2003 年 11 月 23 日 星期日 【晴】

好耐都冇寫日記 lu, 就快比人投訴架啦 ~
唔知點解, 我會堅持要上返o黎呢度先寫日記, 唔鍾意落純文字再copy 落o黎..........可能係懶 !

星期四那天, 我見到條粉皮一落堂就埋堆, 咁係人都知佢冇心同我做啦,
星期二講o個o的當然係假架啦, 我感覺到架, 你低b 都唔好當我係傻既先得架...........

所以, 當我執好份 report, 我就說服左Lilly 同我去Doreen 度投訴啦,
雖然, 我都知道唔會有penalty 既結果出現, 我只係為左出一口氣同埋比Doreen 知道有咁既事.....

Doreen 都說呢o的事o係出面社會司空見慣, 一定有o的契弟唔郁手就去領功, 我地只好小心揀partner...........我都知, 我都唔想part 住佢架, 但個個都唔受我玩, 我有乜計 ? 好彩撞o岩Lily, 唔係要我做埋powerpoint 我都唔知點死好................

傾完其實冇乜結果, 但條氣順返o的, 都好過冇.........

>>December 21, 2003 at 2:54:19 AM GMT+8

2003 年 11 月 23 日 星期日 【晴】

外患已經數齊, 內憂呢 ?
還是這個..........................
一到冬天, 完全係懶洋洋的......................

我知道, 這個時候是應該拿起武器去作戰的, 但我卻在兵營瑟縮一角...............
被幹掉只是遲早的事......................

我該這樣的嗎 ? 拿起槍, 上起刺刀, 向來勢洶洶的敵人作出有效的攻擊, 明知戰死也不皺眉.......
結果是戰死嗎 ? 我不管了......................

>>November 23, 2003 at 11:44:21 PM GMT+8

2003 年 11 月 23 日 星期日 【晴】

我好驚, 我份newsletter 收唔到尾, 而家差不多得小貓兩三隻, 進度仲停埋添,
各位同期得閒既就救下我地呀 !

份newsletter 係for 每個讀business 既同學, 越多人參與, 我地可以做到既野就越多,
有用既資料就越多, 呢個係一個循環o黎既,
如果一開始已經冇人參與, 又點可以提供寶貴既資料比你地呢 ?

我知道, 呢排o的project, 功課越做越多, final 只剩唔夠一個月, 但試想想, 就算比你考到3.x gpa,
你ge 揀錯科, non-jupas 揀錯科 或者對你報o個科一o的準備都冇,
到時入唔到心水學系, 後悔既咪係自己.........

做newsletter, 幫既唔止係同學, 仲有你自己, 我地隨時都需要幫手架 ~

>>November 23, 2003 at 12:56:01 PM GMT+8

2003 年 11 月 17 日 星期一 【晴】

今天, 苦樂參半...............

苦的, 係條粉皮繼續作惡..............
十二點半, 佢話要上一個教得最差既lecturer 既堂, 好, 由佢, 我同Lily 做住先..............
兩點半 "你打既電話暫時未能接通, 請遲o的再打過o黎丫 !"
三點半 "喂, 搵我咩野事呀 ?" "冇, 我地仲好辛苦既鬥緊份word 同ppt, 過o黎啦 !"
"好丫, 做得好呀, 我而家o係海港打邊爐喎 ~" 言下之意, 唔o黎, 自己死掂佢~
"而家得我同Lily 兩個人死緊o的points, 過o黎啦 !" 你條粉皮扮大牌我都算啦, 你做唔到野都由佢,
你過下o黎都好丫, 我都低聲下氣咯, 比你攞彩啦............
"我都話我o係海港咯, 咁遠點過o黎呀 ?" 言下之意, 一星期我先得五日見到Anke, 你想我陪你班傻仔捱 ? 唔使我講出口呀 ?
"唉, 算啦, 你得閒先過o黎啦 ~" 你試下唔o黎丫, 我唔port 死你我跟你挽鞋 !
"我應該都唔會過o黎啦~ 聽日o個五個鐘我地傾埋佢, 你地努力啦"
言下之意, 你都死既, 我陪緊Anke, 點講我都唔走啦, 你地死我唔阻你 ~

結果, 我同Lily 鬥兩份野搞到五點半, 足足五粒鐘.....................

>>December 21, 2003 at 2:53:58 AM GMT+8

2003 年 11 月 17 日 星期一 【晴】

有苦, 好彩有樂 ~

我承認我都好懶, 但karen 同maibo 都做好份英文, 條粉皮.......我唔知佢有乜貢獻...........
雖然ppt 得7張 slide, 但我都冇做ppt, outline 都係得6成, 所以我都唔敢有要求.............
我開心係有可靠既同學, 唔駛野野睇住都做得好, maibo 仲比埋newsletter 既稿呀, 樂了大半天

Lily 上埋堂都唔知個 test defer 左...........佢溫左成日書幾乎白費...............
好彩佢都肯同我一齊做埋份management, 好感謝佢..........我要請佢食野 ~

