2003 年 1 月 12 日 星期日 【陰】

Last night, I saw the movie called "the Sixth Sense", directed by M. Night Shyamalan.And I watched another 2 movies by him in theatre in 2000 and 2002, called "Unbreakable", and "Signs" respectively.
Among these 3, I found it "Unbreakable" is the best where the auditors can only know the answer until the end... but "Unbreakable" is more mysteriously and darker, and more dramatic then " the Sixth Sense" where it seems to be some contradictions. And "Unbreakable" covered more on the dark side of the human beings, and there could be another episode, and even more too to cover the story of that Mr. Unbreakable. And yet, Mr Bruce Willis performed better in this movie than "the Sixth Sense"> But Haley Joel Osment is really good on acting in this movie.... And among the 3 thrillers, "the Signs" seem to be ..... (isn't it?)
Today, I watched "the Lords of the Rings: the Two Towers" by J.R.R. Tolkien, which is even better than all 3 talked above. And it shows courage, it shows contradictions, it shows the brightness and the darkness. But, you know what, the more mysterious thing of that movie is that I don't know what's mean by ' the Two Towers', as I only saw one, not two! And among the casting, the story, and the photography of the movies I watch, I will also enjoy even better if the background music is good enough. In this way, "the Lord of the Rings" win all.
Yesterday, I watched the documentary called "BBC Profile" on Saddam Hussein, by John Simpson too.
From, that, I could see how evil human beings can become and how cunning can human beings does. It's really horrible! Really don't want any one named Saddam Hussein, named Osama bin Laden, named Arvil Sharon, named Kim Jong Il or named George Walker Bush would directly or "accidentally" destroy our lovely living 'treasure', the Earth, just like what "the dark Lord Sauron" desired to do onto the Middle Earth in the trilogy by J.R.R. Tolkien, "the Lord of the Rings" ... really don't want!!
and quite a lovely and interesting fact is that beside directing, M. Night Shyamalan has also co-written a movie called " Stuart Little" which was really a good movie for all ages! What a lovely movie, isn't it?

>>January 13, 2003 at 10:59:42 AM GMT+8

2003 年 1 月 11 日 星期六 【陰】

"............................................................................................
無需落寞又絕望欠快樂 無需愁眉鎖 我與你一起面對它
人尤如陽光 如運動家 我發覺天天也是夏季
無驅無束 望著我的午餐 原來就是這般簡單! "
..............................................................................................
ps:如真能抱上述態度做人! 可喜!
ps:石器天王,你好野! 唔見o左半個鐘!! 可惡!
ps:今日空氣污染指數其高!! 勁可惡!!
ps:考試仲顧住打機... 可怒!
ps:係又開戰...唔係又開戰... ... 可恥!
ps:偏偏曾有機為和平帶來曙光的人卻大都不在人世... ... 可哀! 可悼!
ps:地球日益暖化... ... 可悲! 可惜!

>>January 15, 2003 at 2:12:22 PM GMT+8

2003 年 1 月 10 日 星期五 【陰】

【寡人今日很無奈】
頭先login o左大大話話有幾十次先入到o黎
而近日雖則話日日太陽晒正頭殼頂,不過其實跟本就一D都唔好天
仲要差不多日日過黃金架la ... 都見唔到 (對岸o既) "藍天海岸"
o黎緊有一排都唔駛過o個便,咁就有排都見唔到lu...
銀包爛o左,阿爸個老 媽子又就快牛一,偏偏班小朋友差不多個個同寡人"手羅"大假,荷包乾水...
去完個石器天王度番到屋企又咩都冇心機做 ... ... ... ...
又 ... 唉 ... 無奈! (好怕好怕失去如此這般的一個朋友呀 >.<)

