2003 年 7 月 17 日 星期四 【晴】

今天大清早返到公司, 開個icq來看看啦,
竟然見到醫生在線喎,
不過沒有和他說話, 沒有一句早晨,
因為通常佢咁早出現, 都係因為佢通頂做功課,
故沒有找他說話, 不該打擾佢.
佢真係辛苦了, 願主祝福他.

>>July 18, 2003 at 10:38:31 AM GMT+8

2003 年 7 月 17 日 星期四 【晴】

今天發生了一件很不愉快的事情,
而那犯錯的人仲要講大話, 唔認數...
唉~~...佢仲要係基督徒,...... :(
要重新把工作做多一次係好痛苦的事,
只係最令人生氣的地方係佢仲要講大話唔認數, 仲要係基督徒, 真係痛苦,
如果佢認數, 做多一次並唔係很要緊的事,
佢仲要立即便想到一些慌話去解釋 ( 掩飾 )
係立即....
但從電腦可看到佢delate我的file的時間,
係無可推諉的.....

滿肚子怨氣及火氣之時, 我便想到上帝話要原諒弟兄姊妹七十個七次,
雖然我想到這點, 但實在怒氣難收,
因為連一句對唔住佢都無講, ( 佢都唔認數, 仲點會講 )
然後回想我認識這人的短短日子間,
又好似真係無乜點聽佢講過呢個說話......

七十個七次, 就算佢不認不改, 也要原諒佢,
學習主的愛, 捨身的愛,
只是我不明白大家都係基督徒, 難道某人便不怕上帝的審判嗎??
上帝的公義可有在佢心中存留??
曾經我對所聞之言及自己所感向上帝反省過,
是否自己對佢的愛太少了,
輕易中了魔鬼的計子, 論斷他人,
犯了過錯,
我曾經在向上帝認罪,
只是, 今天真的親身遇上了,
我只輕嘆, 這姊妹真的是我姊妹嗎??
只怕是上帝才真的知道了 :)

如果心中存留公義, 相信上主, 我要學習把這些交到祂手中,
是的, 我該感恩, 這畢竟是一個學習的機會,
主恩與我常在.
以馬內利...

>>July 18, 2003 at 10:18:08 AM GMT+8

2003 年 7 月 15 日 星期二 【晴】

今天真不錯, 雖然早上的工作總是每每踫上了意外, 有點火氣,
但郤是十分充實, 哈哈~~

心情很是興奮, 真不想回家去,
係咪痴左線~~我問自己~~

不經不覺, 醫生就快生日了,
這些日子都咁忙碌,
可能要遲上一個星期才送生日禮物給佢,
我一早已找到了, 可是還未有買, 因為不是最理想的,
我不知道來年來月的未來日子會否再送佢生日禮物,
日子一天一天的在變動,
故今年我想慎重一點, 而且一直以來我都未有送過佢生日禮物,
係第一份, 不過唔知佢咪最後一份,
咁唯有週末才出動購物啦, 哈哈 :)

另外原本在ICQ 答應幫JOHNNY仔探風聲架,
但今天實在太忙碌了, (我都係現在才完成今天的工作)
因為明天係中一新生註冊的大日子, 故忙亂了點.
唯有六時多告訴佢, 我今天未問到啦,
你知, 要等待, 而且事情重要, 會令人很心急架,
故告訴佢我明天才可以去做探子啦,.
和佢談完後, 努力工作,
不過我心想希望佢會相信我啦,
始終失敗過一次, 我怕佢會信心下滑.

到了今天, 我對找學校事件的心情才可寬下一點點來.
對某人的心情也寬下一點來,
唉~~~
果然最在意的人才會叫你最心痛,
佢係我很心刻的人來, 曾經~~~

過去的總需過去.......

>>July 16, 2003 at 11:45:07 AM GMT+8

2003 年 7 月 15 日 星期二 【晴】

這幾天ma, 日日都好似未睡醒咁, 但都十時許上床睡覺去啦,
又成日發夢喎, 昨日又發夢回鄉去, 都唔知做乜鬼呀~~

基本上一個睡覺, 分兩段時間, 分深睡和淺睡,
而每段時間太約以四小時為相隔,
深睡時大腦皮層於休息況態, 故人不會發夢,(大腦皮層同時係我們的腦部的記憶區域)
淺睡就是發夢的時段, 大腦皮層於工作中, 此時係讓身體休息的時候,
這是我看書本時看到的, 淺睡大都表近睡醒之時.
至於醒來後是否記得夢境則要看腦部的況態和睡眠的時段.

這是我買的一本書入面寫的, 不過果本書我仲未睇晒.

發夢, 最想發的夢係去左另一個年代, 見到一些新奇的東西,
(當然那些只是我們大腦皮層的工作產生的幻想吧...)
但也不錯, 最好係可以發夢見到個靚仔啦, 哈哈~~
因為要找心目中的王子, 只怕現實生活中不會找到這樣的人.
故夢境會是一個好地方, 可以逃避現實的痛苦.

