2006 年 2 月 21 日 星期二 【晴】

今朝雖然只係番１堂，但我都好努力咁起左身上，
放學就去左交學費，好唔捨得！！
本來今日呢就約左ｋｅｉｋｏ做ｐｒｏｊｅｃｔ既！
咁呢，但佢冇番學，但我地都唔理！
照衝上佢屋企囉！仲要千里迢迢咁去天水圍！
有我、２拎、文琪、奧雲同田亮！
上到去，禁極門鐘都冇人開門！
文琪仲要向度１路禁鐘１路唱住：叮當叮當，門開不開
之後我地就諗住問對面屋既人，睇下我地禁果家係咪姓張！
又冇人開門！～．～，之後我地就去第２條走廊睇下２拎有冇記錯！
因為只有２拎去過１次咁大把！
之後去第２間屋度禁下鐘，明明個鐵閘開左！
但冇人開門～．～，好似成層都冇人住咁囉！！
之後走左落樓下大叫ｋｅｉｋｏ！ｗａｈａｈａ！勁白癡！
之後２拎同文琪就走左上去多次，
之後向樓下登記果陣，ｋｅｉｋｏ阿媽就向隔離囉～．～，
原來ｋｅｉｋｏ呃左佢阿媽話番學囉！
我地仲要打左幾十次俾ｋｅｉｋｏ囉，佢都唔聽電話！
之後我地就好憤怒咁去左ｐｅｔｅｒ屋企做，
總算有做過野！做到４點幾就番左屋企！
７：００又要出門口番學，今堂好好玩，
向度同ｄ同學仔傾計，笑死我！
原來我地呢班有好多乜乜界距子！笑！！
派中期考試，我明明就完全抄家豪！
家豪８３分囉！我得６６！搞錯！
阿盈又係抄家豪！但佢有８５分囉！全班最高分！
咩料呀～．～，９點到走左，去左搵寶寶！嘻！

>>February 23, 2006 at 1:40:06 PM GMT+8

2006 年 2 月 20 日 星期一 【晴】

點解女人會係名牌既奴隸！？！？？
我愛名牌，更愛媽媽（因為係佢俾＄）！！！

>>February 21, 2006 at 1:39:12 PM GMT+8

2006 年 2 月 19 日 星期日 【晴】

今朝番學都幾精神！因為我尋晚９點幾就已經訓左，
今日２拎話生日ＢＢＱ，咁就叫我地班同學去啦，
估唔到會有咁多人去囉！哈哈，
下學期先開始團結起來，好似遲左Ｄ，
咁就突登唔叫ｓｈａｄｏｗ啦，因為佢唔係咁受歡迎，
但佢同２拎同年同月同日生囉！
佢入黎果陣，我講：真係好啦！咁多人去，
之後佢問：去邊呀？，之後答佢啦，
佢就話：２拎生日咪即係我生日！
男同學們同我都Ｏ左咀，全部靜哂囉！
大家都唔識回應佢囉！哈哈，
跟住阿ｍａｔｔ　１句：２拎生日咪即係我生日。
咁就打破左呢個局面，哈哈，大家都勁無奈！
之後放學，同ｋｅｉｋｏ、２拎、ａｓｔｅｒ又食米線！
好好食呀真係！哈哈哈哈，
之後去銀行整ｄ野就落左元朗，
睇下下次出去整ｄ制服，就去左ｋｅｉｋｏ介紹果間整３啦！
開頭去到，叫佢俾ｓｉｚｅ我地睇，又話冇，
之後佢俾人鬧，之後叫佢拎繡花線既色黎睇，
之後果個人又話冇，咁ｄ人就叫佢問下有冇，
之後佢就俾佢既阿ｈｅａｄ果ｄ鬧啦，
我仲聽到果條友大大聲講：做１０件３　ｊａ！又唔係做成千件。（果類既野啦！）
頂佢個肺！之後同ｋｅｉｋｏ＆２拎講唔做！
鬧鬼佢跟住走左！激到我丫！！
直到行去買包檸檬茶我都仲係好勞氣！
之後去左打機，行左陣街就番黎．．