>>January 11, 2003 at 4:58:51 PM GMT+8

2003 年 1 月 9 日 星期四 【晴】

"... ... ... ... "
'擁有命運 給我驚喜 不知道也添顧慮 忍痛話別但心裡非傷 只知道 "... ... ... ..." '
昨晚無意撥通一通電話 ... 得到的"回應"卻是 一段不知熟真熟假的'電話錄音'
令寡人驚覺 一段友誼會否就此失去 ... ... (只是三個月的時間 ... 寡人可不想這就是所謂的'結局')
交往不到半個月 其實兩人已慢慢發展成好友 (至少自己是這樣想), 她可是一個很可愛,很(表面)開朗 (內心卻應該很沈鬱的女孩子),很堅強,和她聊很開心的,而為了答謝/純因大家是朋友...她每有請求也會無條件付出,不計較要花多少精神和時間,寡人亦會盡量幫她 (而自己亦能藉此'訓練'寡人naive的PC/IT知識,加上寡人自九月已變成夜鬼一名,此舉真可謂一舉兩得) 幫佢其實等於幫自己o者,,加上自己向來都愛幫人 (from爸:"幫到人就幫", 童軍:"日行一善"/ "先顧別人才顧己",這些格言一直放在心上,其他好友發現不到,對他們和寡人自己亦實乃可惜! 可惜!)
真希望我倆之間只存著誤會,雙方日後還是朋友 (說真的,寡人真希望有個咁樣的妹妹!為何只些少要求也無法達到...) 真希望我倆,與及寡人與寡人的所有之間的友誼絕不只是"... ... ... ...", 而是永遠擁有
因此,寡人昨晚本來想一點就寢的,但因為這事而睡唔安(結果,就看BBC World Breaking News至三點幾 ... ...)
寡人之母前晚發了個"惡夢",話說她夢到：數月後不知怎的,去印尼的機票只得一張... 但寡人仍是堅持要去,死都要去,媽說寡人人新路不熟,點得架,但寡人依然是那麼堅持著,媽遂只好替寡人飛個靚翇才出門 (但又不知怎的)叉電器竟中途斷電 ... ... 媽遂只好著寡人到樓下自己搞點 ... ... (到此,媽媽就驚醒了) 如果,夢真的是那麼神奇的話:你估寡人會否真的能順利(如期)於今夏到印尼拜祭媽那"... ... ... ..."的家父 (那寡人素未謀面的外公) 呢?
另一方面,因年近歲晚... 媽今午到樓下電髮,並迫寡人陪她一起,陰謀地命理髮師把寡人有機留長的("... ... ... ..." 曾是擁有的頗長)頭髮毀了... ... 最可惡的是,不論是那理髮師,或是爸絲二人也聲稱新髮型較好看 ... .... 冇陰公!
而最冇陰公的當然還是有可能失去那"... ... ... ..."的友誼 ... ... ... ... ... ... ... ...
"... ... ... ..."
'曾在午夜沉醉 一切多麼的美好 無奈我在慚愧這欺騙 擁有命運 給我驚喜 不知道也添顧慮 忍痛話別但心裡非傷 只知道 "... ... ... ..." '