所以睡覺是我的愛好之一, 當然我也是一個容易入睡的人.


>>July 15, 2003 at 11:15:41 PM GMT+8

2003 年 7 月 10 日 星期四 【晴】

晚上返祈禱會, 本來為了找學位事件, 人實不太愉快,
點知一開波, 就唱 ( 動力信望愛 )
一聽到我便想起了荃官,
想起阿翠及袁永輝唱這首歌的歌聲,
因為係他們教我唱的,
故印象深刻, 到了今天他們的歌聲仍猶在耳.....

心情更重, 這個晚上唱詩不多,
整個祈禱會未有完全集中精神與上帝談談,
反而會呆下來, 低下頭來.

到了今天, 上了多次祈禱會, 還是沒有放下....
七十個七次, 怎麼我一次都沒有做到.....
我自己都唔想, 誰要把自己掉到永死的火海中,
誰要遇上騙子, 誰要遇上弟兄騙子, 誰要聆聽姊妹的風涼話,
一句話 : 係佢唔好彩, 自己唔戴眼識人吧! 都無得怪人........
她可知道, 她的現任男友是大騙子,
這些日子, 隨了她那個為了查考真相而來的致電,
從些以後, 也沒有一個致電, 半句慰問,
她的情有多深, 天地可鑑,
問我嗎? 我當然沒有致電她了,
難道我說某君是大話王, 她便要相信了嗎?
對話中, 她那動聽的維護說話, 為了維護心動已久的佢, 我還沒有忘記,
曾經我真的相信, 自己不該生氣,
只是, 今天我看到了真相.


今日, 我還沒有忘記這些事, 是我太小孩子嗎?
是我太小氣嗎?
我真的想忘記, 想Man in black的神奇手槍可以出現人間,
幫我這一把, 洗去這討厭的記憶,
忘記那痛苦的前事.........

活在生氣係難過的人生..........


>>July 18, 2003 at 10:29:47 AM GMT+8

2003 年 7 月 10 日 星期四 【陰】

午後, 下雨了...
也好了, 終於我 及 johnny仔也得了答案,
我努力工作, 佢也赴了佢的旅程去.

>>July 11, 2003 at 9:19:33 AM GMT+8

2003 年 7 月 10 日 星期四 【晴】

很久沒有打日記了~~時間久奉, 無計啦.
今日心情頗沉重, 因為今天我答應要給johnny仔一個答案,
對著口不對心的佢, 教我難以應對,
我怕佢唔開心.
我已經全力以赴, 只是.......被人冼了一獲就係啦...:(
這件事甚至令我對某人的感覺全然改變,
基本上我都唔想正面望她, 更加唔想和她講話,
這次, 我也許真的有點生氣.
她明明係我親密的人之一, 只是所有已經改變了,
也許這才是事實, 我看透得太遲.


但感謝上帝, 於我個人來講, 這件事讓我看清某些人的真臉容,
也讓我明白波波對我講的某些話來.

為了呢件事, 我都好唔開心,
無論我對佢有乜感覺都好,
對事, 我不忍佢前途希望盡失,
對人, 佢係我好友之一, 雖然我不喜歡面對口不對心的人,
要常常動腦子摸索佢的感受和言行,
找尋那些才是真實, 然而佢係一名令人好開心的朋友.

希望這件事, 最終也能給予佢一個有機的將來.


>>July 10, 2003 at 11:27:41 PM GMT+8

2003 年 7 月 8 日 星期二 【晴】

好吧~RICHARD, 是否太多人名了, 故令你感到混亂, ;)

醫生是醫生,
JOHNNY仔係好友之一, 一名年芳十五雙失少年.(我在幫佢找學位)
PETER仔係一隻已死的雀仔.我一直想念佢,


是否可令你明白了點點兒呢? 我在想著我們何時可以落K去, 我想念你的歌聲啊 :)

>>July 10, 2003 at 11:30:56 PM GMT+8

2003 年 6 月 23 日 星期一 【晴】

千機變很好看, 只是, 始終戲一完人便不快,
可否時間能停下來,
我不想面對接下來的每一分秒,
頭還是痛,
一想起便痛,
頭的血管便會發脹,頭好像被壓著一樣, 又像是戴著悟空的金鋼卷般.

我沒有等待johnny仔走出洗手間便走了,
我知道自己為甚麼會咁樣做,
希望他不會生我的氣, 只是我真的想走.

胃子也有點問題, 唔知會唔會係舊病復發,
如果係都好, 咁就可以減肥了.哈哈.

我仍然想念peter仔,
00年的今天, 我們在街上遇上.


>>June 25, 2003 at 8:40:49 AM GMT+8

2003 年 6 月 22 日 星期日 【晴】

近日就是有一些東西在思索中.
人有點迷糊.
及繼續錯愕,
只是我也看見自己自從遊樂場事件後的後遺症 : 不願意信任別人, 尤其係男生.

>>June 23, 2003 at 8:05:56 AM GMT+8