2005 年 2 月 10 日 星期四 【晴】

笑~

笑~有好多種笑法:
有奸笑, 傻笑, 顛笑, 喪笑~
仲有痴笑, 陰陰咀笑, 同甜絲絲的笑~

而今集同大家分享的, 是 "暗笑"~
唔好睇小佢!!!!!!
在創世記裏, 你又知唔知, "暗笑"有什麼含意?
暗笑------------->不信任動議~

亞伯拉罕的老婆撒拉,
佢年老時大約九十幾歲, 停哂經, 神同佢講話佢仲可以生仔.
於是, 撒拉就暗笑~因為她和她的先生已年紀老邁~何仔之有?????
喂!真的好難信得落ar~
所以佢就暗笑, 嘩~呢下笑~剎食ar~ 包含左一個深層的意思,
佢提出不信任動議~因為事實上根本唔容許佢生仔!!!
照身體機能黎講, 懷孕的成功率簡直等於零~~
娃哈哈~果時沒有偉哥仔幫手, 又或者是人工受精呢回事~~
按時代黎計, 佢gei不信任的理由係十分充分的.

但神要命定一樣野gei時候, 有誰可以阻止ar???
有邊個可以阻止佢生仔!!!!!!!!???????????同我講!!!!!!!!

同樣今日, 有乜野阻住我"生仔"!!!!!!!!!!!!!!
(傻gei~我唔係咁快想生ar~~生仔代表行神蹟~~)
神今日命令我做gei野, 有邊個可以阻擋?
"在神裏沒有難成的事"!!

你又有乜野阻住你生仔ar???
有乜野阻住你行神的命令ar???

唔該借個mei~ 我要生仔!!!!!!!!!!!!!!!!!!!!!
kakakaka

>>February 11, 2005 at 12:22:10 AM GMT+8

2005 年 2 月 9 日 星期三 【晴】

情趣????

新年~年初一~又是這樣的過~~~
先幾天, 我開始懷疑自己是個沒情趣的人~
跟我ar媽展開一連串的話題~
我ar爸又是一個沒情趣的人~~ 今個新年~唔係好有mood去做一d野~

一日又一日, 一年又一年, 有什麼特別呢?
我ar媽喜歡新年擺o下桃花, 但我覺得有d無聊,
因為有時我會諗, 有左棵桃花會好運d咩~
又要做餐死~ 尋日是國際咕哩日, 兩個人捧住棵花由沙田去大圍~~~ 咕哩~~
但換來的是途人羨慕的眼光~~kaka~

有時, 可能我們有些事係我地做慣的, 例如久唔久寫下書簽咁~
但而家, 冇乜心機去寫, even係有人生日~~我覺得我好過份law~ ><"
我唔寫書簽, 跟我這個人沒情趣有關嗎~
以前的我, 不單會寫書簽, 還會打下電話, 送下禮物咁~
而家~唉~真搞笑~ 對什麼事都覺得不感興趣~

跟ar媽傾談後總結出黎gei結果係:
因為我冇一個令我有情趣的對象去付出我的情趣~
好難明? ......um............
我都唔明~~~~~~~~~~~..........算~~~~~~~~~~~~


讀經

尋日找palm的software, 點知畀我找到個software!!!!!!!!!!!!!
它可幫我計劃讀經表, 我想半年內睇哂新舊約~~~~~kaka~
今日開始睇馬太和創世記~~kakaka希望真的可以願望成真la~~
如果成功的話, 一年可以睇兩次成本聖經ar!!!!!!!!!!!!!!!!!!!!!
i think i can!!!!!!!!!!!!!!!!!!!!!!!!!!!!!

>>February 9, 2005 at 9:36:29 PM GMT+8

2005 年 2 月 6 日 星期日 【晴】

係咁咦up下la~
尋晚好夜訓~累~有好野都做唔到~因為無lala的做事的計劃被粉碎左~
不過都唔緊要la~ 夜訓是因為事奉神~, 一次半次算la

今日祈禱會前同真右相交, 其實個感動已經係有左好耐
一直一兩個月以黎, 自己都想心靈好d, 想能keep番我以前我keep到gei野
(番學前一定要先安靜)
但係唔得, 所以有點無奈~
每個主日都下定決心做好d, 但都是冷下來

if you think you can"t, u can't.
這幾天影響我不少.

