2003 年 12 月 15 日 星期一 【颳風】

真傷心, 今日的會議,
真令我傷心,
我的部門主管竟然向我如此發問........
唉....
其實我唔係唔鐘意工作和忙碌,
我也承認今年的身體比上年差,
應付工作能力也許差勁了點,
但我其實想有許多工作做,
我不怕辛苦, 也可以逆來順受,
我明白向難度挑戰可以使自己進步,
不合理的, 只要願意, 並努力, 我相信可以涯過.
但, 無型而被迫的形勢實在令我吃不消.....

佢竟然問我有乜工作可以給新請的行政助理做,
臨開會前, 我才用半小時去做一張地圖.......
係某人在開會前半小時同我講要,
佢要我咪做law,
做唔緊要, 趕都可以涯過吧........
但佢那不消楚的草圖,.............
結果做出來的圖都係錯的東西.
我見到張圖, 真係唔想望,
佢地講的時候, 我只告訴他們, 是錯的吧.........
其餘都不望不聽不理,
開完會第一個沖出門口.

聽完主管的問題時, 其實我想哭,
也沒有答話,
問題令我難堪, 而窘下來,
幹麼聘請一個人返來唔知給什麼工作他幹,
要同我呢個文員仔爭??
我們每天都打工作紀錄,
我的時數已常常不足,
究竟想我怎麼樣?
一係無事做, 一係做唔切,
然後話我有好多工作要做?

其實我喜歡盡力工作,
也不怕艱苦,
完成一樣工作, 我都會開心.

不過, 唉.......真心痛和傷心.

這週真差勁,
不論是工作, 是什麼, 身邊的一切都在泡湯............
彷彿快要痴線一樣....... :(

>>December 16, 2003 at 11:30:54 PM GMT+8

2003 年 12 月 15 日 星期一 【晴】

期待, 熱切期待, 滿心期盼....................
:)
做乜咁期待,
聖誕節仲有派至到.........
還有一段時間要上班啊 (對於我來講好長架啦, 因為日日都唔想起牀上班啊)

期待週四晚上七點九的來臨,
因為約好了, 買了飛, 去睇魔戒..............

>>December 15, 2003 at 11:29:40 PM GMT+8

2003 年 12 月 14 日 星期日 【晴】

昨晚己約好, 聖誕節假期間可約定他,
因為放假後, 他要面對大考.
大考完畢後, 便是一年的實習期.
我想送份聖誕禮物給他, 以鼓勵他,
總終走到了這地步.
曾經問過. 他現況下最想幹的事情 :

他的答覆....:
頭1次問 : 我想快點畢業.....
第2之間 : 我好想放放假....
第3次間 : 已習慣了現況, 都無乜特別.

走到了這地步, 好想可以聽聽佢發自內心的分享,
這段日子, 他的心路如何?

你愛一個人, 一定會好關心佢的一切.

就在佢實習的一年間, 最忙的時候,
我會停止搵佢...
同時間, 佢也會忘記我這位不相熟的友人和名字.

只想在現下最關鍵之時, 給予他鼓勵和支持,
他的看法, 真的很重要嗎?
就我是遠方的人, 我也想給予佢支持和鼓勵,
如果我有愛過佢, 我希望我不會改變,
就算他不愛我, 也不論我的景況如何.....

>>December 15, 2003 at 5:02:42 AM GMT+8

2003 年 12 月 13 日 星期六 【颳風】

本來昨晚和老友一同去睇無間三,
戲畢仲去食魚生,
心情真的不錯,
我愛魚生啊 :)

但飯後, 在街上的對話, 真係慘不忍睹...
我知佢無心傷我, 但我真係唔想提住...
我自己都沒有說浪費時間,
可否不要把我迫得太緊,
佢的說話冷得很,
直至走到裕華門前, 想起上年聖誕那天,
我騙佢和我行馬路時,
我的心情, 一切情景歷歷在目,
已有點想哭.
過完馬路, 佢仲問了一個我好唔想聽的問題,
唉! 過去的還提幹麼??
那都是年少的事了,
我從沒有忘記那個名字,
他的名字很漂亮 :)

我只答 : 唔好提了....
便和老友在這街角分道了...
佢說要往尖東逛逛, 我怕佢會不快,
我都係無心架,
我自己都唔想,

未過尖咀警署馬路, 已大哭出來,
迷糊間在柏麗大道走....
頭上的燈光很美麗, 很美麗,
在等巴士時,
來枝煙仔......
是淚水嗎? 是煙霧嗎?
一切都很迷糊.....

