2004 年 7 月 8 日 星期四 【晴】

睇完人地日記自己又想寫.............

今天有很多事, 好多好令人期待既事發生左..............
睇下, 成三點先寫, 所以明正言順偷懶, 詳情下次補返..............

接左新 job ,唔止做關於自殺既問卷, 今次做 IT, 對象係公司, 唔太期待,
但我知道hea 既日子應該都冇乜剩, 除非我放棄做住戶啦 ~

又或者, 單靠 IT 卷過活 , 返朝十晚六(我自己定的 ! ), 我都覺得唔係太正常既時間, 夜晚先出沒嘛 ~
四十蚊一份卷, 三版紙既野, 我都覺得係濕滯野........因為又係做過幾次啦 ~
真係三點啦, 訓 lu ~

>>July 8, 2004 at 2:58:20 AM GMT+8

2004 年 7 月 3 日 星期六 【陰】

超無奈, 部ps 未整好, 冇錢買hero 蛋,
去到第二間玩具舖竟然賤賣我搵左好耐既sd 高達蛋,
唉...............

今日有o的事, 冇返工............

>>July 3, 2004 at 10:40:00 PM GMT+8

2004 年 7 月 2 日 星期五 【晴】

唔想寫, 日子又係咁過, 工又係咁返, 又係白做............

冇機打冇女仔冇野學冇糧出冇錢乜都冇物又冇既生活幾時可以脫離 ?
i dunno, 只係知世界點變, 日子又係咁過...........

>>July 3, 2004 at 12:50:52 AM GMT+8

2004 年 7 月 1 日 星期四 【酷熱】

7. 1 ...............熱到我..........坐o係度都出汗,
朝早七點回家, 訓...............阻我者死 ~
但都係十一點醒, 我個唔係生理時鐘, 只係內置鬧鐘.........

傻傻的以為落去有茶飲, 點知原來係做早操..........未過十二點都係朝早 !
上返去, 打機, 但, 勢估唔到打埋呢次就要整...........頂.......才半年, 我又唔係煲機族..........

一組三隻半的化骨龍獸又拆我屋企, 我的電腦, 高達無一倖免,
只有ps 2 因為佢地唔識開而避過一劫, 真係唔知我係唔係應該慶幸..........

但, 我一開機, 咦, load 唔到g generation seed 既............
唔緊要, 再load 過, 二十次之後, 試其他碟, 答案一樣 ? 不是吧 ?
咁, 我就要拎部機去整啦 ~

仲有幾條上網數.............
我看, 我就快要破產了..................

>>July 2, 2004 at 12:45:41 AM GMT+8

2004 年 6 月 29 日 星期二 【清涼】

低能..........行到我死, o的行行企企既食蕉吃屎大的, 少部份好好人的除外...........
連續三晚食大白果, 差到連我自己都唔信.........

復工第一天, 沙田穗禾苑, 低b 的管理, 按鐘都差o的唔比, 擺信更唔比, 理由竟然係要我先徵得住戶同意, 但, 信用卡賬單都係冇人想收到喎, 咁你比唔比郵差叔叔派丫 ? 結果, 零........

第二天, 馬鞍山錦泰苑, 我最痛恨的一個, 連鐘都唔比我接, 直接趕走 ~嘩頂 !
竟然話我咁按鐘既行為同推銷冇分別 ? 我當時死死地氣走........我會記住的 !!!
第二個地方係富安花園, 還好, 在總管理處登記了之後可自由按...........雖然做不到長問卷, 但條氣順好多 ! 結果, 又係零.............

第三天, 見到阿頭, 同佢訴苦, 佢教我對付超乞人憎的管理處的方法, 就係以上對上, 我一點都不用怕他們, 佢地恰到我地上心口, 我們就同佢地上頭講, 睇下邊個會唔見左份工 ?
拎疊地址太興奮了, 竟然又係沙田市中心...........行到死都可以行唔哂的地方.............
太笨了, 竟然在途中跌了證件, 嚇到我魂飛魄散.........好彩極好人的新城市廣場保安們拾回給我,
太感謝了, 買樓, 都係買新城市廣場好 ~
跟著, 行到好運中心, 但一點都唔好運, 得一張單都算, 仲難找到極點, 更比個兔唇食蕉恰, 我按唔到門鐘, 竟然同我講, 由得你囉.........
火上心頭呀 ! 行去管理處投訴, 反而個主任好好心機同我解釋, 氣就下左, 但擺紙回去那一下, 條粉皮又故態復萌, 唔比我自己入信箱, 我比佢入, 佢夠膽死幫我摺到一著菜咁, 真係好西 ~
如果唔係我唔得閒, 一定投訴到佢暈 ~

下一站, 大圍美林, 美城苑, 又一個苦難 ~
已經要行入村, 身水身汗唔駛講, 比件阿姐玩, 明知A座B座唔相通, 唔同我講, 等我上去搵到死先施施然講返, 真想封拳佢 ~

行到入美城苑, 個食蕉要睇住我按, 唔緊, 但我o係度纏緊個太太, 佢熄我機, 嘩, 有冇搞錯 ?
邊個比你咁做架 ? 雖然個太太都好想收線, 但你冇權咁做喎, 不過, 我o係度嘈只會吃虧,
只好怨倒楣..........沒辦法........結果第三晚白果就咁完成

>>June 30, 2004 at 2:08:21 PM GMT+8

2004 年 6 月 28 日 星期一 【晴】

你相唔信童話 ? 我就唔信啦, 係由細到大都唔信............
唔係因為我做唔到王子, 係世界上邊有咁多至善至美的人, 而佢地有完滿既結局,
大奸大惡的人會受懲罰我又唔覺喎, 不過惡到人人都知果o的唔係惡人, 只係一件白痴..........