雖然冇話講得好好, 但都是感恩的.

下午福聚, 約左個同學黎.
好累~要支撐咁耐~hub左hub~

>>February 6, 2005 at 8:20:12 PM GMT+8

2005 年 2 月 3 日 星期四 【晴】

懶去寫網上日記, 因為自己在星期日開始寫自己的個人日記,
記下不少的事.

今日上problems and challenge in contem. hk, 好開心.
因為d同學好好笑, 但又真係畀心機去講野
個ar sir畀我地d role play搞到眼淚水都流埋~!!!!!!!!!!!!

好有心機上堂~
明天上political philosophy, 希望個ar sir唔好咁悶la~

>>February 3, 2005 at 9:15:22 PM GMT+8

2005 年 1 月 26 日 星期三 【晴】

隻耳係"聽"緊大長今, 長手同對眼就係玩緊部palm的鑽石遊戲, 但係個心卻係對一樣野耿耿於懷.
今日去尖咀上普通話, 講開新年有乜搞, 咁跟住我就當然提下教會la~
ms. 問我點解信教, 其實有好多原因, 但up唔到咁多(不能盡錄), 最大的原因是因為主耶穌令我有改變, 果種的神奇係好厲害.

之後有個同學同我講話ms. 唔信耶穌, 因為ms曾經講過在巴士站有人傳福音, 佢唔理d人.
令我諗起好多野, 人愈大, 就愈難去信.

四年前, (直到現在), 我都係一個保護意識好強的人, 我好保護自己,
在人多擠迫的地方, 我會特別謹慎, 因為我份人太有介心.
我睇人亦都睇到好灰, 礙於成長背景問題,
我覺得成個世界的男人都是衰男人, 尤其是香港係冇好男人.
有人的地方, 就有問題, 人是自私的.
人必須要學得古惑一點, 要懂算人.
寧口甜舌滑, 都不可得罪人多稱呼人少.
我覺得那時的生活好好, 唔想有人, 特別是教會的人去干預我的生活.
我就是一個這樣的人,亦是一個咁攻心計的人, 又怎樣信主?!!!!!!!!!!!!
我係好難信.

2001年3月11日, 星期日, 是我第一次正正經經咁番聚會.
諗番起, 真的感謝神.
想起穎毅怎樣在花園神的房裏介紹自己, 然後講信息.
領詩其間, 亦都好多人同我握手.
諗起惠宜姐怎樣的照顧, 也諗起點認識maymay, 永倩, 嘉如, 希霖,
諗起好多野. 弟兄姊妹的真, 深深刻o係我的心裏.
就是一個字, "真"!

我所講的耿耿於懷, 係因為人愈大, 經歷的事愈多, 就愈難信得落.
若因為你的經歷, 你所看到的人間悲劇而唔信神, 這是太可惜!
實在太多人因基督徒的見證不好而唔肯去信主.
好感嘆. 愈老的人, 個心就愈硬.
突然哭了出來, 流下幾滴有味的淚, 淚是酸溜溜的.
突然之間覺得我信主, 本身就是一個見證, 是一個神蹟.
頑石可以點頭, 天下間豈止我一個?
天下間有千千萬萬個我, 再特別的經歷都有,
千千萬萬美好的見證, 點解人睇唔到?

一路回家時, 都想起O' camp的營歌 <改寫這日記>.
我相信神就在改寫我這本日記簿, 我願意神去改寫我的歷史.
人離開神是痛苦的, 因為神係造我地, 唯有我先能夠滿足神的心, 這是人核心的價值.
若我們脫離了這核心的價值, 我們絕對唔會開心.
就算有人間的情愛都唔可能滿足我的心, 因為這樣只是滿足人的心, 並不是滿足神的心.

上星期三, 同真右一齊祈禱,
今日, 亦是星期三, 真右同我講神聽左我地的祈禱, 特別是在佢的工作和神的呼召上.
我聽了, 十分高興. 因為佢在言語的表達上, 佢好肯定神係聽左我地果日的祈禱.
所以我都決定, 再一次記下每日的祈禱過的事, 看看神在何時會成就祂的美意.

