2002 年 12 月 13 日 星期五 【晴】

[時日無多+我有分數]
"時日無多 無論人生滿是錯 時日無多 的你(我) 會否去改寫今生去向" ~ Beyond
"我不驚訝 世界佈滿虛假的態度 不須要當造成敗數
我不驚怕 縱有挫折找不到去路 只相信努力能達到 信會找到 怕也不補 我有分數" ~ 黃家強

今日終於考試lu... 未考o個陣 同 考完真係兩個世界 (考完成身鬆晒!)
但 有人話拎一百分唔難喎 (講牙! 邊有咁易丫～ 不過斷估都起碼有七十o既...)
其實今日最最擔心o既唔係考試 而係.... 應承得寡人十二點番Library 架ma 做乜鬼野成五點先浦頭架 咁唔得個播... 仲話聽日要行山添 ~ 仲走去睇"無間道"...

寡人考完試就番歸"窄"飯lu... 聽住組Band Inti 播家強o既live 都不知幾正... (但佢唱"時日無多" 同 "麻醉" 就唔係好得)
但話時話 "無間道" 係咪真係上得o果兩個禮拜架 唔會掛 (四大影帝同堂演出wor)
不過點都會o向考完試去睇gei.... 到時都未到兩個禮拜 ~ 呢D戲... 下ma (唔o向戲院睇冇癮ga ma)

ps: 尋晚"夜媽媽與夜爸爸"訪問了一位七十多歲的伯伯 一生經歷可謂多姿多采
做過戰地記者 跟過李小龍拍戲 從佢o既經歷得知人生很多事都是講唔埋的 應懂得珍惜 欣賞 而佢家陣七十幾歲仍是那麼 活潑可愛 --> 愈來愈覺得老人家好正 愈來愈覺寡人應該冇揀錯科
因從他/她們身上實在太多太多o野學了...
ps2: 阿邊個邊個 下星期唔好再玩野喇o下 如果唔係妳D Mad史 就呵呵呵 lu... ～　知冇?!

>>December 14, 2002 at 2:36:48 PM GMT+8

2002 年 12 月 12 日 星期四 【晴】

南京 : 永不忘記 南京大屠殺週年紀念
US: 一對廿年來從未間斷買彩票的夫婦 終於雙雙中獎
共的千多萬美金 (據說此等機會率是廿四萬億分之一)
U Know What It Is? It's 1/24,000,000,000,000 !!
此乃寡人是日不知對此兩則新聞俾啥反應之因由也...
ps: 今日找Professor Lin 前 撞到 "Professor Stephen" 佢對有人能免費得到其著作感意外 (認為此必為"誤會" ~ 言則心照la 大佬! 寡人對此真的哭笑不得...
此外寡人對雖面見Lecturer Just in 卻仍要交功課到他的office時(而非他本人)亦到萬分錯愕
對上述種種真不知應俾咩反應喎! (霞～）

>>December 13, 2002 at 3:48:41 PM GMT+8

2002 年 12 月 12 日 星期四 【晴】

久違了的三星飯... 依然咁正! 今次仲有人陪食"三色三星飯"添 ^^ 下回要試試"三寶飯"至得!
又話五點鐘要到黃金(稔灣) 點知Mr. 影霖番o左小學,仲過癮到在坐他小妹子的校巴回家
成六點半先番到屋企 寡人遂與黃母談天 嘗了可口粟米肉碎湯 見識了 可變蝴蝶的蟲蟲...
回家又嘗了女麻女麻親手炮製的羊肉煲 la (好食不過好甜)
聽日終於考試了 ("試到臨頭"了... 希望大家都可繼續努力 發揮小宇宙 考取心中恨到的成績 la)
ps:今日見影霖唔o向屋企(好彩有一早"電"黃母) 寡人遂到了商務 "手泵"波鐘 并幫家妹買了 "By All" past paper... 之前又送o左阿Jaz去車站... 同小妮子傾計... 覺得小妮子好掂 真係好得... (講真架)
加油呀! (sorry ar! 今日幫唔到妳d乜on Crit Think... 下星期Mad史就唔同架喇! ~ 無限量支持妳la)
煲冬瓜就拜託妳喇 Friend朝! ~ 休息多D la ~

