2007 年 10 月 24 日 星期三 【晴】

用比張柏芝更磁性的聲音同大家宣佈

我正經歷一個"傷感"的10月

是傷風+感冒的10月.....

天氣真的涼了

"雲吞"淹沒了半個公司垃圾桶

拜託!!!......請再給我多點"幸福"................................................傷風素吧..........

=o=".......

真心講句----大家要保重啊!

>>October 25, 2007 at 2:02:36 AM GMT+8

2007 年 10 月 23 日 星期二 【晴】

今日唔可以用相片來帶你地去覓食

因為次次食野先發現個手機冇電...=_=

算啦,天意

***************

前排同阿湉小姐去左美心sabui sabui......

都ok好味........尤其係蕃茄湯底...

我地仲另外去買包北海道蟹柳(市中心promo,$20/包)返來打...食到呆左...

因為一包有30~40條........

食左好耐as我地一路食一路傾

食到人地熄燈......我地先走..成為"爛蓆王".....

之後,就買野飲,到市中心個公園又繼續吹水喇~



好耐冇同佢傾偈喇!!!

傾落發現,其實,每個家庭都會有自己問題

可能香港人ke壓力真係太大



又同佢訴下苦啦

有d野,唔係人人都講得,亦唔係每個人都想聽

好彩,佢係講得,而又願意聽果一個ja!



問我,可以"咩"到幾多上身,頂到幾時

真係答你唔到



唉,希望在明天啦

thx u so much

>>October 24, 2007 at 1:56:01 AM GMT+8

2007 年 10 月 16 日 星期二 【晴】

我唔睇波,但響facebook見到,超低能,勁搞笑
忍唔住copy出來,分享一下!!!.......XD

黃興桂金句

1. 領先一“粒”

2. 波係圓，係用來踢既

4. o係今場波邊隊能夠入一“粒”先，果隊就會有優勢

6. 睇波呢家野，睇得波多咪睇到多d好波囉

8. 防守“生”波

9. 罰波

10. 好急勁既罰波

11. 呢個罰波係o係右路偏左既位置

12. 每隊波都要有個好既死球專家 <-----經典...

13. 每隊波都要入“燕梳”既第二球

14. 所以話，現代既足球每隊波一定要有一個罰波專家

16. 現代既足球，係將皮球送入網窩裡面既

19. 現代足球講求有實力，有速度

21. 現代足球最緊要攻守兼備

22. 呢球波拉得咁行唔係用腳背，係用腳既肉心呀

25. 射波最緊要射中個龍門

26. “浪射”

27. 當一隊波進攻既時候，另一隊就需要去防守

29. 十二碼呢家野呢，有兩個可能性，一係入，一係唔入

30. 呢球波一係入，一係龍門救到，一係出界

31. 呢球波，如果冇龍門就入喇 (low b)

32. 呢球波射得恰到好處，唔太高，唔太矮，唔太勁又唔太遠，總之就入啦

33. 一個好既守門員可以令到場波由輸變和，由和變嬴

34. 哈哈，龍門最好既朋友係邊個呀？咪係龍門柱囉

...爛gag金句頭3位非佢莫屬...XD.咁爛都講得出口??你好野!!

35. 呢球波 keeper 有反應

36. xx龍門又再一次勇救險球

37. 呢個龍門眼有神

38. 幾時都話，後防好緊要，紐卡素就差係呢度〔利記對紐卡素重覆了大約十次〕

39. 防守球員犯左腦筋上既錯誤

40. 拿…做防守球員最緊要係咩呀？咪“安全第一囉”

41. 條防線包得無深度， 裝越位失敗，咁咪失波咯

42. 個防守球員回波比龍門回得唔好， 不過唔緊要，佢地好friend架，唔會鬧佢架

43. 做前鋒最緊要有力

44. 識轉身既前鋒好值錢

45. 後生、有身材、有活力 (唔係講緊女丫)

46. 當打、有態、有身材 (都唔係講緊女丫)

