2003 年 4 月 2 日 星期三 【雨】

今日我仍然好懷念＜哥哥＞．．．．我勁聽佢ｄ歌呀！！正！！

今日就同亞燕，沛林，大口去左黃金同旺角，陪佢地去買野！！首先我地去到黃金，因為大口要買ｇａｍｅ　ｃｕｂｅ！！第一次去到黃金係慢慢行，次次都係陪人買完野就走，今次就周圍都行哂，原來真係好多野睇架，真係咩都有呀，而且比出面平好多呀！！到大口買ｇａｍｅ　ｏ個陣，佢極之唔聽得地講咁.....買左黑色，之後我同亞燕又勁叫佢買ｇａｍｅ呀，買手掣呀，又幫佢講價．．．．搞到好似我同亞燕買咁！！

唔好睇平時大口咁多野講，原來佢去買野ｏ個陣，係唔敢去問人野，而且勁怕醜，講野勁細聲．．．．超級ｒｄ！！！！！！

本來諗住買完即刻去大口屋企打機，但最後都冇傻到，去左旺角，跟住又上樓買衫，同亞燕都掃左件ｓｅｃｏｎｄ－ｈａｎｄ！！跟住又去左上樓既書店．．．發現原來佢地三個都係成日睇書既人，連大口睇書都睇得多過我呀！！！而沛林同亞燕更雞啄唔斷啦！！

之後去左瓊華，開左間專賣ｈｙｓｔｅｒｉｃ既鋪．．．勁勁勁正呀！！睇中左條頸鏈呀，但都幾貴囉～～～～之後又去左食ｔｅａ，同旺中．．．期間我同大口傻左，勁唱ｔａｔｕ既＜Ａｌｌ　ｔｈｅ　ｔｈｉｎｇ　ｓｈｅ　ｓａｉｄ＞．．．好搞野呀！！

去完旺中，沛林掃左個勁抵屌既袋～～之後，個個都要返屋企，突然大口亞媽打俾佢話佢住ｏ個幢有人中左＜飛碟型＞呀，我地即刻隔離左大口呀！！！ｈａｈａｈ！！

返到屋企都９點幾，之後１０點幾又出左去食飯．．．．．好開心唷！！

>>April 4, 2003 at 3:45:57 PM GMT+8

2003 年 4 月 1 日 星期二 【雨】

唉！！尋晚哥哥死左，搞到我成個人都冇咩心情，因為實在太突然啦，而我尋晚聽ｄ收音機，全部都播哥哥ｄ歌！！好好聽呀好多都！！到今朝起身又聽，勁訪問ｄ好友有ｄ咩睇法，個個都勁喊，又播番佢生前ｄ訪問．．．．到聽到亞毛毛有咩感覺，毛毛就勁勁勁喊．．．．搞到我都勁喊呀，喊到成個枕頭都濕哂，但我喊又唔係真係好傷心喎，我覺得人耐唔耐喊下．．．．係好架．．．喊完之後就起身．．．．哈哈～～～又去玩囉～～～

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
今日我地既節目就係去筠婷屋企玩唷～～～等埋沛林同大口剪完髮，就ｏ係馬鞍山食埋野先去，跟住又叫埋雞亦黎！！點知我地就遲哂大到呀～～～去到見到筠婷既哥哥呀，好ｎｉｃｅ呀，仲同我地一齊打麻雀呀～～～唉，開始打ｏ個陣，仲要比ｗａｔｅｒ同大口搶左一輪，叫我同佢地是但一個一組，但其實．．．．點解係都要同我一組呢？！？！

今日冇咩運呀，勁輸呀！！到７點幾ｏ個陣，諗左勁耐食咩，都最後我地都係叫ｐｉｚｚａ食～～～今日我又白痴左一陣呀，我坐住張ｏｆｆｉｃｅ椅ｏ係度扮揸車，又周圍片車，又打白鴿轉，又過隧道．．．我仲將學車既人＜學神＞叫左做＜車神＞呀！！玩ｏ個陣勁笑呀，個個都話我傻左～～～但我覺得勁開心呀！！雖然輸左４０幾蚊～～～