>>June 28, 2004 at 1:27:08 AM GMT+8

2004 年 6 月 27 日 星期日 【清涼】

慘............九半開會, 九點三先醒, 仆返去已經十點.......冇人既, 原來轉左地方.............
一開又係三個鐘, 但唔好玩我啦, 家姐約十二點食lunch ? 個會仲未完.........
我都話要二點到啦, 幾準時 ! 去到已經食到 dessert........ 我仲未吃飯啊 ! 但都要夾錢......破產了 !

家姐要走, oh, 一走又兩年.............. 雖然我發過一次脾氣, 影響關係, 仲整到家姐喊...........
屋企人係鍾意講我地架啦, 邊有可能做到哂佢地要求, 做到佢地咪加內容, 根本就無盡既,
做乜上心o者? 講咪由得佢地講囉, 唔講佢地會悶死架 !

冇食野, 返屋企食and 訓..............oh no ! 冇哂粉食........又熱到 pk, 唔食啦 !
跟住比 jeffrey 叫左落去食tea, 那就是我的午餐, $18 連野飲抵玩 !
傾左唔係多野, 多數都係我地份工, 唉, 煩惱事一件..........

食完回家, 睇埋本小說, 訓左一陣, 又要開工啦,
點知臨開工條友返o黎, 又譏譏呱呱, 大好心情又被破壞.........

獨自一人開工, 悶到死, 以為拎穗禾苑case 唔難做, 點知係難到,...........
完全係做唔到, 管理處竟然連用對講機都唔得, 擺低信都可以被拒絕, 唔使玩啦 ~
穗禾苑已經係咁, 完全可以想像山頂o的高級屋苑會係點..............同阿頭講, 佢都冇計.........
叫我落返馬鞍山 ? 唔係掛, 我落去已經九點半過後, 山長水遠做一粒鐘 ? 我寧願收工.........
今日完全有英雄無用武之地既悲哀, 雖然我唔係英雄, 但管理公司咁絕, 叫人氣憤 !

返到屋企, 件蒸生瓜又返大陸, 對 ! 大陸才是她的家..........
無無聊聊, 又返到屋企, 寫日記..........我而家去玩 g generation seed 了 !

>>June 28, 2004 at 12:06:35 AM GMT+8

2004 年 6 月 22 日 星期二 【晴】

嘩, 又一次豐收...........
o係嘉福拎返一份卷, 又衝左落利安做卷, 係得既 ! 一共有5份咁多 !
證明我既假日策略走對了, 假日早o的做, o的人脾氣好一點, 成功率高好多 .................

聽日就係阿虎既飛禽走獸頹廢營啦 ! 今次準備充足, 就係今晚唔見左精神領袖猛虎,
唔通佢掛住睇意大利 ?

>>June 23, 2004 at 12:53:34 AM GMT+8

2004 年 6 月 20 日 星期日 【晴】

如果可以見到靚靚既公主, 會好開心囉 !
如果可以同佢去酒店食自助餐, 就掂啦 !
如果唔駛比錢, 嘩 ! 夫復可求 ?
如果仲可以拖埋手手, 就應該醒下啦 ! 畢竟, 她是別人的............

上面四樣, 今晚我有三樣已經開心, 我已經心足了, 何必勉強去追求最後一樣呢 ?

by the way, 今晚的粉紅公主很漂亮喔 !

>>June 21, 2004 at 2:45:28 AM GMT+8

2004 年 6 月 17 日 星期四 【清涼】

今晚好嬲好嬲好嬲, o的人冇品既, 太和人, 特別係寶雅苑最嚴重........

有冇15-19 歲既住戶都唔得閒答, 你唔好去死? 咁咪唔忙囉.......
你o彭門, 我係做唔到呀, 但一定會pass 比第二個, 咪煩多你一次 ~ 幾蠢丫 ~

有個姐姐願意做呀, 但.......過左歲數, 見財化水.......

有o的西人仲衰, 明明有開燈有聲, 係唔應就唔應, 好難為你咩 ?
咪又係煩多你一次 ~

最衰一種但最蠢一種係玩野, 但損人不利己, 收左份卷, 亂做, 唔緊要, 但唔做哂,
比上頭派人跟進, o的友level 高我地幾班, 比佢地纏住仲濕滯......我又冇錢收,
話佢西人真係冇錯, 用個西o黎o念野........

結果, 今晚最有收鑊既地方都係廣福村.........

>>June 17, 2004 at 1:45:19 AM GMT+8