2004 年 8 月 28 日 星期六 【晴】

今日又比斌仔個電話嘈醒....不過都係朦朦朧朧～都未訓醒果隻～之後成12點先訓醒...超正！
都有d驚....因為我冇聽到個電話～斌仔會唔會嬲呢=.="下次解釋又煩～唔通話佢知我唔想番咩～
之後做埋last果篇eng同埋phy....phy最尾果兩三篇都好難～唔知佢up乜...="=so唔做lu～
3點幾果陣～業黎左我屋企借math功課走～haa...佢勁la～咁有誠意去埋我屋企,我冇理由唔借ga ma～
=v=之後呢...睇下衝上雲霄～無無聊聊過左個晏晝～唉...如果暑假長d,繼續無聊d又有咩所謂～
食完飯睇陣果d區議員選舉對質～佢地好鬼死白痴....之後有兒歌...睇到呆左～而家ｄ兒歌真係.....
德營打比我.....問我今日做咩唔番wo～="=又叫我下次一定要番...踩單車改下星期...我唔想去a點算??
奧運今日正式完結lu...恭喜中國又多幾面金牌～不過而家tv都冇咩好睇...夜晚好悶咁la～
玩下icq....都好眼訓lu～仲有兩日jar....好感慨咁....唉～玩埋聽日la～聽日真係最後....haa～=.="

>>August 30, 2004 at 1:31:18 PM GMT+8

2004 年 8 月 27 日 星期五 【晴】

琴晚傾電話傾到點幾鐘...今朝一樣9點幾起左身lu～10點出門口.....
出去拎校裙～好黑仔...唔知比邊度個櫃"戒"親隻手....開頭以前冇事,得個痛字.......
點知隔一陣d血就出...@@"shit....之後去左萬寧買膠布～上博多度搵ling....
但博多仲未開門...我地就去左百份百食lunch～今日陪佢出屯門睇下書包.....
開頭係果間Laosmiddle都睇岩ga la...我都睇中左個袋～諗緊買唔買....但我上個月先買左個袋...=.="
同ling周圍行下..食左杯雪糕～但之後先發覺整污濁左件衫.....shit～之後隻手又紅晒咁樣.....
出面落去～去唔到另外果邊商場行tim～行到兩點幾la...停雨就過去～順便經過現代,睇下補習d資料....
再過左富達果邊商場行下....呢度d衫冇以前咁靚lu～冇乜野好睇～好快行完～出番黎又落雨la～
等左陣就番去市中心買袋～ling買左果個lu....我諗多陣都決定買la～haa.....=v=
之後番元朗...又去左生活知味食下午茶....兜左陣就番屋企lu～唉...仲有3日就番學～唉........

>>August 28, 2004 at 4:13:14 PM GMT+8

2004 年 8 月 26 日 星期四 【晴】

今日唔知幾點起左身...之後唔知幾點有人打電話黎～係豪黎....哦～原來有好消息～^^"
恭喜佢入番5M！學校比番個位佢la～hahaha....佢好開心咁a～我都"鄧"佢開心丫～
之後對住部電腦呢....=.="講左幾多次呢...激死我la～玩野咩...不過又係我有dd唔岩gei～
唔知幾點開始就做功課la....做左好耐咁～因為一邊玩icq...仲有整下d相.......
d英文查字典超麻煩...答完問題又要作感想....好彩有人幫我計下d唔識gei數ja....唔該晒wo～=v=
唉.....希望快d做晒d功課la～好鬼煩ga...咁多功課....shit...仲有4日就開學..../_\"

>>August 27, 2004 at 1:09:09 PM GMT+8

2004 年 8 月 25 日 星期三 【乍寒還暖】

=.=唉...今日做功課la...同埋對左陣電腦la...煮野食la～食完就繼續做功課......
唔想做a.....好鬼煩ga～d暑期作業做淨dd long.Q～做左少少past paper...仲有英文....唉.......
好鬼無聊.....好想出街～暑假只係得番5日.....諗起番學gei日子...就傷心...唔想番學～/.\"

>>August 26, 2004 at 12:47:42 PM GMT+8

2004 年 8 月 24 日 星期二 【晴】

今朝比阿媽嘈鬼醒左...佢出去拎位先～我抖多陣就出去同佢飲茶～
飲完就行街...陪佢買野....我都揀左對番學鞋～=.="but要訂wo..過兩日拎得ga la～
之後再陪阿媽買呢樣,買果樣.....兩點幾就番屋企lu～原本諗住做下功課......
之後諗住打埋琴日果篇日記la～之後入番d相,send黎send去....仲玩埋icq～又唔捨得做功課～
到5點果陣又唔拖唔水...冇晒mood做～haa....之後臨食飯做左陣～食完飯都做左陣～=.="
睇下電視...仲有手同眼都離不開部電腦～今晚要早d訓先得～聽日要為我d功課加油！