食完ｐｉｚｚａ之後，ｄ男仔就鋤ｄｅｅ，我就睇＜哥哥＞，筠婷好乖．．．去左洗野！！本來話去食糖水既，點知個個都好飽，冇去到～～～我地就１１點幾就走啦～～～

今日又係玩得好開心呀．．．仲有呀，今日雞亦自創左一招叫＜ｃｙｂｅｒ ｋｉｃｋ＞！勁！

ｗａｔｅｒ今日比左隻ａｏｃ我，叫我同佢地一齊玩．．．我諗我一定勁屎～～～


>>April 4, 2003 at 3:07:03 PM GMT+8

2003 年 3 月 31 日 星期一 【晴】

唉！！今日真係有悲有喜呀！！同埋今日係愚人節囉！！
就係岩岩踏入愚人節ｏ個一刻（３１／３夜晚），我已經比人玩左！！其實都唔係好關我事囉，最衰＋賢啦．．．．佢夜晚１點幾打比我，話ｓｅｎｄ　ｄ野比我睇，睇左點知原來係話因為肺炎而ｃａｎｃａｌ今年既會考，仲要ｏ係明報喎，ｏ個一刻我真係好驚，又勁問＋賢係真定假，佢又話係真．．．．叫我快ｄ話比人知！！跟住我咪話左比ｄ　ｆｄ聽囉，大家仲一齊講，又唔知點算咁．．．．點知最後，＋賢話：〔原來我比人玩左〕妖．．．．頂呀！！好心唔好整呢ｄ野講笑啦，整ｏ個條友好得閒呀，係咪肺炎到末期呀，快ｄ死啦咁！！！

今日，原定話去亞ｋａ屋企溫書，個個都帶左野去溫，點知．．．．去到食完野，又開枱打麻雀囉．．．今日就＜我同筠婷＞＜亞燕同沛林＞＜ｗａｔｅｒ同大口＞得番亞ｋａ一個．．．．最後得亞ｋａ一個輸３０幾比亞燕佢地呀！！！之後我地又玩＜９９＞，我又同大口隻揪左幾ｒｏｕｎｄ就走！！之後就一齊去左許留山飲野，同去ｆｕｎ　ｚｏｎｅ打機！！１０點幾就返屋企啦～～當然原定既溫書就．．．．．．冇左！！

今日發現左好多野，筠婷有個口頭嬋：〔點呀，聽日去邊呀？！〕仲有，原來沛林同大口都識彈琴架，仲要５級以上呀．．．最後就係同沛林一齊撘車番屋企ｏ個陣，先知原來佢小學都係讀靈糧架，我之後ｏ個屆呀．．．勁開心呀，同佢講番好多小學既野呀！！

仲有呀，整ｏ個個低ｂ網頁條ｐｋ友呀，比人拉左呀，抵佢死呀，又整ｄ咩話香港變疫埠既野，搞到ｄ香港人去搶米！！唉！！

唉．．．．亞哥夜晚返到屋企，佢同我講話張國榮死左喎，我開頭勁唔信，因為今日愚人節，我又比人玩左一次！之後我去睇有線新閒啦，點知係真架．．．．．．．．．ｏ個一刻好晴天霹靂呀，好突然呀，好唔想佢死呀，佢ｄ歌都好好聽呀，人都幾靚仔，點解佢會自殺呀．．．．唉！！！個人即刻ｄｏｗｎ哂，全家都勁睇新聞講張國榮，又我諗住聽＜嘩！嘩！嘩！＞睇下三姑點講啦，點知聽４個電台都播番哂佢ｄ歌呀，佢之前講過ｄ咩呀咁！！唉，我成晚就聽佢ｄ歌，真係好多都好好聽呀！！好唔捨得佢呀．．．．．之後一定勁多佢既專輯呀！！同埋原來好多人聽到佢死既消息都唔信，因為係愚人節，包括我．．．．乜原來咁多人都記得今日係愚人節架！！！

等我都懷念一下張國榮呀！！！我最鍾意佢既歌係＜＜今生今世＞＞同＜＜追＞＞呀！！

＞＞＞＞＞今生今生(電影 『金枝玉葉』插曲) ＜＜＜＜＜＜
　　　　　
　　　　幻變的一生 默默期待一份愛
　　踏過多少彎 段段情路也失望
　我不甘心說別離 仍舊渴望愛的傳奇
　不拾不棄　無懼長夜空虛風中繼續追