>>January 10, 2003 at 11:43:24 AM GMT+8

2003 年 1 月 8 日 星期三 【晴】

【認命】
土耳其一名曰Diyabakir的城市昨晚發生空難...至少冇o左成七十人,可真冇陰公...
還記得前年年尾至去年初,土耳其亦出現罕見大雪,亦冇o左好多人,當中亦很可能包括寡人一名曰"pepper"的網友... 因自大雪後,寡人便與這位Istanbul的年輕工程師失去聯絡,從此 音信全無 ...
日前,南太平洋亦出現了罕見的超級颱風(Zoe)吹lum了所羅門群島其中兩個名曰Tikopia和Anuta的小島上的所有民居...
天災人禍和失去友人 ....寡人對此,除感惋惜外,只能歎句:"認命"
要認命不是因為要甘於命運 ... 不是因為"命運"無從掌握/無法改變,而是,既然已發生了,做啥也改不了 ... 那便唯有'認命'
當然,包括我們港人有華若此 ... 亦只能認命....
以下有一'笑話'
話說神棍近日忙於買新電腦 ... 佢阿媽要佢自己搞掂,故他便不得不左度右度 (一字記之曰"慳")
而寡人又發覺記錯了烏蠅仔的糧餉為七十元 (應為八十元),加上其媽媽又忘了今週給寡人支票
寡人因此便對他說"嘩,下個禮拜張支票應該個千lu..." 神棍即答曰:"咁都唔夠買條'512'(Mb Ram)la"
寡人:"512? Levis 喎!,駛唔駛呀..." 神棍"唔係呀!!"
跟住寡人又同佢講番阿烏蠅仔以前個補習miss都幾'好野', 叫晒成班小朋友一齊上佢屋企補,收一百蚊粒鐘,仲冇個半鐘唔駛走... 寡人遂問神棍,咁計法...一個月幾錢? 神棍"三千 ... 嘩!!三千喎!"
寡人:係law,如果係我,咁補一個就唔駛補lu,而家我五個都冇四千喎!"
神棍"咁叫佢地加人工丫!" 寡人"邊個加俾我呀? 你加俾我牙!" 神棍"咁我叫阿媽加俾你丫,一千蚊一個鐘丫...咁你未好正?!" 寡人:好喎!係咪先?" (註:不嬲係一百蚊個半鐘) 寡人:"咁就好咯!一個禮拜三千,一個月萬二,仲好過做寫字樓喎! ^^"
咁到走o個陣,佢阿媽俾(得o哥)二百 .... 寡人遂對神棍說曰:"乜唔係三千咩?!" 神棍: " ... ... "
o拿!o拿!o拿! 呢D就叫命水喇 唯有"認命" ...
不過咁,寡人深信(唔計日後通漲,*從前一個'斗零'可以做好多野 ... )經濟好番之後,大把人都得o既 ...(搵一千蚊一粒鐘) 寡人初出道時,時薪半百都冇,家陣都接近一百 ... 有希望o既(香港)
家陣都有唔少人做到丫 ... (律師la,CEOla,高官la,仲有撈偏門o個D la,醫生就更加唔駛講la)
而寡人ma, 都有機o既... (心唸... 通漲o個陣) ~ 雖知道吾對搜挖民脂民膏無甚興趣,不然,點會唔讀商而走去讀老年學先得格 老年學一樣可以出頭o既o者! 你估你唔會老咩 ... 人人都會老!
都係o個句:"認命!"

>>January 9, 2003 at 6:14:38 PM GMT+8

2003 年 1 月 7 日 星期二 【晴】

昨晚太夜訓,皆因上網mon住貝里雅同殊仔發表演說 ... 一個講會否誓死相隨世界警察的行動,一個則話有咩方法刺激佢o既本土經濟 ... ... 掛住聽 結果今日都唔知醒 (不過其實都一心唸住唔去)
呢招叫做 ... "破釜沉舟" ma ... 寡人讀得gerontology就真係一心gerontology 架喇 ...
不過咁,人地話 '薑愈老愈辣',何況係"本地薑",就(應該)更家唔駛講la...係咪先呀?! 之不過咁,今日個懂白伯就真係唔係好得,大聲夾冇準,得個講字,估唔到遲o左三個月交份"功課"都係咁...
你估真係減人工就可以減財赤架喇... 最仲要係搞番起個香港先得架大佬呀!!
算la,命水唔好,要對多你成五年,五年後做番個全職好爺爺吧,呢份"工"o岩你d,
你睇你d頭髮都白晒,想搵條黑色o既眉毛都冇呀陰公! 希望呢五年可以好過D! (大家咁話!)
而五年後,希望寡人o既[MAJOR+minor 合併計劃]亦可順利推行/稍有眉目 ... ...
but first, I know I must try my best to do even "better" in the coming future as well as my whole life!
But how about that Mr. Chee-Wah, he knows it or not?
but we all know the truth is that (in Chinese) : "佢掂邊瓣就衰邊瓣" 應該點樣? 唔駛講掛 (心照la 下ma~)
今日係咁!
琴晚收到消息知道自己GPA係咁樣o既時候 .... 對下列o既歌詞 與及 有機角逐今屆最佳男配角o既杜文澤之身世並奮鬥經歷甚為感觸 ... ...
"快快到終點 才能知道 又再回到起點 從頭上路"

