2003 年 4 月 10 日 星期四 【晴】

今日係我爸爸既生日唷～～～祝佢生日快樂，永遠開心啦！！！

頂，今日勁早７點幾起身，因為要考現代個ｐａ　ｍｏｃｋ！去到又遲左成半個鐘先開始！張枱又細喎，ｄ人勁跌野，但又冇乜人監考，差唔多完仲有人傾計ｔｉｍ！！終於考完之後，ｏ個ｄ人話＜俾亞ｓｉｒ改既就交比我＞妖．．．．原來考完俾亞ｓｉｒ幫你改既話，就要比多＄５０！！！我問唔俾咁點，就自己拎走．．．．．．頂，咁我做得咁辛苦做咩呀，做完又自己拎走，２７號先有答案，咁我返屋企做多幾廿次都得啦！！

唉！！做完已經１１：４０，但大口約左我１１點囉，我遲哂，好左佢識去ｆｕｎ　ｚｏｎｅ玩住先～～～不過都ｓａｙ　ｓｏｒｒｙ先啦！！！之後去左食野，亞燕同雞亦又話唔出黎，但我又超級眼訓想返屋企，又好似昆左大口咁早出黎咁，咁我唯有又陪佢撘火車啦！！

返到屋企睇番＜異度空間＞呀，哥哥真係做得幾好呀！！

>>April 12, 2003 at 4:55:17 PM GMT+8

2003 年 4 月 9 日 星期三 【雨】


起身１２點幾啦又，點知原來ｄａｄ＆ｍｕｍ放假，又陪佢地飲埋下午茶先可以ｊｏｉｎ到佢地呀．．．．我３點幾先出到去，ｓｏｒ　ａｒ，遲大大大到～～

ｈｅｈｅ！！去到源禾路，雞亦～大口～筠婷～性奴～真係ｏ係雨中打波呀，但我去到佢地已經話走，咁我地就過左沙田ｋｆｃ度食野同溫書！！我要溫ｐａ呀，因為聽日現代有ｐａ　ｍｏｃｋ呀！！！溫溫下，亞ｋａ都黎埋唷！！之後，溫溫下，＜我ｏ個幾個鍾又黎啦＞我勁玩大口部所謂既＜快譯通＞，搞到佢做唔到ｎｅｔ　ｃｕｔｓ呀，我同筠婷同雞亦又勁玩估字．．．．ｈａｈａｈ！！！！見到大口勁炆，又做唔到功課．．．勁開心呀！！

玩玩下大家都唔想溫，去左ｆｕｎ　ｚｏｎｅ呀！！大口好勁呀，玩揸巴士去到總站呀，打爆機呀，雖然次次都要我提～～～～跟住又玩ｗａｔｅｒ成日玩ｏ個部機，原來都真係好好玩架！！唔怪得之ｗａｔｅｒ勁玩啦！！

之後，得番我同大口，其他都返哂屋企！！我地兩個就周圍行呀，由於我未夠鍾去同ｄａｄ＆ｍｕｍ去打邊爐，於是好無聊咁陪大口搭火車去粉嶺，跟住又搭番火車去大學，唉！！！

夜晚去打邊爐，竟然見到我以前契哥ｏ係ｏ個間酒樓做侍應呀！！勁同佢傾計呀！！

好高興唷！！！！！！！！！！

>>April 11, 2003 at 10:39:29 AM GMT+8

2003 年 4 月 8 日 星期二 【雨】

今日，本來應承左亞燕，性奴，筠婷佢地返學校溫書架，但１２點度性奴打黎先識得起身呀！！！個人好鬼ｔｒｉｅｄ呀～～～到２點幾落街食完個ｔｅａ，諗住起程既，但係我返到去都３點啦，６點又要走喎，同埋亞燕佢地話今日捉得勁嚴呀．．．．ｓｏ，最後都冇返到呀！！ｓｏｒ　ａｒ，各位，放左你地飛機唷！！！ 番到屋企又睇下電視，溫左一陣ｐａ，又訓下覺咁．．．．．好舒服呀！！ ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 粉強唷＞＞＞＞希望你１３號真係出得黎啦，好耐冇同你玩過啦，你＜醒目仔＞ｍａ，實得既！！ｈｅｈｅ～～～～～多謝你留左ｏ個分鐘比我呀！！＜長期讀者＞留多ｄ言啦！！