>>February 20, 2006 at 10:17:12 AM GMT+8

2006 年 2 月 18 日 星期六 【晴】

尋日本來應該去見工，但冇見！

去左睇＜犀照＞，都ｏｋ　ｌａ！

我想搵工，咁我就可以開心ｄ去旅行ｌａ！

但我又唔捨得染番個頭，咁點．．

睇哂＜王子變青蛙＞。

>>February 19, 2006 at 10:24:40 AM GMT+8

2006 年 2 月 16 日 星期四 【晴】

今日冇番學，因為尋晚８點幾開始睇碟，
睇＜王子變青蛙＞，睇到今朝５點幾，
訓到１點幾俾恩恩嘈醒左，
咁就起身又繼續睇，都唔係咁好睇姐！
４點幾出左去搵老公／／

>>February 17, 2006 at 1:58:33 PM GMT+8

2006 年 2 月 14 日 星期二 【晴】

今朝眼訓到我呢又．．．
番９點，淨係番１堂，今日又拎花番學，
因為尋晚冇番家，其實第２日又拎．．
好似有ｄ樣衰，淨係番１堂囉今日！
１１點放左學，同左大頭、２拎、ｐｅｔｅｒ、ｍａｔｔ去唱ｋ，
唱到３點我就走左，番左家，
點知唔見左份ｙｉｊｉｎ功課～．～，
冇得做，訓左覺，７點起身番學，
番到去俾阿盈叫左去陪佢買野俾佢條仔，
番到去冇得賣撈麵，之後上去抄功課，
手都軟鬼埋，之後小測，我有努力咁做架！
不過淨係識得一題！已經好叻架ｌａ！哈
９：３０先走，買埋飯番屋企食！！！
我勁眼訓！

>>February 15, 2006 at 3:04:01 PM GMT+8

2006 年 2 月 13 日 星期一 【晴】

　　　　今日既我絕對有１１個開心！
尋晚我整朱古力果陣係戴住手套同口罩黎整架囉！
呢ｄ就真係貼＄買難受！俾我阿ｍａ話鬼我，
話我整得咁辛苦就咪鬼整．．
今日番１１點，仲見到ｐｅｔｅｒ，送左朱古力俾佢
ｌｕｎｃｈ同左９個同學仔去左食雲南米線，
奧雲仲要大言不慚咁話勁辣囉！哈哈！
佢要係麻辣麵加勁辣！佢食到喊、流鼻水、流汗！
之後２拎就買左枝花俾我，哈哈
今日去ｌａｂ上堂，ａｓｔｅｒ都買左糖俾我，
跟住我開心既事就黎！咁同佢地向度傾計啦，
唔知做咩勁耐都冇人開門囉！全班企哂向門口，
之後ｍｏｎｋｅｙ向度叫我收花，
咁我就梗係唔信啦，以為佢買俾阿怪，
叫左好多聲，側邊ｄ人又話叫我收花，
我就走左過去，見到札花貼住張紙寫鍾楚盈小姐，
原來俾我親愛既老公訂左花送上黎，
勁開心呀！哈哈，第一次咁樣收花，
同埋第１次簽收野！哈哈哈，果時果種開心，簡直係開心到想喊！
放左學ｈｅｍａｎ買左野食俾我回禮，又買糖又買薯片，
之後陪ａｓｔｅｒ、ｍｉｃｋｙ、２拎、ｈｅｍａｎ去碌ｌｉｎｇ，
好正呀，咁多野拎住！哇哈哈哈哈！
坐左陣我就走左啦，去７仔增值既人都話我札花好靚！
去碌ｌｉｎｇ都係，唔理佢地係咪講假，我都當係真！ｈａｈａ
之後去搵老公啦，入佢間屋果陣又要扮哂神秘咁唔俾我睇，
入左佢阿ｍａ間房，佢ｄ屋企人走哂之後佢整野俾我食，
又幾似模似樣！哈哈，佢仲扮浪漫買左枝紅酒，
但佢冇買開瓶器囉，咁佢就走去搵野整爆個樽頭，
勁唔浪漫囉即刻！哈哈，仲有心型火腿，果時我都開心到好想喊！！
我見住枝紅酒實左笑到我肚痛，
食完去左搵波波同志明，陪佢地去左燉奶佬食野，
果個侍應好搞笑架囉，波波問有咩汁，
侍應：黑椒、洋蔥、蒜蓉！　波波：仲有呢　侍：黑椒　波：仲有呢　侍：洋蔥　波：仲有呢　侍：蒜蓉
之後波波叫果個飯冇，志明就叫佢唔好跟，
費事搞到情呂套餐咁，但波波都係叫同志明一樣，
之後又係果個侍應扮飯果黎果陣話：２人情呂套餐！
之後同佢地講頭先我地懶浪漫咁向度跳舞，
志明就即刻話：跳ｐａｒａ　ｐａｒａ呀！？？！
玩到１１點幾，影埋貼紙相就走左！！
呢個情人節我真係好開心．．．．



