2006 年 1 月 3 日 星期二 【陰】

或許我本來就是一個有病的人,
加上藥物影響埋情緒,
先至會咁,
我的理智告訴我,
都係唔好唸咁多啦.
整個下午都十分疲倦,
因為腦子想了許多事情.

本來先前, 是怕佢未唸清楚.
結果, 佢都有對我承認過, 自己都有咁唸自己過.
而且, 起初是怕佢真係認真, 但見佢的態度,
又係我意想之外好喎...
現在, 自己很認真, 反而越來越怕,
因為我發現自己太縱情,
理智太少,
而且看法太灰.

整個下午, 一面影印,
我一面想,
我不過是怕失去..
擁有過才會怕失去,
佛家所說的無欲無求,
是否最終就能找到安寧, 和平靜....??
我一路去付出, 也一路的怕失去,
一路的不過 (欲) 子而己...
反而又有想放棄的念頭,
因為失去了,
你便不會再怕...

或許我真的神經有問題,
我想應該好好休息一下,
不要想太多問題,
明早醒來,
我真的希望自己已沒事了.

>>January 4, 2006 at 8:38:25 AM GMT+8

2006 年 1 月 3 日 星期二 【晴】

上網查了一大堆資料,
要放工返屋企好好的查考,
但我已經開始食藥了,
我也沒有告訴他,
但呢幾日, 越來越覺得自己開始歇斯底里,
不安的氣氛在我我身邊.
講給佢聽, 又怕係不過是我自己在找麻煩,
佢先兩天都在問我有沒有為了這個話題而不快,
但今日, 我就只係識得驚,
就係驚佢唔要我.
有無拖拍, 我都係咁, 不過是自己害怕失去,
我還會想, 如果那一天真的來臨,
我仲一定會死添,
看來, 我就快會入青山了.

>>January 4, 2006 at 5:13:55 AM GMT+8

2006 年 1 月 3 日 星期二 【晴】

我覺得好驚,
那種感覺係驚到自己,
可能係我自己無法控制自己,
我發覺自己日漸的愛上他,
愛下去, 再下去, 再深下去,
我自己真係好驚...
不停的付出,
接著會是害怕失去,
激情的背後,
是否總會有代價?
自己真係好驚,
我驚他會離開我的生活裡,
也許只是我自己的疑心病,
但真係好驚.
唔知道自己應該怎辦..

>>January 4, 2006 at 4:49:59 AM GMT+8

2006 年 1 月 1 日 星期日 【晴】

媽媽和cookie都說,
我們像已拍拖了很久,
對哩...
我自己都沒有想過,
有一人, 對自己好好,
好到自己無地方彈佢.
都唔知係自己當局者迷,
定係佢真係好好.
現在, 我只知道,
不知不覺間, 我愛上了他,
甚至想自己完全屬於他.
愛到, 快到,
自己感到有點怕.

>>January 3, 2006 at 9:37:37 AM GMT+8

2005 年 12 月 29 日 星期四 【陰】

唉..........我們今晚的計劃可能有失敗的可能...........

想起都十分失望,

我們呀..........常常都有些意外, 不能一同去街街,
或計劃好的行程失敗了.........
;(
我都唔想成日令佢失望,
唉...............

不過, 媽媽也攪笑, 竟然話我們好似拍了好耐拖,
定係佢d時間弄錯了,
我自己都無信心我們會一齊有多久,
只是不要太胡思亂想就好了,
平常心面對著, 反而來得更好.
佢間中都會叫我改善些什麼, 什麼...咁.
本來我係過份自由, 縱自己的,
佢提我的, 叫我快點改掉些什麼惡習,
我都盡量做好,
所以都有些無型的壓力,
加上我這個人太心細了.
不過, 除了那件心頭大石外,
我都好似無乜要求過佢做d乜.
我還是想自己的情人舒舒服服的,
要變就變好d,
唔係要變身咁.
所以我發現越愛佢,
其實我就聽佢話.
唔知道, 標準好女友係咪咁?
不過, 係應該佢不對的,
就是提出及不要受感染了.
佢說得對, 都盡量做好.