　　風裡笑著風裡唱 感激天意碰你
　　　　縱是苦澀都變得美
　天也老 任海也老 唯望此愛愛未老
　　　願意今生約定他生再擁抱

　　是你的隻手 靜靜燃亮這份愛
　　是你的聲音 夜夜陪伴我的夢
　交出真心真的美　無盡每日每天想你
今生今世　寧願名利拋開 瀟灑跟你飛


>>April 1, 2003 at 6:03:22 PM GMT+8

2003 年 3 月 30 日 星期日 【晴】

嘩！今日我地又玩啦．．．．又冇溫書呀！！今日又黎左我度打麻雀呀，由於大口又唔識打，又想學，咁我今日就要負責教佢啦！！
首先，佢撘得起ｄ牌，我地唔知點解已經勁開心囉！！今日就＜亞燕同沛林＞，＜雞亦同亞ｋａ＞，＜我同大口＞，得番筠婷一個孤軍作戰～～～
我發現教人打牌都唔易，特別遇著大口呢ｄ唔專心既人囉，打打下佢又去搞電腦，又周圍睇．．．．唉！！！教教下就好似變左我打咁，又成日唔摸牌．．．．
但我今日手風勁順呀，一起手已經勁靚，摸多兩三隻就已勁叫糊，勁快就食呀！！沛林睇到都唔信，不過大口都幾旺我呀，成日都幫我自摸食出！！！ｈｅｈｅ！！！
好左到最後心機都冇白費，我比大口自己一個打，佢竟然食得出呀．．．．我地即刻勁驕傲呀！！！ｈａ！！

打到８點幾就去左ｋｆｃ食野，叫左好多野食都每人廿幾呀！！食完又一齊傾計．．．．期間，大口問左我一個問題：〔其實你係叫咩名架？！〕嘩，ｏ個一刻真係覺得有ｄ正呀，因為＜＜亞嬸＞＞呢個名由４年班開始有架啦，到而家個個都咁叫我，估下真係知我叫＜＜岑嘉雯＞＞既人有幾多呀．．．

最後又去左公園玩＜９９＞．．．好開心呀！！
聽日．．．．我地又有活動啦！！

>>April 1, 2003 at 5:18:11 PM GMT+8

2003 年 3 月 29 日 星期六 【晴】

今日我地既活動停左一日！！而我今日亦唔使補ｐａ（ｄ肺炎真係煩）
咁今日就同亞媽，姨媽去飲茶！！飲飲下亞燕打比我話好悶呀，我都有ｄ架，一陣就會出去陪佢～～～

飲完之後就同亞媽姨媽去左沙田買野，我亞媽ｏ係百老匯買野有得平，咁我叫佢買張ｓｄ６４ｍｂ既記憶卡．．．．勁正呀，本來都＄２９０架，而家＄１３３呀！！！正！！

跟住又去左陪佢地買鑊，睇左成粒幾鐘呀．．．原來一隻鑊都要成千幾蚊架！！

６點幾度就去左ｗｏ　ｃｈｅ搵亞燕，傾左陣計，打左陣波～～之後蕭邦又落埋黎一齊傾～～好開心呀！！！

收皮＞＞＞十分ｋ係一首由梁奕倫+范振鋒唱既歌，係由好多首歌串燒成架，好正，快ｄ　ｄｌ黎聽啦～～

亞ｇａｐ＞＞＞唔只下年呀，年年既３２６都一定要搞大佢！！！正呀！！！

>>March 30, 2003 at 3:56:47 PM GMT+8

2003 年 3 月 28 日 星期五 【晴】

今日好開心呀，好多朋友仔黎左我屋企打麻雀呀～～～
有＜我．筠婷．流云．亞ｋａ．亞燕．大口．雞亦＞　我地由１２點幾開始打，但由於大口佢唔識打，佢就勁悶ｏ係度上下網同訓覺．．．．跟住佢又同雞亦，亞ｋａ鋤ｄｅｅ，玩一毫子一隻都勁開心囉～～～～～