>>February 15, 2006 at 9:05:10 AM GMT+8

2006 年 2 月 12 日 星期日 【晴】

嘩！今日真係勁眼訓呀！番９點，
新學期，新開始！我要更加努力！
（呢ｄ說話好似唔襯出自我既日記！哈哈）
上果２堂我真係好想死！簡直呢．．眼訓到呢．．
特別第１堂，講地理果陣，我真係想死！
我對上一次學地理，已經係中３既事囉！
仲要只係＜社會科＞裡面既１　ｐａｒｔ囉！
即係呢，只係上過幾堂咁大把！
好命既話，我今年中７架ｌａ，５年前既野．．點記得呀！
上年讀過果７大洲（好似係）同唔記得幾個洋，我都已經唔記得！
之後就計時差，真係呢．．．．．！！！
之後放ｂｒｅａｋ，ｍｏｎｋｅｙ同講側田今日賣飛，
勁興奮，跳入ｌｉｆｔ，之後有１舊燈向度閃！哈哈
去到１０點幾，＄２００已經只係得番單位！
＄４００已經俾人預訂左一大半！！我好傷心呀！！
放學同２拎去左勞工處搵工呀！
之後去左茶軒食飯，同２拎都約左個人星期６見工！
ｐｅｔｅｒ又話要見。但打電話去，果個人冇叫佢星期６見工！哈哈
灰爆！仲要冇問佢讀到中幾！
之後向度行，幾條友唔知做咩企向度睇個ｓｃｒｅｅｎ，
睇人表白愛意，幾無聊！哈哈哈
之後遊左成個元朗！好支力！！！！

>>February 13, 2006 at 10:12:43 AM GMT+8

2006 年 2 月 10 日 星期五 【晴】

今日除左落街食左野，之後就去左借碟，
借左睇完又睇既＜精武家庭＞同＜龍咁威２＞，
同埋未睇過既格林兄弟！
格林兄弟都唔知佢做咩～．～，
睇左冇半個鐘就冇睇啦！
之後夜晚叫外賣食，之後就叫左人上黎打牌，
越黎越多人～．～，估唔到１打，
打左１２圈，打到５點幾先訓！哈哈，
不過只係贏左幾十蚊！！
覺成晚一見到馬田我就覺得好搞笑！
成日都會唔知做咩咁笑左出黎

>>February 12, 2006 at 2:05:39 PM GMT+8

2006 年 2 月 9 日 星期四 【晴】

今日一起身又向度整份情人節禮物，
整左一個下奏，訓多陣就出左元朗，
去左入＄，之後搵老公，佢今日比賽，
去睇佢比賽，食左個宵夜就走，
本來諗住既生日之旅可能要遲ｄ去．．．
因為果幾日係紅日，就算去泰國加埋ｄ乜乜７７都要＄３５００，
我好想去呀其實．．．．．

>>February 11, 2006 at 4:53:00 AM GMT+8