47. 呢位球員打法好經濟

48. 呢隊波好有性格

49. 睇下隊波肯唔肯打d藍領足球

50. 場波已經擺左落雪櫃

51. o拿，傑仔！呢 D 咪就係好波囉

52. 波唔使講架，球迷自己識睇

53. 呢場比賽我只可以用“一個字”黎形容---精采

54. 嘩！睇呢場波就興奮過食興奮劑

55. 球迷們有福喇

56. 球迷們，足球就是這樣的

57. 好波不妨一睇再睇

58. 本死無大害

59. 在傷口上加鹽

60. 有時呢 D 野真係時也命也喇

61. 陰溝裏反船 -> 陰鳩裏反船

62. 西班牙球會奧沙辛拿(Osasuna)=「奧沙桑拿」

63. 新特“撚”

64. D 利物浦球迷唱緊佢地既會歌——你永遠唔會一個人行路

65. 呢場波利物浦唔理嬴幾多球，總之一定要嬴

66. 呢球波係咪真係紅軍既利物浦出界架？好似擦到藍軍球員既波襪架喎

67. 愛華頓呢隊波蔗渣o既價錢，但係踢出燒鵝o既味道

68. 巴路士，淨係識得一味去，冇諗過交俾身邊既隊友

69. 利物浦的巴路士同列斯的巴基.....兩個都係姓巴........（英文名呀大佬）

70. 伯明翰同埋保頓，兩隊波都係“Ｂ”字頭

71. 保方保方，保住後方

72. 保定保定，保住就定

73. 梅度梅度，梅開二度，跟住加多句“林伯特差Ｄ入多球，變埋梅度”

74 近排加利仔狀態唔夠fit呀–第一佢跑得慢！第二佢唔夠快！！第三速度唔高！！！

75. 呢球波史高斯好有機會入波，但係無機會起腳

76. 希斯基，力的表現!!!

77. “O”雲仔

78. 呢球波“O”雲仔好巧妙咁編(騙)過對手

79. “O”雲仔一心自己去，一定架啦......英倫三島的前鋒係唔會交波架......

80. 呢球波碧咸傳得好靚架，不過前面羅唔到咋嘛

81. 亨利：12碼都唔入，30碼又點會入呀

82. 柏金呢隻老馬就好似星期三晚夜馬隻駿先鋒咁，追極都追唔到呀！

83. 托度咁好波，D前鋒邊夠膽射佢呀

84. 你睇下簡尼, 呢個角球, 由頭到尾都望實個波, 幾專注, 所以係一級門將

85. 我鍾意泰利,因為佢頭鎚好,制空力強,跳得高

86. 哈素賓基個名咁長， 個 Shoulder 冇返咁橫都印唔晒個名

87. (舒利亞控球失誤)唉,舒利亞老喇 (舒利亞入球後)舒利亞不愧為一個一級射手,拖住疲乏既身軀,仍然能射入一球

88. 沙華治係中場殺手， 唔係情場殺手

89. 睇下巴布爾幾大力呀，條頸幾粗呀

90. 佢既全名係冼拿馬‧邦高利，如果是旦叫冼拿馬或者邦高利就係唔岩既，你有無人叫歐陽做阿歐架？歐陽就歐陽，司徒就司徒架嘛，佢就係咁樣樣喇，冼拿馬邦高利, 冼拿馬‧邦高利，如果我今晚叫到你全名6次，我就請你食宵夜

91. Free.......dle (注︰要拉長尾音)

92. 呢場波可能係英倫三島兩個最佳左後衛既對決 --- (阿仙奴 vs 列斯--艾殊利高爾 vs 夏迪)

93. 做唔成英雄，就做罪魁

94. 打波既野有時要睇「 食送」食飯。

95. 單蹄馬

96. 球証巴巴先生

97. 唔會俾牌， 英倫三島既球證唔會咁易俾牌.......真係比喎.....球證太過嚴

98. 藍色衫打得好過紅色衫

99. 今日藍色波襪踢得好過白色波襪

100. 利物浦對 車仔：球場上一係藍衫，一係紅衫

101. xx 球員， 今日生日啦.

