2008 年 1 月 9 日 星期三 【晴】

唉...好無奈...=_=...
話說,尋日lunch問同事c借左個curry杯麵食...
照慣例,買返個杯麵比佢就ok

因為個杯麵係同yan share食,
今日阿yan就拎左個集錦同一個雞肉杯麵回來,打算還其一個比c君
但同事c未返,所以yan問我同事c要邊個
我話雞肉啦...因為同事c講過佢唔鐘意集錦

之後就將雞味杯麵放在同事c桌上

同事c回來問我
點解有個雞肉杯麵響佢臺面?(態度麻麻)

(有點愕然佢反應咁大)我答:因為尋日食左你個麵,咪還返個比你lo...

佢(依然反應大):0下,點解唔買返curry味比我?我唔鐘意食雞味

我(依然有點愕然佢反應咁大):0下,咁阿yan帶左集錦同一個雞肉杯麵回來
我記得你話唔鐘意食集錦...咪比個雞味比你lo...

佢(面口黑黑):我都唔食雞味....

我(無奈):咁我拎返走lo,我唔係特登買你唔鐘意ke比你,而係我根本唔知你唔鐘意係雞味
我明天比返個curry你lo......

***********************
其實你想要返curry味好正常......你同我講返聲就可以啦
我一定會買返比你
不過唔好一開始就用d咁唔耐煩ke態度啦
我又唔係一定要你接受你唔鐘意ke野
況且,我真係唔知道......有必要要用咁大反應??

可能你心情唔好
我都會
報應吧

我其實唔係嬲,但真係好無辜

算啦
下次餓死都唔好借

>>January 10, 2008 at 2:41:41 AM GMT+8

2008 年 1 月 6 日 星期日 【晴】

宜家先補返upload相呀...
有12/25同我生日的相呀~~~

12/25**


聖誕,有我、慈、charlie、湉一齊整野食~~
首先去買材料~途經巨型聖誕樹,就影下相啦~~



　　

真係唔錯,不過人多左d...

買齊野,上左阿湉置樂的新屋..又影相..=,=''...

　　　　

好有氣氛~到6點多,係時候整野食啦~~~
我同湉就負責白汁意粉、慈同charlie就整沙律,煎扒

The making of...........

白汁意粉
　　
　　　
　　　


沙律
　　　


最後煎雞扒、雞亦同牛扒....我幫佢地影相...佢地仲話要拎呢d咁
賢良淑德ke樣子去相睇~~~-.-''

　　　
　　　

完成！！！！







食完...我負責洗碗洗廚房啦...唔洗乾淨d,下次冇地方玩喇~~
洗完繼續食salad...玩到12點先走~~~~
好開心呀~~~大家講爛gag~~又講低b野~~~yA~~

好啦,祝你地相睇成功!!!...
====================================================================

1/2

生日禮物~






肥文真人示範禮物之用途!!


禮物2.....相機仔一部~~~


多謝晒所有MSN,SMS,FACEBOOK,EMAIL,生日飯&禮物!!...THX!!

>>January 7, 2008 at 7:28:59 AM GMT+8

2008 年 1 月 5 日 星期六 【晴】

今日同湉去了K LUNCH~~
好開心呀,好耐冇同佢去唱K了~~
唱到1點,準時被CUT鐘...=_=''...
之後我地就去左柏麗樓上
因為我地都想配眼鏡......宜家果副度數仲0岩
不過都戴左2年啦,係時候轉下

上到去,試(玩)左陣,就揀好左

我地都係半框,我係金屬啡,佢就黑色
搞左好耐.....
到走得果陣,已經係3點了...=_=

驗眼,近視冇乜深到....左右由650變左675...右眼依然係450
冇乜散光...2隻都係0.25..好野~

結果比多100蚊,用最薄的1.67鏡....我唔要好似龜SIR咁呀!!!!
埋單$650.........要慳D lo~~~$$$

配完,就去買b-day gift 比林老闆啦~~
睇左一陣,就買埋喇~
希望佢鐘意啦~~

===========================================
p.s~
戴生,祝你生日快樂呀~~HAAA~~~

>>January 7, 2008 at 8:13:17 AM GMT+8

2008 年 1 月 1 日 星期二 【乍雨乍晴】

哈哈哈,新年快樂哦!!!...祝你地08年開心快樂!身體健康!!

話咁快就到我生日喇...



就順便回顧一下07年發生過d咩事啦...

1月
~~剛調職位,但冇轉更高職位的銜頭,人工又冇加,同時又被女魔頭無理欺壓,身心俱疲
********

2月
~~收到人生第一份bonus...無記錯的話,應該有5k多....極開心!!
********

3月
15日~~好友兼同事y...請假同老公玩,點知出門前先嗌交...結果奪門而出
再拎住400蚊自己到澳門亂逛一番....最後竟然還記得買手信比我...好騎呢,同時好感動!!