今日睇左大部分的 <瑪麗瓊斯和她的聖經>, 值得b/s一睇.
睇到我眼泛淚光, 因為你好難想像一個小女孩, 活像一個老人精.
佢對神話語的追求, 為話語而付出的代價, 好感動我的心.
我想, 當我寫這篇日記的同時, 聖靈感動左我唔少.
我已有一段日子, 冇為神的事流出酸溜溜的眼淚了.

>>January 26, 2005 at 11:46:25 PM GMT+8

2005 年 1 月 26 日 星期三 【晴】

Tuesday, January 25, 2005

你的EQ測試分數：130

你的ＥＱ成績不錯！
建議：整體來說，你的ＥＱ能力相當好，值得為自己鼓鼓掌！但是，還是要提醒你，了解自己內在真實的情緒感受相當重要哦！因為能夠正確快速地察覺自己情緒的人，比較能夠適當反應出自己的情緒，且對別人做出適當的情緒反應。另外，認青別人的情緒則是溝通的關鍵，能理解別人的感受，對周遭的人事能夠感同身受，才能妥善地處理與因應、讓人際關係更加圓融。希望聰明的你，能夠有效地運用你的高ＥＱ，不管是在自我的情緒處理或是人際互動上，都能作最好的發揮！

http://www.siyua.net/webdoc/testing/eq.htm



kakakaka~ 唔知佢講乜~~~~ 好似冇講過野咁~~~


Public - 9:46 PM - add eprops - add comments - edit it - email it

>>January 26, 2005 at 10:49:25 AM GMT+8

2005 年 1 月 23 日 星期日 【晴】

係咁咦記下~
一早起身, 成個雞冠頭~kaka~好核突~於是gel gel佢~
去全輝, 諗住去靈修team, 點知兩姊妹冇黎到~自己享受完箴言後就去擘餅~
永嘉今日都有出聚會, 感謝主.

初中聚會, 逸琪領詩, 輝輝講"點樣勝過試探"的topic~
唔知點解有時覺得去初中聚會畀到我一種動力喎~

食飯之前, 佩麗拎左個佢親手整的cheese cake~
慶祝Emily生日~
個cheese cake好好食ar~
我都想學整ar~
勁warm 喎~

食飯之後, 番全輝, 班姊妹就整board, 我就陪永嘉做功課~
之後夜晚同工一齊食飯~
行西田, 歸家~

>>January 23, 2005 at 10:37:29 PM GMT+8

2005 年 1 月 22 日 星期六 【晴】

今日上左港台~ 本身唔係好想寫, 但係寫下寫下, 又無lala好想簡單講幾句, 因為實在有好多的看法想在此記下.

星期三立法會流會一事, 我贊成及支持民主派為趙默哀.
因為這樣表達到佢地對此事的莊重. 但既然范太已說了唔批你咁做, 咁就咪黎la~
不過畀我如果係六十位之中其中的一個, 我都可能會同佢地一齊默哀, 因為確實對趙有感情.
喂! 大佬ar!! 理智與感情, 唔該平衡一下吧.

今日收到的, 就是李卓人成班都是對趙有感情, 要莊重其事, 故此要在立法會內進行默哀.
喂, 范太唔批, 你地繼續黎, 係咪挑戰緊人ar? 咁大個人, 成班都過三四十, 但我唔覺得佢地咁樣係夠成熟law. 此其一.
其二, 我而家要吵下保皇黨班人! 你唔入去開會, 玩鬥氣, 有冇顧及公眾利益呀?
我就比你說得通, 你忍唔到"班"民主派人士(其實只是針對長毛黎講), 你要表態,
係咪代表你可以自把自為呀? 范太未嘈佢地, 你就自作主張,
你豎立一個乜野榜樣畀市民睇ar而家?

李卓人今日回應我的言論, 其實我想有feedback, 但礙於時間問題, 又礙於支咪畀ar Leo搶左,
所以我講唔到.
我話: 六十位議員唔和諧, 個社會又點會和諧呀咁樣?
佢的回應是: 就算佢地表面和諧, 最終只是被人壓住的, 這是個假和諧. 政治是要 "拗" (吵番黎)
對! 你說得對! 是假和諧!
但有時真的不需霸王硬上攻!!!! 合宜的退一步, 用其他方法去達到你們的目的, 這才是高招 !
唔好再鬥氣喇你地, 你地的米飯班主是市民啊! 市民會點睇啊?
已故的趙紫陽若知道你地係咁樣又點睇ar?
為左趙紫陽的精神, 唔該你地唔好再咁小氣!

