2006 年 3 月 18 日 星期六 【陰】

唉...浪費我白行一趟的時間和希望,
為了不要磨減我搵工的鬥志,
我實在應該忘了星期五的見工好了...
改變了我們原先訂下的計劃,
也浪費了時間.
我也不是這麼愚蠢吧.
想了一會, 我都找不出自己錯誤的地方,
除了一個原因 : 佢地公司人員溝通不足

>>March 20, 2006 at 3:58:12 AM GMT+8

2006 年 3 月 14 日 星期二 【晴】

希望可以快點有得見工啦,
尋日, 在我放工後,
原來那位闊太副校走過來問果個嫁唔出的八婆,
阿sharon近來身體怎樣了??
哈~都幾白痴加好笑,
個八婆話我腸胃唔好,
(唔, 呢句都係真o野)
跟住話我食得朱古力多喎
(聽完, 我立即就想講番個一字粗口來)
而且也十分可笑 ;)

都唔知係佢痴, 定係唸住我唔係度借d二串我.

今日, 我對眼尋晚喊到種晒,
都未請病假,
唸住無工見, 就唔好請住啦,
點知, 阿小肥肥就今日請病假.

肥闊太副校咁關心小妹咯,
不如關心o下小肥婆好過啦,
佢個個月都有請咁滯,
密過佢d生理需要啦,
又唔見佢搵到工.
唉, 做乜笑人無搵到, 自己都未搵到工走人.
人地全校至得閒都要請病假同搵工啦....
今日都唔知係咪見我果份, 哈哈~

我好唔開心呀....
有得走, 去邊度做都好啦,
但, 薄富霖呀, 大埔呀, 屯門.....咁,
點寄得出手呀.

頭先電郵個份,
都好呀, 或者可轉做會計文員
但係人地都未必揀中我.

我已經唔開心到乜都唔想理,
只係想返屋企,
唔開心都乜人都唔想見咁...
都唔知可以點樣,
我只係知道唔開心同想喊,
隨時喊得出,
但又唔可以咁樣,
還是要工作罷.
明天是陸運會, 我都唔想返,
但又無工見, 又無謂請病假......
但又真係唔想返, 仲有明天午餐,
果位嫁唔出的又扮好人,
唸住係d姑婆本度拿d來請飲~~~茶喎...
講真呀, 真係坐埋同一枱,我都唔係好想....
推左佢, 我又一個人食, 都唔知點......
同老師食, 給人地見到, 又知我特登...
但又唔想同佢地食...

越唸越唔對路...........
今晚想清楚,
連放四日咪算咯..........

>>March 15, 2006 at 4:16:29 AM GMT+8

2006 年 3 月 13 日 星期一 【陰】

我實在不是一個能好好面對壓力的人,
或是應該話,
這數年間, 都面對了不少,
但我也實在發現自己面對這些的能耐已逐漸每況越下.
我昨晚越想, 精神就越差.

一來係太想離開,
對自己明天的面試有很大的期盼.
太大的壓力實在不是好事,
我曾經因為這樣而失去了一份好工作.

二來係自己實在有不捨得,
係呢度工作的日子實在不淺,
對工作本身的投入也不少,
在呢度見的人, 甚至比見自己的父母還要多,
因為在家中, 睡覺的時間比醒來的多.
留到最後,
感覺很不濟,
唔走己經唔得啦...
再做落去, 只怕過不久, 又有些令人惱怒的不公事發生,
再努力下去, 吃虧的還是自己...

三來, 我最擔心的,
係我老公...
佢昨晚都開口說了很多話,
我實在很想依從他的,
我從來都聽他的,
但今次我實在很想走, 更何況果度比潮州好十倍.

所以昨晚情緒很差,
由睡唔著到很想得太累,
今早還是很想睡覺去.....

說了這麼大堆話,
我想還是不要想太多吧...
或許明天見完工, 它告訴你薪金是五千大元,
最後, 還是未走得...........

>>March 13, 2006 at 11:16:43 PM GMT+8

2006 年 3 月 12 日 星期日 【陰】

突然感到害怕,
會否因為一份新工作而失去了老公...
他一定笑我K太傻,
但, 在很想離開的時候,
有一個面試的機會,
那邊廂以馬內利教會又好似好有誠意咁,
我在鄭小姐的來電當中,
已透露了自己的一些弱點.
我越想越是擔心, 郤對他老是掛在口邊的話,
有點害怕.
(你第日返左, 就會想返架啦...)