29日~~忍唔住了...工資,銜頭跟工作內容不成正比...不開心到極點!!!
一改hea下hea下的態度,認真的執好resume,send了出去!..好想離開!
********

4月
~~半放棄...希望有一日能夠搵返你地...返到去就好,
返唔到都唔緊要,回憶就是愛

6日~~同同事y去左士多啤梨園.......
********

5月
~~7日...黑開有條路...唔見左散子包,一星期後,連電話都跌埋!!..

~~29日...心情像過山車的一天!!!...原本miss左ke機會回來了

事緣:
5月21日我apply左一份福利ok的工.......
我就email apply.......點知我冇上網
到29日早上才發現人家email約我23日去見工

之後email返佢.......話比佢知我個network short左
12:37pm send左個mail比間公司,,,
佢12:40pm reply我...叫我第日再去!!!...thx god~

~~30日...見工日..

~~31日...third in日...上午in完,下午收call~~ya~~成功了..8k5+5日工作制唾手可得
********

6月
~~1日...一早就打信resign...同日下午公司加12.5%人工+改銜頭....勉留成功
(仲追加返之前的人工)...呢次我險勝喇~~yaya~

~~25日...有新手機
********

7月
~~7日...同冇見好耐的做sir,鄧sir食飯,感覺好好


********

8月
~~2日..同pretty miss cheng食飯


~~10日...打風

~~26日...姐姐中六合彩,有320蚊,請晒食野~正
********

9月
~~13日...日記5周年

~~18日...開始學泰文



~~26日...好開心咁同一班同事去睇色戒同打邊爐...
********

10月
病了差不多一整個10月.........
********

11月
~~8日...為阿譚同s哥慶生

~~11日...長洲之旅with lina,c琪 & 杏林


~~21日...為肥叉慶生,,,搞左個tvb 之夜....
********

12月
~~20日...同同事去tst食buffet~滿足的一晚!!

~~25日...湉,慈,charlie一起整野食,同樣係滿足咁渡過聖誕節!!

~~29日...bbq with 肥文一班人...好瘋狂ke一晚!!yo!
********

其實呢一年,我真係過得好平淡...
希望08年精彩一點啦~~但唔好係衰野就ok lu!!~

Happy birthday to me~

>>January 2, 2008 at 8:32:39 AM GMT+8

2007 年 12 月 19 日 星期三 【晴】

十萬個開心啊,
原因2個,

第1,之前一直困擾我ke問題
一下子想通了........之前因煩惱錯過很多聖誕前的歡樂
現在可懷住愉快心情去渡過........總算不錯了!!

第2,就係同同事們去了tst的粵海酒店食buffet.....
雖然臨近聖誕,但都好平,每人加埋一都係$185......
初初擔心咁平,食物同環境想必很糟

事實又唔係咁
係嘈左少少,因為剛剛有班學校老師搞聖誕聚餐
不過食物水準比預期好



冷盤有:
三文魚,生蠔,沙律,翡翠螺,青口,味付螺肉/八爪魚,壽司...
樣樣都算新鮮...係壽司差左少少...舊飯好硬
三文魚同生蠔真係好好味^^
後來仲有蟹腳...不過我冇食,因為拎唔到啊~~~

熱食有:
燒排骨,芝士菠菜焗蠔,蕃茄煮蜆,炒蟶子,呢d麻麻....大隻就大隻,但有d 鞋同"un"....
仲有蒸魚,蒸鱔,雞亦,curry豬皮魚蛋,炒粉麵飯...(呢幾樣冇食)...

燒烤有:
燒羊架,牛柳,蝦......
牛柳有汁,但好似凍凍地,羊架夠so,不過肉質有d鞋,蝦比較新鮮
但每次只可拎一隻.......-_-"

甜品有:
水果,泰式椰汁糕,jelly,mini-fruit tart,糯米滋,即製fruit pancake,蛋糕仔,
朱古力慕思蛋糕,檸檬慕思蛋糕,芝麻糊同雪糕...
泰式椰汁糕....好味,同事一口氣吃下5個.....強勁!!!
朱古力慕思蛋糕...做得唔錯,入口唔會得個甜,真係有d朱古力香
d慕思又夠滑......^_^
全餐最難食係芝麻糊...."多多"即熔芝麻糊???=_="

湯水有:
靈芝猴頭菇湯,三文魚忌廉湯
試左靈芝湯,清甜!!!