>>April 11, 2003 at 10:22:37 AM GMT+8

2003 年 4 月 7 日 星期一 【雨】

今日返左學校溫書！！返到去筠婷，亞ｋａ同亞燕已經返到，筠婷好慘呀，比性奴呃左話佢要著校服返學呀～～～之後都好認真咁溫左一陣，跟住４個出左去食ｔｅａ，同埋去左源禾路搵ｗａｔｅｒ同大口佢地，因為佢地去左踢波！！
勁好呀，大口落雨都帶左塊板比我呀，好高興唷，但由於ｏ個陣落住毛毛雨，我要用好多野蓋住．．．．點知．．．．勁似＜神主牌＞呀！！個個都勁笑囉！！之後去左美心ｔｅａ完就返番學校努力！！
溫多左一陣之後，我地４個女仔就勁玩＜大合唱＞囉，唱左勁多次＜心淡＞但一味就ｏ係到笑，勁開心！！之後又ｏ係學校踩左陣板，同雞亦，ｈｅｄｉａ佢地，跟住就過左源禾路ｊｏｉｎ佢地，去到我地勁射波，由高輝做ｋｅｅｐｅｒ，真係好好玩呀！！但係冇啦啦我比梁智成個抱起，行左勁遠囉，好鬼驚呀真係！！
由於頂唔順，ｄ雨愈落愈大，我地就去左避雨，跟住又玩起上黎，咩都講一餐囉！！之後得我同亞燕，ｗａｔｅｒ，大口同高輝過左沙田食野！！去到ｍ記食完野之後，我地就坐ｏ係度傾計，傾得勁正，上至點樣去廁所，下至傾卡通片．．．．都可以講到成間ｍ記ｄ人都望住囉，又大聲講，又大聲笑！！之後又去左ｄ冇乜人既地方，玩＜狐狸先生幾多點＞好好玩呀！！
跟住去完ｆｕｎ　ｚｏｎｅ打完機就走左啦．．．．．
頂呀，走ｏ個陣勁大雨，又唔可以整濕塊板喎！！！勁慘！！
＊＊＊＊＊＊＊＊＊＊＊＊＊＊＊＊＊
今日係哥哥出殯同火化既日子，希望佢真係可以安息！！
真係好討厭ｄ雜誌成日對哥哥既死去講乜講乜，妖，人都死左啦！真係好唔尊重囉



>>April 8, 2003 at 5:54:57 PM GMT+8

2003 年 4 月 6 日 星期日 【陰】

今日，就冇出街，因為起身已經差唔多１２點，個天好灰，好暗，仲落住毛毛雨，心情又ｄ唔好！但好左睇完套＜美味天王＞之後，又開心哂！！
之後到３點幾度，有線做＜金枝玉葉＞呀！我記得有段時間係好鍾意呢套野，一個星期都睇一次架！！而家，哥哥死左，就梗係要睇啦，我仲錄埋比我亞哥睇呀！！
睇完５點幾，就開始溫下ｍａｔｈｓ，繼續做ｐａｓｔ　ｐａｐｅｒ！！！之後有線又播哥哥ｄ野同守夜既情況，唉，我又．．．．．．

>>April 8, 2003 at 5:18:58 PM GMT+8

2003 年 4 月 5 日 星期六 【陰】

今日補完;習，死日ｗａｔｅｒ同大口遲到，好左ｊａｓｏｎ陪我去食ｍ記食野，佢仲教左我一ｄ絕招呀！！好勁呀真係！！ 之後佢地兩個黎到，遲左成粒鐘囉，跟住ｊａｓｏｎ走左，我地去左ｆｕｎ　ｚｏｎｅ打機！！ｗａｔｅｒ可以同一部機，打左７，８次唔停囉！！今日同大口見到條友玩揸巴士，竟然揸到去總站，打爆機呀，超勁呀！！ 玩完之後就返左學校ｊｏｉｎ亞燕同雞亦，一齊溫書！！我地好乖咁溫左兩個幾鐘，之後又去左玩囉！！由於星期日間學校冇人，我地就走左上一樓玩，ｏ個時又勁黑，真係好恐怖呀，ｗａｔｅｒ仲拍埋哂ｄ恐怖相呀！！跟住仲變態呀，ｗａｔｅｒ同大口拉住我同亞燕，入勁黑既女廁呀．．．．．我地真係超驚呀，差ｄ喊咁濟呀！！最後ｗａｔｅｒ就捉左亞燕入女廁，仲叫佢照鏡呀！！好左之後都冇野．．． 玩到６點幾就走，搵左蕭邦傾左陣計就返屋企睇＜金像獎＞！！一開始志偉講野我已經喊啦，之後四大天王合唱．．．．我又喊！！我睇好＜無間道＞架，好左都拎唔少，但＜英雄＞我睇左，好悶！！！仲有呀，亞澤同君如拎唔到獎，有ｄ　ｄｏｗｎ呀！！