102. 呢d波仲唔生日

103. （列斯領先2:1）領先緊一球就梗係同你死守,守住個勝果（紐卡素扳平2:2之後）拿,呢個就係打死守既後果）

104. 阿仙奴開波幾分鐘就入波，好打好多。（被追和後）我都話，太早入波未必好架......因為有大把時間比人追丫嘛

105. 無論o係邊個時刻邊個時辰，英超既每一隊波都會有表現既

106. 領隊谷隊谷得好“應”！

107. ESPN–“超級星期天”變“和和星期天”

108. 呢D老鬼，食鹽多過你食米

109. 入到禁區就係皇帝

110. 又快又怪，又帶個波出界

111. 大家都係巴西腳， 所以知你想點去架啦

112. 奧尼爾開心到跳起， 跳得高過NBA果個奧尼爾

113. 睇佐敦，有今生， 冇來世

114. 哎o也！倒卦鳩勾！

115. 有今生冇來世呀喇...呢球波...嘩...神奇、頂級、超卓 ! 短片

116. 百步穿陽即係跑左一百步之後射入咁解

117. 我覺得利物浦仲有2個機會去追平, 就係"渺小"同埋"冇"

118. 兩個人都唔夠佢高...（06/07 歐聯四強次回合利記vs車仔）

>>October 17, 2007 at 6:51:35 AM GMT+8

2007 年 10 月 14 日 星期日 【晴】

繼上回,
同同事msn左幾次
比人玩
發展到
原本ok玩得ke同事因為咁就避左我
勁無奈+無辜

因為,我真係冇諗其他野,
普通msn吹水都可以搞成咁...第一個無奈

再者,我又冇周圍同人講"我有同某某某msn啊"
同人講ke我地有msn...就正正係某某某本人!!.......-_-''
搞到被人玩了
第二個無奈

我唔係因為想同呢個某某某仲有咩發展
所以有所可惜同無奈
只係覺得
唔洗咁啊?

唉......最後一個無奈......

msn ja......咩年代?點解好似好大件事咁?你、你、你…你地都會玩啦!!!
哼哼哼~我唔信你唔玩!


唉

>>October 17, 2007 at 1:31:51 AM GMT+8

2007 年 10 月 11 日 星期四 【晴】

今日著裙返工
同事們見一次問一次 : 依~~你今日著裙ke~?

-_-""
我係少著裙ja......都唔洗咁surprise?
我又唔係男人......
搵個禮拜,我日日都著裙

幫你地洗下腦先得....=_=

>>October 12, 2007 at 2:29:58 AM GMT+8

2007 年 10 月 9 日 星期二 【晴】

「 又 係 大 陸 人 呀 」 被 指 歧 視

一 句 話 惹 茶 客 大 混 戰

【 本 報 訊 】 「 又 係 大 陸 人 呀 ！ 」 三 名 男 街 坊 昨 晨 在 葵 涌 一 間 酒 樓 高 談 闊 論 一 則 新 移 民 盲 婦 墮 樓 新 聞 時 ， 竟 惹 起 搭 男 子 不 滿 ， 指 摘 他 們 歧 視 內 地 人 ， 雙 方 罵 戰 一 輪 ， 其 間 有 人 拾 起 一 張 凳 襲 擊 三 名 街 坊 ， 其 中 一 人 被 擊 傷 ， 警 員 接 報 到 場 拘 捕 涉 襲 擊 罪 男 子 ， 傷 者 則 送 院 治 理 。 　 記 者 ： 譚 健 文


傷 者 姓 許 （ 60 歲 ） ， 居 住 在 荔 景 ， 為 荔 景 山 道 荔 景 酒 樓 的 熟 客 。 至 於 涉 傷 人 被 捕 男 子 姓 張 （ 65 歲 ） ， 據 悉 他 在 內 地 出 生 ， 近 年 才 獲 單 程 證 來 港 居 住 的 新 移 民 。



拾 凳 作 武 器

昨 晨 9 時 許 ， 許 偕 同 兩 名 男 街 坊 到 上 址 酒 樓 品 茗 ； 未 幾 張 與 一 名 女 親 友 亦 到 酒 樓 品 茗 ， 搭 坐 在 許 與 街 坊 的 一 ， 其 間 許 張 開 一 份 中 文 報 章 閱 讀 一 則 32 歲 盲 婦 跳 樓 新 聞 ， 知 悉 盲 婦 為 一 名 從 內 地 湖 南 來 港 的 新 移 民 ， 早 年 遭 人 淋 鏹 水 致 毀 容 失 明 ， 以 跳 樓 了 結 其 悲 慘 歲 月 ， 突 然 感 慨 說 了 一 句 ： 「 又 係 大 陸 人 呀 ！ 」 同 行 街 坊 隨 即 高 談 闊 論 稱 ： 「 係 ！ 大 陸 人 落 偷 渠 蓋 、 鐵 欄 同 電 線 ， 唔 係 落 做 乜 。 」