==========================================================================
服務亦唔錯,見臺上有唔要ke碟,就笑笑口咁眼明手快拿走
唔會比人有趕客ke感覺~
個部長同我地有講有笑!!!仲祝我地"學業進步"!!!!!!...XD



哈哈,多謝晒!!!

見同事們食得咁開心,自己就更高興
因為由搵地點,到book位,到食
我都擔心唔好食就弊喇~
見到反應唔錯,感覺即刻大好啊!!!
又多個好地點聚餐~~

不過,拎野食期間發生一段小插曲!!..........講比我家姐聽佢都笑左出來!!
事件如下

我首先放了4隻蟶子+3隻蜆於碟上,
就想拎幾件三文魚先再回去享用~
正當我用夾子夾起片三文魚,放到圖中星星位置時



忽然!!
有位女侍應,從後彈出,輕輕捉住我左手,
再以九秒九將另一碟子遞上......再說了句:生ke同熟ke要分開處理!!!!
我比佢嚇左一下!!...
又唔係生食ke豬牛雞,我真係未聽過食buffet要將生ke同熟ke要分開處理啊~~
之後就"0下?"左一聲
佢依然原封不動...直至我將三文魚放到佢遞出的碟上
佢先悄悄放開我左手.........
之後!.....我就一臉尷尬咁返回坐位

er.............好瘀皮ar!!~同埋人人都係咁拎,何必偏偏選中我?

回到坐位,見到同事將三文魚同熟野一起放...仲好凌亂
我問佢,冇人捉住你咩?...佢話,冇,點解要捉我??
我講返出來,佢地都笑了!!!



好開心啊!~哈

>>December 21, 2007 at 3:36:06 AM GMT+8

2007 年 12 月 19 日 星期三 【晴】

睇埋個背景~~我地好似律師!!!XD....



>>December 21, 2007 at 3:35:41 AM GMT+8

2007 年 12 月 19 日 星期三 【晴】

渴睡症（Narcolepsy）是由於腦部無法正常調節何時應該睡眠，何時應該保持清醒的疾病，是一種神經系統失調的慢性病。醫學上，渴睡症(Narcolepsy)遠比疲倦想睡複雜得多，又被稱為「發作性睡眠綜合症」，最早被報導於17世紀。在第一次世界大戰期間，歐洲有一場流行性腦炎，患者症狀頗為相似，後來證實，腦炎、顱腦外傷、全身麻醉等均能導致此症，但主要還是因為家族遺傳。

渴睡症有四大症狀：

第一，亦是最常見的，是患者在不合適的時候(如日間工作、打電話、吃飯、談話中途、駕駛等等)產生難以抑制的睡意，並快速進入睡眠狀態。這種睡眠維時幾秒至幾分鐘，少數會維持一小時甚至更長的時間。這種來勢兇猛又一發不可收拾的睡意，之前並無長期失眠或其他明顯原因。

第二，患者可能在驚嚇、憤怒、大笑時突然出現局部或全身性癱瘓，驟然跌倒，神志清醒，並在幾分鐘後回復正常。

第三，患者剛進入睡眠時，也可能出現鮮明但恐怖的幻覺。

第四，一半以上的患者有睡眠麻痺的經驗，就是睡眠覺醒時四肢不能活動，同時無法開口說話，並伴有強烈恐懼。

「猝倒」、「入睡幻覺」、「睡眠麻痺」往往是在「睡眠發作」症狀出現後的10年後才陸續表現出來的。由於有明顯的遺傳傾向，一般比較愛睡的人，並不需擔心患上此病。

======================================================================
第一項徵狀,我時不時都會發生
同我一齊讀書,工作的.....都周不時見我突然釣魚
明明仲好精靈咁講笑/上網/做野
唔夠一分鐘再望我,我已經處於熟睡狀態

同學/同事覺得我咁樣都幾搞笑

但其實好唔方便就真,因為有時場合問題
釣魚除左引起尷尬,仲會增加被懲處ke可能,
又或者令本身唾手可得ke機會,要再下苦功先得到
(例子.........-_-.....考試都可以恰著...............)
不過我可以講,有陣時我真係控制唔到

最誇張係我試過同人食飯,朋友講緊野
明明好集中望住佢,聽緊佢講野
我竟然可以聽聽下恰著左,
雖然係3幾秒之後就立即自己醒.....但都好唔尊重人
佢講野唔係悶,係我自己問題,又一次控制唔到......=_=

我都有想過方法,唔好成日咁
例如,前一晚早d訓......叫身邊人一見我唔對路就meet我隻手...
飲水.......
事實証明,除左方法2比較可行,其餘一律冇幫助............