>>January 8, 2003 at 2:27:06 PM GMT+8

2003 年 1 月 6 日 星期一 【晴】

(屍正報告前夕之) [生意難做 / 世界難撈]
明明放假放到廿號o家ma! 點知班'小朋友'放完假就好似自己放完假咁 ...
好彩 上晝都有得訓o下 阿神棍又識做o者(佢都考得唔差呀,係衰科Maths就真係有點兒那過 ... )
不過,家下咁o既環境又有咩好怨丫 ... 早幾日條牟利上o黎"痴"餐,驚D水餃唔夠食-->阿媽遂命寡人落街市買幾個麵餅都唔知個市真係咁唔得 ... ... 三塊白糖糕都係賣o個五蚊,(唔足料)'鍋貼'一蚊隻,寡人遂同老闆講"D白糖糕仲平過細個o果陣時" 佢就答"緊係o拉,而家點同呀...D o野愈來愈平架喇 ... "
(＊好懷念從前會o向走廊會 聽到 "剷刀磨鉸剪,磨鉸剪剷刀" 聽到"白糖糕,西米糕" 仲有豆腐花,芝麻糊添bor... ... 而家真係冇晒d上樓叫賣lu,有上樓都係S息A較有線,轉上網/電信公司,摩門教,收買佬和派傳單 ~ 都唔明點解有"護衛"都可以'漏'到呢D人上o黎......寧願佢"漏"d賣野食o既上o黎呀 ~ 不過點同丫,以前*10幾年前*兩三蚊件白糖糕,西米糕,阿爸阿媽都有本事下下請寡人同阿妹食... 而家就街市五蚊三件都未必有人買 ... ... 世界～真係唔同咯) ~註:寡人都有支持本土經濟架,成日行街(返學/補習)都有買下零食架 係又買,唔係又買!
白糖糕如是,白米如是 ... ... 一月一日開始,白米入口商可以包起晒批發同零售,實行一條龍服務,仲開放市場 -->即只要有錢,就阿水阿茂,阿豬阿狗都可以做入口商,令傳統米行的經營手法變得姐手姐腳,家上又冇人肯接手,肯變,傳統米行勢將式微... 情況好不樂觀! 如果遲o下打仗或本地人心惶惶就有好戲睇lu... 因那些新經營者大可囤積居奇,借機發市 ... 簡直冇王管 ... ...
明日屍正報告又可能(應該說是肯定)會宣告大幅削減福利開支 佢一日唔死 ... 就真係 (o下)
其實寡人已很好了,冇咩好怨! 起碼第一件事唔係雙失,又有書讀又有錢搵 有咩好怨 ... 如果佢地博命加鐘,自己又應付得來的話 -->分分鐘好過個office boy!
在此 期待聽日份屍正報告 ... ... (希望點? 大家心照)
ps:是晚臘月初五日,抬頭見燊悅,好靚,好特別 彎彎的,還有點像香蕉船 (Isn't it Wonderful?)