返到粉嶺, 比我買到0079 人仔蛋同機頭紙, 才$ 55, 好抵玩, 今日總算沒有白過 ~

>>November 18, 2003 at 12:10:55 AM GMT+8

2003 年 11 月 16 日 星期日 【晴】

我說過, 我不會讓我的怒火燃燒超過三分鐘 ~
三分鐘我打唔切就收手............而家開始 ~
頂, 你條粉皮真係打得少, 係唔係做野架, 膊頭卸水既, 落雨唔驚濕啦.........
我叫你做o個少少野 , 又左又右, 而家仲夠膽死話已經好多野做 ?
你做過乜春呀? 寫個5百幾個字仔, 我都唔同你計較點執英文啦, powerpoint 都唔需要你, 你同我講你做得多 ? 有種同我講 "唉!!!...........算啦....唔好做word 住...因為我聽日應該唔閒.做....word 唔駛咁快交......我試下搵下料先...星期2 果5個鐘頭再諗powerpoint 點寫....5個鍾夠啦"
係唔係嫌命長呀 ? 定係我阻住你媾anki 呀 ? 係就出聲: "sorry, 我要媾女, 幫我做埋丫, 我請你飲茶啦" 咁就差唔多, 你同我講唔得閒? 你叫唔得閒我叫乜呀? 真係螞蟻呀 ? 一世註定做死為止?
咁我揀比人捽死算啦, 唔駛咁辛苦啦, 咁樣我仲會多謝你借隻手指捽死我啦 !
哎呀, 過鐘添............................

>>December 21, 2003 at 2:53:14 AM GMT+8

2003 年 11 月 15 日 星期六 【晴】

哈哈哈哈, 落過場打z 高達, 三次左右就爆機..........
唔係用坦克型的"密沙羅" 打坦克戰法, 而係用靈活的 "加布蘭"去完成的,
感覺好暢快, 這就是我的消閒方法了.............
不過, 玩完的時候很累.............

>>November 16, 2003 at 12:03:21 AM GMT+8

2003 年 11 月 15 日 星期六 【晴】

得........與失, 其實唔係咁緊要..............
得返o黎既, 一野就可以冇哂, 跌左既, 可能下次一執攞突返...........
但中間既經驗, 就可以幫你下次保住你得既野, 隨時順手就執埋其他野.............

呢個道理我識講, 但要做到, 還有一後距離, 我點樣可以做到呢 ?
有排學呀 !

>>November 15, 2003 at 1:14:03 AM GMT+8

2003 年 11 月 15 日 星期六 【晴】

好耐都未試過咁累了, 但, 我其實做既野好少..........................
唔知道..............我仲可以頂幾耐呢 ? 星期六日差既電夠唔夠星期一至五亂用呢 ?
先兩日訓訓下抽筋, 仲要兩隻腳一齊o黎, 自己控制唔到自己個身體感覺好恐怖...............
睇過報紙, 話訓訓下腳抽筋係身體既警號, 話係行得路多或者好似OL 著得多高跟鞋會咁,
但, 我走o黎走去都係o係 poly 裡面, 來往屋企至poly 都係一日一次, 我行得好多咩 ?
定係, 我已經唔夠精神體力去應付呢 ? 看來我的時間表要好好調節了........


>>November 15, 2003 at 12:55:28 AM GMT+8

2003 年 11 月 12 日 星期三 【晴】

乞嚏...............好凍呀今日, 差點我就起唔到身....................而家又積左一堆"雲吞"..........
藥是吃過了, 藥力未見, 副作用就o黎啦, 好眼訓...............

今朝上八半, 已經準時出去, 八點半到火車站, 但遲了一點點是免不了, 有得揀我才不要八半哦 ~
拎埋書, 遲十分鐘吧, 一入房原來已經present 緊, 唔係掛, 咁早 ?
我靜靜地入去, 揀個近位坐住先...........等present 完左我先坐入去, 我認為這是禮貌的.........
冇幾耐, 三位男士仲遲過我, 但佢地竟然大刺刺o係人地present 緊既地方經過, 我認為好冇禮貌,
嚴重影響present 的人的心情...................

人地pre 完, 我係後面搵位坐, 不料遮了後面同學, 我坐過一點,
怎料有人說了一聲, 你咁會遮到Mr Lee 架, 我心直口快, 說了一聲"唔係掛", 我點睇我都冇可能遮到佢架, 不料Mr Lee 就話"係啦, 坐返前面啦........" 我的心一直沉下去, 連你都玩我 ? 我雖然堂堂都遲到, 係我不對, 一係就同我講, 唔好o係度單單打打啦 ~ 我都唔係最遲一個, 除了sam, 每次都仲有人比我遲, 你剩係追住我o黎玩 ? 上個月不論我睡醒沒, 你堂堂都問我, 我表達得唔好o者, 我都有盡力答丫, 28 個人係得4個會答你野, 你都係要追住我o黎玩 ?

前面條臭八婆(我都唔知用乜字形容佢最好), 堂堂玩堂堂潛水你都唔玩佢你o黎整鬼我 ?
火都o黎埋, 唔好同我講風度, 風度係對淑女用, 臭八婆係冇份既...........

我現在想說, 對你好失望........................

>>November 12, 2003 at 12:52:46 AM GMT+8