2008 年 4 月 28 日 星期一 【晴】

其實我打日記, 打Blog...係想舒發感受, 亦都想別人知我的感受,
知我做咩... 如果我所打的, 令任何人有咩誤解/ 誤會... 就不好了...
所以麻煩有咩問我/ 講清楚...唔好估...唔該!

＊　＊　＊　＊　＊　＊
今日lunch在公司...serch到以下的片...
睇完, 好開心~ 哈哈! 好掛住佢呢~ HeHe~

http://www.hifly.tv/p205_NjQ3MjA=.html
http://www.hifly.tv/p56_NjI3ODY=.html
http://www.tudou.com/programs/view/k6Cf-SdvQGA/
http://www.openv.com/play/tvprogramme_20080417_6071682.html

原來都有好多人讚佢~ 真高興!
http://tieba.baidu.com/f?kw=%BA%E9%CC%EC%C3%F7
＊　＊　＊　＊　＊　＊

夜晚, 返到屋企, 開始越來越唔妥...
個肚好脹的感覺, 但我今日都係早餐食左塊方包...
下午食左包餅... 夜晚叮左幾隻餃子食...
點解咁想嘔...頭暈暈的...
好辛苦, 辛苦到喊...辛苦係講唔出咩唔舒服...

>>April 29, 2008 at 3:50:35 PM GMT+8

2008 年 4 月 25 日 星期五 【酷熱】

今日, 放工出左銅鑼灣取證書...跟住食tea...
原本見到一間白色裝修, 坐得舒服, 人不太多, 好優雅的餐廳...
點知朋友以為貴, 最後無去到...好失望...
最後, 去左間勁嘈, 坐得唔舒服, 態度極差...野食不美味...
但價錢竟同那間靚餐廳一樣的...茶餐廳...激死我!!!
之後, 去旺角諗住換前天買的衫, 但唔比我換! 以後擺去那間買!
跟住, 買兔糧回家... 無行到街...好想行呀...

>>April 26, 2008 at 3:06:30 PM GMT+8

2008 年 4 月 24 日 星期四 【雷雨】

我需要的只是愛

主唱: 梁漢文 曲 / 編 :李偲菘 詞 :林夕

縱使死心等於背著良心
然而明知道故事會怎發生
緣份不會降在我身 只會挫敗我心
怎麼配做你的情人

明明明白實在未適合你
然而情感每每是無從躲避
然後等到要付帳單 方發覺付不起
從沒有那運氣 不想再試驗你 趁我有力氣講別離

今天我需要的只是愛
何必睜開眼皺著眉頭忍耐
即使愛歌愛酒難及戀愛
不需要和自尊和自信比賽
(不緊要 容易得到的總易放開)

今天我需要的只是愛
如果想得到宇宙是我不該
即使要生要死才像戀愛
不需要和自尊和自信比賽

>>April 25, 2008 at 6:25:40 AM GMT+8

2008 年 4 月 23 日 星期三 【微冷】

今日放工, 同我的好朋友出去行街買衫~
好開心, 我地好耐無見, 我都超勁耐無行街...已經無衫著...
已經著來著去都係那幾件Tee...唉...
但係我沒有瘋狂購物 (有就不是我了!)
當然, 有好多都心思思想買, 最後, 只買了兩件衫,
一件桃紅色長tee, 一件藍色連身裙...
藍色那件看上去是鬆身,好有style的...
點知回家穿上身, 簡直另一回事...
勁唔開心...點解會咁...應該唔關件衫事, 係我肥...
唔得!...誓要減肥了!...尤其是下半身!...
如果可以將下半身的肥肉遷移到上圍, 咁就好了...