>>April 8, 2003 at 5:08:36 PM GMT+8

2003 年 4 月 4 日 星期五 【陰】

嘩！！今日好開心呀，因為我地又去玩啦！！今日就去左大口屋企玩呀，去到就即刻打佢部新機，ｇａｍｅ　ｃｕｂｅ！！玩ｏ個個大亂鬥真係勁正呀，超級好玩呀，亞燕同ｗａｔｅｒ都好勁呀！！
另一邊廂就當然係打麻雀啦！！＜大口同佢家姐＞＜我同ｗａｔｅｒ＞＜亞燕同沛林＞＜筠婷同亞ｋａ＞，打打下又玩ｐｓ２喎．．．ｏ個隻太鼓ｇａｍｅ真係超正呀，大口仲話買過真鼓番黎玩呀，我地就一定會勁搶住玩啦！！！
最後ｗａｔｅｒ掛住打機，咁我就打麻雀啦！！真係勁好手氣呀我，真係勁食呀，最後我ｗｉｎ左＄１２０呀．．．．ｗａｔｅｒ勁開心啦，ｏｎｌｙ打機就可以分６０幾蚊呀！！
之後８點幾就去左大埔吉之島食飯，跟住得番我，ｗａｔｅｒ，大口同沛林去打機！！打到１１點幾先走！！行去火車站ｏ個陣，我同大口兩個好似傻左咁勁玩，咩都玩一餐囉，又扮飲醉酒，又扮嘔．．．．勁開心呀！！

>>April 7, 2003 at 4:22:30 PM GMT+8

2003 年 4 月 3 日 星期四 【雨】

今日都終於抖番日，冇咩活動，但本來今日話同蕭邦去ｔｅａ，點知又落雨，都唔係好想出．．．ｓｏ冇去度！！！而且起身已經１１點９，岩岩好做美味天王～～

之後又玩下電腦呀，睇下電視呀，搞到４點幾先去食野！！之後又去左訓！！而亞媽今日就叫我一定ｏ係屋企食飯．．．．．好左今日冇去玩～～～

以下係我一d比較認真既野,但絕對係我而家內心既感覺！！！

◤呢幾日都聽左好多，睇左好多關於哥哥死既報導／新聞咁～好多人都覺得好傷心，包括我，而今朝見到個天好灰，跟住仲落左陣大雨，突然好感慨，覺得連個天都因為而家個世界咁樣而喊．．．．最近聽親既新聞～～～～１）關於非典型肺炎２）關於美伊戰事３）就係哥哥既死！！！真係唔係好明，佢咁有錢，又有名氣，又多好朋友，但係都要去自殺，搞到本來已經好唔掂既香港人，而家仲更加殘～～～～原來一個人既情緒真係可以有咁大既影響！！
但人絕對係好怪，到一個人死左之後，先會聽番佢ｄ歌，睇番佢ｄ戲（包括我啦）以前睇到有線做＜鎗王＞呢套戲（哥哥係主角），會唔想睇，因為好似好悶咁，但今日見到有得做，竟然坐定定ｏ係度睇，仲睇得鬼咁緊張～～～人．．．真係好怪！！
哥哥ｏ係套戲入面又係ｄ精神有問題！！情緒呢樣野，真係．．．．．．所以希望所有朋友仔每日都要笑，要開心ｄ呀！！！
祝各位．．．．＜＜＜身體健康＞＞＞啦！！◢

>>April 4, 2003 at 4:16:31 PM GMT+8