期間，我同筠婷都ｗｉｎ左好多呀，而亞燕同流云就輸好多，跟住佢兩個就聯手打，都好過一陣，但之後都．．．．．．．打到最尾，我都起左身比亞燕打！！哈哈，我都ｗｉｎ左４０幾架，筠婷好勁呀，ｗｉｎ左８０幾呀．．．．其他就輸哂比我地！！！

打到８點幾最去左新港城食飯，食完之後就去公園玩啤～～
開頭勁玩潛烏龜！！哈哈！！
大口輸左扮ｊｕｎｏ唱＜沒有人＞，勁正同投入，仲有好多ｆａｎｓ～
筠婷輸左唱有隻雀仔跌落水＞，但我冇聽到～～
亞ｋａ輸左就講笑話．．．但講完冇人笑～～
跟住筠婷又教左我地玩個新ｇａｍｅ，叫＜９９＞，真係好好好玩呀！！！下次我地一定要玩呀，但一定要記得拎牌囉！！！
而且今日之後，我地成班決定每個ｗｅｅｋ都有一日係有活動去ｒｅｌａｘ！！

同佢地玩到１１：３０度，佢地就要走！！我就去左海濱搵ｂｏｂｏ同成班友仔！映左好多好搞笑既相！！

今日勁勁勁開心呀，我部ｄｃ終於送黎啦，好鍾意呀！～～

>>March 30, 2003 at 3:38:35 PM GMT+8

2003 年 3 月 27 日 星期四 【晴】

玩左幾日之後，今日絕對想留ｏ係屋企抖下呀！！ｏ係屋企連行步路都唔想呀！！ｓｏ　ｓｏｒ　ａｒ西昆，冇陪到你出街！！！

今日蕭邦ｓｅｎｄ番ｏ個日３２６既相比我，好正呀好多張都．．．．冇得頂呀！！

今日我亞媽同我講話我部ｄｃ聽日送黎呀！！！正呀！！！！

西昆＞＞＞我覺得你．．．好似變左好多咁！！ａｎｙｗａｙ，有時我都會好似你咁，諗番我地以前一齊既野架，都真係幾開心架，ｏ個兩年，真係好多謝你呀！！


>>March 28, 2003 at 12:05:29 PM GMT+8

2003 年 3 月 26 日 星期三 【晴】

雖然尋晚玩到咁夜，今日仍然繼續玩！！但今日係同今年新識既朋友仔去玩，但好多人都驚肺炎，有ｄ放哂飛機囉！！

冇所謂，我地一行９人去左尖東ｇｒｅｅｎｂｏｘ唱ｋ，包括＜我．亞燕．筠婷．流云．大口．ｗａｔｅｒ．雞亦．豆奶．亞ｋａ＞，我地完全冇懼囉，點知去到間野勁少人，得幾間係有人唱，個ｗａｉｔｅｒ好ｎｉｃｅ呀，又幫我地映相，又好玩！！！

之後我地就開始癲起上黎，唔係唱ｋ～係嗌ｋ架，特別係唱到＜十分ｋ＞既時候呀，勁正，個個起哂身，嗌住咁唱，唱足１０分鐘呀，唱到個個勁ｈｉｇｈ呀，就死咁濟呀，呢首歌真係無敵呀，下次唱ｋ一定要唱～～～之後仲有我地既＜同步過冬＞！！
仲有＜我．亞燕．筠婷＞組成既＜＜三餅＞＞唱最後一塊！！期間我地亦同男仔鬥大聲，我地勁大聲唱＜下一站．．．天后＞同＜兄弟＞．．．．代價就係喉嚨勁痛！！！
唱到５點幾，就行去新港中心打機，雖然係好遠，但我地一路行就一映相，咩都映一餐，特別係大口呀．．．成班好似鄉下人咁，途人都勁望住我地！！！

打機就勁玩太鼓～～好正，但點知本來約左ｈｅｉｄｙ同田鼠７點半ｏ係大埔等，我地就７點幾先走．．．．（最衰豆奶啦，掛住玩ｐａｒａｐａｒａ唔捨得走）跟住就勁快去撘ｍｔｒ同火車～～～ｏ係火車真係勁好玩，突然多左勁多新野講，就係：
１）唔夠ｒａｍ呀你．．．．
２）你係咪掉左兩＜ｋａｒ＞呀？！？！
３）你一定係５６ｋ呀．．．
４）係咪ｈａｒｄｄｉｓｋ唔夠容量呀．．．．
５）咩都ｃｒｏｓｓｏｖｅｒ一餐，特別係大口．．．．．．．
等等．．．．唔知到點解呀，睇黎你真係唔夠ｒａｍ喎！！！！哈哈！！！！！