真的希望, 我們的計劃,
今晚可以報捷啦.........
唔係又要令佢失望啦....

>>December 30, 2005 at 5:06:28 AM GMT+8

2005 年 12 月 29 日 星期四 【陰】

今晚,
可以一齊返屋企玩COOKING飯仔,
午膳時間去花園街買R,
因為, 阿爸阿媽今晚去飲,
而且, 又係昨晚她們才提我,
因為我唔記得了.
如果唔係, 我昨晚放工去買定R先MA.
昨天是我們一齊後過了第一個月,
但又無去街去興祝, 又無地方去, 沒事幹.
今晚補番數, :)

>>December 30, 2005 at 12:49:59 AM GMT+8

2005 年 12 月 28 日 星期三 【晴】

我們一齊一個月了~~
;)
想開香檳興祝 :)
哈哈~~

佢竟然今朝早特登較電話鬧醒自己打過黎,
仲要在同一個時間,
問我記唔記得一個月前的同一時間在幹什麼,
哈哈~~
其實我以為佢昨晚說了一說是講笑,
點知佢真係打黎,
但我都沒有想到,
因為佢想這樣問我,
所以今早特登打黎我 ;)
哈哈~~
(好似又晒命咁)
不過, 我真係沒有想到,
可以有人對我咁好.
有時, 我都仲覺得自己發緊夢,
佢真係我個男友仔??
我真係無用...

>>December 29, 2005 at 12:59:47 AM GMT+8

2005 年 12 月 27 日 星期二 【微冷】

嘩~今日真大曕,
放工拖手仔行旺角,
由對面馬會開始行.

雨下著, 不大不細,
他說, 自己應該打傘, 因為不要我淋雨...
他撥著我的頭髮, 說淋濕了...

好似係第一次, 由佢送我坐MTR,
入閘後他的樣子,
我在想, 前兩次由我送佢入閘的感覺.

晚上我拒絶了阿E的週日週會,
我想週六, 日都預留時間,
或許週日要睡覺去,
因為現在還未知週六去唔去教友的通宵聚...
原來拍拖係會用了許多時間,
因為一個人的生活,
變成了兩個人的生活,
而自己的時間也少了.
但, 原來生活真的不一樣了,
謝謝.

>>December 29, 2005 at 1:12:18 AM GMT+8

2005 年 12 月 26 日 星期一 【晴】

他說不喜歡那句message,
要親自delete佢, 問我好唔好....?
我答你決定吧....
因為我老是記著佢的反應,
所以便沒有delete度law...

>>December 30, 2005 at 5:09:46 AM GMT+8

2005 年 12 月 23 日 星期五 【晴】

同事說關於男人看香港的女人......
說拍拖的事, 又說說自己的女友, (說她的不好)
真想知道男人都愛這樣嗎?
同事說, 好的什麼都好, 不好的什麼都不好....
唉......
真的有點怕,
不好的什麼都不好..
咁樣係不好的來臨前,
咪.........
咁咪唔會有不好LAW.........

或許我真的太悲觀,
但也真的咪讓佢知我今早又有呢類的念頭,
唔係, 我又想像得到佢的聲線...
或者我可以對自己沒信心,
但實在不應對佢沒信心.

記得上次, 我的MESSAGE : 我想我還是不用買鐘回睡房了, 因為我有你 , 如果將來失去了你, 才買個新的回來..

其實我只是平常心的一個MESSAGE,
我這個人, 總是覺得拍得拖, 就會有分的一天,
有機會一起, 白頭偕老, 好似.....不會發生的咁.........
或, 該說, 好似太美好的, 都不會發生在我的身上...

但佢之後的好緊張的反應,
我沒有想過會給佢這樣的影響,
或是因為佢也了解我,
我就是太灰了....
什麼也想得灰暗.

只是, 他在我生命裡出現,
教許多的奇蹟, 和愉快,
都發生了.

真的很感恩.

>>December 24, 2005 at 3:56:49 AM GMT+8