>>January 7, 2003 at 2:39:07 PM GMT+8

2003 年 1 月 5 日 星期日 【雨】

[突發新聞]
96年7月29日,香港,甚至全世界曾經報導一宗"突發新聞", 該新聞可是一宗開心的,值1可喜可賀的'大新聞'... 乃係香港首面奧運金牌'誕生的日子 (雖則話寡人不大喜歡該位金牌得主,而且仲要遍遍選正寡人牛一 .... 但始終此則仍算是正面的)
可是,近日每當寡人半夜開著NOW.com收看 BBC World 時都會看到突發新聞 : 甚麼殊仔已準備好出戰行動 (出戰與否全視乎那'中東魔頭'的意願) ... ... 甚麼法蘭克福有人騎劫小型飛機在該市上空盤旋 (目的:自殺) ... ... 甚麼邊度邊度又有恐怖襲擊 (琴晚o向Tel Aviv的連環自殺襲擊就香o左最少兩打) ... ... 甚麼甚麼第n個複製人在邊度邊度出世 ... ... (雲生今晚又講複製人lu)
唉! 究竟呢個係咩世界呀? (北韓又話解禁核設施)
香港都唔好得去邊... 又車禍 又話堆田區o個D...下ma...(冇陰公) 又凍到咩咁... (今晚呢處最低可能只得３度)
不過,寡人都有D事算幾開心o既又... 搭車去黃金o個程雖然o向置樂等521等到打冷陣,不過走o果陣有黃太車我去吳C度(多謝晒!)
而歷經一月,hereisnewyork.org 那"5702"張相將於今晚完成所有download程序 總算了件心事...
但尚有一件心事,搞o左成兩個月都仲係咁樣 (但寡人真的唔想此事就咁 "係咁" 喎 ... ... ) 好無奈!

>>January 6, 2003 at 4:31:19 PM GMT+8

2003 年 1 月 4 日 星期六 【晴】

[續"有病"]
有病o既其實仲有地球先生, 全地球o既天氣好似反常咁!阿Zoe吹'lum' o左所羅門群島之Tikopia 同 Anuta 兩島的村落 ... ... 冰封長江 ... ... 四處大旱大雪 水浸 等 ;簡直不勝枚舉 !
有病o既仲有o個D處理"標本"o既有關人仕la ...... 大佬,有菌架,應該拎去土葬/火化o家ma! (始終唔信o果d係標本 ... ...)
說到有病 ... 當然唔少得o個d製造"複製人"的人/公司 ... ...
【複製人】
第"二"個複製人已於日前於北歐出世,其生母為一荷蘭籍同性戀者 ... ...
該公司聲稱" 人類 "其實根本就是外星人的複製人,就算係咁又點,係咁 我地就要走去複製人喇咩o下! 雲生都講過o下類似o既言論,寡人仲相信其實所為o既神其實係外星人,,,寡人絕對絕對會BUY呢個point,皆因寡人心唸,宇宙之大無奇不有,點解唔可以(曾經)有(超)高智慧生物造訪地球,並對我們(的先民/祖先)傳授知識呢? 而又正因為他們(那些外星人 / 天外來客)太先進太聰明 因而被我們仰慕 並奉若神明 ~ 如果上述推斷皆為正確的話,那麼 ... 其實在＜聖經．創世紀＞中已提到我們的祖先(阿當,夏娃)乃上帝複製出來的 ... 那麼人類(的"祖先")不是'複製人"是甚麼?!
而又據說其實所多瑪,蛾摩拉兩城其實是(高)科技之城...之所似被'上帝'所滅是因為該兩城的 人民欲當自己是上帝 ... '上帝"自然就唔肯過佢地-->一怒之下就用天火(據說'天火'可能就是核彈)把二城毀了! {寡人因相信上帝是外星人,因而亦相信不同宗教所信奉的"神"都是同一(群)'人'}
1917年,歐洲有三名小朋友親見聖母顯靈,並對他們說了好些預言,後世稱為"花地瑪" (Fatima)預言
預視世界沒日的情況和先兆 ...... 該三名"小朋友"現只有一人尚在世,她為決定不再守口如瓶,決定出書將花地瑪預言全數公諸於世 (該書的英文版應可望在今年內面世,寡人必買...) 愈快愈好,因寡人,甚至全人類也未必等得切(若世界末日真的將臨的話 ... ... ) 民間流傳的版本 各位可自行online到Radio2找找雲生的錄音/ 或到http://community.she.com/messageboard/index.cfm?bdid=28&topic_id=257350睇睇
而寡人生怕的是... ... 現今所見的複製人事件正正代表人們又再一次充當'上帝'... 若因而激怒上帝/外星人的話...那是"自取滅亡"之行... 人類或將因此而遭滅門 ... 值得嗎?
還 據說, 666 這魔鬼(撒旦)密碼/代號 其實也是 天外來客 ... ...
宇宙之,其實人類可真十分渺小 應學懂 珍惜和尊重身邊的萬事萬物 ... "複乜鬼野製人呀？" 上次個夏娃被安排在聖誕後翌日(剖腹)出世擺明係玩野...擺明當正自己係上帝 .. .. ..
那邊箱,那殊仔又.... 唉! 人類! ... ...
ps:熱切期待"花地瑪"(Fatima)預言的中/英譯本聞世... ...