因為佢唔係咁鍾意講耶穌呢家O野...
然後, 我們之間會否出現些什麼不好的事來架....
我真的有點擔心,
我今晚, 應該想清楚,
唔想去, 就唔好去, 別浪費大家的時間和精神....

>>March 13, 2006 at 4:47:37 AM GMT+8

2006 年 3 月 12 日 星期日 【乍雨乍晴】

要很努力, 很努力,
我要走~~~~

>>March 12, 2006 at 11:34:18 PM GMT+8

2006 年 3 月 9 日 星期四 【晴】

究竟,
今個月可以轉了嗎??
我很累了....
我不想再見到他們了...
幸好, 終於捱到週五了,
每次週五, 我的心情都會輕鬆下來.
唔知道今晚, 會唔會出唔成來,
因為媽咪的口吻好似,
不喜歡我近來沒有回家睡...
我當然知道, 真係唔太好,
但我就係唔想返去...

>>March 10, 2006 at 6:15:15 AM GMT+8

2006 年 3 月 8 日 星期三 【晴】

我只想跟著在他身邊,
就算什麼都不幹,
也許人有點累,
很想兩個人靜靜的躺著,
呼吸著同一房間的空你,
和我愛的他的氣息,
沒有什麼在他身畔,
最快樂和最舒服的了...

所以今晚我沒有回家.....
縱然我們都覺得明天有工作在身,
是不太好...

>>March 10, 2006 at 6:20:37 AM GMT+8

2006 年 3 月 6 日 星期一 【晴】

今朝早因為聽唔到電話鬧鐘響而起唔到身,
差唔多七點先至醒來....
攪到佢今日無午餐食....
我又請多日病假了........

休息一天也好...
讓本來很緊張...很累....很生氣....很失望....很無奈...的心情,
都得緩和一O下......

也睡了一整個下午...

>>March 10, 2006 at 6:18:13 AM GMT+8

2006 年 3 月 5 日 星期日 【陰】

我覺得好唔開心,
我覺得自己實在未免太愚昧了,
十一少所講的雨過天清,
我覺得根本唔會發生,
係一年後都唔會!!!!
佢可以給我的幫助,
實在無法讓我原全的,
有盼望.
佢根本唔係我直屬阿頭,
而且也不能控制那位嫁唔出的老妹婆要我做的工作,
我的阿頭,
說老實話,
見到佢副尊容真係想推佢落樓梯...

我想我應該搵工,
至少係佢地抄我之前走,
我遞信上去都仲有一個月糧自己袋.

本來為了自己深愛的人,
我實在不願意比佢早走先一步,
但, 我現在咁辛苦,
我真係有點支持唔住,
我情願搵過份工,
反正哪兒的錢不是辛苦錢?
或許,
甚至乎,
邊度都比呢度好好多.

我情願窮,
或許, 像電影的名句一樣,
找回多點尊嚴吧....
至少,另一處的阿頭都可能會尊重你多d,

我很想可以轉工....

望著他食完的空飯盒,
實在很想哭,
唔知道

>>March 6, 2006 at 5:14:58 AM GMT+8

2006 年 3 月 2 日 星期四 【乍雨乍晴】

好眼瞓呀.........
呢數天都唔知係咪行得多,
但都不過是在學校走得多吧...
感覺周身都好累咁..........
好想sleeping~~

今晚, 我唸住回家食過晚飯過去,
感覺上回家一趟再出去,
實在有點擔心,
怕計劃唔成功,
因為有時以為計劃好會順利,
跟住又唔得 ;
以為唔得架啦, 結果又出到黎喎~~

星期五,
應該是呢派每週,
我至期待的日子,
因為等了五至六日,
至等到一晚同佢一齊好耐好耐咁...

今早臨出門口,
媽媽說 : 你千萬別遷就他太多呀~~
母親大人都不是第一次咁講,
感覺上好好笑,
也很溫馨.

至於我有沒有遷就我老公太多,
我就不作回應,
我自己感覺上無,
而當你回答第三者時,
人家都會話你,
戀愛中的人都不大清醒吧~~
總之, 我沒有, 也不感覺自己有啦.

我很期待放工的來臨

>>March 2, 2006 at 11:41:07 PM GMT+8