同 姓 張 茶 客 聽 罷 ， 不 滿 許 與 街 坊 一 竹 篙 打 一 船 人 的 說 法 而 遷 怒 對 方 ， 並 即 時 站 起 指 摘 他 們 不 是 ， 大 聲 稱 ： 「 你 香 港 人 成 日 話 大 陸 人 點 衰 點 唔 好 … … 」 但 說 話 未 畢 ， 其 中 姓 許 街 坊 即 反 駁 稱 ： 「 我 唔 係 同 你 講 。 」 雙 方 一 言 不 合 大 吵 起 來 ， 引 來 酒 樓 其 他 茶 客 注 意 ， 混 亂 中 ， 有 人 拾 起 一 張 凳 向 許 及 友 人 襲 擊 ， 許 首 當 其 衝 ， 左 手 及 頭 部 被 擊 傷 流 血 ， 職 員 見 發 生 傷 人 血 案 ， 即 致 電 報 警 。

警 員 接 報 到 場 時 ， 涉 嫌 傷 人 的 姓 張 男 子 仍 在 現 場 ， 警 員 調 查 後 將 傷 者 送 院 ， 張 則 涉 嫌 傷 人 被 捕 ， 事 後 與 同 女 親 友 一 併 被 帶 署 調 查 。

=============================================
唉
「 又 係 大 陸 人 呀 」........

呢句話,唔同語氣,有唔同ke解釋
我唔知講果個人,當時係咩態度
但打人,點都唔0岩

要人地尊重你,
請先尊重人

佢出言不遜,係佢冇教養

但唔代表可以老羞成怒再出手打人...
咁有用咩??
難怪會被人睇低

痴線

>>October 10, 2007 at 2:04:18 AM GMT+8

2007 年 10 月 8 日 星期一 【晴】

收工後又去佐敦學野啦~~好開心~~d野又難左d~~哈
不過自己感興趣嘛,所以都唔會覺得悶ke~~

8點20分,準時落堂
行去白加士街果面搵食~~

先去唯珍食上海野......
由於要留肚食糖水,所以冇叫即煎系列ke餃子,韮菜餡餅同荳沙窩餅
淨要左個上海雲吞麵

一碗4隻白菜豬肉雲吞,上面鋪滿雪菜.......下面就係上海粗炒果隻麵
因為有雪菜拌食.....都算鮮味
落2滴辣油就更香!!!......食果陣就過癮.....但食完就.......=.='''

放低$20,行出門口未夠2步,就已經好口渴
好明顯,呢間野響味精方面,都落左唔少功夫!!!.....>_<"".....bad~bad~

立即行快2步,去前面食糖水解渴啦~
目的地就係有26年歷史ke佳佳糖水
之前有行經呢間店
但覺得好污漕就冇食喇.......
真係有眼不識泰山!!

呢間店,典型舊區草根大排檔格局.......old school到極點!!
如圖


不過唔好睇佢咁舊式
佢d糖水真係得ka
我叫左個合桃露.....都係$14.....
食落,好滑,唔會有一舊舊粉,因為佢地係自己用機磨,唔係開粉整ke
仲唔會好似其他糖水鋪咁落好多糖,驚死唔夠甜
越食越有合桃香,,我仲食到有蓮子!!~

正到食完想encour.........糖水不嬲唔係我杯茶
能夠成碗食晒...仲想翻兜都係第一次!!

不過太飽喇

唯有下次先食啦.......

但我覺得都係秋冬季去食會好d,因為佢冇冷氣,屈在街角
如果夏天去,就太辛苦啊!!

同埋,openrice有人話,個service唔好,d伙計成日黑面
又唔覺wor~~全程都有笑面wor.......對住咩人都係咁ka~
再講,呢d草根店.......都唔係sell service啦
食buffet咩?

回家途中,王生打電話來吹水
由上車傾到落車.........很快就回到家了....

======================================================
唯珍上海麵家 : 佐敦白加士街99號地下 (近寧波街)
佳佳糖水 : 油麻地寧波街27A (開到清晨5點,勁夜)

>>October 10, 2007 at 3:35:27 AM GMT+8

2007 年 10 月 3 日 星期三 【晴】

剛剛食緊一包日本零食,
暫且叫佢做粟米脆脆........(因為個包裝有碗粟米湯)
個味有少少似"卡路"........唔好扮唔知乜野係卡路,80年代出世實識!!