>>January 5, 2003 at 1:53:54 PM GMT+8

2003 年 1 月 3 日 星期五 【陰】

【有病】
寡人 應該病o左lu!
不過 幸而也仍能替三位人兄補習... 其中一位還牛一 (送o左本 ＜TIME (special collector's edition) Person of the Year 75th Anniversary Celebration ＞ 過佢,好書o黎架,寡人自己都有本,仲用o左99個大洋! 今暈仲有折上折 (可謂物超所值) 仲買o左個聖安娜雞批上去 ~ 好食到丫!
今日仲睇埋 史提反sir o個本 "鬼故事解碼" 抵死, 信不信由你,所有鬼神之說皆可用邏輯學,心理學,生理學,潛意識等去一一道破! (好一本反迷信 反反智的讀物 ... ... 值得一看)
不過講病都唔及佢地三個病 個壽星仔仲夠膽到 感冒仲飲汽水 (on "rocks")
之不過 佢地都唔及花旗國元首病,係要打人地中東個鬍鬚佬 (話打唔打就睇阿鬍鬚佬就呃你o既o者!) 都唔知博乜, 到頭來好似捉拉登咁 (得個桔) / 賠了夫人又折兵都無謂拉 ... (係咪咁話)
寫日記之際 (當下)BBC播放緊佢o既Profile (一路襯住John Denver o既音樂,好爽! 不過卻更令寡人想起那元首的種種 ... 在阿拉斯加建軍事基地,破壞natural landscape 等 著實太可惡,無恥 ! 加上動不動就話要打仗 (佢先至係恐怖軸心) 好病!
但又 似乎唔及 香港單肢體發現案病 ... ... 一來為何那些殘肢不在垃圾站或肇事地點發現 而是在堆田區 ... ... (除非堆田區就係案發現場) 二來今日新聞仲好似話發現o既殘肢竟然(似乎是)屬於三個人 ... .... Horrible, isn't it? ~ 如果話o果D係標本就打死都唔會信...
近日,香港都好病 (或者叫做唔知撞咩鬼) 日日撞車 朝早屯門公路 有八車連環相撞 青山公路亦因此而間接塞了好幾個鐘 *同壽星仔搭車走又再一次走了兩班521都唔見一班52M,不過就好多Van仔 ... ...*
琴日上BBC World, 除了見到現場直播 殊仔在德州軍營 發up瘋外
發up瘋的還有Regina Ip,佢對BBC記者話 未見過/聽過有外資或銀行資金會因為Article.23而在 臘髮後流走 咁話 仲話都見幾多"(港)人" 支持臘髮廿三條 ... ... 有病!
個天氣 (即香港的環境本身) 亦有D "病" ! 不然...也不會連戲幾次o向黃金補習,望過"對面海"(大嶼山) ~ 都唔會見唔到 "藍天海岸" la ... ...

>>January 4, 2003 at 2:16:36 PM GMT+8