>>December 13, 2002 at 2:59:22 PM GMT+8

2002 年 12 月 11 日 星期三 【晴】

嘩! 咩意思呀?
立法會度 "廿三條"原動議同修正案皆被否決...
唉! [ 廿三條 ] 想三個月就想收工?!
計寡人話齋 廿三個月就差唔多
唔o岩廿三年都得格 ... ...
都唔知為乜 !
今日睇新聞仲知道原來 "60歲o既女人" = (華懋小甜甜) 龔如心
仲知道啥叫五百萬自簽保釋外出 ~ 五百萬喎!
亦知道 寡人最近好鍾意食零食 (就連正餐都食大o左)
就算要過黃金都應該拆個三星飯就咩都掂la 不過就係唔駛過o個便都o趙o左個茶餐
o向樓下仲買o左個老婆餅... 番到屋企仲吃o左兩碗飯三碗湯添
鬼咩　～　椰子煲雞喎 好香呀!
但係咁食野法唔掂喎 ! 食得肥o既都話丫!
~ ps: 廿三條遊行牙 side氣la... 議事堂傾o左咁多粒鐘都傾唔成牙...
查實 蠟唔蠟法未係一樣... 都係有佢(正苦)講 冇人(蟻民)講 架la! (係咪仙!)
ps2: 喂... 點解! 電台話係62才 唔係60才 o既 o下!

>>December 12, 2002 at 3:18:56 PM GMT+8

2002 年 12 月 11 日 星期三 【晴】

話時話 [彈性上班時間有幾好]?
不如就等寡人話俾大家聽la...
本應今日講好今晚七點三聽完個Talk就直(截了當)去黃金同人補*成八點都仲肯補... 正唔正先
跟住好彩近日寡人當真幾"支力",加上聽完那個題目大卻唔知佢up乜o既talk都真係好想直(截了當)番屋企... 而之前佢又打俾寡人話不如聽日先補... 正la
而且,全數五位學生都肯為寡人考試而調期...isn't it Wonderful?
今日唔錯la... o向Library見到阿恆,幫o左我唔少Mad史同Crit Think la... thank u...
不過,今日阿邊個邊個(茶葉)拾下拾下... 阿龍哥又唔肯入Campus... 自己又真係幾"o牛"係美中不足之處la
唉... 點算呀... 仲有唔夠四十八粒鐘就考喇... 但係唔溫就好地地... 愈溫就愈唔明喎 (陰公咯~)
知唔知啥叫"同一唔同命呢"? o拿o拿o拿! 聽住喇... 寡人過黃金通常都係搭521,頂多坐下43號小巴...
阿許博士卻可以坐紅VAN喎($16vs$3.7)...
ps: 寡人識得隻o向工廠區五金舖俾人養的狗仔曉自己過馬路
今日都見識到一隻全黑的流浪狗... 仲勁... 真係識睇燈 識睇車... 不過佢係咪真係知到佢自己去邊
寡人就唔知喇... (希望佢冇蕩失路la!)

>>December 12, 2002 at 2:09:16 PM GMT+8

2002 年 12 月 10 日 星期二 【雨】

In Stockholm," the Acdemic Awards of.... goes to" (NO NO NO) ~ it should be the Nobel Prize for Peace is goes to James Earl Carter (1924- ) ~ the 39th President of United States of America...
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
In HK, today, I do got a wonderful day... (let me write it in Chinese)
難得今尋晚訓o左成十個鐘 (雖然都係成兩點幾先訓...) 但一起身,對眼就精神番晒... 起碼對眼冇再'爆血管'lu... 好爽... 不過,就冇陪阿爸去探阿嫲
好彩冇應承神棍上晝去佢度...
宴晝去佢度之前仲o向郵局領取史提反寄給寡人的作品三冊
番到屋企還收到了 遲來的 Time Magazine (內附"Ten World Leaders" CD-Rom乙隻)
而且,今日都算溫o左唔少書... (唔知佢好番d未呢... 吳C就未好番... 今日都冇上到佢度~ 影霖又蓋棉胎又蓋毯都病o左... ~ 話時話寡人今個冬天都未蓋過棉胎喎!)
最唔"開心"係人地要俾錢同史提反買書睇,有人卻唔駛錢(Stephen送俾佢)
今日寡人把"秒秒鐘歡聚歡笑"俾個死妹釘 老笠 老笠完又唔擔 要寡人o向街市"dub"雨番歸...
但最開心都係日日都有得聽梁靜茹... 好舒服 好開心 仲好甜 成身鬆晒! ! ^^
Isn't it wonderful?