當然我唔敢單憑呢少少野就話自己咩事咩事
但我想,我是遺傳性的

事實上,由細到大,我媽都有種特技,
就係一坐定左,3秒內就立即入睡.......同大雄有得揮

有一種徵狀都夠喇,
千其唔好再追加之前果2,3,4項就好了~~~

>>December 20, 2007 at 6:11:45 AM GMT+8

2007 年 12 月 9 日 星期日 【晴】

越來越搞唔清自己為左咩而生存
越來越覺得人生同命運都唔係由自己去操控
睇唔到"明天",都睇唔到"出口"
怕死得辛苦死得痛,如果唔係早就自殺
唉.....不過宜家雖生猶死......
有安樂死就好喇......起碼死得安樂

>>December 10, 2007 at 3:35:54 AM GMT+8

2007 年 12 月 4 日 星期二 【晴】

勇闖重慶森林~~



尋晚,同舊同事到尖沙咀食印度野....
原本冇打算去,因為唔係好熟.......怕唔知講咩好
但聽到佢講去重慶..就心動喇
因為我咁大個人都未入過去
好多印巴藉人士....平時都唔會去啦...好恐怖咁
難得有人約一齊食,就當然要去探險一下!!!!

準時去到,但未齊人,就同另一人入去逛一圈先
入到去,就有幾個印巴藉人士向我地派vip咭同傳單
又話可以帶我地上去

講真,其實d印巴人係冇問題,廣東話流利........大廈入面都算整潔.......
不過冇乜野行......

出返門口等多陣就人齊

響openrice睇到7E的咖哩皇係OK的.........
我曾提議到7E食
但同行有人想去3D........
算啦,反正未試過.......下次再去7E囉

有一個外表斯文的印度人帶我地上去
-_-...........部電梯好細........好彩間野響3樓..........迫一陣就可以
上到去........間野好少人得2臺客同好靜,可能都算早啦.................

一坐低,剛剛的印度人就比左一胡椒脆片比我地食(FREE)
好好味,辣辣地,仲好脆....點汁食ke~~.......餐前小食,不錯!!!

之後點左一個雜菜咖哩角,洋蔥圈,咖哩羊,咖哩雞,青豆黃薑炒飯,芝士菠菜,牛油烤餅,洋蔥烤餅
5杯芒果LASSI........仲加多左個來錯的一個芝士咖哩.....



唔好以為我地好大食,其實份量好少,叫咁多剛剛好


雜菜咖哩角........好多薯蓉響入面.....好味ke,但NOT MY 飛佛........

咖哩羊同雞...肉質鞋口.....唔入味...好彩冇雪味....

青豆黃薑炒飯.......冇咩特別....正常炒飯一個

芝士菠菜...=_=.....芝士係粒狀...唔似平時食果d咁濃味,只有淡淡的奶味,
d菠菜就唔好提喇...........打成糊狀..........質感好似食緊一淡啖......terrible

牛油烤餅,洋蔥烤餅...前者脆口,但油爆.....後者唔脆同埋似蔥油餅........不過都算好味

來錯的一個芝士咖哩...唔好食ke!!...芝士都係果d印度芝士...咖哩...又係咖哩羊/雞果隻汁

芒果lassi.....可以將佢形容成芒果益力多...不過係甜d同杰d......好飲,但20蚊一杯,貴左d~

*************************************************************
總括之言......食物質素有待改善.......我覺得7E應該會做得更好
至於環境...雖然處於龍蛇地方....但店裡出奇寧靜,仲係磨爛蓆好地方....
我地9點食完,坐到10點半先走都冇人趕我地走!!!
洗手間都算乾淨!

最令我滿意ke係印度人D服務態度.........比起香港其他大小食肆好得多
每個waiter都笑笑口......問佢拎水拎杯....笑笑口咁比你
食晒free 果d胡椒脆片問仲有冇得食........同樣係笑笑口咁叫你等等................

之後我地問menu d野食.........都依然keep住呢個smile~....:-)
仲會主動問下客人好唔好味??

來錯左個芝士咖哩,我地衰衰咁試左2口先同佢講
佢就好緊張咁話洗唔洗取消??......
比著其他食店.........實黑口黑面啦!!!

天啊!!!...........佢地真係好有禮貌!!!!
呢間野,雖然食物麻麻,但勝在服務好,又平(每人$60),同任hea唔嬲!!!
朋友聚會,想吹下水,又唔係食好多野,都諗得過!!

額菲爾士會 Everest Club
http://www.openrice.com/restaurant/sr2.htm?shopid=8144

>>December 6, 2007 at 7:49:20 AM GMT+8

2007 年 12 月 3 日 星期一 【晴】

泰文字母表



>>December 6, 2007 at 8:02:54 AM GMT+8