我想同大家講, 基督徒係好著數!!!!!!!!!!!!
點解?! 因為我們有神! 有咩唔明, 唔清楚, 唔知d野應唔應該做,
神就會親自話畀我地知!!!!
你做的事有冇祈過禱, 看看你的果就知了!!!

一個有智慧的人, 不是趕著逞強, 而是懂得退一步海闊天空道理的人!
退一步, 唔代表你一定會輸,
反而如果你退一步, 而你又說服到人, 你得到的是人民的擁戴!


箴言25:15 恆常忍耐可以勸動君王；柔和的舌頭能折斷骨頭。
羅馬書
5:4 忍耐生老練，老練生盼望，
12:19 親愛的弟兄，不要自己伸冤，寧可讓步，聽憑主怒（或譯：讓人發怒）；因為經上記著：「主說：『伸冤在我，我必報應。』」
雅各書5:10 弟兄們，你們要把那先前奉主名說話的眾先知，當作能受苦、能忍耐的榜樣。
彼後1:6 有了知識，又要加上節制；有了節制，又要加上忍耐；有了忍耐，又要加上虔敬；
啟14:12 聖徒的忍耐就在此；他們是守神誡命和耶穌真道的。

>>January 22, 2005 at 10:15:41 PM GMT+8

2005 年 1 月 21 日 星期五 【晴】

新聞/政壇大事:

1月17日 (一)

事件一: 前中共總書記趙紫陽，昨天早上在北京病逝，終年八十五歲。外電引述趙的家人稱，國家領導人曾赴醫院探視趙紫陽，而趙紫陽去世時非常安詳，當時一家人都守候在側。中國官方媒體簡短地發布了趙紫陽的死訊，新聞稿未提及他的生前職銜，但以「同志」相稱。

事件二: 深水儺n寮街一直是出售收費電視非法解碼器的黑點，電訊管理局與警方上周四採取聯合行動，共檢獲七台非法解碼器、四十一張解碼卡、三十部寫卡器，並拘捕五人。不過，由於售賣非法解碼器利潤達五倍，每套可賺近一千元，故警方打擊後，鴨寮街依舊有街檔明目張膽地售賣非法解碼器。根據《廣播條例》，任何人不得進口、出口、製造、出售、或出租未經批准的電視解碼器，一經定罪，最高可罰款一百萬元及監禁五年。


1月18日 (二)

事件一: 港澳辦公室副主任陳佐洱指，中共前總事記趙紫陽病逝，是中共的事情，如有立法會議員生事，是違反基本法。

事件二: 失業率持續改善，最新失業率為百分之六點五，較上次微跌百分之零點二，創近三年來新低。青少年失業問題稍有改善，但中年失業問題則未得到紓緩。有人事顧問指出，由於年輕人學習能力和體力均比中年人優勝，不少僱主傾向聘請年輕人，中年失業問題相信難以解決。

事件三: 香港天文台於晚上十時十六分錄得日本發生黎克特制6.2級強烈地震。
經初步分析，震中位於日本北海道東岸附近(北緯42.9度，東經144.8度)，即釧路之東約40公里。

事件四: 路透巴格達電---反抗份子週二所公布的一捲錄影帶顯示，有八名中國人據稱在伊拉克遭到挾持，反抗份子威脅北京當局表明他們在伊國扮演的角色，否則將殺害人質。

事件五: 田亮、郭晶晶終於分道揚鑣，郭晶晶日前已回到國家隊的集訓，田亮卻未能歸隊，昨日來港為「十大中文金曲」擔任頒獎嘉賓的田亮，被傳媒追問此事時，只是無奈地苦笑，但承認已簽約英皇﹗

1月19日 (三)

事件一: 泛民主派公然違反立法會主席范徐麗泰(相關新聞 - 網站)裁決，在會議開始時「造反」，不守《議事規則》，強行在會議上為病逝的前中共總書記趙紫陽肅立默哀，惹來親政府黨派猛烈還擊，集體杯葛會議。昨日的立法會大會召開後四十五分鐘即流會，創下立法會歷來最短時間流會紀錄。兩派議員為政治角力玩出火，令立法會淪為意氣之爭場地，社會人士形容事件已變成鬧劇，貶損議會公信力。