>>December 11, 2002 at 3:01:22 PM GMT+8

2002 年 12 月 9 日 星期一 【晴】

今日終於天晴了! (明天 ~ "多數是晴天" 還會開始回暖添bor) 可喜可賀!!
不過今日阿吳C病o左~寡人唔駛上佢屋企 (希望佢聽日會好番la)
自己對眼都有D唔舒服~幾紅下添 (所以o向Campus番到屋企~就開住部收音機訓)
阿Jaz都唔舒服~希望佢聽日唔駛幫人補... 可以o向屋企好好休息la
亦希望寡人能幫何小姐個仔盡快搵到補習la... 上次做"雞仔媒人" 做o左成三個禮拜... 今次... ...

~ 話時話今日又見到 " HB9968 " 條友仔... 請佢成豆花 佢話唔制... 趕住同巴士影相咁話...
好一個巴士癡～　查實佢係咪讀方黃錦全 gei 呢o下?!

>>December 10, 2002 at 12:12:53 PM GMT+8

2002 年 12 月 9 日 星期一 【晴】

嘩! 2012年12月23日??! 十二萬年前o既o個一刻係點o既呢?
天外有天...
地球人類o既本源係'織女星'-->遷徙至天狼星?
再輾轉來到地球? 再於十二萬年前經歷特變? 部份愛和平之人於該時到達七姊妹星團?
而剩下(還留在地球)的就只有好戰份子? 不少文明神秘失蹤 (消聲匿跡)的原因竟可能是...
而現金,其實在不少太陽系內之行星,衛星,甚至是恆星(太陽)本身皆有生物存在??! 月球一直存在著高度文明?(在我們見不到的那面'the Dark Side of the Moon') 宇宙不止一個? 真的有UTOPIA (烏托邦)? 物質文明 vs 非物質文明...
地球(人)之命運~是生是滅~全在于我們的心... 不改變(現今生活方式,做人態度)就遲早(在本世紀內)玩完!
這可不是寡人老作的 (詳見'12月9日晚星期一港台之"夜媽媽與夜爸爸"www.rthk.org.hk ,
~ 今晚阿雲生失蹤,上述言論全部轉述自客席主持 阿Moon... 可真是 [信不信由你]喇... 還說天狼星和七姊妹星團上的 高智慧生物 (所謂的'人類') 和地球人一樣樣... ... 點睇呀?

>>December 9, 2002 at 6:22:03 PM GMT+8

2002 年 12 月 8 日 星期日 【晴】

寡人今日都算正式開始溫書lu
不過好似得自己一個溫o個陣就差D... Thanks, Jaz! (you know, you did help me a lot!)

是日幫神棍補完就番屋企lu,在利寶發現那正版(二手)"遙望黃家駒不死音樂精神"已被人'收買'了!
可惜(o個個不是在下)~亦可喜(仲有人識貨) ～然則,阿老闆都覺 許美靜 似乎已冇人識lu 陰公!
是日,o向Campus溫完書就固家飲靚湯和休息 (結果震機還是震機~聽唔到電話真真不好意思 ~ 寡人都唔想 ~ 不過冇相干la, Writing高寡人咁多分牙)
是日在文具廊終被寡人發現原來屯門都有得賣 Pentel PG515-A 編號仲係1J 添bor
寡人葬o左o個支係1D... 陪葬o個支係2b... *仲俾寡人o向Jusco發現Mitsubishi的新款鉛芯筆真真正斗,還只售$6.5... 搵日la,,,

聽日繼續番Campus溫書... ... 今晚同聽朝就試下做notes... 係咁!

>>December 9, 2002 at 3:12:22 PM GMT+8

2002 年 12 月 8 日 星期日 【晴】

今朝晨咁早起身~阿爸就話我聽得番9度 *天文台都係咁話* 琴晚都依然冇'手禁'棉胎 ~ 好彩冇冷親o者
新聞見到好多紅十字會o既義工,幹事等漏夜慰問/送御寒衣物予露宿者... 很暖
唸番尋日 過百個漁農署工作人員 沿途協助眾樂行人士 在此謝過!
(聽到佢地話 查實開工要好似我地行山咁... 要當係遊山玩水 不然都唔知點捱 ~咁話! 聽到都真係幾頂癮～) 　～大家咁話 其實做咩工都係咁架la 喻工作於娛樂先至過癮ga ma!

琴晚睇完Pearl News Magazine 後.... .... 好心寒！
天氣真係涼o左喇! 一日跌十度... 尋晚又跌多成五度... 嘩! 保重o拉!

>>December 9, 2002 at 12:30:44 AM GMT+8