>>August 25, 2004 at 3:42:31 PM GMT+8

2004 年 8 月 23 日 星期一 【乍寒還暖】

呵呵....估唔到可以完成暑假gei最後一個心願～今日去海洋公園a！
如果我唔去,就要等到出年會考之後ga la～hemi又叫我陪佢.....是但la～就去la～=v=
今朝8點醒左...出去就係seven搵佢地～有hemi,ip ka yan,bei,roza,肥斌,峰同豪.....總共8個人～
搭巴士...金鐘再轉車～去到果陣10點幾....搭左條好長gei電梯之後第1站玩越礦飛車～
hemi好鬼驚...排排下隊又話唔玩～之後7個人...有一個人要自己玩～峰抵死丫～要同個...坐～haa....
第2站玩海盜船....玩左兩次～第1次...hemi個樣好鬼驚～不過第2次唔驚la～^^"
之後跳樓機又係玩左兩次～呢頭玩完,果頭就落大雨...我地就入餐廳度避la～等左好耐下a...
停雨就食野la～佢地食m記...我同hemi就食番果間餐廳d野～食完搵佢地～
之後行左唔知邊度...去果個魔幻森林...有好多鏡～好難搵到條路.....我以為係鬼屋咁有d野出黎嚇人～
行果陣呢,又有d驚la...=.="仲比峰同豪嚇...我頂丫～行完先知冇野嚇～就比佢地笑我頭先個樣～\_/
搭攬車去果邊....有3d影院～攪錯a套戲仲未轉....呢次睇第3次～不過是但la影睇～

睇完就去夏水禮果邊～見到d小朋友玩泡泡....仲有沖身沖到好正咁～有度玩水槍呢....
佢地諗住玩...其實我都有d想玩～但又驚濕身同埋d水入到隻眼...我隻眼未好番ga ma～
之後佢地玩左一次～峰成為被射gei目標～kaa....出番黎就想玩第2次～本來我都係唔玩～
but佢地臨入去果陣～搵水射我....="=過份丫～都濕左少少唔差在la～我又玩....haa～
呢次都係一樣...個個都淨係射果個～玩完出黎濕晒～之後....唔知邊個話不如玩泡泡果度～
我地係第１班帶頭入去玩泡泡...算比較大個gei一班人～勁正～好多泡泡....成身都係～
我記得一入去果陣,想推跌人la...點知自己仆左落去～豪勁笑law....之後唔知邊次比峰kick低我～
仲食左d波入口...好辛苦～@@"之後玩完出黎影相～沖身....再玩多次！haha.....好好玩a～
我地臨尾抱一大舊泡泡走...之後影相～沖完身....我地就影相～大合照之類～
有個女小丑～搵佢影相la....一齊扮果d動作～yan威威司令,豪係樂天豚長,肥斌係占士鯊,峰係小鸚雄～ha...
之後吹水wo...佢又一邊扭波波比我地～佢把聲好頂癮...haa～講咸濕野果陣就唔掂la.....
差唔多...都六點～我地影完相就走....本來想買件衫換同拖鞋都冇買到～好貴a.....
之後行la～去左d唔知咩館咩館...有個3d森林la類似...冇咩野丫～不過....臨走果陣.........
有條蛇....之後唔知邊個嚇我～之後...又比人笑....shit～行到好累a～臨走去廁所la....but出黎又落雨lu～
真係麻煩...好彩冇買到衫jar～因為果陣又再濕晒la....我地衝去上巴士～好累...好濕...好凍～
番到金鐘再轉巴士....之後架車唔知點解好少人～佢地除鞋睇下...嘩好核突～白晒,仲有巢晒皮....
我同婷婷有時吹下水....好快就番到元朗la....豪同欣都話唔食野～咁我地六個去左嘩鬼～
成9點幾先食飯....食完hemi同roza都走先....我坐多陣,都覺得好唔舒服想快d番去沖涼～都走lu....
門口度搭的士...番到黎即刻沖個熱水沖～11點幾就訓lu....呢次慘la～隻右眼又撞左.....