事件二: 珠江三角洲有地區鬧水荒，紅磡卻有食水長流逾六日，無人理會，水務署解釋因該條為「私家街」，須業主立案法團授權才可施工維修，但無奈附近樓宇並無成立法團，事件因而陷入僵局，居民出入大為不便，認為當局處事僵化。

事件三: 海嘯一度給泰國的旅遊業造成很大損失，但經過泰國政府重建旅遊業的各種努力，目前布吉島的遊客正回升。
新華社稱，泰國的PP島也是這次印度洋海嘯的重災區之一，災害過後當地居民已經開始家園的重建工作。

1月20日 (四)

事件一: 金管局公布，外匯基金去年的投資收入為567億港元，
較前年的896億元減少36%。
外匯基金去年的投資回報率為5.7%，低於前年的10.2%，收入為567億元，
其中港府財政儲備的分帳為145億港元，較財政預算估計的124億元為多。

事件二: 行政長官董建華(相關新聞 - 網站)被問及立法會為趙紫陽默哀和流會一事時說，應該尊重立法會主席的裁決。
董建華到沙田出席施政報告地區座談會，這是他發表施政報告後首次落區聽意見。他在座談會後被問到立法會流會時說:「關於立法會那件事，主席已作出了裁決，我覺得我們應該尊重主席的裁決。」

事件三: 國家副主席曾慶紅會晤到訪的伊拉克臨時政府副總統沙維斯時說，希望伊拉克大選有利於維護獨立和主權。
曾慶紅就8名中國公民在伊拉克被挾持再次表達了中方的高度關切，希望他們能盡快安全獲釋，早日同家人團聚。

>>January 21, 2005 at 11:02:43 AM GMT+8

2005 年 1 月 21 日 星期五 【晴】

鴉~ 選一週最後幾天記低自己在週內的大事, 及政壇的大事都好喎~

今個星期, 心靈好暢快, send左個好無聊的email~ 署名為葉橙橙xx~ kaka~
大事一: 星期三同真右相交祈禱, 好開心有個人同我一齊祈禱, 開學後的一兩個星期還可以同佢一齊, 但自從有功課做之後, 聚埋一齊的機會簡直少之又少. 咁樣一齊同神祈禱, 好享受, 成為自己的幫助.

大事二: 睇D法律野~ 一直都想看法律野, 但冇機會, 冇時間, 冇閒情~終於可以在這兩星期的假期中, 做我喜歡做的事. KAKAKA~~

大事三: 出祈禱會, 一直都的唔起心肝出, 但芝芝一叫我就出~真好喔~雖則一路聽志光講野時, 一路都覺得"車~又係講呢D~我已經估到佢想講乜", 都幾悶~ 因為實在聽得太多~ (尤其是志光哥哥所講的信息)~~但自己都會醒察和思想佢所講gei怎樣在我這新階段中實踐~(發現可能係時候聽一聽其他教會gei信息~如果唔係~自己硬係覺得冇乜火花衝擊我的心靈~)

大事四: (最後而最重要的), 我發現我好似係現代版杜甫!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
如果你問我點解會喜歡政治, 其中一個原因是, "我夠憂國憂民",
你可能會問: 你有幾憂國憂民ar?
我發現我的性格是"憂"! 這個不是指擔憂, 而是指我會為他人的事著急.
之前夢想做心理醫生, 因為我見到太多人有精神問題.(包括自己~kaka~)
後來我想做議員(聽住先la 下~), 係因為我想為民請命, 為人民服務
我想了解法律, 是因為我想了解人權, 保護自己及保障自己的權益.
太多太多了.
所有的出發點都是為其他人的. kaka~
在香港, 服務性行業主導了香港的市場, 所以在香港撈~應該乜都o岩~ (有d做牛做馬feel)

憂, 是一種關心.
憂, 是一種態度, 對人, 事, 物的一種尊重.
憂, 是一種風格(style), 為他人的好處而挺身而出.
憂, 是一種的底線, 在這世界裏最基礎的原素.
坦白說, 若你不懂 "憂", 我會為你著急,
你會為自己身邊的家人, 朋友, 同事, 同學, etc而憂嗎?
你關心他的需要嗎?
若你關心, 你便不會怕任何環境, 盡心盡力去服侍他人而不畏強權.

>>January 21, 2005 at 10:30:09 AM GMT+8