（下柵N個人名）好掛住你地呀……..
嘻嘻，Wai魚就番香港喇，好緊張tim，話曬七年冇見ge小學同學仔喎！唔知妳變成點呢？


聽日去唱K呀……..玩餐飽先！
TO BE CONTINUED……..

>>November 22, 2002 at 3:38:43 PM GMT+8

2002 年 11 月 20 日 星期三 【晴】

對眼已經三日都冇睜大過喇，無時無刻都想搵周公嗲。
唯一LUNCH TIME 至精神，因為可以成班人講埋D無聊野，呢期又冇玩D概念野，玩拆字訣，搞到途人側目 tim！
嘩，原來真真真係幾擦得架喎，食完隻碟恐怕都唔使洗，仲話食極都唔肥，懶係勁咁，不過食得是福ge，你口米男女男女又心口拉！哈哈，我地同Wanda有個同年同月同日ge日記版版，但我未知妳個版ge location喎？
仲有呀，唔講唔覺，今日先覺得阿 OREO同 Miss易個樣真係有D似架，或者係神態啦，但輪廓都OK似噃！算啦，妳自己實唔覺ge，但有得”笪” Miss個剁喎，有幾可呀？喂呀，我唔係話妳賤格呀，我都唔知係妳開個Locker ge，不知者不罪噃！我唔想佢地成日亂開之嘛，口米男女男口拉，口五口男女男就留個言俾我啦！
唉………嗚嗚………今日踼高級組輸左呀！已經形勢口五口夕夕女子ge BLUE HOUSE，真係危危乎，點解D運動得ge 抽唔中入我地個社架？今日有史以來睇波睇得最平靜ge 一日，得番七分鐘仲輸緊三粒…….雖然波係圓ge…..but….咁就辜負咗綠社社長一番好意lu！唉…..…阿賢唔晌度就連嗌，打氣ge mood 都冇……好在聽日場波阿賢都去睇隉A正所謂輸波都唔好輸氣勢，希望掂啦！
大家放心喎，我冇事，係就係有D唔開心，講到尾都係輸左麻。之不過我已經食咗甜品來安慰自己喇，但冇得食我至鍾意ge CHEESECAKE…….都係有D唔開心囉！

我都知拆字ge日記幾難睇架喇，咁就只此一次，下不為例啦！
TO BE CONTINUED...........

>>November 21, 2002 at 5:05:51 PM GMT+8

2002 年 11 月 19 日 星期二 【晴】

寫得超辛苦，一個唔該冇曬............嗚嗚

>>December 28, 2002 at 10:56:45 AM GMT+8