>>December 15, 2003 at 4:53:12 AM GMT+8

2003 年 12 月 12 日 星期五 【微冷】

因種種問題, 自己已經不大開心,
而且都好多工作要做, 雖然自己一個人值班, 但基本上所有時間都十分充實,
而且要嘔凸鐘數個隻(講得難聽一點)......

中段時間, 一個人在對文件, 非常安靜,
忍唔住了, 但同時間 有一個老師走過來要我協助影印文件,
我拭去淚水走出去迎上她的呼喚,
並處理她的交代.
她臨返會議室前, 問我 : 妳無事嗎? 點解咁架? 要不要幫手??
一直以來, 對她好感不大,
但, 她語畢後, 我才清醒過來返回工作.

>>December 15, 2003 at 4:42:39 AM GMT+8

2003 年 12 月 7 日 星期日 【颳風】

只差一點點, 便說了出來,
唸起都覺得好笑,
我講左3句其實咁多,
但我已經好倦了,
明天要早起上班去,
我只是這樣回答,
當佢叫我不如講埋先的時候.

好在沒有講, 否則覆水難收..
朋友都無得做,
我承認, 我好想見佢.
不過, 如果講出來, 就更加唔洗旨意見到佢啦.

好在一切安好, 無事發生.
感謝主.

>>December 10, 2003 at 8:48:54 AM GMT+8

2003 年 12 月 4 日 星期四 【微冷】

半夜, 造了一個惡夢.
夢中看見車禍, 有一個男人被車子撞倒, 另一男人則在我身後病發倒下.
我立時走上前去看看,
看見本校男體育教師正為那被車子撞倒的男人急救,
他倆身旁也有一位女士正在協助.
上前一看, 倒下那人竟是.....日夕想念的醫生,
他雙眼微張, 咀角和額頭淌著血....
但我郤被一東西欄著, 是欄杆之類的東西吧..........
我大聲呼喚佢的名字, 急得想哭.
喊見了兩句, 他望過來, 伸手給我接上,
張口說話, 但郤聽不見聲音,
看看口型, 是: 我在這裡, 我沒有事....

接著我便醒了.............

過後良久未有入睡,
心跳得好快....
心情當然不快.......
竟造這樣的夢來...

>>December 8, 2003 at 11:18:10 PM GMT+8

2003 年 12 月 3 日 星期三 【微冷】

每一天, 每一日,
我都唔係太清楚自己近來係點渡過.
四處找尋會快樂的痕跡,
每日悉心選擇穿著衣服,
把自己裝扮得好開心咁,
別人會問, 近來要面見誰人?
多可笑, 我沒有回答的,
係每一天都像在演戲,
只因, 每一秒都好痛苦.
但, 其實根本好辛苦, 每分每秒都好辛苦.
每朝早期盼日落的來臨,
晚上郤會坐下來發呆,
輕微的波動會叫我大發雷霆,
不經意間就和爸爸發生口角了...
我根本不想這樣....

這兩晚都和藥物共眠,
都唔想寫下多少粒,
耳鳴和頭暈伴著我入睡.
夢中彷彿回到了公司去.

每一秒, 每一刻, 都十分痛苦.
每一分, 每一色, 都十分痛苦.

>>December 3, 2003 at 11:28:52 PM GMT+8

2003 年 11 月 19 日 星期三 【炎熱】

我獨自坐在椅柄上, 望著地下的足球場.
四周有些迷濛,
傳來是波友陣陣的喧囂,
但我全也聽不入耳中, 只知有聲浪在遠處.

這刻, 我深心知道,
知道爸媽是我存留的原因.
我不能難想像, 她們失去我的感受.

我是媽唯一的女兒,
是她得來不易的女兒.
是她苦候9年, 也腳踏七星的早產女兒.

原來爸媽對我的庝愛,
是我生存每一刻的理由.

我知道, 只要她們在世的每一刻,
我也不會比他們早一步離開.

原來, 她們也是我的愛,
不會離開, 不怕日子的愛.

>>November 25, 2003 at 10:17:11 AM GMT+8

2003 年 11 月 18 日 星期二 【晴】

近來覺得好悶, 日子好像了無新意的過去..
上班, 下班, 食飯, 睡覺, 起牀, 上班.......
但日日都好像唔夠時間睡覺咁, 日日都食白粉咁......
忽然, 有一種感覺, 好想能夠遠走他方, 往一處比香港更美麗的小島去....
想又點呀, 我看還是別胡鬧了, 因為始終還是回港, 到時只會不捨, 不情願.
希望待, 將來有一天, 不再有任何負擔時, 我會努力的, 離開這兒 ......
我渴望...

>>November 19, 2003 at 8:51:14 AM GMT+8