>>April 25, 2008 at 2:18:15 AM GMT+8

2008 年 4 月 22 日 星期二 【陰】

今日如常一個人食lunch, 本來帶左個毛巾蛋糕...但唔知點解, 拿出來的時候...
見佢出左一點點的深啡色, 見到都唔想食! 唉, 又唔想食餅乾, 又唔想食杯麵...
之後, 取回朋友幫我燒的碟之後 (謝謝你幫我!), 都無諗住食野... 點知, 比我撞到個朋友...
佢見到我就話一齊食飯, 仲問我想去邊度食! 好野~ 謝謝他, 也感謝神!
食左咖哩吉列豬扒飯+熱奶茶~ 這間舖仲要換左有背的軟摺椅! so good~
雖然豬扒唔好味又少又多骨,但個咖哩汁都ok...同埋椅貼椅的坐, 並不寬敞...
不過, 20元有湯有野飲有飯食, 仲想點!? 又唔洗坐硬硬的圓凳! 唔錯呀!~
* * * * * *
放工後, 出左旺角同朋友Happy Hour飲酒...之後食日本野...十一點幾先走...
好彩朋友有駕車, 送我回家~ Thanks!~

>>April 24, 2008 at 1:34:25 AM GMT+8

2008 年 4 月 21 日 星期一 【陰】

放工之後出去上堂, 聽講想到十點, 咪買D野食...
本來諗住去Hollywood美食廣場買金邊粉食...點知去到裝修!!!!!!
最後, 去左KFC, 試下新出的芝士波~ 大失所望! 再一次比佢個廣告欺騙!
廣告次次都令人好想去試...但永遠實物係超細粒, 個芝士波邊有咁大粒,
邊可以拉到芝士出來!? 只係大過粒麥提沙少少! 又無芝士味!
* * *
其實, 我信主就由細到大都信... 但自問不虔誠...聖經都係上聖經堂先睇...
今天上這個 "聖經班"... 完全投入唔到...所以上堂掛住SMS...
我知唔係咁好, 不過... 上這個堂對我來說...
好似我是小一程度, 但上緊四年級的課! 同埋...
feeling is like attending History lesson which I don't find any interest...
but you must sit still and just listen for hours... and remember all those...

>>April 23, 2008 at 8:05:49 AM GMT+8

2008 年 4 月 20 日 星期日 【晴】

多麼可笑的世界! 諷刺的話太多了!
投降了...我真的不懂做人!
話對你好的人, 偏偏日日非話你不可, 令你流淚, 唔開心...
連口口聲聲話愛你的都可以比你覺得佢討厭你!
看似好多朋友, 但當你一個人的時候, 又可以找誰?
所有的話都聽入耳了... 我知道無論我做甚麼也會被指責...
那我放棄了, 所有事物都放手了....留戀已再沒意思!
* * *
"對不起"...實在聽得太多, 請別再讓我聽到這三個字, 若是真的想道歉,不再要我唔開心已足夠!
"開心點"...我做唔到! ...歌都有得唱..."若你用我的感情過一天, 定會明瞭我度日怎會如年...

>>April 21, 2008 at 7:17:58 AM GMT+8

2008 年 4 月 19 日 星期六 【陰】

返教會, 返完又係回家...
為了神, 我返教會, 但有時總覺得出一出去又回家....
好無奈...以前這種感覺都無咁強烈.....
回到家, 我只是說了一句話, 她又發脾氣了.....
然後, 我又一個人在家了....
此刻的我崩潰了......
我真係唔知點可以常常喜樂, 我真係做唔到! 有時做到, 都係暫時的...
我唔想再一個人, 我真係挨得好辛苦...
我好需要有個人在身邊...我需要溫暖, 需要愛...由細到大都無...
等了廿幾年......到現在還是一個人...
何時不再流淚, 不再傷痛...?

>>April 20, 2008 at 10:20:36 AM GMT+8

2008 年 4 月 18 日 星期五 【颱風】

昨天, 又黑色暴雨...又三號風球...
本來諗住放工出街...
最後,因天氣關係... 所有節目取消了...
又係回家發呆...唉......
上網已經上到麻目...
極之無聊, 極之頹廢!...

>>April 20, 2008 at 9:51:16 AM GMT+8

2008 年 4 月 17 日 星期四 【驟雨】

見到別人個Blog介紹美食~ 好想去試~
以前, 我對食無咩要求...依家, 諗到 有句話"辛苦搵來志在食"...
我都好耐無食好野了...幾時有人帶我食好野呢!?
* * * *
Event and Function Management 個課程我仲未去報名...
點算...星期一放工去報? 唉...一日推一日, 咁唔得ga...
之前張PR證書又未取...一個人出去始終的唔起心肝...
唉~ 電話又未拿去修理......好煩呀!.........

>>April 19, 2008 at 5:03:50 AM GMT+8