去到大埔之後，成班真係唔知死咁去打邊爐！！當然係自助啦，但係期間ｗａｔｅｒ比人串呀．．．．笑到成班死咁濟呀！！諗番都覺得好笑呀！！

食到１０點幾就去左大埔中心打機，成班ｒｄ，帶哂口罩，好似一齊去打劫咁！！玩到１１點幾度就行去火車站啦，一路行大口都好煩，咩都要映！！！

雖然原定既通頂都冇做到，但今日真係好開心，好多次都笑到個人標眼水囉～～～
３２７～～～～正呀！！！

>>March 28, 2003 at 11:46:24 AM GMT+8

2003 年 3 月 25 日 星期二 【晴】


講真呀，今日真係極高興呀！！好多大事發生呀！！

由於肺炎既關係，今日就變左做最後一日，當然就真係好唔捨得啦！！返到去已經ｏ係207門口勁映相，第一堂既ｐａ，ｍｉｓｓ　ｌｏ都奈我地唔何，我地勁映相，中文堂就落埋平台度映，都真係幾開心架！！ｌｕｎｃｈ之後，ｏ係ｈａｌｌ聽完野就去操場映級相，勁玩呀！之後又係勁映勁映，又ｄ唔識既又映，由於我冇帶到相機，都唔知同人地映左幾多幅相啦！！仲之同我合照過既．．．．記得曬番比我呀！！！

ｓｏｒ　ａｒ！之後冇同你地去中央玩，因為我有件重要野去做～～～就係．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
當然唔好唔記得，今日亦係我地舊５ｃ＜３２６＞既大日子啦，而放學之後，好多舊ｆｄ都返左黎，有ｄ真係好耐冇見啦，但都仲係好ｆｄ！！而亞ｇａｐ番到黎一齊打波，真係好正呀，好耐冇試過打得咁盡興啦～～～之後我又拎左大口部相機周圍映，又同亞燕玩左個採訪，拎左雞亦部ｄｖ，周圍問人對＜雞亦＞既感想，好玩到震！！！

差唔多５點幾，我地１０幾個舊同學就打的過沙田，去左ｓｎｏｏｐｙ　ｌａｎｄ映相，我地ｏ係架假巴士度玩，點知我突然比個細路仔＜胸襲＞，俾佢地班賤野勁笑．．．唉！！真係慘呀．．．映左一大輪相之後，就坐低吹下水同諗去邊度食野，由於驚肺炎，原定既打邊爐就轉左去意粉屋！！！

之後家興都到埋，１０個人就一齊食野，每人每樣食少少！！食完之後就開始癲左，勁講ｄ淫野同賤野，當然由我同亞ｇａｐ操刀啦．．．．我地ｄ幻想力勁掂，我竟然變左部＜麻雀機＞，咩功能都有！！！哈哈，搞到個個ｏ係意粉屋入面勁笑，又拍哂枱，又流哂眼水～～～ｏ個一刻真係令我諗番起以前ｏ係２０７上堂既日子，我相信如果人齊會玩得仲開心！！！

當然我地仲有下文啦，我地去左中央度傾計，期間真係好開心呀，因為＜我．家興．亞ｇａｐ＞三個又再次一齊傾好多好好笑好淫既野，一齊分享同研究，又玩左好多野～講真呀，上年同佢地兩個玩到癲哂ｏ個段日子，曾經係我最開心既日子，估唔到咁耐冇見，一ｏ係番埋一齊就癲哂咁～～～好左有＜３２６＞，令我諗番起哂以前好多開心事！！

仲有．．．亞ｇａｐ你個ｐｏｓｔｐａｔ，我真係好鍾意呀！！！

傾傾下，我地成班又開始講下以前５ｃ既野，真係好開心，個個都記憶猶新！！傾到１０點幾，去左許留山食糖水，之後就蕭邦一齊返ｗｏ　ｃｈｅ，成１點先返到屋企！！

大家等左成年既３２６就完左啦，比我想像中開心，雖然人唔齊，但如果齊既話都有２０幾人架．．．．今年就＜意粉屋．１０個人＞，唔知下年ｏｒ幾年後會點呢．．．．希望一年比一年多人同開心啦！！！亦請大家繼續堅守＜３２６＞啦！！！！

＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞
ｊ神．．．我都對唔住呀！！ｏ個一刻你真係整到我好痛好痛，而你又唔肯放手喎，我好炆先鬧你．．．．唔係有心架！！我都好驚冇左你呢個好朋友架～～～你知我咩都驚一餐架啦～～～ｈｅｈｅ！！！！

>>March 28, 2003 at 11:13:26 AM GMT+8

2003 年 3 月 24 日 星期一 【晴】

　
嘩！！今朝訓死左，差唔多８點先起身，慢慢整下先去撘車，竟然見到ｉｖｙ呀！！勁傾計啦梗係，點知又塞車喎！！差唔多９點先返到去！！

今日ｍｉｓｓ　ｌｏ冇返呀！梗係成日玩啦，第六堂ｄ老師全部去開會，咁我地成班ｆ．５就出哂去映相，好好玩呀！！跟住又決定禮拜４，５唔駛返，ｔｅｒｍ　ｂｒｅａｋ轉左去聽日，而聽日又係一年一度既３２６喎．．．．好巧呀！！！

放學又玩啦,打左一陣波之後,就去玩數字球！！雖然玩得一陣．但都玩得勁開心呀！！
跟住又傾我地禮拜四既大計！！！我諗ｏ個日一定好開心！！

聽日又係最後一日上堂啦，都有ｄ唔捨得架，雖然今年ｒｅｐｅａｔ，但都比我識到一大班咁好玩，對我又好既同學仔！！！記住呀，聽日唔好喊呀，聽日係一個開開心心既日子，又盡情咁玩同映相！！！ｙｅａｈ！！！！