佢有首廣告歌ka!!

卡路卡路~~個個也讚好!!
卡路卡路~~點先搵得到?

一打開,真係勁大陣粟米湯味

食下食下,突然醒起,原來自己差唔多有1年以上係冇滾粟米湯飲
記得細個,阿媽打牌打過鐘,冇時間煲湯,就開2罐罐頭湯頂住先

1罐地們粟米湯,1罐金寶忌廉湯+2大碗水+少量生粉 = 4人份量



好懷念當時ke日子,少少一煲罐頭湯,就開心到不得了!
大個左,鐘意幾時滾,滾幾多都得,唔洗再下下旨意阿媽
但偏偏少左d野啦~~~

就算宜家有幾大魚大肉,去呢度果度食好野~都唔及呢碗湯ke味道


假使得我偷偷一個獨自極樂未算高分........

>>October 4, 2007 at 3:15:29 AM GMT+8

2007 年 10 月 1 日 星期一 【乍寒還暖】

話說尋晚上完堂......已經勁口乾........

立即過對面馬路,再嘗我ke飛佛~~~~就係新興棧ke"魚卜粥"~

魚卜,係魚ke鰾(即係花膠ke原材料啦),一條魚先得一個,好珍貴啊~

上次食左"卜腩粥"...真係一絕~~~一碗粥有8大舊魚腩+4舊魚卜~~~

今次再挑戰魚卜系列!!!

要左魚卜肉丸粥~~...唔洗lur骨嘛~.......



又大碗又足料!!.......肉丸唔係現成,係用豬肉打...........食到有d麻油同胡椒吊味

都幾好,講唔上好鮮....但起碼唔會有陣雪味先!!...



至於魚卜....睇佢好似好厚身,但其實粒粒都好滑溜~~唔會咬唔到.....每粒煮完都仲有一隻湯匙咁大

同埋~上次食卜腩粥,佢分開上魚卜,所以食到薑蔥味...好香口......

唔知點解,今次一齊上就冇左果種香口ke感覺.....明明睇住佢火光紅紅咁爆d魚卜

但食落又唔覺佢炒過~~.....好似白灼咁......呢度就失色左少少!!

不過~~~雖然,冇左香口ke感覺,但佢又唔會有陣魚腥味........係用料新鮮ke關係吧~~



經過一番努力~幹掉6大粒肉丸、7粒魚卜and一大碗粥...........

但仲剩左2個魚卜.......................

已經好漏喇..........唔食又好浪費!!!.........食埋~~

滿足到形容唔到.............放低$33....然後捧著肚子離開~~

食呢碗粥,最好2個人去啦~~~咁就唔怕太多喇~~~



回家路上打比同事y,訴說碗粥有幾正..........我係魔鬼!!!

報返"魔幻星塵"之仇!!!!.......

店名︰新興棧

地址︰油麻地寧波街23號(白加士街垃圾站斜對面)



******************************

下次上完堂試下"澳洲牛奶公司"ke滑滑炒蛋啦~~~到時再報導!!

>>October 3, 2007 at 2:55:47 AM GMT+8

2007 年 9 月 30 日 星期日 【晴】

Really ANGRY, Really MAD!!!

朋友3號係我最需要幫手時,幫過我......我好感激佢

我當佢係我好朋友看待,如果有事,佢係需要我幫手,我都會做

但佢性格比較悲觀,有時有D野會諗得比較灰

可以的話,我都想支持他一下



剛剛ONLINE~令我爆炸的事情就發生

我見好耐都冇同佢傾偈,就打算同佢聊聊天.....

HI一下,順便當然問句:最近點啊......呢D開場白

點知就比人狠狠地"得"左一野................

詳情唔多講

但睇到佢咁講,我真係呆左一呆...我唔期望你會立即講到D好內心KE說話,

我真係出於關心朋友去同你講野,都係問句JA~

就算你心情幾唔好,都唔洗一句"得"埋泥啊?????

好荒謬,原來傾偈都有男女之別.......

今日我知道了

真心嬲!!


打擾晒!!

>>October 1, 2007 at 3:36:52 PM GMT+8