仲有岩岩好一星期...就要開學la！玩夠lu...要快d趕埋d功課佢....haha～不過今日好好玩～

>>August 25, 2004 at 9:41:14 AM GMT+8

2004 年 8 月 22 日 星期日 【晴】

成10點幾先醒....阿媽打黎叫我出去飲茶～試下元朗西鐵站果間....
之前都唔知有間茶樓係西鐵站入面～果度唔會話太多人la～d野食都ok gei......
食完行左陣～蛇同婷都call我...問下今日點～我都唔知～=.="我諗自己去掛～
今日係last一堂整玻璃～改左兩點上～我同媽早去左,到葵涌仲行左幾個字街先去果度.....
撞到蛇一齊上去～點知佢地一個都未到......婷過一陣上左黎～連文詠如都早過miss....
打比miss,佢老公載佢黎不過蕩失路...大連排道好多個路口～佢都隔左好耐先黎到～
今日其實冇咩野整...只係cut番岩個"帽"size gei玻璃～可以唔同色...好想快d睇燒完出黎係咩樣a～
4點幾都整完...miss就係咁問阿sir野～我影下相...差唔多就同媽走先～諗諗下都係番元朗食野～
係西鐵度訓著左tim...好眼訓～番到新元朗中心～間餐廳仲係tea time就食個飯....都幾夠飽～
就番屋企lu～叫婷婷send棟篤神探比我～再自己download番....沖完涼就睇得lu～好野！
睇到我又喊...又笑...又喊.....唉～好慘a～明明喜劇都有個咁gei結局....莫作棟死左...真係好陰公～

>>August 23, 2004 at 1:05:45 PM GMT+8

2004 年 8 月 21 日 星期六 【晴】

琴晚發左個惡夢～唔記得咩事...總知比人追咁～係咁逃走....呢類夢之前都發過唔止一次......
8點9...其實比個電話嘈醒左～我冇聽到...都估到係斌仔ga la～打完手提打屋企.....="=
都冇聽到....之後同左阿媽出去食早餐～當然打番比斌仔話我頭先聽唔到電話～
以我隻右眼作藉口....要睇醫生a果d咁就唔番得la～個心都唔想番...就同媽去左間茶餐廳食.....
果陣波波call我,原來佢今日番～之後....傾下...我本來約左美玲食lunch ga ma～又唔知點好～
食完早餐同媽行陣～撞到小學同學陳卓延...唔知點解,每次見到佢都有種特別gei感覺～攪笑！

行到10點幾...媽咪就要走lu～我就番元朗廣場兜下....call下周情婷～佢出黎陪我a～
本來我都唔諗住去唱k ga....咁今日係梁善儀生日...其實我同佢唔熟ma～=.="
不過婷婷叫我去埋la...加上冇番教會～都就丫～之後我同婷婷就去green box拎房.....
梁善儀就出黎...仲有陳鎮鴻,陳建業12點果陣都過埋黎唱kk lu....haa～我成個月都冇唱過la～^^"
佢兩個唱歌好攪笑咁～我覺得陳建業唱果陣把聲有ｄ似楊家樂....姐係音樂比賽"一舉"成名果位呢～
仲有....我同婷婷唱鍊金術～"原來暫時共你沒緣份,來年先會變得更合襯...我都會等！"
婷婷我等你出年番黎a...haha～之後佢同鴻都好肉緊咁唱十面埋伏～"只差一點點..即可以再會面"
repeat之歌....希望我出年唔洗唱...唔係希望,係我一定唔可以唱ga！我一定要升到...呀........
唱唱下..我同鴻傾起關於4M gei野～不過應該係出年5M先岩....你放心la～我會睇實你～-.-"
婷同業都講埋一份...4條友係度勁講理科～激死梁善儀...之後我地繼續唱番歌...佢無端端唔開心咁....
3點果陣我地就唱完走～可能係頭先個k lunch冇乜食野...有d肚餓la～我同婷婷,善dee就去大快活食tea～