亞燕＞＞＞唔得喎，我ｏ個個係最最最靚既！！！！！

流云＞＞＞嗱！寫你啦，唔好話冇你名啦，講真呀，識到你我都好開心呀！！ｈｅｈｅ！
記住呀，你話會留言架．．．．我等你呀！！！哈哈！！


>>March 25, 2003 at 3:00:18 PM GMT+8

☆★☆★☆★☆★☆★☆★☆★☆★☆★Ｉ　ＬOＶE　ＡLＬ　MＹ　BＥSＴ　FＤ！！☆★☆★☆★☆★☆★☆★☆★☆★☆★ < 廣告 讀者留言 |  路人留言   | 生日快樂ａｒ～～～ <br>ｈａ >>December 2, 2004 at 5:10:01 AM GMT+8 咪係做FD既唔留番個言比你, 哈 >>November 5, 2004 at 4:59:02 PM GMT+8 嘩~我終於都黎睇你個日記仔ｌａ~ >>September 4, 2004 at 4:17:46 PM GMT+8 >>>乜日記唔俾人文雅架咩... >>July 13, 2004 at 4:54:49 PM GMT+8 哈哈~~其實果日果個真係我黎架~ >>July 1, 2004 at 3:13:46 AM GMT+8 你呀～勁好笑呀！！！我自己１路睇 >>June 14, 2004 at 12:27:55 PM GMT+8 ６月１日係我地ｇｅｉ　ｎｅｗ　ｄ >>June 9, 2004 at 4:49:31 PM GMT+8 個日真係眼淚都黎埋ａｒ！！！你係 >>May 22, 2004 at 4:45:26 AM GMT+8 我下個星期會係pyc出現~~ < >>April 13, 2004 at 11:27:16 PM GMT+8 係終於有日記睇啦．．．． <br >>April 12, 2004 at 5:59:14 PM GMT+8 傻妹ａｒ！！ <br>我點會怪你 >>February 24, 2004 at 1:23:37 PM GMT+8 新年快樂呀~~ <br>lazy >>January 22, 2004 at 4:50:13 AM GMT+8 你好啦．．．仲唔打日記ａｒ！！你 >>December 31, 2003 at 12:47:06 PM GMT+8 haha~~Merry Chri >>December 25, 2003 at 9:23:09 AM GMT+8 你ａｒ～～快ｄ打日記啦！！成日黎 >>December 23, 2003 at 10:27:27 AM GMT+8 勁正ａｒ～～真係最愛係阿嬸ａｒ． >>December 3, 2003 at 3:30:59 PM GMT+8 係hang機!! <br>唔係h >>December 1, 2003 at 8:58:32 AM GMT+8 。呀嬸呀～ <br>　　你ｅ＋系 >>November 24, 2003 at 10:46:05 AM GMT+8 放心啦～～話曬都係我識你第一年你 >>November 15, 2003 at 5:20:47 PM GMT+8 阿嬸果然唔再懶啦～～日日都有寫日 >>November 10, 2003 at 3:38:53 PM GMT+8 天氣愈來愈凍啦~~ <br>着多 >>November 10, 2003 at 2:32:57 PM GMT+8 嘩~~~ <br>嬸嬸剪左個ha >>November 9, 2003 at 8:07:38 AM GMT+8 yeahyeah,,, <br> >>November 8, 2003 at 10:50:39 AM GMT+8 hihi~~嬸嬸~~ <br>我 >>November 5, 2003 at 9:29:22 AM GMT+8 咁耐都唔update嫁~ >>October 15, 2003 at 12:57:21 PM GMT+8 個板整得幾靚,唔錯唔錯~ >>September 14, 2003 at 8:34:50 AM GMT+8 update啦 <br>賤人。 >>September 10, 2003 at 11:45:10 AM GMT+8 死野啊~~ｕｐｄａｔｅ　下啦～～ >>August 19, 2003 at 5:30:24 PM GMT+8 plz update!! >>August 17, 2003 at 1:15:57 PM GMT+8 嘩哈哈～嘩哈哈～嘩哈哈～嘩哈哈～ >>August 10, 2003 at 4:47:15 PM GMT+8 哇～唔睇唔知原來我係你日記出現咁 >>August 10, 2003 at 12:32:27 PM GMT+8 一次過睇晒呢幾日喇．．． <br >>August 9, 2003 at 9:31:26 AM GMT+8 嬸~~~~congra.喎升得返 >>August 6, 2003 at 4:53:39 PM GMT+8 祝您會考成功喇!!!! <br> >>August 5, 2003 at 7:36:14 AM GMT+8 勁啦~~阿嬸~~話我留一個言俾你 >>April 12, 2003 at 4:33:13 PM GMT+8 哈哈~我明明想尋日黎留言~~ < >>April 12, 2003 at 5:06:42 AM GMT+8 依家係夜晚ge2點正~~ <br >>April 8, 2003 at 6:05:48 PM GMT+8 好靚既日記啊 :) <br>見到 >>April 6, 2003 at 4:49:19 PM GMT+8 唉~~ｄ人叫人睇又唔更新下喎~~ >>April 5, 2003 at 5:13:11 PM GMT+8 點呀～～聽日去邊呀？！喂～點呀？ >>April 2, 2003 at 6:22:34 PM GMT+8 喂~~~~聽日去邊丫~~~ <b >>April 2, 2003 at 5:23:16 PM GMT+8 點呀～～聽日去邊呀？？聽日去邊呀 >>April 2, 2003 at 4:47:29 PM GMT+8 唉~~大家姐~~ <br>我俾人 >>March 31, 2003 at 3:30:14 PM GMT+8 出年326 <br>再搞'行'佢 >>March 30, 2003 at 4:46:53 AM GMT+8 咩係十分K? <br>咩歌黎架 >>March 30, 2003 at 3:02:11 AM GMT+8 遲到左咁多，有冇記遲到? >>March 27, 2003 at 4:00:12 AM GMT+8 連我個名都寫埋~唔留都唔得啦 < >>March 25, 2003 at 2:58:32 PM GMT+8 頂～留錯相添！ <br><IMG >>March 25, 2003 at 1:34:21 PM GMT+8 <IMG alt="" hspa >>March 25, 2003 at 1:32:54 PM GMT+8 哇～哈哈哈哈～黎我日記留言丫呀嬸 >>March 21, 2003 at 12:41:16 PM GMT+8

人氣: 21977

Design & Scripting by ShowHappy.Net