食完行陣...搵番鴻佢地之後～都大約5點...去買野食先～今晚bbq....買完野食就搭輕鐵去屯門.....
蝴蝶灣～嘩...又係64號爐～我生日果日都係a～haa....婷婷買番左個佢之前一樣gei西瓜沙灘波玩......
業同鴻起爐....當然都係唔多成功～隔離爐叫我地夾ｄ燒紅左gei炭過去用....掂左lu～
之前聽善dee話有堆識gei人都黎左蝴蝶～估唔到果堆人之中....琪琪都有黎ｗｏ～haa.....
真係好出奇a～^v^之後燒燒下果陣佢仲買左支甜筒請我食...多謝多謝～
不過我超唔好意思....=.="我燒完貢丸想比佢食la....先醒起...佢唔食冬菇...sor a～
之前諗過淨餘gei暑假,係想唱多次k,打多次麻雀仲有燒多次野食...今日一次過完成左3個願望～haha！
除左燒野食....係善dee度拎左麻雀黎～強！燒完果陣....我同婷婷落左沙灘傾計～坐係沙灘好正～
之後上去有野睇～上番去la.....唉～覺得果d人..真係有d過份～洗唔洗咁丫....當然呢度唔方便講咩事～
都食飽晒就拎ｄ麻雀出黎～好正a....@@"我地搵d校簿黎墊住打....d校簿本來係善dee唔要,比鴻ga....
家下用黎打麻雀～kaka...好攪笑～最後羸左十七蚊～我打左一陣jar....我諗5鋪都冇～
因為鴻有兩三鋪幫我打～11點幾果陣我想走ga la....之後唔知點樣好咁la～婷婷想陪我番去.....
但果陣係好唔好意思走...佢地預玩通頂～當然得我地兩個唔係咁諗.....講黎講去左一陣....
大約12點果陣我同婷走lu～覺得好衰咁...不過....=.=真係想走ma～搭輕鐵番元朗...我地好多野傾～
甚至一d....唔輕易拎出黎講gei野...都可以講～多謝婷婷～haa....我地再去左b仔食糖水～
我就搭的士番屋企....1點半番到黎～沖完涼都好累lu～睇下奧運,等個頭乾就訓...我要訓番多d a！

心酸.............

>>August 22, 2004 at 6:47:04 PM GMT+8

2004 年 8 月 20 日 星期五 【晴】

發左一個好好gei夢....好開心～呢個夢...有一個happy ending！
so much for "my happy ending"....but..."don't tell me"....that's only a dream～
呢排聽番Avril Lavigne gei歌～十分正....＞v＜好夢總好過惡夢～即使只係一個夢.....
朦朦朧朧咁訓醒左....feel到眼右眼有d痛...oh shit！上次左眼,今次右眼？唉......
睇黎都係同上次一樣～不過未咁快腫....為左安全起見～決定一陣去睇醫生......
因為以我經驗...如果我過埋今日,隻右眼就會腫ga la...之後11點幾就出左門口～
劉偉強...你做咩仲開胃藥同止痛藥比我??今次都冇話痛～我唔洗a....攪到咁貴～="=
睇完醫生...本來約杰出黎but佢又食左早餐～咁call ling....原來佢琴晚搵過我,但我唔知～
好彩ja～ling就出黎博多同我食lunch...之後行街街～買野...我今日又好多野要買～
之後想搵地方坐下...就去左生活知味食下午茶～傾計傾左好耐～５點就走lu～
我又要買野la...but今次買私人野～-.-自己買...之後搭車番屋企...等車等左好耐～真麻煩～
今晚有呢個中國對香港gei男雙！香港輸左la..../_\"不過都好～有個銀軍～香港好野！

>>August 21, 2004 at 1:15:38 PM GMT+8

2004 年 8 月 19 日 星期四 【晴】

琴晚頂到成差唔多4點先訓...haha～今朝10點就比阿媽個電話嘈醒左～今日整證件...../_\"
之後11點幾出去...入朗屏去杰屋企拎番之前d簿先～唔該晒～之後出番元朗廣場～
等阿媽黎....就陪我去食野～then...去銀行..終於都取消番個戶口～原來我咁耐都冇加$入去....
之後轉銀行,申請過另一個戶口～攪掂之後...去左千色～迅打比我叫我打牌！引死我la.....
但係唔去得丫～之後要去整證件～又要影相...又要等wo....3點未夠就攪掂晒lu～
最後...去買書la～都係鐘意光明度買～不過等左好耐....太好生意la～好多人ａ～
買完書就買....今晚諗住食水餃～買完4點幾番到屋企....做功課+睇奧運～
好野a！香港隊乒乓球男子雙打羸左la又～超正....可以爭冠軍la～強a！haha.....
仲有..../_\"番到黎先知出面整唔知咩～冇水...直至7點～仲諗住出街食gei時候...有番水la！
先可以煮野食～haa....食飽飽～icq,睇電視...奧運奧運！今晚又有好野睇la～羽毛球！＞v＜

>>August 20, 2004 at 12:46:58 PM GMT+8